Sport

Argjentina me penallti eleminon Kolumbinë: me Brazilin, finalja madhështore e Kupës e Amerikës

Duheshin goditjet e penalltive që Argjentina të arrinte të kapte me thonj e me dhëmbë aktin përfundimtar të këtij edicioni të Kupës së Amerikës.

Published

5 years ago

on

Finalja e Kupës së Amerikës do të jetë Argjentinë-Brazil dhe do të vihet në skenë në Maracanã natën mes të shtunës dhe të dielës. Albiceleste fitoi në gjysmëfinale kundër Kolumbisë vetëm me penallti, me kohën e rregullt që përfundoi 1-1: avantazhit në fillim të ndeshjes nga Lautaro Martinez (7 ‘) iu përgjigj në pjesën e dytë Luis Diaz (61’). Pas një kohe shtesë në ekuilibër, nga pika e bardhë gabimet e Sanchez, Mina dhe Cardonas ishin vendimtarë.

Duheshin goditjet e penalltive që Argjentina të arrinte të kapte me thonj e me dhëmbë aktin përfundimtar të këtij edicioni të Kupës së Amerikës, ku i presin kampionët në fuqi të Brazilit. Kombëtarja e Scalonit e pati të vështirë për të thyer murin e Kolumbisë, pavarësisht avantazhit të rrufeshëm argjentinas, por në fund rezultoi të ishte më precize dhe e ftohtë nga njëmbëdhjetë metrat, duke arritur në finalen e turneut për herë të tretë në katër pjesëmarrjet e fundit .

Albiceleste krijoi shumë, duke shpenzuar me pasaktësi, por gjithashtu duke u ankuar edhe për fatin e keq. Në fakt, u krijua një numër i madh pengesash në një garë të nisur mirë. Messi ishte afër golit në minutën e 4 pas një veprimi fantastik, pastaj në minutën e 7 ishte po Pleshti që i ofroi Lautaro Martinez topin e duhur për golin e avantazhit. Kolumbia sulmon me kokë ulur dhe gati barazon disa herë: së pari me Cuadrado që ekzaltoi aftësitë e Emiliano Martinez dhe pastaj me Barrios, me një goditje të shkëlqyer, pak të devijuar që kaloi ngjitur me shtyllën. Skuadra e Ruedas dominoi lojën dhe pas pushimit arriti barazimin: Luis Diaz nga një pozicion shumë i prirët surprizoi Martinez në rrëshqitje.

Në shtesë Lautaro Martinez me portën bosh goditi Barrios, duke humbur një gol praktikisht të shënuar. Menjëherë më pasi ishte Messi, nga një pozicion i shkëlqyeshëm, që goditi shtyllën, duke lejuar që të shkohet tek penalltitë e fundit: Martinez bllokoi konkluzionet e Davinson Sanchez dhe Mina, pas gabimit të De Paul i cili kishte goditur lart. Pritja ndaj Cardonas ishti vendimtare dhe e con Argjentinën në finale pas pesë vitesh. Dy kombëtaret më të rëndësishme të Amerikës së Jugut do të takohen për herë të tretë në ndeshjen vendimtare për dhënien e trofeut.

Related Topics:
Continue Reading

Sport

Kosova nis pa medalje garën në Grand Prix të xhudos

Published

2 days ago

on

June 26, 2026

By

Në Qingdao të Kinës ka nisur të premten Grand Prix i xhudos, ku në ditën e parë u paraqitën tri xhudiste nga Kosova, por pa arritur të sigurojnë vazhdim në garë për medalje.

Në kategorinë deri në 48 kilogramë, Erza Muminoviq e nisi mirë garën duke e fituar luftën e parë ndaj Su Yon Jon nga Koreja e Veriut, por u ndal në xhiron e dytë pas humbjes ndaj kinezes Wenna Zhuang.

Fatjona Kasapi u eliminua në luftën e parë në kategorinë deri në 52 kilogramë, pasi u mposht nga bartësja e parë, gjermanja Mascha Ballhaus.

Ndërkohë, edhe Flaka Loxha u ndal që në përballjen e parë në kategorinë deri në 57 kilogramë, duke pësuar nga Maysa Pardayeva e Turkmenistanit.

Të shtunën në garë për Kosovën do të zbresin Laura Fazliu dhe Dardan Cena.

D.L

Continue Reading

Sport

Holanda fiton bindshëm, Tunizia eliminohet pa pikë

Published

2 days ago

on

June 26, 2026

By

Holanda ka regjistruar një fitore të sigurt 3:1 ndaj Tunizisë në Kansas City, duke e mbyllur fazën e grupeve në vendin e parë të Grupit F me shtatë pikë.

Ndeshja nisi furishëm për holandezët, të cilët kaluan në epërsi që në minutën e tretë pas një autogoli të Ellyes Skhirit. Vetëm katër minuta më vonë, Brian Brobbey dyfishoi avantazhin, duke e çuar rezultatin në 2:0.

Tunizia u rikthye në lojë në minutën e 54-t me golin e Hazem Mastourit, por Holanda reagoi shpejt. Në minutën e 62-të, Jan Paul van Hecke vulosi fitoren me golin për 3:1.

Me këtë disfatë, Tunizia i humbi të tre ndeshjet e grupit dhe i jep fund paraqitjes në turne.

D.L

Continue Reading

Sport

Japonia pa humbje, Suedia kalon si e treta

Published

2 days ago

on

June 26, 2026

By

Japonia dhe Suedia kanë siguruar kualifikimin në fazën e nokautit të Kupës së Botës, pasi barazuan 1:1 në ndeshjen e fundit të Grupit F.

Takimi, i zhvilluar të premten në Arlington para rreth 70 mijë shikuesve, ishte vendimtar për renditjen përfundimtare të grupit. Japonia kaloi në epërsi në minutën e 56-të me golin e Daizen Maedës, ndërsa Suedia reagoi shpejt dhe barazoi gjashtë minuta më vonë, kur Anthony Elanga realizoi për 1:1.

Japonia e mbylli fazën e grupeve pa humbje, duke grumbulluar pesë pikë dhe duke siguruar vendin e dytë në grup. Ndërkohë, Suedia, që në kualifikime kishte përfunduar pas Kosovës, avancoi nga pozita e tretë me katër pikë.

Në fazën e nokautit kualifikohen tetë përfaqësueset më të mira të vendeve të treta nga 12 grupet e turneut, ndërsa Suedia ishte njëra prej tyre.

Për Japoninë, ky është kualifikimi i tretë radhazi nga faza e grupeve dhe i pesti në shtatë pjesëmarrje në Kupën e Botës.

Edhe Suedia vazhdon serinë pozitive, pasi ka kaluar fazën e grupeve në secilin prej katër edicioneve të fundit në të cilat është kualifikuar.

D.L

Foto: aljazeera

Continue Reading

Sport

Fitorja ndaj SHBA-së nuk i mjaftoi Turqisë për kualifikim

Published

2 days ago

on

June 26, 2026

By

Turqia e mbylli me fitore paraqitjen në Kupën e Botës, por suksesi 3:2 ndaj SHBA-së nuk mjaftoi për të siguruar një vend në fazën e nokautit.

Në ndeshjen e zhvilluar në Inglewood, të premten në mëngjes sipas kohës së Kosovës, turqit triumfuan falë një goli dramatik të Kaan Ayhan në minutën e 98-të. Megjithatë, dy humbjet e mëparshme ndaj Australisë dhe Paraguait rezultuan fatale për ekipin turk, që e mbylli garën në vendin e fundit të Grupit D me tri pikë.

SHBA-ja, pavarësisht humbjes, e ruajti pozitën e parë në grup me gjashtë pikë dhe avancoi në fazën tjetër. Australia u rendit e dyta me katër pikë, ndërsa Paraguai përfundoi i treti, gjithashtu me katër pikë, dhe pritet të sigurojë kalimin tutje si një nga ekipet më të mira të vendeve të treta.

Për Turqinë shënuan Arda Güler në minutën e 10-të, Burak Yılmaz në të 31-tën dhe Kaan Ayhan në minutën e 98-të. Për SHBA-në realizuan Auston Trusty në minutën e tretë dhe Sebastian Berhalter në minutën e 49-të.

Amerikanët, të cilët e kishin siguruar më herët kualifikimin, u paraqitën me një formacion të ndryshuar, duke aktivizuar nëntë lojtarë të rinj nga minuta e parë.

Turqia kishte udhëtuar drejt SHBA-së me pritshmëri të larta, pasi në plejof kishte eliminuar Kosovën, por dështimet në dy ndeshjet e para ia pamundësuan vazhdimin e garës.

Në ndeshjen tjetër të Grupit D, Australia dhe Paraguai barazuan 0:0.

D.L

Foto:.theguardian

Continue Reading

Të kërkuara