Kronika e zezë

Arrestohet grua që dyshohet për vrasjen e dy fëmijëve të gjetur në valixhe në Zelandën e re

Identiteti i gruas po mbahet për të shmangur identifikimin e mundshëm të fëmijëve.

Published

2 years ago

September 17, 2022

UBT news

Një grua 42-vjeçare që besohet të jetë nënë e dy fëmijëve, mbetjet e të cilëve u gjetën në valixhe të blera nga një depo në Zelandën e Re, është arrestuar pasi dyshohet për vrasjet.

Gruaja u arrestua në orët e hershme të së enjtes, tha një zyrtar i policisë së Koresë së Jugut për CNN.

Zyrtari policor konfirmoi se gruaja e arrestuar besohet të jetë nëna e fëmijëve, e cila mbërriti në Korenë e Jugut disa vite më parë dhe që atëherë nuk ishte larguar nga vendi.

Policia e Zelandës së Re tha në një deklaratë se ata kërkuan një urdhër arresti për gruan sipas traktatit të ekstradimit të vendit me Korenë e Jugut dhe kanë aplikuar për ekstradimin e saj në Zelandën e Re për t’u përballur me akuzat.

Identiteti i gruas po mbahet për të shmangur identifikimin e mundshëm të fëmijëve.

Policia e Zelandës së Re nisi një hetim për vrasje muajin e kaluar pasi një familje në Auckland të Jugut raportoi se kishte gjetur mbetje njerëzore në valixhet që blenë në një ankand në internet nga një depo.

Sipas policisë së Zelandës së Re, fëmijët mund të kenë vdekur para rreth tre apo katër vjetësh./UBTNews/

Kronika e zezë

Arrestohen tre persona për fajde në Prizren

Published

5 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

5 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

5 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

5 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.