Lajmet

Durkee për 1999-ën: S’e dinim cilat ishin kapacitetet ushtarake të UÇK-së, donin pavarësi

Published

4 months ago

on

Ish-këshilltari politik i Wesley Clark, Michael Durkee në gjykimin ndaj ish-krerëve të Ushtrisë Çlirimtare të Kosovës, ka thënë se në kohën kur kishte ndodhur takimi mes tyre dhe Hashim Thaçit në mars ose prill të 1999-ës në Mons të Belgjikës, nuk e dinin se cilat ishin kapacitete e UÇK-së.

Në dokumentin që iu prezantua dëshmitarit, thuhej se në atë takim ishin Hashim Thaçi, Ramë Buja, Jakup Krasniqi, Xhavit Haliti, Azem Syla, Blerim Shala, Edita Tahiri, Mehmet Hajrizi, Fehmi Agani dhe Gjergj Dedaj, raporton “Betimi për Drejtësi“.

Dëshmitari tha se i njeh të gjithë këta emra, por që vetëm Thaçin dhe Jakup Krasniqin e kishte takuar.

“Të gjithë ata emra unë i njoh në kuptimin që jo si persona që i kam parë ose takuar vetë. Personat që i kam takuar personalisht kanë qenë zoti Thaçi dhe Krasniqi dhe emrat tjerë janë thjesht të dëgjuar dhe jo të takuar”, tha Durkee.

Në këtë takim, Clark sipas dëshmitarit po mendonte se deri në çfarë mase do mund të bashkëpunohej me ata.

“Ishin të gatshëm që të gjenin mënyra për të marrë mbështetje e NATO-s për fushatën ajrore për t’i rezistuar shtypjes serbe” i shpreh Durkee.

Kurse për kapacitete ushtarake të UÇK-së, Durkee tha se në atë kohë s’kishin ndonjë informacion të mirë dhe se nuk mund të bënin vlerësime sa i përket kapaciteteve të tyre.

“Në atë kohë s’kishim informacion shumë të mirë dhe se nuk mund të bënim vlerësime sa i përket kapaciteteve të tyre. Pra, nuk e dinim se cilat ishin kapacitetet e tyre ushtarake saktë. E dinim që kishin luftëtarë në terren”, tha Durkee.

Ai tha se ishte e qartë se delegacioni i shqiptarëve dhe UÇK-ja ishin të vendosur për pavarësinë nga Serbia.

“Ishte e qartë që ata ishin të vendosur për pavarësi nga Serbia”, deklaroi dëshmitari.

Mbrojtja: Durkee do të tregojë se dhuna e ’99-ës s’ishte e kontrolluar nga UÇK-ja dhe se Thaçi s’kishte motiv ta nxiste

Ish-këshilltari politik i Gjeneralit Wesley Clark, Michael Durkee sipas mbrojtjes së Thaçit, do të tregojë se dhuna e përhapur në Kosovë gjatë 1999-ës ishte spontane dhe s’mund të kontrollohej nga UÇK-ja.

Madje, sipas avokates Nina Tavakoli, dëshmitari do të tregojë se Thaçi s’kishte motive ta nxiste këtë dhunë.

“Udhëheqja e UÇK-së nuk ishte në gjendje që ta kontrollonte dhunën pjesërisht sepse emocionet e personave që u larguan ishin kaq të forta saqë ishte e vështire të kontrollohej dhe për shkak se UÇK-ja nuk kishte një linjë komanduese të fort. Sipas zotit Durkee, Thaçi s’kishte asnjë motiv që të nxiste dhunën nga ana e UÇK-së por bëri çdo përpjekje të mundshme për t’i zbutur rastet e dhunës sepse nëse do të urdhëroheshin akte dhunë sidomos etnike, kjo rrezikonte marrëdhëniet me ndërkombëtarët, me të cilët Thaçi e kërkonte që ta kishte marrëdhënien e mirë”, tha Tavakoli.

Ajo tha se Durkee ka qenë këshilltar politik për katër komandantë të lartë të NATO-s në Evropë për disa vite.

“Oficer i shërbimeve të huaja amerikane i cili është në pension i cili ka qenë këshilltar politik për katër komandant të lartë tëNATO-s në Evropë nga 1993-2009 duke përshirë që ka qenë edhe Këshilltar i Wesley Clark. E kishte përgjegjësi t’iu jepte këshillat gjeneralit Clark edhe oficerëve të lartë të NATO-s. Shërbeu si oficer ndërlidhës për ambasadorët e NATO-s si dhe me aktorët në terren në Kosovë”, tha ajo.

Ndërsa, për Thaçin dhe delegacionin e Kosovës në Rambuje, Tavakoli tha se Durkee do të tregojë se ai dhe gjeneral Clark krijoi përshtypje se UÇK-ja dëshironte pavarësinë e Kosovës por nuk kishte një strategji të qartë ushtarake.

“Në kuadër të përgjegjësive të tij, zoti Durkee ka marrë pjesë në një takim në mes gjeneralit Clark dhe delegacionit shqiptar të Kosovës në Rambuje ku ka komunikuar me zotin Hashim Thaçi. Gjenerali Clark dhe Michael Durkee krijuan përshtypje se udhëheqësit e UÇK-së donin pavarësinë e Kosovës por nuk kishin një strategji të qartë ushtarake. Nuk kishin mundësi ta realizonin këtë qëllim”, tha ajo.

Avokatja Tavakoli tha se Durkee do të tregojë se lufta e përhapur në Kosovë pas konfliktit ka qenë më shumë një reagim social spontan që s’mund ta kontrollonte as KFOR-i dhe as UÇK-ja.

“Zoti Durkee do të japë komentet e veta lidhur me dhunën pasluftës që gllabëroi Kosovën në verën e 1999-ës. Sipas tij, ka qenë një reagim social i cili ka qenë i shtrirë gjithandej e që nuk mund ta kontrollonte as KFOR-i dhe as UÇK-ja. Nuk ishte e koordinuar nga lart, por një reagim spontan i motivuar nga dëshira për hakmarrje dhe gjakmarrje”, shtoi ajo./EO

Related Topics:
Continue Reading

Lajmet

UBT përfaqësohet në Konferencë Ndërkombëtare Shkencore në Sevilla, Spanjë

Published

24 minutes ago

on

March 2, 2026

By

Prof. Dr. Demokrat Nuha nga Fakulteti i Biokimisë Mjekësore në UBT merr pjesë në konferencën ndërkombëtare “Action Scientific Meeting 2026 – Four Years of FeSImmChemNet: Latest Discoveries and the Outlook” në Universitetin e Sevillas, Spanjë.

Prof. Dr. Demokrat Nuha po merr pjesë në takimin shkencor ndërkombëtar “Action Scientific Meeting 2026 – Four Years of FeSImmChemNet: Latest Discoveries and the Outlook”, i cili po mbahet në Universitetin e Sevillas në Spanjë. Ky event organizohet në kuadër të COST Action, i financuar nga Bashkimi Evropian, dhe mbledh studiues nga universitete dhe institute prestigjioze evropiane për të diskutuar zbulimet më të fundit në fushën e kimisë mjekësore.

Gjatë konferencës, Prof. Nuha po prezanton punimin e tij shkencor me titull: “New Chlorophenyl- and Chlorophenoxy-Linked Azole Derivatives: Synthesis, Enzyme Modulation Profiles, and Structure-Based Insights Toward Neurodegenerative Targets”, i cili fokusohet në sintezën e komponimeve të reja bioaktive dhe potencialin e tyre në trajtimin e sëmundjeve neurodegjenerative.

Pjesëmarrja në këtë takim ndërkombëtar, i zhvilluar në ambientet akademike të Universitetit të Sevillas, ofron një mundësi të rëndësishme për shkëmbim shkencor, bashkëpunime të reja kërkimore dhe promovim të punës akademike të UBT-së në arenën ndërkombëtare. Me këtë aktivitet, UBT vazhdon të dëshmojë angazhimin e saj në kërkimin shkencor dhe kontributin në zhvillimin e shkencës dhe inovacionit në nivel evropian.

Continue Reading

Lajmet

Arabia Saudite me njoftim urgjent për shtetasit kosovarë dhe të huaj pas përshkallëzimit të tensioneve me Iranin

Published

44 minutes ago

on

March 2, 2026

By

Ministria e Punëve të Jashtme e Arabisë Saudite ka nxjerrë një njoftim urgjent për të gjithë shtetasit që ndodhen në zonat e rrezikut në Lindjen e Mesme. Ambasada e Kosovës në Riad ka informuar qytetarët kosovarë për procedurat e reja.

Sipas njoftimit, qytetarët duhet të pajisen me viza saudite për hyrje emergjente, për të mundësuar tranzitin dhe kthimin e sigurt drejt vendeve të tyre. Autoritetet saudite presin nga shtetet përkatëse dorëzimin e një liste me emrat, të dhënat e pasaportave dhe destinacionet e udhëtimit të qytetarëve, duke përfshirë Kuvajt, Bahreinin, Katarin, Emiratet e Bashkuara Arabe dhe Omanin.

Ky njoftim vjen pas përshkallëzimit të tensioneve në rajon, ku më 28 shkurt 2026, Shtetet e Bashkuara dhe Izraeli nisën një operacion të koordinuar ushtarak kundër Iranit. Gjatë sulmeve të para, Udhëheqësi Suprem i Iranit, Ayatollah Ali Khamenei, u vra, ndërsa Irani ka nisur valë raketash balistike dhe dronësh që kanë goditur bazat amerikane dhe infrastrukturën në shtetet e Gjirit Arab.

Për asistencë, qytetarët kosovarë mund të kontaktojnë ambasadën: [email protected]

Continue Reading

Lajmet

Zgjedhja e presidentit, Haxhiu kërkon që partitë të shmangin qëndrimet bllokuese

Published

2 hours ago

on

March 2, 2026

By

Kryetarja e Kuvendit të Kosovës, Albulena Haxhiu, tha se pa u zyrtarizuar kandidatët për president, nuk mund të thirret seanca për zgjedhjen e të parit të vendit. Ajo njoftoi se deri tani nuk ka asnjë kandidat që ka siguruar tridhjetë nënshkrime të deputetëve, të nevojshme për të kandiduar.

Haxhiu theksoi se secili deputet mund të nënshkruajë vetëm një kandidat dhe se Kuvendi i Kosovës, me 120 deputetë, mund të ketë dy deri në katër kandidatë të mundshëm. Ajo bëri thirrje për bashkëpunim ndërpartiak për të shmangur qëndrimet bllokuese, duke theksuar se insistimi i partive për kandidatë vetëm nga radhët e tyre nuk është i mirëpritur.

Kryetarja e Kuvendit paralajmëroi se futja e vendit në një cikël të ri zgjedhor do të ishte një kosto e panevojshme politike dhe institucionale. Deri tani, sipas saj, LVV nuk ka propozuar emra të veçantë për president, pavarësisht shumicës parlamentare që ka në Kuvend.

Haxhiu po ashtu bëri thirrje që të respektohet Kushtetuta dhe vendimet e institucioneve më të larta juridike, duke nënvizuar rëndësinë që deputetët të qëndrojnë në sallë dhe të votojnë për presidentin.

Në përfundim, ajo njoftoi se Kryesia vendosi të premten të mbahet një seancë solemne për nder të 28-vjetorit të Epopesë së UÇK-së. /Kosova Press/

Continue Reading

Lajmet

Hagë: Seanca për akuzat ndaj Thaçit për pengim të drejtësisë

Published

3 hours ago

on

March 2, 2026

By

Në Dhomat e Specializuara të Kosovës në Hagë po vazhdon gjykimi ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit për veprat penale kundër administrimit të drejtësisë.

Të hënën, 2 mars 2026, dëshmitari i parë nga stafi i Zyrës së Prokurorit Special (ZPS) dha dëshmi nën masa mbrojtëse. Ai deklaroi se nuk ka njohuri të drejtpërdrejta për çështjen, por ka qasje në të gjitha dokumentet e dosjes, përfshirë edhe rastin e Thaçit për krime lufte.

Pas marrjes në pyetje nga Prokuroria, mbrojtja e Thaçit, e përfaqësuar nga avokatja Sophie Menegon, vazhdoi me kundërpyetje, pjesë e së cilës u mbajt me seancë private për publikun.

Të gjithë të akuzuarit u deklaruan të pafajshëm në seancën fillestare më 27 shkurt 2026.

Aktakuza kundër Thaçit dhe bashkëakuzuarve përfshin pengim të personave zyrtarë, shkelje të fshehtësisë së procedurës dhe mosbindje ndaj gjykatës. Ata akuzohen për veprime të koordinuara që synonin ndikimin tek dëshmitarët e ZPS-së gjatë vizitave jo të privilegjuara në vitin 2023.

Continue Reading

Të kërkuara