Inteligjenca artificiale (IA) është kudo – nga lajmet që lexojmë e deri te teknologjia që përdorim çdo ditë. Po tani, ajo po hyn edhe në zyrën e okulistit! Me mungesën e specialistëve të syrit në shumë vende, IA premton diagnostikim më të shpejtë dhe më të lehtë.

Por, a mund të zëvendësojë vërtet një vizitë klasike tek okulisti?

Teknologjia tashmë është këtu! Kamera autonome me IA si LumineticsCore analizon retinën e diagnostikon retinopatinë diabetike (një nga problemet më të zakonshme tek diabetikët) brenda minutave pa pasur nevojë për një mjek në dhomë apo për zgjerimin e bebëzave të syrit. Ky sistem është miratuar nga FDA dhe po përdoret në qendra të shumta mjekësore.

E njëjta teknologji po testohet për të zbuluar edhe sëmundje tjera. Ndërkohë që IA po ndihmon me diagnostikimin, chatbot-et si DocsBot ose EyeGPT po përdoren nga klinikat për të gjetur përgjigje rreth pyetjeve më të zakonshme të pacientëve.

Chatbot-et e Google, Bard dhe Gemini, arritën një saktësi prej 71% në provimin e oftalmologjisë, duke kaluar pragun e nevojshëm për t’u certifikuar si specialistë të syve! Avantazhet dhe kufizimet e IA në kujdesin për sytë

– Për pacientët me diabet, një test i shpejtë në zyrën e endokrinologut mund të shmangë nevojën për vizita të shpeshta tek okulisti.

– IA mund të ndihmojë në mbulimin e mungesës së mjekëve të syve, sidomos në zonat rurale apo tek komunitetet e margjinalizuara.

– Chatbot-et mund të kursejnë kohën e stafit mjekësor duke u përgjigjur pyetjeve bazë të pacientëve.

Megjithatë, ka edhe disa kufizime: IA nuk mund të zëvendësojë një kontroll të plotë të syve për probleme si miopia, hipermetropia apo astigmatizmi.

Teknologjia nuk mund të përshtatë një recetë për syze ose lente kontakti. Inteligjenca artificiale kërkon një konsum të madh energjie dhe disa ekspertë thonë se modelet e ardhshme duhet të jenë më efikase për të shmangur ndikimin negativ në mjedis.

Pra, a do ta zëvendësojë IA vizitën tek mjeku i syve? Për momentin, jo. Edhe pse teknologjia po përmirëson kujdesin shëndetësor, doktorët janë ende të pazëvendësueshëm për diagnoza të detajuara, përcaktimin e trajtimeve dhe vendosjen e recetave. /UBT News/

Kompania amerikane e automjeteve, Ford, ka njoftuar se do të tërheqë mbi 240 mijë automjete në Shtetet e Bashkuara të Amerikës. 

Kjo tërheqje ndodh për shkak të problemeve të mundshme të rripave të sigurimit, ka njoftuar Administrata Kombëtare e Sigurisë së Trafikut në Autostrada, raportoi Reuters.

Tërheqja prek disa automjete Ford Explorer dhe Aviator 2020-2021, bulonat për shtrëngimin e rripit të sigurimit mund të jenë të siguruara në mënyrë jo të duhur.

Si zgjidhje, tregtarët do të inspektojnë bulonat dhe do të zëvendësojnë komponentët sipas nevojës.

Microsoft bashkëpunoi me Teachable AI Experiences dhe Ninja Theory të Xbox Games Studios për të prezantuar një model të ri të AI që synon të ndihmojë zhvilluesit e lojërave. Quhet Muse.

Çfarë mund të bëjë Muse?

Sipas mediave të huaja, përcjell Telegrafi, mund të gjenerojë pamje vizuale të lojës dhe veprime të kontrolluesit bazuar në një kuptim 3D të një loje.

Modeli u trajnua me 1.6 miliard parametra dhe me 1 miliard imazhe dhe veprime kontrolluesi.

Kjo vlerësohet të jetë rreth 7 vjet lojë e vazhdueshme njerëzore.

Ata përdorën lojën Bleeding Edge të Ninja Theory.

Të dhënat e përdorura për modelin u mblodhën duke përdorur të dhënat e lojës nga përdoruesit që dhanë pëlqimin e tyre.

Kina u kërkoi zyrtarëve vendas që të përdorin chatbotin e inteligjencës artificiale (AI) DeepSeek për t’u këshilluar dhe ndihmuar në vendimmarrje.

Zyrtarët e lartë në qeveritë e disa qyteteve lëshuan udhëzime për stafin e tyre se si të përdorin DeepSeek në mënyrë efektive në “vendimmarrje, analizë dhe zgjidhje të problemeve”, raportoi e përditshmja “South China Morning Post”.

Në Zhengzhou, kryeqyteti i provincës qendrore të Henanit, kreu lokal i Partisë Komuniste, An Wei, u kërkoi zyrtarëve të qytetit të përdorin modele të AI-së si DeepSeek në qeverisje, thuhet në raport.

Departamenti lokal i kërkimeve politike të qytetit shpërndau gjithashtu manual trajnimi për stafin e tij, duke vënë në dukje se AI mund të ndihmojë si “një këshilltar dhe asistent për t’i shërbyer vendimmarrjes shkencore të komitetit komunal të partisë”.

Në qytetin Laibin, që ndodhet në rajonin jugor Guangxi, zyrtarët i kërkuan stafit të tyre “të përqafojnë dhe të mësojnë teknologjitë e reja” dhe të përdorin AI-në, njoftoi gjithashtu e përditshmja.

Ky është rasti i parë në të cilin zyrtarëve u është kërkuar të përdorin një model të veçantë të AI-së, në këtë rast DeepSeek, kur marrin vendime.

Përpos kësaj, krei i aplikacionit DeepSeek, Liang Wenfeng, ishte ndër liderët e kompanive teknologjike dhe sipërmarrësve që morën pjesë në një simpozium të kryesuar nga presidenti Xi Jinping të hënën në Pekin.

Xi u kërkoi pjesëmarrësve që të japin maksimumin e potencialit të tyre, pasi sektori privat ka “perspektiva të ndritshme dhe potencial të madh”.

Startup-i kinez DeepSeek tronditi industrinë e AI-së muajin e kaluar me chatbot-in e tij me kosto efektive dhe me shërbim falas, me përparimit të tij të shpejtë në rivalizimin e ChatGPT-së të kompanisë OpenAI me seli në SHBA.

DeepSeek fitoi një popullaritet të paparë në faqet e aplikacioneve celulare në të gjithë globin, duke rrëzuar ChatGPT-në në rajone të caktuara, përfshirë SHBA-në.

Megjithatë, DeepSeek është ndaluar në Korenë e Jugut, si dhe për zyrtarët qeveritarë në Australi, pasi Seuli pretendon se dërgoi të dhënat e përdoruesve një palë të tretë.

Përpos kësaj, presidenti në detyrë i Koresë së Jugut, Choi Sang-mok, tha të enjten se Seuli do të zhvillojë versionin e vet të chatbot-it të AI-së.