Kuriozitete

Anëtarët mbretërorë që hoqën dorë nga titujt e tyre për hir të dashurisë

Princi Harry dhe Meghan Markle janë disa prej tyre.

Published

on

Dilema e dinjitetit dhe dashurisë është temë e shumë tregimeve dhe komploteve të librave të panumërt.

Megjithëse, zgjedhja midis detyrës dhe marrëdhënieve nuk është fiktive. “Heronjtë” e artikullit tonë u përballën me këtë dilemë në jetën reale, dhe ashtu si heronjtë nga faqet e librave, ata gjetën guximin për të marrë një nga vendimet më të vështira në jetën e tyre, përcjell UBT News.

Këtu janë disa prej tyre:

Princesha e Japonisë, Mako

Mako, Princesha e Japonisë, së fundmi është martuar me të dashurin e saj, Kei Komuro. Çifti u takua për herë të parë në vitin 2012 në kolegj.

Në vitin 2017 ata u fejuan dhe nisën përgatitjet e dasmës. Përralla u “shkatërrua” për faktin se Kei Komuro ishte një njeri i zakonshëm, dhe sipas ligjit japonez, kur një përfaqësuese femër e familjes mbretërore martohet me një person të zakonshëm, ajo duhet të heqë dorë nga titulli i saj.

Mako jo vetëm që hoqi dorë nga titulli i saj, por gjithashtu refuzoi 1 milion dollarë, të lëshuara tradicionalisht për një grua mbretërore që largohet nga familja.

Princi Filip

Si bashkëshort i Mbretëreshës, i ndjeri Princi Filip kishte tituj të ndryshëm, duke përfshirë titullin Dukë i Edinburgut. Megjithatë, për t’u martuar me mbretëreshën Elizabeth, ai duhej të bëhej shtetas britanik dhe të hiqte dorë nga titujt e tij. Filipi lindi si Princ i Greqisë dhe Danimarkës, por në emër të dashurisë, ai hoqi dorë nga e drejta e tij për fronin grek dhe danez dhe mori mbiemrin e nënës së tij, Mountbatten.

Për disa vite, Filipi kishte titullin Dukë, i cili, në një hierarki mbretërore, është shumë më i ulët se titulli i tij atëror. Në vitin 1957 ai mori emrin titullin princ.

Princi Harry

Diskutimet rreth vendimit të Princit Harry dhe Meghan Markle për t’u tërhequr nga detyrat e tyre mbretërore ishin të “nxehta” dhe të diskutueshme. Megjithatë, në një nga intervistat e tij, vetë Harry tregoi se arsyeja pse vendosi të hiqte dorë nga titulli ishte familja e tij.

Duke qenë shtatzënë, Meghan po përjetonte probleme të shëndetit mendor. Dhe, sipas Harry-t, pasi lindi djali i tyre, Archie, ata vendosën të bëjnë një hap prapa për t’u fokusuar vetëm te Meghan dhe mirëqenia e fëmijës së tyre.

Ubolratana, Princesha e Tajlandës

Ubolratana, Princesha e Tajlandës, gjithashtu hoqi dorë nga statusi i saj mbretëror duke u martuar me një njeri të zakonshëm. Ubolratana u martua me bashkëshortin e saj, amerikanin Peter Ladd Jensen, në vitin 1972. Në vitin 1998, çifti u nda, por princesha nuk i mori titujt e saj.

Teknikisht, ajo trajtohet si një mbretërore, por ajo nuk mbulohet nga ligjet lèse-majesté të Tajlandës, të cilat ndalojnë ofendimin e dinjitetit të familjes mbretërore.

Mbreti Eduard VIII

Historia e mbretit Eduard VIII, xhaxhait të mbretëreshës Elizabeth, është ndoshta më e njohura, por përmbledhja jonë nuk do të ishte e plotë pa të. Në vitin 1930, Eduardi takoi një aktore amerikane, Wallis Simpson. Në kohën kur filloi lidhja e tyre, Wallis u divorcua dy herë dhe kur Eduardi u shpall mbret, atij iu desh të zgjidhte midis kurorës dhe dashurisë.

Në vitin 1936, Eduardi abdikoi nga froni dhe iu drejtua kombit nëpërmjet transmetimit radiofonik, duke thënë: “E kam pasur të pamundur të mbaj barrën e rëndë të përgjegjësisë dhe të kryej detyrat e mia si mbret siç do të doja të bëja pa ndihmën dhe mbështetjen e gruas që dua”./UBTNews/

Kuriozitete

Fotoja e vitit: Portreti i një djali palestinez të plagosur shpallet fitues i “World Press Photo”

Published

on

Një portret i mahnitshëm i një djali të ri palestinez, Mahmoud Ajjour, i cili humbi të dy duar në një sulm ajror izraelit në qytetin e Gazës, ka fituar titullin e fotos më të mirë të “World Press Photo”.

Fotografja Samar Abu Elouf, gjithashtu nga Gaza, takoi nëntëvjeçarin Mahmoud pas tre muajsh, kur ai dhe familja e tij u evakuan në Doha, Katar, për trajtim mjekësor. Ajjour kishte pësuar dëmtime të rënda nga shpërthimi që ia këputi njërin krah dhe ia gjymtoi tjetrin.

Në shënime Abu Elouf tregon për momentin kur nëna e Mahmudit i shpjegoi se fjalët e para pas operacionit ishin: “Si do të jem në gjendje të të përqafoj?”

Foto e publikuar në “The New York Times”, është pasqyrë e dhimbshme e pasojave të luftës në Gaza, e cila ka shkaktuar dhjetëra mijëra të vdekur.

Kjo foto përfaqëson më shumë se një histori personale; ajo tregon një luftë të gjerë që ka pasoja të thella për brezat. Gjyqtarët e “World Press Photo” ishin tërhequr nga kontrastet mes dritës dhe errësirës, bukurisë dhe dhimbjes në imazhin fitues.

Nga më shumë se 60,000 aplikime nga 3,778 fotografë në mbi 140 shtete, ky imazh u zgjodh si më i miri.

Dy vepra të tjera janë nderuar si nënkampione, duke përfshirë një imazh të emigrantëve kinezë që ngrohen nga një zjarr pas kalimit të kufirit SHBA-Meksikë dhe një fotografi tronditëse e një të riu që kalon një shtrat lumi të shkretëtiruar në Amazonë.

Imazhet fituese janë ekspozuar në Amsterdam dhe do të shfaqen gjithashtu në Londër, Sidnej, Xhakartë dhe Mexico City.

Continue Reading

Kuriozitete

Teleskopi gjen shenja jete në planetin e largët

Published

on

Shkencëtarët kanë gjetur prova të reja, por paraprake, se një botë e largët që rrotullohet rreth një ylli tjetër mund të jetë shtëpia e jetës.

Një ekip i Kembrixhit që studion atmosferën e planetit të quajtur K2-18b ka zbuluar shenja të molekulave që në Tokë prodhohen nga organizma të thjeshtë.

Rezultatet janë pikasur nga teleskopi hapësinor James Webb i NASA-s, por ekipi dhe astronomët e pavarur theksojnë se nevojiten më shumë të dhëna për të konfirmuar këtë gjë.

Studiuesi, Prof Nikku Madhusudhan, tha në laboratorin e tij në Institutin e Astronomisë të Universitetit të Kembrixhit se shpreson të marrë provat kryesore.

“Kjo është prova më e fortë. Ende që ka gjasa të ketë jetë atje. Mund të them realisht se ne mund ta konfirmojmë këtë sinjal brenda dy vitesh”.

K2-18b është dy herë e gjysmë më i madh se Toka dhe është shtatëqind trilionë milje larg nesh.

 

Continue Reading

Kuriozitete

Studimi: Fëmijët e dytë kanë më shumë gjasa të shfaqin probleme sjelljeje

Published

on

Një studim nga MIT zbuloi se fëmijët e dytë të familjes – veçanërisht djemtë kanë më shumë gjasa të shfaqin sjellje problematike krahasuar me vëllezërit apo motrat më të mëdha.

Duke analizuar të dhëna nga familje në SHBA dhe Danimarkë, studiuesit zbuluan se djemtë e lindur të dytë kanë 20% deri në 40% më shumë gjasa të kenë probleme në shkollë apo me ligjin.

Një nga arsyet mund të jetë fakti që fëmijët e parë përfitojnë vëmendje të plotë nga prindërit dhe kanë si shembull modele më të pjekura, ndërsa fëmijët e dytë shpesh marrin si shembull vëllezërit e motrat e tyre që janë ende duke u zhvilluar.

Megjithatë, kjo nuk është një rregull që vlen për të gjithë, pasi sjellja ndikohet edhe nga mënyra e rritjes, dinamika familjare dhe personaliteti i fëmijës.

 

Continue Reading

Kuriozitete

Diamanti blu ne ankand/ Guri i çmuar, pjesë e trashëgimisë mbretërore të Indisë

Published

on

Një diamant blu i rrallë nga Golconda mbi 23 karat do të dalë në ankand në Christie’s.

Guri i çmuar dikur zotërohej nga Maharajt e Indorit ëdhe është diamanti blu më i rëndësishëm që është nxjerrë ndonjëherë në ankand.


Diamanti u zbulua në minierat legjendare Golconda në Indinë jug-qendrore, e njohur për prodhimin e disa prej diamanteve më të famshëm në botë, duke përfshirë Diamantin Hope.

Ajo që është unike është se guri nuk ka ndryshuar në më shumë se 100 vjet, 23.24 karat dhe nuk ka ndryshuar formë, peshë apo madhësi.

Grui i çmuar ishte një pjesë e trashëgimisë mbretërore të Indisë dhe dikur zotërohej nga Maharajt e Indorit.  Diamantet Golconda janë gurët më të mirë transparentë dhe të rrallë në botë.

Shitja pritet të shënojë një rekord. Vlerësimet shkojnë nga 35 deri në 50 milionë dollarë.

Me 45,52 karat, Diamanti Hope është diamanti më i madh blu që është zbuluar ndonjëherë.

 

Continue Reading

Të kërkuara