Rektori i UBT-së, Prof. Dr. Edmond Hajrizi, mori pjesë në Konferencën e Parë Ndërkombëtare për Digjitalizim “Smart City Prishtina 2025”, një ngjarje e rëndësishme që synon të promovojë zhvillimin e qyteteve të mençura dhe të digjitalizuara në Kosovë dhe më gjerë.

Në kuadër të kësaj ngjarje, UBT prezantoi disa nga zgjidhjet e tij inovative për ndihmën e zhvillimit të qyteteve të mençura, duke u përqendruar veçanërisht në aspektet e edukimit.

UBT, si institucion kryesor arsimor në Kosovë, po zhvillon dhe implementon projekte të avancuara që lidhen ngushtë me digjitalizimin e arsimit, si pjesë e iniciativës për të ndihmuar në ndërtimin e një “Smart City” që është i përqendruar në teknologjinë dhe inovacionin.

Rektori i UBT-së, Prof. Dr. Edmond Hajrizi, mori pjesë në pritjen solemne të organizuar nga Ambasada e Japonisë në Kosovë, për nder të Profesorit Hisashi Owada, ish-President i Gjykatës Ndërkombëtare të Drejtësisë, si dhe ish-zëvendësministër i Punëve të Jashtme të Japonisë dhe ish-ambasador në Kombet e Bashkuara.

Pritja, e organizuar nga Ambasada e Japonisë, ishte një mundësi për të nderuar kontributin e jashtëzakonshëm të Profesorit Owada në fushën e drejtësisë ndërkombëtare dhe diplomacisë, si dhe për të theksuar marrëdhëniet e ngushta dhe të frytshme mes Japonisë dhe Kosovës.

Rektori Hajrizi shprehu vlerësimin e tij për Profesorin Owada dhe ndikimin e tij të rëndësishëm në fushën e drejtësisë dhe diplomacisë ndërkombëtare. Ai nënvizoi rëndësinë e promovimit të bashkëpunimit ndërkombëtar dhe mësimdhënies së vlerave të drejtësisë dhe paqes, si pjesë e një arsimimi të avancuar që mund të ndihmojë në krijimin e mundësive për të rinjtë dhe zhvillimin e mëtejshëm të shoqërive.

Rektori i UBT-së, Prof. Dr. Edmond Hajrizi, i shoqëruar nga stafi i UBT-së, zhvilloi një vizitë zyrtare në Komunën e Pejës, ku u prit nga Kryetari i Komunës së Pejës, Gazmend Muhaxheri.

Takimi u përqendrua në mundësitë për investime dhe zhvillim në fusha kyçe si arsimi dhe sporti. Diskutimet u fokusuan në mundësinë e krijimit të një partneriteti strategjik që do të kontribuonte në përmirësimin e infrastrukturës arsimore dhe sportive të qytetit, me një theks të veçantë në mbështetje për sporte si xhudo, ku Peja ka arritur suksese të jashtëzakonshme.

UBT përmes degës në Pejë kontribuon në projekte që do të nxisin zhvillimin e arsimit dhe inovacionit në Pejë, duke e pozicionuar këtë qytet si një qendër të rëndësishme për edukimin dhe teknologjinë në rajon.

UBT do të vazhdojë të mbështesë zhvillimin e Pejës dhe nismat që përmirësojnë mundësitë arsimore dhe profesionale për të rinjtë, duke siguruar një të ardhme më të ndritur për komunitetin e Pejës dhe për zhvillimin e tij të qëndrueshëm.

UBT ka shënuar një tjetër arritje të rëndësishme ndërkombëtare, duke u përzgjedhur për të tretin vit radhazi si finalist në ceremoninë prestigjioze Triple E Awards, e cila vlerëson universitetet më të angazhuara në dobi të komunitetit dhe me impakt real në shoqëri.

Në këtë kategori globale të çmimeve vlerësohen universitetet nga e gjithë bota në raport me realizimin e Misionin të Tretë të Universiteve, i cili ka të bëjë me angazhimin ndaj komunitetit dhe përtej rolit klasik të universitetit në hulumtim, shkencë dhe edukim.

Iniciativat e shumta të UBT-së, si shërbimet shëndetësore më të lira dhe falas, shërbimet e këshillimit psikologjik, programet gjithëpërfshirëse të bursave, përkrahja profesionale ndaj institucioneve publike, platformat si Pro-Academia, si dhe partneritetet me institucione shtetërore dhe ndërkombëtare për monitorimin e SDG-ve, janë ndër komponentet që kanë bërë që këtë vit UBT të hyjë në listën e ngushtë të finalistëve në Triple E Award Global Engaged University.

Kjo arritje e rëndësishme, jo vetëm për UBT-në, dëshmon edhe një herë rolin e tij si një universitet inovativ, i përfshirë në të gjitha proceset e rëndësishme shoqërore, si dhe promotor i ndërmarrësisë dhe punësimit.