Sport
Jorginho, çuni i mamit që çoi Italinë në finale
Ja se si italiani që dje nënshkroi penalltinë vendimtare kundër Spanjës u bë një nga mesfushorët më të mirë në Evropë
Stërvitje dhe sakrifica. Këmbët e arta dhe koka e akullit. Ja se si italiani që dje nënshkroi penalltinë vendimtare kundër Spanjës u bë një nga mesfushorët më të mirë në Evropë. La gazzetta dello sport ka bërë portretin e Jorginhos që Lapsi,al e ka përkthyer.
Përtej thashethemeve, përtej dyshimeve për Londrën, një qytet ku nuk është e lehtë të ambientohesh nëse vjen nga Brazili dhe më pas nga Napoli, përtej lodhjes, duke marrë parasysh që po e mbyll sezonin me 56 ndeshje Italia tregoi se është e varur nga një njeri. Përtej gjithë këtyre Profesor Jorginho u tregua edhe njëherë njeriu kyç.
Pas fitimit të Ligës së Kampionëve ai mori disa ditë pushim me leje nga Mançini, gjatë të cilave pushoi në Londër, fjeti shumë, shkoi për të ngrënë në restorantin e tij të preferuar, Gola, ku i qerasën një tas i madh makarona, të preferuarat dhe e kaloi pjesën tjetër të kohës me fëmijët. Kur u paraqit në Coverciano, qëndrën stërvitore të Italianëve, ata që e panë thanë, se ai ishte “i freskët si një trëndafil”.
Super – mamaja
Në jetën e Jorginhos, futbolli ka qenë gjithmonë përparës, edhe kur ai përfundoi në qendër të thashethemeve për martesën në krizë me Natalinë (nënën e dy fëmijëve të parë), për shkak të flirtit me një përkthyese të Chelsea dhe kur nisi historinë me Catherine Harding, exin e aktori Jude Laë, që u bë nëna e fëmijës së tij të tretë. Për momentin duket se të dy janë bashkë – ajo ishte dje në stadium në ndeshjen kundër Spanjës – por gjithashtu duket se marrëdhëniet me Natalinë janë të shkëlqyera (ajo gjithashtu gjendet gjithmonë në stadium). Në çdo rast, përtej historive rozë dhe thashethemeve (tabloidët anglezë kanë bërë festë me këto histori), ka një grua thelbësore në jetën dhe karrierën e Jorginhos. Pika e dobët e djalit më këmbë të arta dhe kokë të ftohtë (siç dëshmohet edhe nga penalltia e shënuar kundër Spanjës) mbetet nëna e tij. Zonja Maria Tereza, në 1991, kur mbeti shtatzënë, i premtoi vetes se si një ish-futbolliste amatore, do të bënte gjithçka për të kaluar pasionin e saj për futbollin tek i biri. Por ajo mbase as nuk e imagjinonte që ai do të bëhej një nga mesfushorët më të fortë dhe më të famshëm në Evropë.
Mbëritja në manastir
Pas divorcit me të atin, me shumë pak para në valixhe, nëna e largoi Jorginhon nga Brazili për t’u bashkuar me gjyshërit e tyre në Itali, në perifer të Veronës. Ishte ajo që i bleu topin, këpucët e futbollit dhe që gjithashtu i mësoi bazat e para të lojës. Më pas i gjeti vend në një manastir aty pranë (“ishim gjashtë veta në një dhomë, qëndruam atje për një vit e gjysmë dhe ata na paguanin 20 euro në javë. Murgjit na trajtuan shumë mirë, ata ishin gjithmonë shumë të respektueshëm me ne dhe ushqimi ishte i shkëlqyeshëm” kujton sot Jorginho). Në fillim ai rezistoi por më pas pati një krizë që e detyroi të thotë mjaft dhe të braktisë gjithçka. Nëna e tij përsëri ndërhyru dhe e bind atë gati me forcë: “Nëse largohesh, nuk do të kthehesh në në shtëpi. Ti duhet të mësohet të rezistosh “. Dhe djali e bëri.
Jeta në Londër
Rezultoi se zonja kishte të drejtë, aq më tepër po të shohësh se si, tani në Londër, Jorginho po kujdeset deri në fiksim për karrierën e tij. Edhe njohja me Sarrin ishte shumë e rëndësishme për të. Ai e mësoi të kujdeset për trupin e tij dhe të ketë vëmendje të veçantë për të ushqyerit, pasi Jorginho është një adhurues i makaronave dhe picave. Sot ai e di se si të menaxhojë veten shumë mirë dhe gjithmonë nëna e tij, e njëjta nënë që në një video të bëre virale shfaqet e përlotur duke parë bluzën e djalit të saj në dyqanin Chelsea, i mësoi atij rëndësinë e trajnimit gjithmonë, madje duke perfeksionuar teknikën edhe në moshën 30 bjeçare. Si fëmijë ai e bëri atë në rërë (“ai përmirësoi qëndrueshmërinë dhe ekuilibrin”), tani e perfeksionin në terrenet profesionale të trajnimit të Chelsas në Londër. Një Londër ku Jorghinho jeton prej tre vjetësh dhe që, tashmë, i ka hyrë në zemër. E kush mund të vërë bast që pas të dielës në mbrëmje ajo nuk do të bëhet edhe më e veçantë për të?
Moda
Mes futbollit dhe ushqimit të mirë, një pasion tjetër për të është ai i modës. Ai preferon të vishet me Dolce Gabbana. Jorginho, ka një pasion për markat italiane, por nuk ka një stil eksentrik. Ai është mjaft klasik dhe i sofistikuar. Me një fjalë profesor, edhe në look, ashti si edhe në futboll.
Pershtatur prej Lapsi.al nga La gazzetta dello sport
Sport
Ministria e Rinisë dhe Sportit dhe KOK nënshkruajnë memorandum rekord prej 1.15 milionë euro për sportin kosovar
Vizitë zyrtare në Ambasadën e Kosovës në Vjenë me rastin e shfaqjes “Vojçeku”
Rreth 4 milionë mungesa në shkolla, Drejtoria e Arsimit nis aksion të gjerë në Prishtinë
Irani propozon rihapjen e Ngushticës së Hormuzit: Teherani kërkon heqjen e bllokadës amerikane
Podujevë: Tre të lënduar pas shpërthimit të një bombole gazi
Ish-agjenti i FBI-së: Reagimi ndaj të shtënave ishte një sukses i sigurisë
BE shpreh keqardhje që Serbia nuk i ka ndjekur ende përgjegjësit e sulmit në Banjskë
Ministria e Rinisë dhe Sportit dhe KOK nënshkruajnë memorandum rekord prej 1.15 milionë euro për sportin kosovar
Ndahet nga jeta regjisori argjentinas Adolfo Aristarain
DITARI: Çfarë lajmesh kemi lexuar në çdo 27 prill, në vitet nëntëdhjetë
-
Lajmet2 months agoUBT nderon Familjen Jashari me Dekoratën Jetësore të Nderit
-
Lajmet2 months agoKoordinatorja e projektit AKIL-EU në UBT, prof. Manjola Zaçellari, referon në University of Oxford
-
Lajmet2 months agoPërfundon seanca e sotme në Hagë për pengim të drejtësisë
-
Live2 months agoKryegjykatësi Smith III shpall mbylljen e çështjes gjyqësore