Aktualitet

Bideni siguron presidentin e Izraelit: Irani kurrë s’do të ketë armë bërthamore

Published

on

Presidenti i Shteteve të Bashkuara, Joe Biden, e siguroi të hënën homologun e tij izraelit, Reuven Rivlin, gjatë takimit të tyre në Shtëpinë e Bardhë se Irani kurrë nuk do të bëhet me armë bërthamore.

“Ajo që mund të ta them është se Irani kurrë nuk do të bëhet me armë bërthamore para syve të mi”, tha shefi i Shtëpisë së Bardhë në fillim të takimit që u mbajt në Zyrën Ovale.

Takimi mes Bidenit dhe Rivlinit u zhvillua pak ditë para se këtij të fundit t’i përfundojë mandati 7-vjeçar dhe pas ardhjes në pushtet të kryeministrit Naftali Bennett, i cili e zëvendësoi Benjamin Netanyahun.

Bideni tha se shpreson që të takohet me kryeministrin e ri izraelit së shpejti, ndërsa Rivlin tha para gazetarëve se është shumë i kënaqur me komentin e presidentit amerikan rreth Iranit, shkruan Free Europe.

Shtetet e Bashkuara dhe Irani po zhvillojnë bisedime të tërthorta në Vjenë për ringjalljen e marrëveshjes bërthamore të vitit 2015 mes Teheranit dhe gjashtë fuqive botërore për kufizimin e programit bërthamor të Republikës Islamike në këmbim të largimit të sanksioneve ndërkombëtare.

Ish-presidenti amerikan, Donald Trump, i tërhoqi Shtetet e Bashkuara nga marrëveshja bërthamore me Iranin më 2018. Irani reagoi me shkelje të pikave të marrëveshjes, duke pasuruar uranium mbi nivelin e lejuar.

Aktualitet

Seanca e 52-të, e fundit për konstituimin e Kuvendit

Published

on

Deputetët e Kuvendit të Kosovës mblidhen sot për vazhdimin e 52-të të seancës konstituive, kjo një ditë para skadimit të afatit 30-ditor të vendosur nga Gjykata Kushtetuese javë më parë.

Pas kësaj, deputetët nuk do të mund të marrin asnjë vendim apo veprim në drejtim të konstituimit të Kuvendit. Kështu u tha në vendimin e Gjykatës Kushtetuese, të publikuar në orët e vona të 24 korrikut, përmes së cilës u vendos ex officio masë e përkohshme nga 27 korriku deri më 8 gusht.

Në arsyetim, Gjykata tha se nëse nuk do të vendosej masa e përkohshme ex officio ndaj vendimeve dhe veprimeve të deputetëve të zgjedhur të Kuvendit të Republikës së Kosovës pas datës 26 korrik 2025, çdo vendim dhe veprim i ndërmarrë pas kësaj date deri në vendimmarrjen e Gjykatës lidhur me kërkesat “mund të shkaktojë dëme të pariparueshme për rendin kushtetues të Republikës së Kosovës dhe funksionimin e institucioneve kyç në Republikën e Kosovës”.

Ambasadori gjerman në Kosovë, Jorn Rohde, së bashku me kolegë tjerë ndërkombëtarë, planifikon të marrë pjesë në këtë seancë.

Gjykata e mbështeti vendosjen e masës në atë se për çështjen e konstituimit ka dy lëndë në shqyrtim, atë të paraqitur nga Partia Demokratike e Kosovës dhe Lidhja Demokratike e Kosovës.

Continue Reading

Aktualitet

14 vjet nga vrasja e heroit të Kosovës, Enver Zymberi

Published

on

Sot mbushen katërmbëdhjetë vjet kur Njësia Speciale e Policisë së Kosovës (ROSU) kishte ndërmarrë aksionin për t’i futur nën kontroll pikat kufitare në veri Jarinjë dhe Bërnjak, ku gjatë këtij aksioni nga strukturat ilegale serbe ishte vrarë polici Enver Zymberi.

Në mëngjesin e 25 korrikut 2011, ROSU, ishte nisur drejt pikave kufitare në veri të Kosovës në përpjekje për t’i marrë nën kontroll ato.

Ish-presidentja e Kosovës, Atifete Jahjaga i ka dhënë titullin “Hero i Kosovës”, Enver Zymberit, me motivacionin “për trimërinë dhe përkushtimin e treguar deri në flijim për vendosjen e sundimit të ligjit në tërë territorin e Republikës së Kosovës”.

Një proces gjyqësor për këtë vrasje, rezultoi me shpalljen të pafajshëm të të akuzuarve dhe sot e asaj dite askush nuk ka dhënë përgjegjësi për vrasjen e policit Zymberi.

Continue Reading

Aktualitet

Pritjet e mërgimtarët për të hyrë në Kosovë

Published

on

Në përditësimin e të dhënave, Qendra Kombëtare për Menaxhim Kufitar ka njoftuar se pritjet të mërgimtarëve për të hyrë në Kosovë vijojnë deri në 25 minuta, dhe atë në pikën kufitare te Dheu i Bardhë.

Ndërkaq në Merdarë, po pritet 10-15 minuta, derisa pikat tjera kufitare janë me më pak pritje thuhet në njoftim.

Continue Reading

Bota

​Macron thotë se Franca do ta njohë Palestinën si shtet

Published

on

Presidenti francez Emmanuel Macron njoftoi sonte se vendi i tij do ta njohë Palestinën si shtet.

Në një deklaratë të postuar në rrjetin X, Macron tha se vendimi do të formalizohet në Asamblenë e Përgjithshme të OKB-së në muajin shtator.

“Duke pasur parasysh angazhimin e saj historik për një paqe të drejtë dhe të qëndrueshme në Lindjen e Mesme, kam vendosur që Franca të njohë shtetin e Palestinës. Paqja është e mundur”, ka shkruar ai.

“Gjëja urgjente sot është që lufta në Gaza të ndalet dhe popullsia civile të shpëtohet”, thuhet në deklaratën e Macron, e cila përfshinte edhe një letër dërguar presidentit palestinez Mahmoud Abbas në lidhje me vendimin.

Aktualisht, mbi 140 vende njohin shtetin palestinez. Macron në qershor shprehu një vendosmëri për të njohur shtetin e Palestinës dhe mbështeti një lëvizje më të gjerë drejt një zgjidhjeje me dy shtete.

Continue Reading

Të kërkuara