Sport

Wembley, tifozët e gjithçka, favorizojnë Anglinë

Danimarka surprizë, kundër atyre që nuk kanë pësuar ende gol.

Published

5 years ago

July 7, 2021

Betim Gashi

Përpara publikut të shtëpisë në stadiumin e saj mitik Wembley, Anglia është gati të luajë një gjysëmfinale pulsuse në Euro 2020, kur përballë të ketë surprizuesit skandinav të Danimarkës. Tre Luanët shkatërruan 4-0 Ukrainën për të arritur në katër më të mirët, ndërsa Danimarka i dha vazhdimësi performancave argëtuese e efikase, duke kaluar 2-1 Republikën Çeke, por për të arritur finalen nëse anglezët do ti besojnë edhe ndihmës së shtëpisë, danezët do të gjejnë motivimin edhe njëherë tek Eriksen, tronditësi dhe unifikuesi i formacionit të Hjulmand.

Southgate nuk ka qenë kurrë një nga ata që ruan të njëjtën formulë fituese gjatë gjithë turneut, por gjithësesi një ndryshim i madh nuk ka gjasa të ndodhë këtë herë pasi trajneri i Anglisë ka planifikuar të aplikojë edhe një herë një 4-2-3-1 tepër efektive. Jadon Sancho tërhoqi vëmendjen gjatë ndeshjes së tij të parë si titullar kundër Ukrainës, por Bukayo Saka në anën tjetër garanton një impakt në të djathtë, duke pasur parasysh aftësitë e tij sulmuese dhe mbrojtëse, që mund ta bëjnë të favorizuar të teknikut. Maguire, Declan Rice dhe Kalvin Phillips të gjithë arritën të shmangin një karton të verdhë që do t’i përjashtonte në prezencën e tyre në gjysëmfinale, gjë do të thotë se Henderson mund ti duhet të presë edne për një fanellë titullari pavarësisht se shënoi golin e tij të parë në 62 ndeshje për Anglinë.

Eriksen është frymëzuesi i një Danimarkë, që megjithë mungesën tashmë të ditur prej debutimit të yllit të skuadrës, është e pajisur mirë për gjysmëfinalen. Yussuf Poulsen rikuperoi mjaftueshëm për të bërë një paraqitje nga pankina kundër cekëve, por vështirë se mund të spsotojë nga formacioni një Dolberg në formë të shkëlqyer. Daniel Wass duhet të ketë rikuperuar për të qenë në fushë nga minuta e parë kundër britanikëve në të djathtë, por Jens Stryger Larsen, që siguroi asist për avantazhin e Delaney, nuk ka ndërmend të heqë dorë nga vendi i tij në Wembley. Lajmi më i mirë për danezët është se kapiteni, Simon Kjaer, i ka kapërcyer shqetësimet e tij fizike dhe është i gatshëm të udhëheqë skuadrën e tij në kryeqytetin anglez dhe në këtë këndvështrim nuk do të ishte befasi që Hjulmand të nxjerrë në fushë një formacion të pandryshuar, në tentativë për të bërë një befasi edhe më të madhe se ardhja deri në këtë pikë të Euro 2020.

Sport

Asllani shënon, Hajdari asiston në fitoren e Hoffenheimit ndaj Hamburgut

Published

34 minutes ago

April 27, 2026

UBTNews

TSG Hoffenheim ka shënuar fitore të rëndësishme në udhëtim ndaj Hamburger SV me rezultat 2:1, në një ndeshje ku futbollistët shqiptarë patën rol vendimtar.

Golin e parë për Hoffenheimin e realizoi Tim Lemperle në minutat shtesë të pjesës së parë, pas një asistimi të saktë nga Albian Hajdari, i cili u dallua me paraqitje shumë të mirë gjatë gjithë takimit.

Në pjesën e dytë, në minutën e 64-të, ishte Fisnik Asllani ai që vulosi fitoren, duke shënuar golin e dytë për mysafirët dhe duke qenë një nga figurat kryesore të ndeshjes.

Paraqitja e dy futbollistëve shqiptarë ishte vendimtare për këtë sukses, me Hajdarin që kontribuoi me asist dhe Asllanin që gjeti rrugën e rrjetës, duke konfirmuar formën e mirë dhe rëndësinë e tyre në skuadër.

Hamburger SV arriti të shënojë një gol, por nuk ishte i mjaftueshëm për të shmangur humbjen ndaj një Hoffenheimi më efikas.

Sport

Samadrexha fiton për herë të parë Kupën e Kosovës në hendboll

Published

57 minutes ago

April 27, 2026

UBTNews

Samadrexha ka shkruar histori duke e fituar për herë të parë Kupën e Republikës së Kosovës në hendboll në konkurrencën e femrave.

Në finalen e zhvilluar të dielën në palestrën “Bill Clinton” në Ferizaj, Samadrexha triumfoi ndaj Istogu me rezultat 27:23, duke siguruar trofeun e parë të Kupës në historinë e klubit.

Ndeshja ishte e balancuar në pjesën e parë, ku istogaset kishin epërsi të lehtë, por pa arritur të krijojnë diferencë më të madhe se dy gola. Në pjesën e dytë, Samadrexha u shfaq më e organizuar dhe më efikase, duke përmbysur rezultatin dhe duke ruajtur avantazhin deri në fund.

Figura kryesore e ndeshjes ishte Jennifer Abreu me tetë gola, ndërsa Vitoria Oliveira shtoi shtatë të tjerë për fitueset. Në anën tjetër, për Istogun u dallua Joneide Olikaka me tetë gola, ndërsa Alda Bruna realizoi katër.

Në rrugën drejt finales, Samadrexha mposhti Ferizajn në gjysmëfinale, ndërsa Istogu eliminoi Shqiponjën.

Ky sukses shënon një moment historik për Samadrexhën, që për herë të parë ngre trofeun e Kupës së Kosovës.

Sport

Kreshnik Uka shpallet “Ylli i Javës”

Published

1 hour ago

April 27, 2026

UBTNews

Federata e Futbollit e Kosovës, në bashkëpunim me sponsorin zyrtar të Albi Mall Superliga e Kosovës, ka ndarë çmimin tradicional “Ylli i Javës”, i cili i jepet futbollistit më të dalluar të javës në kampionatin elitar kosovar.

Për javën e 30-të të edicionit aktual, ky çmim i është ndarë për herë të tretë futbollistit të FC Drenica, Kreshnik Uka, i cili shkëlqeu me dy gola në fitoren 3:2 ndaj FC Prishtina e Re.

Vlerësimi është bërë nga Komisioni i Veteranëve të Futbollit, i cili ka shpërblyer paraqitjen e tij të jashtëzakonshme në këtë xhiro të kampionatit.

Pas marrjes së çmimit, Uka u shpreh i lumtur për vlerësimin, duke theksuar rëndësinë e fitores dhe reagimin e ekipit në pjesën e dytë të ndeshjes. Ai tha se skuadra, pas disavantazhit 1:0 në pjesën e parë, arriti të rikthehet fuqishëm falë angazhimit të lojtarëve dhe stafit teknik, duke përmendur edhe bashkëpunimin brenda ekipit dhe mentalitetin e ri që po krijohet në klub.

Uka shtoi se synimi kryesor i klubit mbetet Kupa e Kosovës, por nuk përjashtojnë as objektiva të tjera në vazhdim të sezonit, duke theksuar se ekipi po punon me seriozitet dhe përkushtim në çdo ndeshje.

Ky çmim vlerësohet si një tjetër konfirmim i formës së mirë të Kreshnik Ukës në këtë edicion të Superligës.

Lajmet

Kuvendi i Kosovës miraton marrëveshjen me Shqipërinë për Lojërat Mesdhetare Prishtina 2030

Published

1 hour ago

April 27, 2026

UBTNews

Kuvendi i Kosovës ka ratifikuar marrëveshjen ndërmjet Kosovës dhe Shqipërisë për organizimin e Lojërat Mesdhetare Prishtina 2030, në një vendim unanim të miratuar në seancën e 27 prillit 2026.

Për këtë projektligj, i cili mban numrin 10/L-040 dhe ka të bëjë me ratifikimin e marrëveshjes ndërmjet Qeveria e Republikës së Kosovës dhe Këshilli i Ministrave i Republikës së Shqipërisë, votuan 93 deputetë pro, pa asnjë votë kundër apo abstenim.

Lojërat Mesdhetare, të themeluara në vitin 1951, janë një ngjarje shumë-sportive që zhvillohet çdo katër vjet nën mbështetjen e Komitetit Olimpik Ndërkombëtar. Për herë të parë në histori, Kosova do të jetë vend nikoqir i këtij eventi madhor sportiv, që konsiderohet organizimi më i madh sportiv në historinë e saj.

Vendimi për t’ia besuar organizimin Kosovës u mor më 8 shtator 2024, kur Asambleja e Përgjithshme e Komitetit Ndërkombëtar të Lojërave Mesdhetare (ICMG) votoi kandidaturën “Prishtina 2030” me 55 vota pro, 8 kundër dhe 3 të pavlefshme, në një takim të mbajtur në Heraklion të Greqisë.

Kosova, ndonëse pa dalje në det, u lejua të kandidojë pas ndryshimeve në statutin e ICMG-së, të cilat hapën mundësinë që edhe vendet pa bregdet të organizojnë Lojërat Mesdhetare.

Në këtë proces, Shqipëria ka marrë përsipër të ofrojë mbështetje të rëndësishme, duke vënë në dispozicion bregdetin e saj për zhvillimin e garave të sporteve ujore, duke forcuar bashkëpunimin mes dy vendeve në organizimin e këtij eventi historik.