Lajmet

AKP i ndryshon rregullat e shitjes, publikon çmimet orientuese minimale

Published

on

Bordi i drejtorëve të Agjencisë Kosovare të Privatizimit në mbledhjen e fundit të mbajtur i ka ndryshuar aktet nënligjore lidhur me shitjet me tender publik. Ndryshimet janë bërë me qëllim të rritjes së transparencës dhe efikasitetit në procesin e tenderimit dhe shitjes së aseteve.

Sipas rregulloreve të ndryshuara, me rastin e shpalljes së shitjeve (SHAL) të ardhshme, në dokumentet e tenderit dhe në faqen elektronike zyrtare të Agjencisë, do të publikohen edhe dy informata shtesë për asetet në shitje: Kategoria e aseteve të shpallura për shitje dhe çmimi minimal i shitjes së aseteve.

Publikimi i kategorisë së aseteve të shpallura për shitje: Gjatë publikimit të valëve të reja të shitjes së aseteve, për çdo aset / pronë që shitet do të përfshihet kategoria e asetit. Në dokumentin informues do të shpaloset kategoria: i) pronë bujqësore, ii) pronë rezidenciale, iii) pronë komerciale, apo iv) pronë industriale. Kriteret për kategorizimin e pronave janë: i) shfrytëzimi aktual, dhe ii) shfrytëzimi potencial i pronës në të ardhmen. Kategorizimi i aseteve do të shërbej vetëm për qëllime të përcaktimit të çmimit minimal për shitjen e tyre dhe nuk do të ketë asnjë efekt tjetër në ndryshimin e kategorisë së aseteve në regjistrat e kadastrave”, thuhet në komunikatë.

Sipas AKP-së: “Publikimi i çmimit minimal i shitjes së aseteve: Ndryshimi i dytë ka të bëjë me atë që për çdo aset/pronë që shitet do të shpaloset për publikun informata për çmimin minimal të shitjes. Cmimi minimal nënkupton vlerën më të ulët të përcaktuar nga AKP për shitjen e një aseti. Ky çmim caktohet për të siguruar që një aset nuk shitet nën vlerën e arsyeshme. Nëse nuk ka oferta mbi këtë çmim, procesi i shitjes do të përsëritet në valën e ardhshme të shitjes. Për objekte që tenderohen, çmimi orientues prezantohet me €/m² (euro për metër), ndërsa për toka që tenderohen çmimi orientues prezantohet me €/ari (euro për ari)”.

Po ashtu AKP njofton se si çmim minimal i shitjes së aseteve do të merret vlera e pronave (sipas zonave dhe niveleve të vlerave) e përcaktuar nga Ministria e Financave, Departamenti i Tatimit në Pronë, për qëllime të tatimit në pronë. Nëse ky çmim rezulton çmim shumë i ulët, ose ku nuk ka fare vlerësim të Ministrisë së Financave, atëherë çmimi minimal do të caktohet me metodën e përllogaritjes së çmimit mesatar të shitjeve të realizuara nga AKP brenda tre (3) viteve të fundit.

Gjithashtu edhe vlera e depozitave do të përcaktohet sipas çmimeve minimal dhe atë në dy kategori: për asetet që kanë çmimin orientues deri në 100,000 € depozita do të jetë 10 % e vlerës; për asetet që kanë çmimin orientues mbi 100,000 € depoziti do të jetë 5 % e vlerës. Ndërkaq, për asetet e luajtshme depoziti përcaktohet nga Departamenti i Koordinimit Rajonal dhe Operativës.

Aktualitet

FSK-ja realizon ushtrimin fushor “Ujku shigjetë” pesë ditë

Published

on

Trupat e Forcës së Sigurisë së Kosovës do të realizojnë ushtrimin fushor “Ujku Shigjetë” për pesë ditë.

FSK-ja ka njoftuar se gjatë këtyre ditëve do të ketë lëvizje të konvojeve nga bazat në drejtim të rajonit të Gjakovës, ndërkohë ka kërkuar mirëkuptimin e qytetarëve.

“Njoftojmë gjithë qytetarët e Republikës së Kosovës, se nga data 31 gusht deri më 05 shtator 2025 Forca e Sigurisë së Kosovës do të realizojë ushtrimin fushorë ‘Ujku Shigjetë’, në kuadër të përgatitjeve për validimin e Regjimentit të tretë.

Gjatë kësaj periudhe do ketë lëvizje të konvojeve nga vendbanimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës”, thuhet në njoftimin e FSK-së

Continue Reading

Aktualitet

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Published

on

Komisioni Qeveritar për Personat e Zhdukur, përmes një njoftimi ka bërë të ditur se sot nga ora 10:45, mbahen homazhe te Monumenti i Personave të Zhdukur. Kryesuesi i Komisionit Qeveritar për Personat e Zhdukur, Andin Hoti, ka bërë të ditur se deri më tani janë punuar 17 lokacione në Kosovë në kuadër të kërkimeve për personat e zhdukur.

Hoti tregoi se në 7 prej tyre janë zbuluar mbetje mortore.

“17 lokacione është punuar deri më tani në Kosovë, 7 prej tyre ka pasur gjetje të mbetjeve mortore (të cilat janë dërguar për analizë në Laborator të ICMP)”, u shpreh Hoti.

Sipas tij, aktualisht janë përfunduar disa gërmime, derisa pritën edhe 5 lokacione të gërmohet.

“Aktualisht i kemi përfunduar gërmimet në Vushtrri dhe Klinë në një lokacion. Janë edhe minimum 5 lokacione tjera që pritet të ndërmarrin veprim ekipet”, deklaroi Hoti.

Ai ka konfirmuar se mbetjet mortore të 9 individëve janë gjetur në lokacionet në Kosovë.

Në përpjekje për të ndriçuar fatin e të zhdukurve, lokacionet e gërmimeve mbeten pikë kyçe në procesin e kërkimit dhe identifikimit të mbetjeve mortore.

Continue Reading

Aktualitet

Një vdekje e dyshimtë në Skenderaj

Published

on

Një person është gjetur pa shenja jete në Skenderaj ditën e sotme ku policia po e heton si vdekje të dyshimtë.

“Është raportuar për një viktimë mashkull kosovar pa shenja jete. Në vendin e ngjarjes kanë dalë njësit relevante policore si dhe emergjenca ku mjeku kujdestar ka konstatuar vdekjen e viktimës”, thuhet në njoftim.

“Me vendim të prokurorit, trupi i pajetë është dërguar në IML për obduksion”, thuhet në raportin e PK-së.

Continue Reading

Aktualitet

Gucati: Së shpejti do të dalim me emrat e eksponentëve të VV-së që çuan dokumentacione në Hagë

Published

on

Kryetari i OVL-UÇK, Hysni Gucati ka deklaruar të enjten se brenda Lëvizjes Vetëvendosje ka dëshmitarë të Gjykatës Speciale.

Në një konferencë për media, ai përmendi emrin e ministres së Jashtme në detyrë, Donika Gërvalla, duke thënë se ajo ka dorëzuar dokumente në këtë gjykatë.

“Ne jemi bazuar gjithmonë në punimin shkencor duke parë Dimal Bashën që e ka bërë në vitin 2012, ku Dimal Basha thotë se në vitet e ’90-ta, Ushtria Çlirimtare e Kosovës është financuar nga dilerë të drogës, ku aty përfshihen të gjithë dëshmorët, ata që kanë rënë. Besoj e dini, që disa eksponentë të VV-së që janë aty sot, në Parlamentin e Kosovës kanë deponuar dokumentacione të Gjykatën Speciale në Hagë. Ministra Gërvalla gjithqysh, por ka edhe të tjerë”, u shpreh Gucati.

Sipas tij, janë disa këshilltarë të ministrave, ku paralajmëron se emrat e tyre do të dalin shumë shpejt.

“Shumë shpejt do të dalim me emra, ne nuk kemi nevojë t’i frikësohemi askujt. Ka ardhur koha ta ndajmë sharpin nga sheqeri, dhe të kuptohet një herë e mirë se kush e do vendin dhe kush nuk e do”, tha tutje kreu i OVL-UÇK-së.

Ai shton se i vjen turp për deputetët e Kosovës që votuan Dimal Bashën për kryetar të Kuvendit.

Continue Reading

Të kërkuara