

Shëndet
Dashuria për veten nis nga mëlçia – Ushqimet si trajtim
Mëlçia është një organ i lidhur fort me jetëgjatësinë tonë.
Published
4 years agoon
By
Betim GashiDashuria për tjetrin me të vërtetë mund të nisë nga stomaku, po për veten, duhet të nisë nga mëlçia.
Përse Është Mëlçia Kaq e Rëndësishme
Mëlçia peshon 1.3-1.5 kg dhe është një organ aq i rëndësishëm sa ndonjëherë duket sikur ajo i ka frerët e pushtetit në organizëm.
Mëlçia kryen një sërë detyrash dhe funksionesh këtë e kemi thënë shpesh.
Ndonëse është e vështirë për të dhënë një shifër të saktë, besohet se ky organ ka plot 500 role të veçanta në organizëm.
Pesë më jetësoret janë:
Prodhimi i lëngut të tëmthit që pastron organizmin nga mbetjet dhe shpërbën yndyrnat në zorrën e vogël gjatë tretjes.
Prodhon proteina të caktuara për plazmën e gjakut dhe e pastron atë.
Në mëlçi kalon 1500ml gjak\minutë dhe gati 1\3 e sasisë së plotë të gjakut në qarkullim.
Depoziton hekur
Prodhon kolesterol dhe proteina që ndihmojnë në shpërndarjen e yndyrnave në trup.
Ushqimet Më Të Mirat Për Shëndetin e Mëlçisë
Shëndeti i mëlçisë është tërësisht në dorën tuaj, ose më mirë varet nga përzgjedhjet tuaja ushqimore.
Më poshtë, do të gjeni një listë nga AgroWeb.org prej 6 ushqimesh të shëndetshme për mëlçinë.
Argjinarja
Argjinarja ndihmon në tretjen e yndyrnave, rivendos ekuilibrat e aciditetit në stomak dhe ushqen kockat me magnez, kalçium dhe vitaminë C.
Argjinarja përmban cinarinë e cila ndihmon mëlçinë të prodhojë lëngjet e tëmthit.
Ajo përmban edhe sulfur që ushqen mëlçinë dhe parandalon formimin e gurëve në fshikëzën e tëmthit.
Lakra e Kuqe
Lakra e kuqe përmban polifenolë, vitaminat A dhe C dhe elementë që luftojnë inflamacionin, sidomos atë në stomak.
Vitamina C dhe sulfuri largojnë toksinat nga trupi dhe e bëjnë mëlçinë më të fortë.
Për më tepër, antioksidantët tek lakra e kuqe luajnë një rol kyç për pastrimin e mëlçisë.
Çaji i Lulerradhiqes
Çaji i luleradhiqes përmirëson funksionin e mëlçisë dhe lehtëson lirimin e toksinave nga trupi.
Vetitë e saj antioksidante zvogëlojnë rrezikun nga formimi dhe përhapja e qelizave të dëmshme në trup.
Çaji i luleradhiqes përmirëson funksionin e mëlçisë dhe lehtëson lirimin e toksinave nga trupi.
Vetitë e saj antioksidante zvogëlojnë rrezikun nga formimi dhe përhapja e qelizave të dëmshme në trup.
Sallatat e Gjelbra
Kale, lakrat e vogla dhe ato të mëdha janë perime të plotfuqishme me sasi të mëdha të sulfurit që i jep mbështetje mëlçisë gjatë misionit të saj detoksifikues.
Lulerradhiqja është një tjetër barishte e rëndësishme që stimulon organet tretëse dhe përmirëson rolin e mëlçisë.
Limoni
Kjo agrume është e pasur me shumë vitaminë C.
Për të mirën e mëlçisë ju mund të pini në mbrëmje 200 ml ujë të ngrohtë të përzier me lëngun e një limoni.
Kjo pije do ju ndihmojë të pastroni mëlçinë dhe të eliminoni toksinat e mbetjet e ndryshme ushqimore.
Kura duhet konsumuar për 21 ditë me rradhë./AgroWeb.org/
You may like
Shëndet
Vjeshta në tavolinën tuaj, ushqime për zemër të fortë
Published
57 minutes agoon
October 6, 2025By
UBT News
Frutat dhe perimet e stinës së vjeshtës janë të pasura me shije dhe lëndë ushqyese, duke u bërë një aleat i çmuar për shëndetin e zemrës.
Ato ofrojnë fibra, vitamina, minerale dhe antioksidantë që ndihmojnë në funksionimin e zemrës, ulin kolesterolin dhe parandalojnë formimin e pllakës në arterie.
Ekspertët rekomandojnë të konsumohen të paktën 2,5 filxhanë perime dhe 2 filxhanë fruta çdo ditë, si pjesë e një diete të balancuar.
Disa prodhime të vjeshtës dallohen veçanërisht për efektin mbrojtës ndaj zemrës:
Kungulli: i pasur me beta-karoten që shndërrohet në vitaminë A dhe antioksidantë; farat ndihmojnë në uljen e tensionit dhe kolesterolit.
Mollët: përmbajnë fibra dhe polifenole që reduktojnë rrezikun e sëmundjeve kardiake.
Shega: e pasur me polifenole që mbështesin qarkullimin dhe mund të ndihmojnë në uljen e tensionit.
Bamjet: përmbajnë fibra, vitaminë K, C dhe folate.
Boronicat e kuqe: ndihmojnë në uljen e tensionit dhe përmirësojnë funksionin vaskular.
Patatet e ëmbla: kombinim i fibrave, beta-karotenit dhe kaliumit për presion më të qëndrueshëm të gjakut.
Edhe ndryshime të vogla, si një mollë në ditë ose shtimi i lahanidës në sallatë, bëjnë diferencë të madhe për zemrën dhe cilësinë e jetës. Duke konsumuar rregullisht prodhime sezonale, jo vetëm që mbështesim shëndetin, por fermerët vendas dhe mjedisin. /A.Z/UBT News/
Shëndet
Pija që ju mban të shëndetshëm gjatë stinës së ftohtë
Published
2 hours agoon
October 6, 2025By
UBT News
Me afrimin e stinës së ftohtë, mënyrat natyrale për të forcuar imunitetin bëhen më të rëndësishme se kurrë.
Një pije e thjeshtë nga përbërës me vitamina, antioksidantë e veti natyrale antibakteriale që ndihmojë trupin të qëndrojë i fortë dhe energjik.
Konsumi i rregullt përmirëson rezistencën e trupit, rrit energjinë dhe vitalitetin, dhe ndihmon në parandalimin e sëmundjeve sezonale. Njerëzit që e përdorin raportojnë ndjenjë më të madhe force, përqendrimi e sistem imunitar më të qëndrueshëm.
Pse kjo pije forcon imunitetin?
Limoni është burim natyral i vitaminës C, i cili mbështet funksionin e qelizave të bardha. Mjalti ka veti antibakteriale e qetëson fytin.
Xhenxhefili dhe shafrani i Indisë janë anti-inflamatorë dhe përmirësojnë qarkullimin e gjakut. Kombinimi i përbërësve krijon stimulues natyral të fuqishëm për sistemin imunitar.
Eksperienca tregon se konsumimi i rregullt i kësaj pijeje ndihmon trupin të luftojë viruset dhe infeksionet më shpejt, duke sjellë energji më të mirë dhe më pak ndjeshmëri ndaj të ftohtit.
Si ta përgatisni në shtëpi:
Lëngu i një limoni
1 lugë gjelle mjaltë
1 cm xhenxhefil të freskët
Një majë shafrani i Indisë
Përzieni në një gotë me ujë të ngrohtë dhe pijeni një herë në ditë, më mirë në mëngjes me stomak bosh. Ky ritual i thjeshtë është i shpejtë, efektiv dhe sjell ndryshime të dukshme në forcën dhe rezistencën e trupit. /A.Z/UBT News/
Shëndet
A mund të përdoret vaj ulliri për skuqje?
Published
3 hours agoon
October 6, 2025By
UBT News
Vaji i ullirit është një nga produktet më të njohura të kuzhinës mesdhetare, i vlerësuar për shijen, aromën dhe përfitimet shëndetësore. Një pyetje e zakonshme është nëse mund të përdoret për skuqje.
Pikat e forta
Vaji ekstra i virgjër është i pasur me antioksidantë acide yndyrore të shëndetshme, veçanërisht acidi oleik, i cili ndihmon në uljen e kolesterolit të keq e mbrojtjen e zemrës. Për gatime të lehta, si kaurdisje, pjekje në temperaturë të ulët, ky vaj është zgjedhja më e mirë.
Pika e tymit
Një element i rëndësishëm për gatimin me vaj është pika e tymit, temperatura në të cilën vaji digjet e lëshon substanca të dëmshme. Vaji i ullirit ekstra i virgjër ka një pikë tymi 190–210°C, që e bën të përshtatshëm për shumë skuqje në shtëpi, si perime, vezë apo mish i lehtë.
Megjithatë, për skuqje të thella dhe në temperatura shumë të larta, ai nuk është më i rekomanduar, sepse digjet më shpejt se vajrat e tjerë, si vaji i lulediellit ose vaji i kikirikut.
Rekomandimet e ekspertëve:
Përdoreni pa problem për gatime të lehta dhe mesatare.
Për skuqje të thella, zgjidhni vajra me pikë tymi më të lartë.
Shmangni gjithmonë ngrohjen e tepërt të vajit, pasi humb vlerat ushqyese dhe mund të bëhet i dëmshëm. /A.Z/UBT News/
Shëndet
Një simptomë e zakonshme që mund të tregojë arterie të bllokuara
Published
4 hours agoon
October 6, 2025By
UBT News
Arteriet e bllokuara janë një problem serioz shëndetësor që shpesh zhvillohet pa simptoma të dukshme.
Megjithatë, shenjat e hershme të problemeve të qarkullimit të gjakut zakonisht shfaqen në këmbë, jo në gjoks, dhe shumë njerëz nuk i vënë re si paralajmërim.
Një nga simptomat kryesore është dhimbja e këmbëve gjatë ecjes, e njohur si klaudikacion.
Kjo dhimbje zakonisht ndihet në pulpa ose kofshë dhe zbutet kur personi ndalon dhe pushon. Ajo shkaktohet nga rrjedhja e pamjaftueshme e gjakut përmes arterieve, duke bërë që muskujt të mos marrin oksigjenin e nevojshëm.
Kjo dhimbje interpretohet si lodhje ose plakje, por nëse ndodh shpesh pas aktiviteteve të shkurtra fizike, mund të jetë shenjë e çrregullimit serioz. Në faza më të avancuara, dhimbja mund të ndodhë edhe në qetësi, duke treguar nevojën për një kontroll mjekësor të menjëhershëm.
Përveç dhimbjes, mund të shfaqen edhe simptoma të tjera si:
Ndjesia e rëndesës në këmbë
Dobësi muskulore
Ngërçe
Njohja dhe veprimi i hershëm mbi këto shenja është thelbësor për ruajtjen e shëndetit të enëve të gjakut dhe për parandalimin e komplikacioneve serioze. /A.Z/UBT News/

Britney Spears rrëzohet nga shkallët, lëndon gjurin

Ngrihet aktakuzë për shitblerje të narkotikëve dhe armëmbajtje pa leje në Gjakovë

Zbulohet sasi e konsiderueshme mallrash të padeklaruara në pikën kufitare Vërmicë

Gjermania vendos laserë në aeroportin e Mynihut për t’u mbrojtur nga dronët

Jogurti i veçantë nga katër milingona, po rikthehet tradita bullgare dhe turke

Rektori Hajrizi u uron studentëve mirëseardhje dhe një fillim të mbarë të vitit akademik 2025/26

Ndeshja Serbi-Shqipëri pa tifozë dhe me masa të rrepta sigurie

Kosova me pesë mungesa ndaj Sllovenisë

Vjeshta në tavolinën tuaj, ushqime për zemër të fortë
Të kërkuara
-
Lajmet nga UBT1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni3 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi4 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën