Lajmet

Aliu: Janë respektuar kërkesat e banorëve në zonën “Bjeshkët e Nemuna”

Ai tha se në zonën e dytë të këtij parku do të lejohet prerja e pyjeve, por duhet të jetë e planifikuar.

Published

3 years ago

on

Ministri i Mjedisit, Planifikimit Hapësinor dhe Infrastrukturës, Liburn Aliu gjatë raportimit para Komisionit për Mjedis, Ushqim, Bujqësi, Planifikim dhe Zhvillim u shpreh se kërkesat e banorëve në zonën e Parkut Kombëtar janë respektuar.

Gjatë shqyrtimit të Planit Hapësinor të Parkut Kombëtar “Bjeshkët e Nemuna”, Aliu tha se në zonën e dytë të këtij parku do të lejohet prerja e pyjeve, por duhet të jetë e planifikuar.

Aliu theksoi se brenda parkut nacional motiv kryesor i planifikimit të shfrytëzimit të të mirave të natyrës është mbrojtja e natyrës.

Drafti i planifikimit hapësinor për Parkun Kombëtar “Bjeshkët e Nemuna” Aliu tha se e ka gjetur të gatshëm, dhe me disa ndryshime tashmë ndodhet në Kuvend për votim.

Sipas tij, hapësira për ndërtim sipas planifikimit hapësinor është mjaftë e madhe.

“Në kohën kur unë e kam marr detyrën e ministrit pra ky ka qenë draft tashmë i gatshëm i cili i ka ndodhur disa ndryshime të tjera tek ai, dhe më pastaj ky draft final vije para jush dhe që tash jemi të gatshëm të diskutojmë për kërkesat e banorëve. Kur flasim për lejet ndërtimore për legalizimin, për prerjen e pyjeve, për pronat të gjitha këto kanë të bëjnë me ligje të ndryshme, por ligji bazë është për mbrojtjen e natyrës dhe zonimet nuk kanë domosdo të bëjnë me pronat private, në rast se bie ndonjë zonë e caktuar që studimi e ka përcaktuar si vlerë strikte atëherë ajo shpallet si kategori e parë dhe shpronësohet, dhe fatmirësisht në këtë zonim të parkut nacional nuk kanë raste të tilla, këtu jemi mbase me fat. Zonat e dyta dhe të treta ato jo domosdshmërishtë mund të jenë vetëm në zonat private, ndonëse është synuar të kihen parasysh pronat private. Hapësira totale e zonave ku lejohet ndërtimi është mjaftë e madhe, nga vështrimi im personal është mjaftë e madhe ka qenë edhe më e madhe është zvogëluar në zonën ku është, nëse do e bënim ne do të kishim me i bërë të gjitha zonat private ndërtim brenda parkut dhe krejt pronat private me qenë ndërtim atëherë i bie që të kemi aq shumë ndërtim sa që më shumë se sa që kemi qytete zona urbane brenda territoreve të komunave ku përfshihet parku”, tha Aliu.

Ministri Aliu gjatë raportimit u shpreh se në zonën e dytë të parkut nacional “Bjeshkët e Nemuna” do të lejohet prerja e pyjeve e cila duhet të jetë e planifikuar sipas ligjit.

“Sa i përket prerjes së pyjeve edhe në pyje private në zonat e dyta do të mund të lejohet prerja dhe ajo prerja bëhet në bazë të planit të prerjes që në bazë të ligjit të ri do të jetë kompetencë e kombinuar në bazë të Agjencionit të pyjeve dhe autoriteteve të pakut, ku autoritet e parkut i përcaktojnë kriteret e qarta të mbrojtjes së natyrës në bazë të të cilave bëhen planet e menaxhimit të pyjeve”, u shpreh ministri Aliu.

Lidhur me kërkesën e banorëve për mos vendosje të laurës, deputetja Fitore Pacolli kërkoi të di se banorët e kësaj ane a do duhet ta paguajnë hyrje-daljen.

“Ata kanë kërkuar që mos me u vendos laur..banorët nuk kanë nevojë me pagua hyrje dalje“, tha ajo.

E ministri Aliu tha se do të vendosen kufizime, por të cilat nuk do të vlejnë për banorët, pasi ata nuk do të paguajnë hyrje-daljet.

“Parqet nacionale nënkuptojnë mbrojtjen niveli i mbrojtjes nënkupton edhe kufizimet natyrisht që kufizimet nuk do të vlejnë për banorët, banorët e zonës do të kenë qasje sepse jetojnë në atë pjesë dhe për sa i përket banorëve qasje në parkun nacional do të jetë si në pronën e shtëpinë e tyre, por duhet të kihet parasysh se shfrytëzimi i parkut nacional duhet t’i ketë edhe kufizimet e veta. Absolutisht jo”, theksoi Aliu.

Deputeti i LDK-s-, Besian Mustafa u shpreh i interesuar të di se sa janë marr parasysh kërkesat e banorëve të zonës në Parkun Kombëtar “Bjeshkët e Nemuna”.

Aliu u përgjigj se banorët fillimisht e kanë kundërshtuar shpalljen e “Bjeshkëve të Nemuna” si park nacional, por që sipas tij kërkesat e banorëve janë respektuar.

Madje, theksoi se 10.6% e gjithë territorit të këtij parku është zonë ndërtimi.

“Që nga momenti kur është shpall parku nacional ka pas ankesa dhe kundërshtime nga ana e banorëve, ka pasur kundërshtime për shpalljen e parkut nacionale e para dhe e dyta pastaj ka ardhur koha e planifikimit në të cilat kanë qenë ato diskutime ku kërkesat e banorëve kanë qenë që ata me pas të drejtë ndërtimi në pronat e veta. Pra të gjitha pronat private që janë atje kanë kërkuar të kenë mundësinë ndërtimi, kjo kërkesë ka shkuar deri në atë masë ka qenë kërkesë që çdo pronë private që ndodhet atje që duhet të lejohet të ndërtohet. Janë respektuar kërkesat e banorëve dhe pronat private brenda parkut nacional që nuk janë pyje, janë zona të hapura dhe në të cilat mund të ndërtohet dhe janë futur brenda zonave të treta me një parim të përgjithshëm është respektuar ky parim në një draft ka shkuar madje edhe në variant ku edhe pyjet prona private që kanë qenë pyje janë planifikuar që edhe ato të ndërtohen…Sot kemi arritur që 10.6 e gjithë territorit të pakut nacional është zonë ndërtimi”, theksoi ai.

Deputetja nga radhët e PDK-së, Ganimete Musliu pyeti për kapacitet inspektuese për të parandaluar degradimin në parqet nacionale.

“Cilat janë kapacitetet e inspektimit në parandalimin e degradimit të natyrës atje, sepse shpesh ka ndodhur të degradoj deri në një masë të caktuar me ndërtime, prerje të pyjeve e ndërtime të gurthyesve dhe pastaj jemi munduar t’i riparojmë ato”, pyeti Musliu.

Ministrit Aliu u shpreh se si ministri e Mjedisit nuk kanë aktualisht kapacitet inspektuese për kontrollim të prerjes së pyjeve, por po shpresojnë që me Ligjin e ri të Prerjes së Pyjeve të ketë mundësi shtimit të kapaciteteve.

“A ka sot kapacitet ministria ta kontrolloj prerjen e pyjeve, aktualisht jo shpresoj që me ligjin e ri të prerjes së pyjeve do të mund të shtohen kapacitetet, sepse do të kemi kapacitete të kombinuara të të dyja ministrive”, tha ai.

Qeveria e Republikës së Kosovës, vitin e kaluar ka miratuar Planin Hapësinor për Parkun Kombëtar “Bjeshkët e Nemuna”.

Related Topics:
Continue Reading

Aktualitet

ShBA-ja i dhuron Kosovës 50 automjete të blinduara për forcimin e kapaciteteve mbrojtëse

Published

14 hours ago

on

August 16, 2025

By

Ambasada e Shteteve të Bashkuara të Amerikës në Kosovë ka njoftuar se ShBA-ja ka transferuar 50 Automjete të Blinduar të Sigurisë (ASV) për Qeverinë e Kosovës, në kuadër të Programit të Artikujve të Tepërt të Mbrojtjes (Excess Defense Articles Program).

Këto automjete moderne do të përdoren nga Forca e Sigurisë së Kosovës (FSK), ndërsa, sipas njoftimit zyrtar, Kosova do të shfrytëzojë burimet e saj mbrojtëse për t’i sjellë ato në kapacitet të plotë operacional. Ky hap përbën një zhvillim të rëndësishëm në forcimin e aftësive mbrojtëse të FSK-së dhe në rritjen e gatishmërisë për përballjen me sfida të sigurisë.

Ky donacion i ShBA-së shihet si një tjetër dëshmi e partneritetit të ngushtë mes dy vendeve dhe e përkushtimit të përbashkët për të garantuar sigurinë kombëtare të Kosovës dhe forcimin e stabilitetit rajonal.

“Ky është një hap tjetër në përkushtimin tonë të përbashkët për forcimin e kapaciteteve mbrojtëse të FSK-së dhe për forcimin e sigurisë së të dy vendeve tona”, thuhet në njoftimin e Ambasadës Amerikane.

Continue Reading

Aktualitet

UBT përgatit liderët e ardhshëm të fushës paramjekësore

Published

21 hours ago

on

August 16, 2025

By

UBT ka hapur regjistrimet për programin Master në Shkenca Paramjekësore, i cili synon të përgatisë profesionistë të domosdoshëm për sektorin shëndetësor, të aftë për të kontribuar në diagnostikim, trajtim dhe parandalim të sëmundjeve, duke vepruar në vijën e parë të kujdesit për jetën.

Ky program është ndërtuar mbi një kurrikulë multidisiplinare, të harmonizuar me modelet më të mira evropiane dhe amerikane, që ndërthur mësimin teorik me përgatitjen praktike. Studentët përfitojnë trajnim të avancuar në fushat e kujdesit emergjent, laboratorëve mjekësorë dhe diagnostikës klinike, duke përdorur pajisje bashkëkohore mjekësore dhe laboratorike.

Përgatitje gjithëpërfshirëse dhe praktike

Gjatë studimeve, studentët do të aftësohen në pesë kategori kyçe të fushës së paramedikëve:

  • Parandalimi i vdekjes së njerëzve
  • Rritja e cilësisë së jetës
  • Ndihma në rikuperimin nga sëmundjet apo dëmtimet
  • Menaxhimi i pranimeve dhe ri-pranimeve urgjente
  • Kujdesi për rastet kronike të ndjeshme (astma, diabeti, epilepsia etj.)

Programi përfshin gjithashtu përdorimin e tele-shëndetit dhe kujdesit tele-komunikues, duke u mundësuar studentëve të ofrojnë kujdes efikas dhe inovativ, sidomos për zonat e largëta apo për pacientët me nevoja të veçanta.

Misioni dhe vizioni

Misioni i Masterit në Shkenca Paramjekësore është të kontribuojë në arsimin e lartë përmes:

  • Kurrikulave bashkëkohore, të bazuara në praktikat më të mira ndërkombëtare
  • Hulumtimit shkencor në bashkëpunim me partnerë vendas e ndërkombëtarë

Programi synon të ofrojë një mjedis mësimor mbështetës, ku studentët zhvillojnë aftësitë klinike, kërkimore dhe menaxheriale që kërkohen në tregun e punës.

Përfshirje aktive në kërkim dhe shërbim

Studentët dhe stafi i programit marrin pjesë në:

  • Projekte kërkimore kombëtare dhe ndërkombëtare
  • Simpoziume dhe forume shkencore
  • Konsulencë dhe asistencë teknike për institucione shëndetësore publike e private
  • Hartimin e politikave shëndetësore në bashkëpunim me Ministrinë e Shëndetësisë

Aftësitë e të diplomuarve

Pas përfundimit të programit, të diplomuarit do të jenë të aftë:

  • Të ofrojnë kujdes shëndetësor holistik në komunitetet urbane, rurale dhe industriale
  • Të marrin vendime komplekse në situata emergjente dhe të udhëheqin ekipe paramjekësore
  • Të zbatojnë standarde të larta ligjore, etike dhe profesionale në praktikë
  • Të përdorin metoda kërkimore për të përmirësuar rezultatet shëndetësore
  • Të integrojnë njohuritë ndërdisiplinore në menaxhimin e shërbimeve shëndetësore

Masteri në Shkenca Paramjekësore në UBT është më shumë sesa një diplomë – është një përgatitje për jetë, duke formuar profesionistë që jo vetëm reagojnë ndaj emergjencave, por punojnë për t’i parandaluar ato, duke i dhënë shoqërisë ekspertë të gatshëm për të mbrojtur dhe përmirësuar jetën.

APLIKO TANI ONLINE!

Continue Reading

Aktualitet

A janë sëmundjet e zemrës trashëgimore dhe si ndikon diabeti? Flet kardiologu Edis Demiri

Published

23 hours ago

on

August 16, 2025

By

Historia familjare dhe diabeti janë faktorët më të fortë rreziku për sëmundjet kardiovaskulare. Kështu thekson kardiologu invaziv nga United Hospital, Edis Demiri në episodin e podcastit “Shëndeti në rend të parë” në Telegrafi, ku flet si për shkaqet kryesore ashtu edhe për një rast të pazakontë klinik që i shpëtoi jetën një pacienti.

“Faktori më i rëndësishëm është historia familjare për sëmundjet e zemrës”, thotë Demiri, duke shtuar se nëse prindërit ose vëllezërit/motrat kanë pësuar infarkt apo ndërhyrje kardiake në moshë të re, “edhe ai person është i rrezikuar”.

Sipas tij, “diabeti është pothuajse po aq i rëndësishëm sa historia familjare”, ndërsa më pas vijnë faktorë të tjerë si duhani, hipertensioni dhe yndyrnat e larta në gjak.

Mesazhi i mjekut është i qartë: kontrolloni rregullisht shëndetin e zemrës, veçanërisht nëse keni histori familjare apo diabet; ndaloni duhanin, mbani tensionin dhe lipidet nën kontroll dhe kërkoni ndihmë mjekësore urgjentisht në shenja si dhimbje gjoksi, djersitje të ftohta, marramendje ose vështirësi në frymëmarrje.

Për bisedën e plotë me këshilla praktike dhe sqarime të mëtejshme, ndiqni episodin e ri të podcastit “Shëndeti në rend të parë” në Telegrafi.

Continue Reading

Lajmet

Sa ka ndryshuar pas 25 vitesh lokacioni ku u xhirua seriali ikonik “Teletubbies”?

Published

2 days ago

on

August 15, 2025

By

Seti i njohur i serialit “Teletubbies” duket i panjohur 24 vjet pas përfundimit të shfaqjes, pasi pronari i tokës ka bërë ndryshim të madh.

Seriali popullor për fëmijë u transmetua fillimisht në BBC Two nga viti 1997 deri në 2001. Gjatë kësaj periudhe, xhirimet për serinë u realizuan në Wimpstone, Warwickshire.

Më shumë se dy dekada më vonë, vendi duket shumë ndryshe që nga hera e fundit kur u xhirua “Teletubbies” atje, shkruan The Sun.

Një video e shpërndarë në Instagram tregoi se deri në vitin 2007 – gjashtë vjet pas përfundimit të shfaqjes – pronari i tokës kishte krijuar një pellg gjigant për të parandaluar hyrjen e të huajve.

Deri më 2025, toka mbetet e zbrazët, edhe pse pronarët menaxhojnë një fermë dhe dyqan me produkte ujore pranë saj. Një fans shkroi: “Trishtim. Ishte shumë e rëndësishme në atë kohë. Mund të kishte qenë një destinacion turistik. Shumë fëmijë, tani të rritur, janë rritur me të”.

Një tjetër komentoi: “Fakti që gjithçka u xhirua në atë copë të vogël toke është e pabesueshme”.

Një i tretë shtoi: “Njerëzit nuk e kuptojnë që ata janë fermerë dhe nuk u intereson paratë që mund të fitonin duke shitur bileta për vizitorët nostalgjikë – ata thjesht duan paqe”.

Një i katërt: “Imagjino dikë që e donte “Teletubbies” të kishte blerë atë tokë, të shkarkonte pellgun dhe të ringjallte të gjithë setin, duke e kthyer në muze?”.

Vitin e kaluar, një nga yjet e shfaqjes u shfaq në emisionin “This Morning” me fëmijën e saj.

Jess Smith, tani 30, është e njohur për rolin si bebi në diell në shfaqjen për fëmijë. Ajo me kolegët Nikki Smedley (Laa-Laa) e John Simmit (Dispy), rikujtuan kohën e tyre në “Teletubbies”. Jess u shoqërua nga vajza, Poppy, që atëherë ishte pesë muajshe, u pyet nëse i tregon miqve për famën e saj gjatë fëmijërisë.

Jess tha: “Nuk ua them unë, por të gjithë që janë me mua e dinë, kështu që të tjerët ua tregojnë gjithkujt. Partneri im Ricky ua thotë të gjithëve, po ashtu familja e tij, edhe familja ime. Të gjithë ua tregojnë të gjithëve, kështu që nuk ka rëndësi ku shkoj, të gjithë e dinë”.

Continue Reading

Të kërkuara