Aktualitet

Arabia Saudite anulon Haxhin për pelegrinët ndërkombëtarë për shkak të frikës nga COVID-19

Arabia Saudite as këtë vit nuk do të hapë dyert për pelegrinët ndërkombëtarë, me ç’rast Haxhi do realizohet vetëm nga vendasit.

Published

4 years ago

on

Arabia Saudite ka anuluar haxhin për pelegrinët ndërkombëtarë për shkak të frikës nga infektimi me virusin COVID-19.

Arabia Saudite ka vendosur që pelegrinët ndërkombëtarë nuk do të lejohen për Haxh këtë vit për shkak të frikës nga përhapja e COVID-19.

Kjo po ndodh për të dytin vit radhazi që kur shpërtheu pandemia vitin e kaluar me ç’rast pelegrinëve ndërkombëtarë u është ndaluar të bëjnë pelegrinazhin.

Vetëm 60 mijë pelegrinë vendorë nga mosha 18 deri në 65 vjeç do të lejohen të kryejnë pelegrinazhin vjetor këtë vit, njoftoi të shtunën Agjencia Saudite e Shtypit.

“Në dritën e asaj që e gjithë bota po dëshmon nga zhvillimet e vazhdueshme të pandemisë së koronavirusit dhe shfaqjes së mutacioneve të reja, regjistrimi i Haxhit do të kufizohet vetëm për banorët dhe qytetarët brenda Mbretërisë”, njoftoi ministria Saudite e Haxhit në llogarinë zyrtare në Twitter.

Qeveria ka thënë se vetëm njerëzit e vaksinuar kundër koronavirusit të ri do të lejohen të kryejnë ritualin.

Vendimi është “bazuar në mprehtësinë e vazhdueshme të Mbretërisë për t’u mundësuar mysafirëve dhe vizitorëve në Xhaminë e Madhe dhe Xhaminë e Profetit për të kryer ritualet e Haxhit dhe Umres”, tha ministria. “Mbretëria vendos shëndetin dhe sigurinë e njeriut në radhë të parë”.

Normalisht, miliona myslimanë nga e gjithë bota zbarkojnë në Arabinë Saudite për Haxh – një domosdoshmëri për muslimanët të paktën një herë në jetën e tyre – por mbretëria ka vendosur një limit për numrin e pelegrinëve për të shmangur përhapjen e virusit.

Në vitin 2020, vetëm deri në 10 mijë pelegrinë ishin lejuar të kryenin Haxh pasi pandemia ishte në kulmin e saj dhe ekspertët po luftonin për zhvillimin e vaksinës.

Tetorin e kaluar, Arabia Saudite lehtësoi kufizimet, ndërsa hapi Xhaminë e Madhe për lutje për herë të parë në shtatë muaj dhe rinisi pjesërisht pelegrinazhin e umres.

Në një ditë, vetëm 20 mijë pelegrinë lejohen të kryejnë Umren ndërsa një total prej 60 mijë adhuruesish lejohen të kryejnë lutje ditore në xhami.

(Përktheu dhe përshtati UBTNews)

Related Topics:
Continue Reading

Bota

Protestë në Ukrainë, Zelensky nënshkruan projektligjin që dobëson agjencitë anti-korrupsion

Published

2 hours ago

on

July 23, 2025

By

Agjencia e sigurisë së brendshme e Ukrainës arrestoi dy zyrtarë të NABU-së me dyshimin për lidhje me Rusinë dhe kontrolloi punonjës të tjerë të agjencisë për akuza të palidhura.

Mijëra ukrainas u mblodhën në Kiev dhe qytete të tjera të martën, duke i kërkuar Presidentit ukrainas Volodymyr Zelenskyy të vërteton ndaj legjislacionit që kritikët thonë se minon infrastrukturën antikorrupsion të vendit.

Protesta shënoi tubimin e parë të madh kundër qeverisë në më shumë se tre vjet të pushtimit të plotë të Rusisë.

Parlamenti i Ukrainës kishte miratuar një projektligj që shtrëngonte mbikëqyrjen e dy organeve kryesore antikorrupsion, Byrosë Kombëtare Antikorrupsion të Ukrainës (NABU) dhe Zyrës së Prokurorit të Specializuar Antikorrupsion (SAPO).

Kundërshtarët paralajmërojnë se masa mund të dobësojë pavarësinë e agjencive dhe të rrisë ndikimin politik mbi hetimet.

Pavarësisht protestave publike, Zelenskyy thuhet se e nënshkroi projektligjin të martën.

Continue Reading

Aktualitet

Çitaku kritikon MPJD për ​arrestimin e ish-ushtarit të UÇK-së në Serbi

Published

5 hours ago

on

July 23, 2025

By

Sekretarja e përgjithshme e PDK-së, Vlora Çitaku ka reaguar lidhur me arrestimin e ish-ushtarit të UÇK-së në Serbi, Lulzim Halili duke thënë se misionet diplomatike duhet të jenë më të angazhuara për lirimin e ish-ushtarëve të UÇK-së nga autoritetet serbe. 

Çitaku u shpreh se liria e lëvizjes duhet të jetë e garantuar, teksa kërkoi aktivizimin e misioneve diplomatike.

“Sigurisht që ne i ndjekim, e kemi parë dhe është lajm jashtëzakonisht shqetësues. Fatkeqësisht kjo tashmë është shndërruar në lajm të rregullt, sepse nuk është rasti i parë ka edhe ushtarë të tjerë të Ushtrisë Çlirimtare të Kosovës që po mbahen tash e disa muaj nëpër burgjet e Serbisë. Qeveria e Republikës së Kosovës, kjo në largim duhet të jetë shumë më aktive. Misionet tona diplomatike duhet të jenë shumë më të angazhuara në mënyrë që të vihen në funksion mekanizmat ndërkombëtarë për lirimin e tyre. Ata nuk janë njerëz pa atdhe, nuk duhet të trajtohen si njerëz pa atdhe, si njerëz pa institucione, si njerëz për fatin e të cilëve nuk brengoset askush”, tha ajo për media.

Kritika pati për Ministrinë e Punëve të Jashtme, për çka Çitaku tha se në vend se të merret me beteja të vogla të brendshme, duhet të jenë në funksion të qytetarëve.

Sipas Novosti-it, ish-luftëtarit të UÇK-së iu caktua masa e ndalimit prej 48 orëve nga Zyra e Prokurorit për Krime të Luftës. /Telegrafi

Continue Reading

Aktualitet

Dështon përpjekja e 51-të për konstituim të Kuvendit

Published

5 hours ago

on

July 23, 2025

By

Edhe në përpjekjen e 51-të për konstituim të Kuvendit seanca dështoi nga kryesuesi Avni Dehari i cili ia ndërpreu fjalën deputetes Ganimete Musliu, ndërkaq që kanë mbetur edhe pak ditë deri te përfundimi i afatit kushtetues.

Deputetja e PDK-së Ganimete Musliut e nisi fjalimin e saj me “Nëse ke pak moral njerëzor…”, dhe kjo bëri që kryesuesi Dehari të ia ndërpres fjalën.

Musliu iu afrua fizikisht Deharit, u fjalosën dhe kryesuesi e shpalli të ndërprerë seancën duke ftuar deputetët të mblidhen sërish pas 48 orësh, më 25 korrik.

Kjo ka vë në pah se edhe më tej nuk ka pajtueshmëri midis Lëvizjes Vetëvendosje në njërën anë dhe partive të tjera në anën tjetër, për formimin e një komisioni për votim të fshehtë të kandidates për kryetare të Kuvendit, Albulena Haxhiu.

Kryeministri në detyrë Albin Kurti në fillimet e seancës nuk foli për media por vetëm kaloi në heshtje pranë gazetarëve,kurse ministri në detyrë, Hekuran Murati, nuk e ka komentuar kërkesën e presidentes Osmani drejtuar Gjykatës Kushtetuese, para seancës së 51-të konstituive.

Nga rradhët e PDK-së, deputetja  Blerta Deliu-Kodra kritikoi Vetëvendssojen për moskonstitumi të Kuvendit të Kosovës, duke thënë se Kosova dhe qytetarët e saj po vuajnë për shkak të paaftësisë së tyre.

Kryetari i AAK-së, Ramush Haradinaj, ka thënë se gjendja nuk është e mirë, por sipas tij, pas kërkesës së presidentes që t’i drejtohet Gjykatës Kushtetuese lidhur me pasojat juridike që mund të lindin nëse Kuvendi i ri nuk konstituohet brenda 30-ditësh, krijohet hapësirë edhe disa ditë për Lëvizjen Vetëvendosje.

Gjithashtu edhe Kryetari i Nismës Socialdemokrate, Fatmir Limaj deklaroi se nuk do të kontribuojnë në zgjidhje gjysmake që do të shkaktonin zgjedhje duke theksuar se konstituimi i kuvendit pa pasur shumicë parlamentare mund të pasojë me zgjedhje të parakohshme.

Gjykata ka vendosur që deputetët e zgjedhur janë të obliguar që brenda 30 ditësh afat kohor që nga hyrja në fuqi e këtij aktgjykimi, të përfundojnë seancën konstituive përmes zgjedhjes së Kryetarit dhe nënkryetarëve të Kuvendit që i bie me datë 26 korrik.

 

 

 

Continue Reading

Aktualitet

Musliu ia largoi mikrofonin Deharit, ndërpritet seanca

Published

5 hours ago

on

July 23, 2025

By

Është ndërprerë seanca e sotme konstituive e Kuvendit të Kosovës me vendim të kryesuesit, Avni Dehari, pasi deputetja e PDK-së, Ganimete Musliu ia largoi mikrofonin. Dehari pasi këtij veprimi të Musliut tha se e ndërpret seancën dhe e njëjta vazhdon me 25 korrik në orën 11:00. 

Paraprakisht, Musliu mori fjalën në emër të PDK-së për të propozuar anëtarin e komisionit verifikues për votim të fshehtë të kryeparlamentarit, mirëpo asaj ia ndali fjalën Dehari.

Kjo nxiti Musliun t’i shkojë te hapësira e kryesuesit të seancës duke ia marrë mikrofonin dhe ndal fjalën atij.

 

Continue Reading

Të kërkuara