Lajmet nga UBT

UBT mbajti mbledhje komemorative në nderim të jetës dhe veprës së profesorit Fetah Jagxhiu

Profesori Jagxhiu dha një kontribut të veçantë në themelimin e Fakultetit të Inxhinierisë Ndërtimore (Ndërtimtarisë) dhe Infrastrukturës në UBT.

Published

on

Studentë, familjarë, profesorë, kolegë e miq të shumtë u mblodhën sot në UBT, në mbledhjen komemorative të organizuar në nderim të veprës dhe kontributit të pashuar të profesorit Fetah Jagxhiu.

Profesori Jagxhiu dha një kontribut të veçantë në themelimin e Fakultetit të Inxhinierisë Ndërtimore (Ndërtimtarisë) dhe Infrastrukturës në UBT, teksa për 50 vjet me radhë u angazhua në fushën e arsimit. Ai u nderua me një çmim nga UBT për kontributin e tij në arsim.

Po ashtu, kontributi i tij ka qenë i madh në vitet e 90-ta, ku ka qenë kryetar i Senatit të Universitetit të Prishtinës. Ishte pjesëmarrës edhe i Lëvizjes Studentore të 1997.

Në emër të UBT-së foli Dekani i Fakultetit Arkitekturë dhe Planifikim Hapësinor në UBT, Prof. Dr. Binak Beqaj, ndërsa në emër të familjes Jagxhiu foli e bija e profesorit, profesoresha Besa Jagxhiu.

Biografia e Profesorit Fetah Jagxhiu:

Profesor Fetah (Selman) Jagxhiu është lindur me 25 dhjetor 1937 në Prizren. Shkollën Fillore dhe Gjimnazin e ka kryer në vendlindje me sukses shembullor.

Në vitin shkollor 1957/58 regjistrohet në Fakultetin AGG në drejtimin e Ndërtimtarisë, në Universitetin e Zagrebit. Studimet i përfundon si ndër të parët e gjeneratës së vet në prill të vitit 1963. Si inxhinier i parë i ndërtimtarisë i qytetit të Prizrenit, punësohet në ndërmarrjen shtetërore ndërtimore “Sharr”, ku punon deri në muajin tetor të po atij viti 1963, kur me kërkesën e disa kolegëve të studimeve të Zagrebit dhe me lejen e drejtorit të ndërmarrjes “Sharr”, Gani Demiri, i cili ka qenë luftëtar dhe patriot dhe largpamës, në tetor të vitit 1963 punësohet si asistent në Shkollën e Lartë Teknike në Prishtinë, të posa themeluar me tri drejtime: Ndërtimtari, Elektroteknikë dhe Makineri.

Në drejtimin e Ndërtimtarisë dhe të Makinerisë nuk ka pasur asnjë shqiptar, ndërsa në drejtimin e Elektroteknikës ishin disa inxhinier të diplomuar me përvojë dhe atëherë u kuptua pse ishte ftesa e atyre kolegëve të elektroteknikës, që edhe ky inxhinier i ri i diplomuar i Ndërtimtarisë të vjen në SHLT në Prishtinë, t’i bashkëngjitet atyre kolegëve, që atëherë ishin asistent në drejtimin e elektroteknikës.

Në tetor të vitit 1965 themelohet Fakulteti Teknik në Prishtinë si dega e Fakultetit të Ndërtimtarisë të Universitetit të Beogradit me vetëm një drejtim, atë të Ndërtimtarisë ngase në atë drejtim ishin më shumë kuadro (inxh. të dipl.) serbë, edhe vetë drejtori i ShLT ishte serb, i cili u zgjodh edhe dekan i parë i Fakultetit Teknik. Prej komisionit Amë të Fakultetit të Ndërtimtarisë u zgjodh, atëherë inxh. i dipl. Fetah Jagxhiu, asistent i parë shqiptar i Fakultetit Teknik në Prishtinë ku mbaheshin ligjëratat vetëm në gjuhën Serbokroate. Në tetor të vitit 1965 Fetah Jagxhiu regjistrohet në studime pasdiplomike posa të themeluara, në Universitetin e Zagrebit.

Në vitin 1970, ishte ndër të parit në gjeneratën e vet që diplomoi, kështu që ishte magjistri i parë i shkencave teknike ne Kosove. Po atë vit, sipas ligjit të asaj kohe u zgjodh në thirrjen universitare Docent për dy lëndë: Mekanika dhe Rezistenca e materialeve.

Në tetor të vitit 1971 u zgjodh dekan i Fakultetit Teknik (dekan i parë shqiptar i Fakultetit Teknik) me pesë drejtime (3 në Prishtinë – Ndërtimtaria, Elektroteknika dhe Makineria dhe 2 drejtime në Mitrovicë – Xehtaria dhe Metalurgjia).

Në vitin 1977 paraqet tezën e Doktoratës në Prishtinë, UP. Në vitin 1978 qëndroi në studime shkencore në Universitetin Politeknik të Krakovit në Republikën e Polonisë. Në vitin 1982 mbron tezën e Doktoratës në Prishtinë.

Në po të njëjtin vit zgjedhet në thirrjen Prof. inordiner, ndërsa në vitin 1987 zgjedhet në thirrjen Prof. ordiner. Në vitin 1991 nga ana e organeve të dhunshme të asaj kohe së bashku me pedagogët dhe studentët shqiptar largohet nga Universiteti. Në Tetor të po atij viti kyҫet në grupin organizativ të pedagogëve të Universitetit të Prishtinës për organizimin e mësimit në shtëpia private (sistemi i arsimit paralel). Në atë kohë të sistemit paralel, zgjedhet Dekan i Fakultetit të Ndërtimtarisë dhe Arkitekturës.

Detyrën e dekanit të Fakultetit të Ndërtimtarisë dhe Arkitekturës e kryen në dy mandate deri në tetor të vitit 1994. Derisa ishte dekan i FNA në tetor të vitit 1992 në protestat e atij viti burgoset dhe maltretohet nga policia serbosllave e asaj kohe. Posa e përfundon mandatin e dekanit të FNA (tetor 1994), nga Senatit i Universitetit të Prishtinës zgjedhet Kryetar i parë i Senatit të Universitetit të Prishtinës me mandat 4 vjeçar deri në vitin 1998.

Deri sa ishte dekan i FNA organizon studimet pasdiplomike në vitin 1994/95 në degën e Ndërtimtarisë – drejtimi konstruktiv, të cilat studime edhe i udhëheq prej vitit 1995 deri në vitin 2003 (kur është pensionuar).

Paralel punës si pedagog universitar ka dhënë kontributin e madh në përpilimin e teksteve universitare.

Disa nga tekstet e botuara të tij të cilat do të shërbejnë edhe për shumë gjenerata në të ardhmen janë:

  1. “Mekanika I (Statika)”
  2. “Përmbledhje detyrash të zgjidhura nga Mekanika I”
  3. “Mekanika II (Kinematika)”
  4. “Mekanika III (Dinamika)”
  5. “Rezistenca materialeve pjesa e I”
  6. “Përmbledhje detyrash të zgjidhura nga Mekanika II (Kinematika)”
  7. “Rezistenca e materialeve – pjesa e dytë”
  8. “Teoria e elasticitetit”
  9. “Teoria e plasticitetit”
  10. “Teoria e zvarritjes”

Aktualitet

Ligjëratë mbi Vëzhgimin Satelitor në kuadër të Akademisë Verore në Fakultetin e Sistemeve të Informacionit

Published

on

Në kuadër të Akademisë Verore, e organizuar nga Fakulteti i Sistemeve të Informacionit, Prof. Dr. Edon Maliqi mbajti ligjëratën tematike me titull “Vëzhgimi Satelitor: Nga të dhënat te formësimi i politikave”, e cila ngjalli interes të madh tek studentët dhe pjesëmarrësit.

Gjatë ligjëratës, Prof. Maliqi trajtoi rëndësinë e të dhënave satelitore dhe mënyrën se si ato mund të përpunohen dhe përdoren për të ndihmuar në hartimin e politikave strategjike në fusha të ndryshme. Diskutimet nxorrën në pah potencialin që teknologjitë hapësinore, si Misioni Landsat (SHBA) dhe Misioni Sentinel (Evropë), kanë për të ndikuar në zhvillimin e qëndrueshëm dhe vendimmarrjen e informuar.

Studentët dhe pjesëmarrësit treguan angazhim dhe pasion për temën, duke kontribuar me pyetje dhe komente të vlefshme, që dëshmojnë interesin e madh për inovacionin dhe zhvillimet teknologjike në vend.

Continue Reading

Aktualitet

Vizitë zyrtare dhe ligjërata akademike nga profesorët e University of Sannio në UBT

Published

on

Në kuadër të bashkëpunimit akademik ndërkombëtar, një delegacion nga University of Sannio në Itali ka realizuar një vizitë zyrtare në UBT, në kuadër të Akademisë Verore të Shkencave Kompjuterike dhe Inxhinierisë dhe projektit IOT-Eco.

Delegacioni përbëhej nga profesorë dhe ekspertë të njohur ndërkombëtarisht, si: Prof. Pasquale Daponte, Prof. Stefano Acierno, Giuseppe Nappi, Prof. SSA Marina Paolucci, Prof. Francesco Pepe, Prof. Giovanni Vito Persiano dhe Prof. Francesco Vespasiano.

Gjatë qëndrimit në UBT, anëtarët e delegacionit mbajtën ligjërata të specializuara për studentët dhe stafin akademik, duke ndarë njohuri, përvoja dhe zhvillime të fundit në fushën e inteligjencës artificiale, IoT-së dhe teknologjive të avancuara.

Në kuadër të vizitës, ata u pritën nga Rektori dhe Presidenti i UBT-së, Prof. Dr. Edmond Hajrizi, si dhe nga stafi akademik. Delegacioni vizitoi gjithashtu Parkun Shkencor, Inovativ dhe Teknologjik të UBT-së në Lipjan, ku patën mundësi të njihen nga afër me kapacitetet infrastrukturore, laboratorët, projektet kërkimore dhe modelet e inovacionit të zbatuara në këtë hapësirë unike në rajon.

Continue Reading

Aktualitet

UBT vazhdon të vendosë standarde globale – përkrah universiteteve më prestigjioze në botë në rangimin e fundit global nga WURI

Published

on

Një sukses që tejkalon kufijtë kombëtarë dhe vendos Kosovën në hartën globale të arsimit të lartë është rangimi i radhës i UBT-së, i cili ka arritur të renditet ndër universitetet më të mira dhe më inovative në botë, sipas rangimit prestigjioz të World University Rankings for Innovation (WURI 2025), duke u radhitur përkrah universiteteve prestigjioze si Harvard, MIT, Stanford, Oxford, e të tjera.

Në raportin zyrtar të publikuar nga WURI, UBT ka arritur pozicionime të larta në disa kategori kyçe, duke u radhitur në mesin e institucioneve lidere të arsimit të lartë në nivel global:

Rektori i UBT-së, Prof. Dr. Edmond Hajrizi, vlerësoi këto arritje si një tregues i qartë i progresit të vazhdueshëm të institucionit.

“UBT po dëshmon se është një forcë lëvizëse e arsimit të lartë në botë. Rangimet e WURI janë pasqyrim i realitetit që po ndërtojmë çdo ditë: një universitet që promovon dijen, inovacionin, dhe përkushtimin ndaj zhvillimit të qëndrueshëm dhe ndërkombëtarizimit”.

Ky sukses i radhës konfirmon rolin e UBT-së si një lider në fushën e inovacionit, teknologjisë dhe ndërkombëtarizimit, duke e vendosur Kosovën fuqishëm në hartën globale të arsimit cilësor dhe transformues.

Për më tepër, renditja e UBT-së në mesin e universiteteve më të mira dhe më inovative në botë sipas WURI 2025 përfaqëson një arritje të jashtëzakonshme jo vetëm për institucionin, por për gjithë sistemin e arsimit të lartë në Kosovë. Pozicionimi në vendin e 10-të për ESG Trend dëshmon angazhimin e UBT-së për zhvillim të qëndrueshëm dhe përgjegjësi ndaj mjedisit dhe shoqërisë, ndërsa vendi i 14-të në Funding for Sustainability tregon kapacitetin për të siguruar burime për projekte me ndikim afatgjatë. Veçanërisht i rëndësishëm është renditja në vendin e 5-të në University Brand and Reputation, që e vendos UBT-në si një nga institucionet me reputacion më të madh global, duke rritur besueshmërinë dhe vlerën e diplomës për studentët, si dhe mundësitë për bashkëpunime ndërkombëtare për stafin akademik.

Ky sukses e ngre më tej profilin e Kosovës në skenën ndërkombëtare të arsimit, duke e bërë më tërheqëse për studentë, profesorë dhe partnerë strategjikë nga e gjithë bota dhe duke dëshmuar se institucionet kosovare mund të konkurrojnë denjësisht në nivel global.

Continue Reading

Lajmet nga UBT

Qendra e Laboratorëve testues në UBT është qendra më e madhe në rajon

Published

on

By

Fisnik Laha, dekan i Fakultetit Biokimi Mjekësore dhe Kimi aplikative në UBT, në një bisedë për mediat e UBT-së, ka theksuar se UBT ka qendrën më të madhe të laboratorëve testues, që shërbejnë për procesin akademik, hulumtimet e studentëve dhe stafit, si dhe për shërbime për palët e treta.

Qendra e Laboratorëve testues në UBT është qendra më e madhe rajonale e laboratorëve testuese, që janë në përdorim nga arsimi i lartë vendor dhe rajonal”, ka thënë Laha.

Ai ka përmendur qasjet që ndiqen në raport me përdorimin e kapaciteteve laboratorike. Në radhë të parë është hulumtimi, që është shtylla kryesore e zhvillimit të arsimit të lartë, veçanërisht orientimi në fushat me aplikim të shkencave të natyrës, sigurisht edhe të shkencave të tjera.

Continue Reading

Të kërkuara