Lajmet

BE-ja me tarifa synon “të ngufasë” të ardhurat ruse

Propozimi i Komisionit Evropian po shqyrtohet nga udhëheqësit e BE-së, të cilët po zhvillojnë një samit në Bruksel.

Published

1 year ago

on

Bashkimi Evropian po synon “të ngufasë” të ardhurat e Rusisë, të cilat i përdor në luftën kundër Ukrainës, duke vendosur “tarifa ndaluese” ndaj drithërave dhe importet e tyre në bllok, tha komisionari evropian për Tregti më 22 mars.

Propozimi i Komisionit Evropian po shqyrtohet nga udhëheqësit e BE-së, të cilët po zhvillojnë një samit në Bruksel.

Sanksionet e reja, që u mirëpritën nga Kievi, nuk do të aplikoheshin ndaj drithërave ruse që kalojnë përmes BE-së për në tregje tjera, në mënyrë që të mos shkaktohen pengesa për furnizim në vende tjera, tha komisionari për Tregti, Vladis Dombrovskis.

Presidenti ukrainas, Volodymyr Zelensky, është ankuar ndaj udhëheqësve evropianë të premten, kur ai foli në samit përmes video-lidhjes. Ai tha se nuk është e drejtë që drithërat ruse të kenë qasje të pakufizuar në tregjet evropiane, në kohën kur importet ukrainase po kufizohen.

Brukseli ka kërkuar që të rrisë presionin ndaj ekonomisë ruse pas vendosjes të disa runde sanksionesh që veçse kanë ngrirë asetet ruse në 27 shtetet e bllokut, kanë shënjestruar udhëheqësit rusë, përfshirë presidentin Vladimir Putin, dhe kanë tkurrur tregtinë.

Një ditë më parë, presidentja e Komisionit Evropian, Ursula von der Leyen, tha se tarifat e propozuara do të pamundësonin që “drithërat ruse të destabilizojnë tregun e BE-së me këto produkte”.

Komisionari Dombrovskis gjatë së premtes tha se “propozimi i sotëm është në kohën e duhur dhe është hap i nevojshëm”.

Ai tha se tarifat po ashtu do të vendosen ndaj produkteve nga Bjellorusia, shtet që ka lejuar përdorimin e territorit të tij që Rusia të niste pushtimin e Ukrainës më 2022.

Propozimi vjen pasi sipas Komisionit Evropian më 2023 ka pasur rritje të importeve bujqësore ruse në BE.

Dombrovskis tha se këto tarifa do të bënin që importet ruse të ishin “të paqasshme” në tregje dhe do të ndihmonin që të ndalohej praktika ruse “e eksportimit të paligjshëm të drithërave të vjedhura ukrainase për në BE”.

Sipas rregullave të Organizatës Botërore të Tregtisë, të gjithë drithërat ruse deri më tani janë përjashtuar nga taksat e importit në BE./REL

Related Topics:
Continue Reading

Aktualitet

Kryeparlamentari Basha priti në takim ambasadorin e Malit të Zi

Published

50 seconds ago

on

September 19, 2025

By

Kryetari i Kuvendit të Kosovës, Dimal Basha ka pritur në takim Ambasadorin e Malit të Zi në Kosovë, Bernard Çobaj.

Në këtë takim Basha dhe Çobaj diskutuan për fuqizimin e lidhjeve parlamentare mes Kuvendit të Kosovës dhe Kuvendit të Malit të Zi, si dhe për rritjen e bashkëpunimit në fusha kyçe, si aspektet politike, ekonomike dhe ato të sigurisë në rajon.

Kryetari i Kuvendit theksoi rëndësinë e vazhdimit të dialogut dhe përpjekjeve të përbashkëta në proceset integruese evropiane si dhe nevojën për mbështetje nga Mali i Zi në përballimin e sfidave që Kosova ka përballë qasjes së Serbisë, duke kërkuar qëndrime të përbashkëta dhe të palëkundura në mbrojtje të stabilitetit dhe sigurisë rajonale.

Basha e falënderoi ambasadorin e Malit të Zi për bashkëpunimin e deritanishëm dhe shprehu përkushtimin e tij që marrëdhëniet mes dy parlamenteve të thellohen edhe më shumë në të ardhmen, në dobi të paqes, progresit dhe mirëqenies së qytetarëve në të dy anët e kufirit./S.K/KP/

Continue Reading

Aktualitet

Bibloteka Kombëtare merr ngjyrë ari në ndërgjegjësim të muajit për kancerin në fëmijëri

Published

3 minutes ago

on

September 19, 2025

By

Në kuadër të muajit të ndërgjegjësimit për kancerin në fëmijëri janë ndriçuar me ngjyrë ari kupolat e Bibliotekës Kombëtare të Kosovës nga Organizata Action for Health.

Drejtoresha e Action for Health, Nezaqete Rukovci, tha se kjo ngjyrë simbolizon luftën kundër kancerit të fëmijërisë.

“Kjo dritë e verdhë që është një simbol ndërkombëtarë për fëmijët është shprehje e guximit, forcës dhe përballjes së tyre. Ne jemi këtu bashkë me iu tregu se në rrugëtimin drejt shëndetit nuk janë vetëm dhe për t’iu dhënë kurajo se bashkë ta kalojmë këtë sfidë”, tha ajo.

Krahas anëtarvëve të kësaj organizate i pranishëm ishte edhe kryetari i Komitetit Olimpik të Kosovës, Ismet Krasniqi./S.K/KP/

Continue Reading

Aktualitet

Zelensky uron Ramën për mandatin e ri: Së bashku kontribuojmë në një Evropë më të fort

Published

6 minutes ago

on

September 19, 2025

By

Presidenti i Ukrainës, Volodymyr Zelensky, ka uruar Kryeministrin Edi Rama për riemërimin e tij në krye të qeverisë për një mandat të ri 4-vjeçar. Zelensky theksoi rëndësinë e vazhdimit të bashkëpunimit dhe dialogut të ngushtë mes dy vendeve.

Ai gjithashtu shprehu mbështetje për avancimin e Shqipërisë në rrugën drejt anëtarësimit në Bashkimin Evropian.

Në fund, Zelensky shpreh besimin se së bashku, Shqipëria dhe Ukraina mund të kontribuojnë në një Evropë të fortë dhe të bashkuar.

“Urime Edi Rama për riemërimin e tij si Kryeministër i Shqipërisë. Pres me padurim të vazhdojmë dialogun tonë të shkëlqyer dhe të punojmë së bashku për të arritur paqe dhe siguri të qëndrueshme për të gjithë Evropën. I uroj Kryeministrit Rama çdo sukses në zbatimin e planeve të tij ambicioze për Shqipërinë, përfshirë edhe në rrugën e saj drejt anëtarësimit në BE. Së bashku, ne do të përparojmë vlerat tona të përbashkëta dhe një të ardhme të sigurt dhe të begatë për kombet tona në Evropë, e cila është e fortë dhe e bashkuar”, shkruan Zelensky në X./S.K/KP/

Continue Reading

Aktualitet

Osmani udhëton javën e ardhshme në SHBA

Published

9 minutes ago

on

September 19, 2025

By

Presidentja e Kosovës, Vjosa Osmani në javën tjetër do të udhëtojë për në SHBA, ku do të marrë pjesë në fillimin e punimeve të Asamblesë së Përgjithshme të Kombeve të Bashkuara.

Këshilltari për media në Zyrën e Presidencës, Bekim Kupina konfirmoi duke thënë se gjatë udhëtimit Osmani do të ketë takime me homologë dhe zyrtarë të shteteve të ndryshme.

“Sikurse edhe çdo vit, Presidentja Osmani do të jetë në New York për takime me homologë dhe aktivitete të tjera zyrtare përgjatë Javës se Nivelit të Lartë të Asamblesë së Përgjithshme të Kombeve të Bashkuara”, tha Kupina./S.K/KP/

Continue Reading

Të kërkuara