Lajmet

Avdiaj: Ligji i Pagave nuk e justifikon gjendjen e rëndë ekonomike, sektori privat s’po merret parasysh

Avdiaj ka thënë se paralajmërimet për rritje të koeficienteve për vitin e ardhshëm nuk mund të bëhet.

Published

2 years ago

on

Njohësi i çështjeve ekonomike, Besnik Avdiaj ka thënë se Ligji i Pagave nuk e reflekton situatën ekonomike në vend. Sipas tij, pak më të vështirë do ta kenë ato familje që kanë të punësuar në Administratën Publike.

Avdiaj ka thënë se paralajmërimet për rritje të koeficienteve për vitin e ardhshëm nuk mund të bëhet, për shkak të situatave që mund të ndryshojnë.

Njohësi i ekonomisë konsideron se gjendja e rëndë ekonomike dhe përballja me inflacionin, nuk e justifikon këtë koeficient.

“Prej momentit kur është miratuar projektligji për pagat në administratën publike në Kosovë janë diskutuar mundësitë e koeficienteve të ndryshëm pra nga bile më pak se 100, 130, 139 sipas propozimeve të palëve të ndryshme të interesit megjithatë ky koeficienti prej 105 eurove nuk e reflekton situatën ekonomike në vend, situatën me inflacionin përballjen e familjeve dhe ekonomive familjare me këtë situatë, veçanërisht tek ato familje që kanë të punësuar në administratën publike megjithatë nëse i shohim projeksionet buxhetore ky koeficient rrit në një far forme shpenzimet buxhetore për paga dhe mëditje sipas kategorive të përcaktuara”, ka thënë Avdiaj.

Avdiaj ka hedhur dyshime nëse vërtetë koeficienti mund të rritet nga viti i ardhshëm. Këtë sipas tij nuk mund ta parashikojë askush.

“Përcaktimi që është tani për vitin e ardhshëm për një koeficient me 5 euro më shumë nuk e di mbi çfarë baze mund të bëhet për shkak se ekzistojnë disa parametra që duhet të merren parasysh në analiza të tilla edhe në përcaktimin e koeficienteve jo thjesht qysh tani të planifikojmë një rritje prej 5 eurove ndoshta situata ekonomike mund të sjellë një avancim të tillë që ky koeficient të rritet madje edhe me 10 ose 15 euro por madje edhe mund të zvogëlohet kjo është ndoshta edhe mangësia kryesore e ligjit për paga që kanë lënë hapësirë që koeficienti të mbetët çështje diskutabile nga viti në vit edhe kjo normalisht që mban le të themi në një amulli të gjithë zyrtarët publik në vend”, deklaroi ai tutje.

Ai ka thënë se do të ishte i mirëseardhur një reformë në Administratën Publike. Ndërsa për sektorin privat, Avdiaj ka thënë se ka mbetur nën hije.

“Varësisht nga perspektiva se si i shohim të ardhurat në administratën publike në Kosovë  e dimë që një pjesë  e madhe e të punësuarve në administratën publike nuk reflektojnë punën të cilën duhet dhe pritet ta bëjnë prandaj edhe janë nisur disa herë forma të administratës publike një shkurtim i vendeve të punës në administratën publike  do ta justifikonte edhe një ngritje të pagave madje edhe më të madhe se sa diskutimet prej 120 euro për koeficient. Sidoqoftë pika të cilën ne nuk po e marrim parasysh shumë është sektori privat. Sektori privat nuk e ka mundësinë që me një koeficient të përcaktohen pagat e njëjta për të gjithë sektorin privat respektivisht kjo është një gjë pozitive aq sa është negative duke pasur parasysh se Kosova sektorin privat e ka në një gjendje të mos të them të mjerueshme po në shumë drejtime në shumë sfera ka hapësirë për t’u përmirësuar kushtet e punëtorëve”, u shpreh ai.

Related Topics:
Continue Reading

Lajmet

Sveçla: Aksioni në Kaçanik po vazhdon, ka arrestime të reja

Published

19 hours ago

on

April 25, 2025

By

Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

“Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

Ky informacion është konfirmuar për KosovaPress nga zëdhënësi i Policisë së Kosovës, Baki Kelani.

“Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.

Continue Reading

Lajmet

KEK-u njofton se ka përfunduar me sukses riparimin e njësisë B1: Gjendja është stabile

Published

19 hours ago

on

April 25, 2025

By

Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.

“Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.

Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.

“Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.

Continue Reading

Lajmet

Vazhdojnë regjistrimet në UBT International Smart Schools – Shkollat më inovative të mesme në vend

Published

19 hours ago

on

April 25, 2025

By

Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.

UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.

Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:

•     Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
•     Gjimnazi Natyror – Për ata që kanë pasion për shkencat natyrore dhe kërkimin shkencor.
•     Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
•     Asistent Dentar
•     Bashkëpunëtor Profesional i Infermierisë
•     Teknik i Farmacisë
•     Teknik i Laboratorit Mjekësor
•     Teknik i Optikës – Opticient

Formimi i liderëve të së nesërmes nis në UBT International Smart Schools

UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!

Për më shumë informata dhe aplikim: https://ubt.school/
046 332 233

Continue Reading

Lajmet

Duda Balje: Nuk ndryshojmë qëndrim për koalicion me Vetëvendosjen

Published

21 hours ago

on

April 25, 2025

By

Deputetja nga radhët e komunitetit boshnjak dhe kryetare e Unionit Socialdemokrat, Duda Balje, ka deklaruar se partia e saj nuk ka ndryshuar qëndrim sa i përket bashkëpunimit me Lëvizjen Vetëvendosje. Deklarata e saj erdhi si përgjigje ndaj deputetit të VV-së, Arbër Rexhaj, i cili kishte përmendur një ofertë për pozitë ministrore ndaj Unionit Socialdemokrat.

“Unë jam mbrapa qëndrimit, të cilin e kemi marrë si parti. Ne nuk e ndryshojmë qëndrimin,” u shpreh Balje.

Ajo gjithashtu reagoi ndaj komenteve të Rexhajt lidhur me deputetët me pak vota, duke rikujtuar se ajo dhe partia e saj kanë mbështetur Vetëvendosjen në të kaluarën.

“Arbër Rexhaj ka pasur një pikëpyetje se çka është duke ndodhur me deputetët që i kanë pasur 500 vota. Unë e kam një përgjigje për Arbërin se ku ishte Arbëri kur ne kemi votuar për qeverisjen lokale të VV-së dhe për kryeministrin Kurti. Unë i them se kjo nuk ka logjikë prej Arbërit,” tha Balje

Continue Reading

Të kërkuara