Lajmet

A janë sportet elektronike forma më fitimprurëse në industrinë argëtuese?

Ndonëse është fitimprurëse, sipas Kajetskit, jo të gjithë janë aty për paratë.

Published

on

Sportet elektronike janë bërë një fenomen global dhe aktualisht janë forma më fitimprurëse – sa i përket industrisë argëtuese – në botë pasi industria u vlerësua në 121 miliardë euro vitin e kaluar, përcjell UBT News.

Lojërat ofrojnë shpërblime të mëdha financiare dhe industria pritet të arrijë në 710 milionë euro në të gjithë rajonin e GCC deri në fund të vitit 2021. Por jo të gjithë janë në këtë industri për paratë.

Lojtarja dhe transmetuesja e Twitch-it, Hanna ‘Zahlyn’ Öberg thotë se ajo u fut seriozisht në lojëra kur ishte vetëm katërmbëdhjetë vjeçare.

“Vëllai im më prezantoi me lojërat online dhe më tërhoqi [në këtë industri]”, u shpreh ajo.

Hanna tani transmeton rregullisht lojërat e saj në internet. Ajo ka një kamerë që e filmon fytyrën e saj kur luan dhe gjithashtu monitoron një bisedë me njerëz që po shikojnë lojën e saj.

Debatet mbi seriozitetin e përfitimeve të kësaj industrie janë të vazhdueshme, megjithatë dominimi i tij në botën e argëtimit është i pamohueshëm.

Miliona fansa akordohen për turnetë kryesore në platformat e transmetimit si Twitch dhe YouTube Gaming.

Yalla Esports, si shumë prej skuadrave profesionale në Dubai, po përqendrohen në zhbllokimin e potencialit të lojtarëve profesionistë aspirues, analistëve dhe komentuesve.

Themeluesi dhe shefi, Klaus Kajetski, shpjegon se karriera pro-gaming është jashtëzakonisht e shkurtër. “Në 20 vjeç, ju jeni shumë i vjetër për të qenë një lojtar profesionist. Por më pas mund të bëheni trajner ose analist, kështu që ne sigurohemi që të ketë një rrugë karriere”.

Përdorimi në rritje i telefonave inteligjentë, teknologjisë dhe lojërave në internet ka qenë gjithashtu një faktor kyç, duke nxitur rritjen e tregut globalisht, transmeton UBT News.

Kajetski argumenton se jo të gjithë njerëzit luajnë për çmimet dhe shpërblimet financiare. Ai mendon se “për shumë lojtarë është më shumë trofeu, titulli”. Megjithatë, ekipi i tij celular PUBG fitoi një turne prej 150,000 dollarësh vetëm pak ditë më parë.

Në fund të fundit, suksesi i sporteve elektronike varet nga fansat dhe komuniteti që është ndërtuar rreth lojërave.

Për Hanna ‘Zahlyn’ Öberg, për shembull, lojërat bashkojnë shumë njerëz rreth një teme ose një aktiviteti që ata kanë të përbashkët. “Kjo vepron si një lloj komuniteti dhe lidhje” të cilën ajo e përshkruan si vërtet të rëndësishme në jetë./UBTNews/

Lajmet

KQZ: Fillon periudha për aplikim të partive për zgjedhjet lokale

Published

on

By

Komisioni Qendror i Zgjedhjeve (KQZ) ka hapur zyrtarisht periudhën për aplikim të subjekteve politike që synojnë të marrin pjesë në zgjedhjet lokale të 12 tetorit 2025. Afati për aplikim do të zgjasë 49 ditë, deri më 13 gusht.

Zëdhënësi i KQZ-së, Valmir Elezi, ka bërë të ditur se për të lehtësuar këtë proces, aplikimi do të mund të bëhet online përmes platformës elektronike të KQZ-së.

“Duke filluar nga sot, subjektet politike mund të aplikojnë për certifikim për pjesëmarrje në zgjedhje. Gjatë kësaj periudhe, ato duhet të dorëzojnë edhe listën me emrat e kandidatëve për kryetarë të komunave dhe për kuvendet komunale”, tha Elezi.

Ai shtoi se vendimi për llojin e pjesëmarrjes dhe për komunat ku do të garojnë i mbetet në dorë secilit subjekt politik. “Subjektet politike mund të vendosin nëse duan të garojnë vetëm për kryetar komune, për kuvend komunal ose për të dyja”, deklaroi Elezi.

Continue Reading

Lajmet

Falsifikim parash në Prishtinë, arrestohet një person

Published

on

By

Njësia për Hetimin e Krimeve Ekonomike në Prishtinë ka ndaluar një person nën dyshimin për prodhim të parasë së falsifikuar. Sipas raportit 24-orësh të Policisë së Kosovës, i dyshuari është arrestuar pas një pune operative hetimore.

Me urdhër të prokurorit, është kryer bastisje në banesën e të dyshuarit, ku janë sekuestruar materiale të ndryshme që shërbenin për prodhimin e kartëmonedhave false. Në mesin e provave të konfiskuara janë: 135 fletë formati A4 me fotokopje të kartëmonedhave të ndryshme, një xham me holograme të prera, një skalper dhe vizore, katër ngjitës, shirit izolues, një printer, një telefon dhe një shumë parash në vlerë prej rreth 4,796 euro.

Pas intervistimit, me vendim të prokurorit, i dyshuari është dërguar në mbajtje.

Continue Reading

Lajmet

Gjashtë raste dhune në familje brenda një dite, tre të dyshuar në mbajtje

Published

on

By

Në raportin 24-orësh të Policisë së Kosovës janë evidentuar gjithsej gjashtë raste të dhunës në familje në qytete të ndryshme të vendit. Rastet përfshijnë dhunë fizike dhe psikike, ndërsa në disa prej tyre janë ndërmarrë masa ligjore ndaj të dyshuarve.

Në Prishtinë janë regjistruar dy raste. Në një rast, një grua ka raportuar se bashkëshorti i saj ka ushtruar dhunë psikike ndaj saj pas një mosmarrëveshjeje. Palët janë shoqëruar në stacionin policor dhe rasti është proceduar në procedurë të rregullt. Në një rast tjetër, një burrë është arrestuar pasi dyshohet se ka sulmuar fizikisht partneren me të cilën bashkëjeton. I njëjti është dërguar në mbajtje me vendim të prokurorit.

Në Ferizaj, është arrestuar një person pasi nëna e tij ka raportuar se i dyshuari, nën ndikim të alkoolit, kishte fyer dhe shtyrë atë. Pas intervistimit, i dyshuari është dërguar në mbajtje.

Në Pejë, është raportuar se një grua ka qenë viktimë e keqtrajtimit fizik nga i dashuri i saj. I dyshuari nuk është gjetur në vendbanimin e tij dhe rasti është duke u hetuar.

Në Vitomiricë, është arrestuar një person nën dyshimin se kishte ushtruar dhunë psikike ndaj babait të tij. I njëjti është dërguar në trajtim psikiatrik dhe më pas i është caktuar masa e ndalimit për 48 orë me vendim të prokurorit.

Në Mitrovicën e Jugut, është raportuar se një grua ka qenë viktimë e dhunës nga bashkëshorti i saj. Është bërë bastisje në shtëpinë e të dyshuarit, por nuk është gjetur ndonjë provë dhe nuk është raportuar për ndonjë arrestim.

Continue Reading

Lajmet

Rreth 2200 tiketa trafiku brenda 24 orëve, 30 persona të arrestuar

Published

on

By

Gjatë 24 orëve të fundit Policia e Kosovës ka shqiptuar gjithsej 2182 tiketa trafiku.

Gjatë së njëjtës periudhë janë regjistruar 71 aksidente trafiku, prej të cilave 22 kanë përfunduar me persona të lënduar, ndërsa 49 me dëme materiale. Fatmirësisht, nuk është raportuar asnjë aksident me fatalitet.

Në aspektin e rendit dhe sigurisë publike, 30 persona janë arrestuar, ndërsa 14 prej tyre janë dërguar në mbajtje. Po ashtu, dy persona janë futur në vuajtje të dënimit, ndërsa nuk është raportuar asnjë rast ndalimi policor.

Policia ka theksuar rëndësinë e respektimit të rregullave të trafikut, si dhe bashkëpunimin e qytetarëve për të parandaluar incidentet që rrezikojnë jetën dhe sigurinë publike.

Continue Reading

Të kërkuara