Rita Ora theksoi se nuk do të kufizohet vetëm në rolin e muzikantes, teksa foli për fuqizimin e grave gjatë pjesëmarrjes në Festivalin Ndërkombëtar të Filmit në Detin e Kuq, që po zhvillohet në Xheda të Arabisë Saudite.

Gjatë eventit Women In Cinema, artistja 35-vjeçare u shpreh se vazhdon të sfidojë veten dhe të zgjerojë horizontet artistike:

“Shpesh njerëzit e kufizojnë veten në një kategori të vetme, por kjo nuk është e nevojshme. Unë e shoh veten si fillestare, se jam duke mësuar. Nuk duhet të hysh në një hapësirë duke menduar se nuk ke fuqi – sepse e ke,” tha Rita.

Edicioni i sivjetshëm vë në qendër kinemanë botërore, me fokus te kineastët arabë dhe talentet rajonale. Rita u shfaq elegante në tapetin e kuq dhe mahniti publikun me performancën e saj, e veshur me një fustan të dizajnerit Elie Saab, me bust floral dhe fund voluminoz.

Duke folur për figurat që e frymëzojnë, veçoi nënën e saj si modelin kryesor, e përmendi ikonat e muzikës si Madonna, Blondie dhe Cher:

“Janë gra që kanë bërë shumë më tepër se një gjë në jetë, dhe kjo më frymëzon edhe mua. Është e mrekullueshme të shohësh si po thyhen kufijtë tradicionalë,” u shpreh artistja.

Ora shtoi se temat që prekin gratë, nga barazia te tabu si menopauza, po marrin shumë vëmendje në diskursin publik. Ajo theksoi rëndësinë e mbështetjes mes grave:

“Nuk e imagjinoj një botë pa këtë energji dhe unitet. Jam me fat që e përqafoj këtë frymë dhe dua ta çoj përpara për brezat që vijnë.”

Festivali ka mbledhur mysafirë nga e gjithë bota në Cultural Square, në lagjen historike Al-Balad të Xhedës, për të shënuar edicionin e vitit 2025 me temën “For the Love of Cinema”.

Rita Ora ishte ndër figurat më të spikatura të tapetit të kuq, duke dëshmuar edhe një herë se, përtej muzikës, është një zë i fuqishëm për barazi dhe përfshirje në art dhe shoqëri. /A.Z/UBT News/

Ka ndërruar jetë aktori i njohur i Hollywood-it, Cary-Hiroyuki Tagawa, një prej fytyrave më ikonike të filmave aksion dhe roleve të antagonistit.

Tagawa u shua në moshën 75-vjeçare në Santa Barbara të Kalifornisë, si pasojë e komplikimeve nga një goditje në tru.

Lajmi ka sjellë reagime të shumta në botën e kinemasë, ku ai ka lënë gjurmë të pashlyeshme me interpretimet e tij unike.

I lindur në Japoni dhe i rritur në SHBA, Tagawa u bë i famshëm globalisht për rolin e magjistarit të errët Shang Tsung në universin e “Mortal Kombat”, duke e kthyer personazhin në një figurë kult për disa gjenerata fansash.

Karriera e tij përfshin afro 150 role, duke u shfaqur në filma të njohur si “The Last Emperor”, “Memoirs of a Geisha”, “The Man in the High Castle”, “Pearl Harbor”, “47 Ronin”, “Planet of the Apes”, “Tekken”, “License to Kill” e shumë të tjerë.

Energjinë e tij të fuqishme në ekran, karizmën e veçantë dhe aftësinë për të mishëruar karaktere komplekse e bënë një emër të respektuar në Hollywood dhe më gjerë.

Për shumë njerëz, Tagawa mbetet një figurë që ka shënuar fëmijërinë e tyre, ndërsa për industrinë e filmit ai ishte një aktor me prani të jashtëzakonshme dhe talent të padiskutueshëm.

Trashëgimia e tij do të jetojë përmes roleve që e bënë të paharrueshëm. /A.Z/UBT News/

Ylli 33-vjeçar konfirmoi javën e kaluar lidhjen e saj me muzikantin 27-vjeçar, Maxx Morando, duke treguar një unazë martese prej 150,000 dollarësh (rreth 129,000 euro) gjatë një eventi në tapetin e kuq.

Gjatë një interviste në Jimmy Kimmel Live, Miley bëri shaka se arsyeja kryesore pse pranoi propozimin ishte një “fobi e fshehtë” ndaj letrës.

Ajo tregoi se nuk duron kur njerëzit me duar të thata prekin letër, ndaj detyron të fejuarin të hapë të gjitha pakot e saj në Los Angeles.

Këngëtarja përmendi martesën e mëparshme me Liam Hemsworth, duke thënë se certifikata ishte “në letër të lëmuar”, gjë që e shqetësonte. Duke bërë humor, ajo kujtoi se kishte pirë një cigare imagjinare gjatë nënshkrimit të dokumentit dhe nuk mbante mend shumë detaje.

Në intervistë, Miley tregoi edhe unazën e saj të madhe, duke ironizuar se ishte “oferta e së Premtes së Zezë”, por theksoi se Morando është shumë i zgjuar në këtë aspekt.

Ajo shfrytëzoi paraqitjen për të promovuar filmin e saj më të ri, Avatar: Fire and Ash, për të cilin ka shkruar baladën “Dream As One”.

Pamja e saj në Teatrin El Capitan ishte mbresëlënëse: xhaketë me gëzof, kamisole me dantella, pantallona lëkure dhe taka stileto. /A.Z/UBT News/

Steve Cropper, kitaristi i njohur i grupit Blues Brothers, ka ndërruar jetë sot në moshën 84-vjeçare.

Sipas Pat Mitchell Worley, presidente dhe drejtoreshë ekzekutive e Fondacionit Soulsville, Cropper vdiq në qytetin e Nashville, ndërsa shkaku i vdekjes nuk është bërë ende i ditur.

Cropper, i njohur edhe si kompozitor e producent, luajti një rol kyç në formësimin e tingullit soul të Memphis, në kuadër të Stax Records.

Ai dallonte për linjat melodike të kitarës dhe stilin e veçantë që mbështeste vokalistët, në vend që t’i lërë ata “në hije”.

Emri i tij fitoi njohje më të madhe me hitin e vitit 1967, “Soul Man”, nga Sam & Dave.

Përveç kësaj, Cropper ishte anëtar i grupit Booker T. & the MG’s, një ansambël i integruar racor që përfshinte edhe Booker T.

Jones në tastiera, Donald “Duck” Dunn në bas dhe Al Jackson në bateri. /A.Z/UBT News/