Sport
Bie ‘vlera’ e legjendave Messi-Ronaldo, Vinicius e Haaland janë tashmë më të shtrenjtët e futbollit
Pas një dominimi më shumë se dy dekadash, erën e Lionel Messi dhe Cristiano Ronaldo duket se po e lëviz një gjeneratë e re futbollistësh. Të dy legjendat, të cilat kanë kaluar dekadat duke thyer rekorde dhe duke fituar tituj, tani po përballen me një rënie të dukshme në vlerat e tyre në tregun e transferimeve.
Sipas specialistëve të “Transfermarkt”, Messi, i cili aktualisht luan për Inter Miami, ka arritur pikën më të ulët të vlerës së tij në merkato që nga viti 2006, me një vlerë prej 25 milion eurosh. Në të njëjtën linjë, Cristiano Ronaldo, pavarësisht kontratës së tij luksoze me Al-Nassr, vlerësohet tani vetëm 15 milion euro.
Kjo rënie në vlerë nuk është vetëm një reflektim i performancës së tyre, por gjithashtu një shenjë e kalimit të brezave në futboll. Tani, vendin e tyre e kanë zënë futbollistë të rinj, të cilët po tërheqin vëmendjen dhe investimet e klubeve.
Në krye të listës së futbollistëve më të shtrenjtë tani janë Vinicius Junior i Real Madridit dhe Erling Haaland i Manchester City, të dy të vlerësuar në 200 milion euro. Pas tyre janë Jude Bellingham dhe Kylian Mbappe, të dy të vlerësuar në 180 milion euro, ndërsa Lamine Yamal plotëson “top 5”-in me një vlerë prej 150 milion eurosh.
Ky ndryshim i dukshëm në vlerat e lojtarëve tregon se futbolli po evoluon, dhe brezi i ri po merr përgjegjësinë për të mbajtur shkëlqimin e sportit./UBTNews/
Liverpooli siguroi një fitore të artë 1-0 në “Parc des Princes” ndaj PSG-së, falë një performance të jashtëzakonshme nga portieri brazilian, Alisson Becker.
Edhe pse goli i vetëm i takimit u shënua nga Harvey Elliott, protagonisti kryesor i mbrëmjes ishte Alissoni, i cili regjistroi 9 pritje vendimtare, duke ndalur çdo tentativë të parizienëve dhe duke siguruar një fitore historike për “The Reds”.
Vetë gardiani i Liverpoolit e përshkroi këtë ndeshje si ndoshta më të mirën e karrierës së tij:
“Ndoshta ishte paraqitja më e mirë e jetës sime,” tha ai për “TNT Sports”. “Trajneri na paralajmëroi se do të ishte një sfidë e vështirë, ndaj PSG-së dhe lojtarëve të saj të jashtëzakonshëm me topin. E dinim çfarë na priste dhe ishim të përgatitur për të vuajtur. Ishte një natë e shkëlqyer për ne”.
Statistikat tregojnë dominimin e PSG-së, me plot 27 goditje drejt portës, por falë mrekullive të Alissonit, asnjë nuk e gjeti rrjetën. Liverpooli, në anën tjetër, pati vetëm dy gjuajtje në portë, por doli fitues nga përballja.
Me këtë rezultat, Liverpooli do të ketë një avantazh minimal për ndeshjen e kthimit në “Anfield”, ku synon të mbyllë kualifikimin për çerekfinale./UBTNews/
Barcelona regjistroi një fitore të rëndësishme 0-1 ndaj Benfikës në Ligën e Kampionëve, falë një paraqitjeje spektakolare të portierit Vojçek Shezni (Wojciech Szczęsny). Gardiani polak, i cili sapo ishte kthyer nga pushimet, u kthye në protagonistin absolut të ndeshjes duke bërë plot 8 pritje vendimtare, duke siguruar një fitore të pastër për ekipin katalanas.
Kjo performancë nuk ishte vetëm vendimtare për fitoren e Barcelonës, por gjithashtu vendosi një rekord historik. Shezni u bë portieri i parë i Barcelonës që arrin të bëjë 8 pritje dhe të mbajë portën e paprekur në një ndeshje të Ligës së Kampionëve që nga sezoni 2003-2004.
Mbrëmja ishte e portierëve, pasi edhe Alisoni i Liverpoolit spikati me pritjet e tij, por ishte Shezni ai që la gjurmë në historinë e katalanasve. Me këtë paraqitje, ai konfirmon formën e tij të jashtëzakonshme dhe rëndësinë që ka për skuadrën e Çavit në rrugëtimin europian./UBTNews/
Bruno Pizzul, komentatori legjendar italian i sporteve, ka ndërruar jetë në moshën 86-vjeçare në spitalin e Gorizias. Pizzul, i njohur si “zëri i kombëtares së kaltër” të futbollit italian, u nda nga jeta vetëm tre ditë para ditëlindjes së tij të 87-të.
I lindur më 8 mars 1938 në Udine, Itali, Pizzul filloi karrierën e tij si futbollist profesionist, por një dëmtim në gju e detyroi ta ndërpriste atë herët. Pas studimeve në jurisprudencë, ai iu bashkua RAI-it në 1969 si komentator sportiv dhe fitoi famë si zëri kryesor i ndeshjeve të kombëtares italiane, një pozicion që mbajti nga viti 1986 deri në 2002. Pizzul ishte dëshmitar i disa momenteve të paharrueshme, përfshirë Kupën e Botës 1990 dhe finalen e Kupës së Botës 1994, si dhe finalen e Kampionatit Evropian 2000.
Në vitin 2022, Pizzul u nderua me titullin “Komandant i Urdhrit të Meritës së Republikës Italiane” për kontributin e tij të jashtëzakonshëm në gazetarinë sportive. Ai do të mbahet mend për zërin e tij të veçantë dhe përkushtimin e tij të palëkundur ndaj sportit dhe gazetarisë./UBTNews/
Sot do të zhvillohen ndeshjet e tjera të fazës së 1/8-ave në Ligën e Kampioneve.
Interi do të luajë në transfertë kundër Fejnordit në orën 18:45, ndërsa mbrëmjen do të sjellë tri supersfida që do të tërheqin vëmendjen e tifozëve nga e gjithë bota.
Në orën 21:00, Bayern Munchen do të presë Bayer Leverkusenin në një derbi gjerman në Europë, ndërsa Barcelona do të luajë në transfertë ndaj Benfikës.
Megjithatë, supersfida e mbrëmjes është pa dyshim përballja mes PSG-së dhe Liverpoolit, dy ekipe që synojnë të fitojnë trofeun e Ligës së Kampioneve këtë sezon./UBTNews/
Shoqatat e dala nga lufta bëjnë homazhe në Prekaz, Jashari: Në qeveri ka njerëz anti-UÇK
DhTIK shpreh sërish shqetësimin për kamatat e larta të kredive nga bankat komerciale
Departamenti amerikan i Mbrojtjes: Ska ndryshime në pozicionimin e forcave në Kosovë
Alisson, heroi i Liverpoolit ndaj PSG-së
Emrat e 1,432 fëmijëve të vrarë në Kosovë shfaqen në Prekaz
Pas protestave masive në Greqi, të premten mocioni i mosbesimit për Mitsotakis
Hamasi: Kërcënimet e Trumpit vështirësojnë çështjet lidhur me marrëveshjen e armëpushimit
Muri Polak! Shezni thyen rekordin e Barcelonës në Champions
Sulmi rus vrau 4 persona, Zelensky: Vullnetarët e SHBA-së i mbijetuan goditjes
-
Magazinë3 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt