Magazinë

Ndahet nga jeta në moshën 28-vjeçare ish-kandidatja për Miss Univers

Published

12 months ago

on

María Lorena Argüello Salazar, e cila ishte kandidate për Miss Universo Ecuador 2024, ka ndërruar jetë të dielën e kaluar në moshën 28-vjeçare. Lajmi u konfirmua nga llogaria zyrtare në Instagram e konkursit kombëtar të bukurisë.

Organizatorët e konkursit shkruan:

“Konkursi Kombëtar i Bukurisë shpreh dhimbjen e thellë për ndarjen nga jeta të Lorena Argüello, përfaqësuese e Quito DM dhe gjysmëfinaliste e CNB 2024. Jemi pranë familjes dhe të afërmve të saj me respekt dhe solidaritet në këtë moment dhimbjeje. Kujtimi i saj do të mbetet gjithmonë me ne.”

Lorena përfaqësoi Distriktin Metropolitano të Quitos në konkursin e zhvilluar më 8 qershor të vitit të kaluar në Machala.

Vdekja e saj shkaktoi një ndikim të madh, jo vetëm në botën e konkurseve të bukurisë, por edhe në shoqëri në përgjithësi.

Në rrjetet sociale u shpërndanë mesazhe të shumta ngushëllimi nga ndjekës, kolegë mjekë dhe konkurrente të tjera.

Kush ishte María Lorena Argüello?

E lindur më 12 mars 1997, u karakterizua nga disiplina dhe përkushtimi ndaj dy pasioneve të saj më të mëdha: mjekësisë dhe modelimit. Ajo u diplomua si kirurge, ushtroi profesionin e saj dhe paralelisht zhvilloi karrierën në konkurset e bukurisë.

Në konkursin Miss Universo Ecuador 2024 përfaqësoi qytetin e Quitos me elegancë dhe karizëm, duke fituar vlerësime nga publiku dhe organizatorët.

Edhe pse nuk fitoi çmimin kryesor, Lorena u kthye në një figurë frymëzuese për shumë të rinj në Ekuador falë ekspertizës profesionale dhe angazhimit social që e karakterizonte.

Related Topics:
Continue Reading

Magazinë

Dua Lipa surprizon fansat me filmin falas nga turneu “Radical Optimism”

Published

3 days ago

on

May 22, 2026

By

Fansat e kanë vlerësuar shumë këngëtaren shqiptare me famë botërore, Dua Lipën, për publikimin falas në YouTube të filmit të saj nga turneu “Radical Optimism”.

Komentet pozitive kanë qenë të shumta, ku ndjekësit e kanë përgëzuar këtë gjest të artistes, duke e konsideruar një mënyrë të veçantë të kujdesit ndaj fansave në mbarë botën. Dua Lipa publikoi së fundmi filmin që dokumenton një nga koncertet e turneut të saj “Radical Optimism”. Për xhirimet, ajo kishte zgjedhur Meksikën, një vend i njohur për publikun e tij të zjarrtë dhe energjik.

Publikimi erdhi si një surprizë, pasi artistja nuk e kishte paralajmëruar më herët këtë projekt. Në shumicën e rasteve, artistët e tjerë i shfaqin fillimisht filma të tillë në kinema, përpara se t’i publikojnë në platforma me pagesë.

Ndryshe nga kjo praktikë, publikimi në YouTube e bën filmin të qasshëm për të gjithë fansat anembanë botës, pa nevojën e abonimeve apo pagesave shtesë.

Përveç këtij projekti, Dua Lipa pritet të publikojë edhe një album me këngë të interpretuara live nga turneu i saj, duke shtuar pritjet dhe entuziazmin te fansat.

Continue Reading

Magazinë

Rita Ora publikon turneun veror 2026 në Evropë

Published

3 days ago

on

May 22, 2026

By

Artistja shqiptare me famë botërore, Rita Ora, ka publikuar datat e turneut të saj veror për vitin 2026, duke rikthyer entuziazmin e fansave në mbarë botën.

Këngëtarja pritet të performojë në disa vende të Evropës, si në koncerte të sajat ashtu edhe në festivale të njohura muzikore. Biletat tashmë janë në shitje dhe mund të sigurohen përmes faqes zyrtare.

Turneu përfshin ndalesa në Mbretërinë e Bashkuar, Gjermani, Itali, Spanjë, Zvicër, Austri, Finlandë, Hungari, Rumani, Maqedoni të Veriut dhe Poloni.

E njohur për energjinë në skenë dhe suksesin ndërkombëtar, Rita Ora mbetet një nga artistet shqiptare më të suksesshme në industrinë globale të muzikës.

Gjatë verës së vitit 2026, ajo do të performojë në disa nga festivalet më të njohura evropiane, përfshirë Isle of Wight në Mbretërinë e Bashkuar, Sommerfest der Autostadt në Gjermani, Pulse of Gaia në Itali, O Gozo në Spanjë, Moon + Stars në Zvicër, Donauinsel Open Air në Austri, Qstock në Finlandë, Budapest Park në Hungari, Arenele Romane në Rumani, Festivalin Veror të Ohrit në Maqedoninë e Veriut dhe Bittersweet Festival në Poloni.

Continue Reading

Magazinë

Bella Hadid tërheq vëmendje në Kanë me simbolikën pro Palestinës

Published

3 days ago

on

May 22, 2026

By

Bella Hadid tërhoqi vëmendje në Festivalin e Filmit në Kanë me një varëse në formë çelësi, e cila u interpretua nga shumëkush si simbol mbështetjeje për Palestinën.

Modelja u shfaq me një krijim të Tom Ford, ndërsa detaji më i komentuar ishte varësja që, sipas raportimeve, ndjek konturet e territorit palestinez dhe lidhet me simbolin e njohur si “çelësi i kthimit”.

Hadid ka shprehur edhe më herët publikisht mbështetje për Palestinën, si në paraqitjet e saj publike ashtu edhe në rrjetet sociale.

Paraqitja e saj në Kanë ka nxitur reagime të shumta në internet, me mbështetës dhe kritikë të këtij mesazhi simbolik.

Continue Reading

Magazinë

“Emily in Paris” përfundon me sezonin e gjashtë

Published

3 days ago

on

May 22, 2026

By

Seriali i njohur i Netflix, “Emily in Paris”, do të marrë fund pas sezonit të gjashtë. Lajmi u bë i ditur nga platforma e transmetimit, e cila konfirmoi se sezoni i ardhshëm do të jetë edhe i fundit për komedi-dramën romantike me aktoren Lily Collins në rolin kryesor.

Krijuesi i serialit, Darren Star, falënderoi fansat për mbështetjen ndër vite, duke thënë se seriali u bë pjesë e jetës së tyre dhe frymëzoi dashurinë për Parisin dhe udhëtimet.

Edhe vetë Lily Collins reagoi përmes një videoje, ku tha se pas gjashtë vitesh të paharrueshme në rolin e Emily Cooper, aventura e personazhit të saj po i afrohet fundit. Netflix ka konfirmuar se xhirimet tashmë kanë nisur në Greqi, ndërsa skena do të realizohen edhe në Paris dhe Monaco. Ende nuk është bërë publik një datë zyrtare e publikimit.

“Emily in Paris”, që debutoi në vitin 2020, u kthye në një nga sukseset më të mëdha të Netflix, duke grumbulluar miliona shikime në mbarë botën. Seriali u bë gjithashtu pjesë e diskutimeve në rrjetet sociale, duke ndikuar edhe në trendet e modës.

Megjithatë, seriali është kritikuar nga disa qarqe për paraqitjen e idealizuar dhe stereotipike të Parisit, duke u cilësuar nga kritikët si një “version parku argëtues” i kryeqytetit francez.

Continue Reading

Të kërkuara