Kulturë

Lista befasuese e të famshmëve për të cilët FBI ka dosje

Disa kishin dosje për shkak të veprimeve të të tjerëve, familjarëve apo miqve të tyre.

Published

3 years ago

on

Grupi The Monkees nuk ishin të famshmit e vetëm që kanë tërhequr vëmendjen e FBI-së ndër vite.

Meqenëse së fundi Micky Dolenz, i vetmi anëtar gjallë nga The Monkees, po padit FBI-në lidhur me një dosje rreth tij dhe kolegëve të tij, u shtua interesimi rreth të famshmëve të tjerë për të cilët FBI ka dosje.

The Monkees u hetuan nga FBI për aktivitete të supozuara rreth luftës kundër Vietnamit në vitin 1967 në lidhje me një koncert në të cilin ata shfaqën foto dhe mesazhe në shenjë proteste kundër konfliktit, sipas ankesës së paraqitur nga Dolenz.

Yje të tjerë që kishin gjithashtu dosje në lidhje me politikën përfshijnë këngëtarin e ndjerë John Denver, pastaj aktivisten e shurdhër dhe të verbër Helen Keller (e cila ishte një socialiste dhe konsiderohej e rrezikshme në fillim të shekullit të 20-të) dhe legjenden e bejsbollit Jackie Robinson (dosja e të cilit përmban informacion mbi punën e tij për të drejtat civile dhe dyshimin se ai mund të kanë pasur lidhje me një organizatë komuniste).

John Lennon dhe gruaja e tij Yoko Ono ishin gjithashtu subjekt i një dosjeje të FBI-së pasi The Beatle njihej mirë nga qeveria amerikane për qëndrimin kundër luftës.

Aktorja ikonë Marilyn Monroe kishte poashtu një dosje, pjesërisht për shkak të njërit prej bashkëshortëve të saj. FBI dyshoi se dramaturgu dhe skenaristi Arthur Miller, i cili ishte i martuar me Monroe nga viti 1956 deri në 1961, ishte komunist.

Reperët e ndjerë Christopher “Biggie Smalls” Wallace, i njohur gjithashtu si “The Nototrious B.I.G”, Tupac Shakur dhe Russell Tyrone Jones i njohur si “Ol’ Dirty Bastard”, të gjithë kishin dosje mbi ta.

Themeluesi i Apple, Steve Jobs, fitoi një dosje kur po konsiderohej për një emërim të mundshëm në Këshillin e Eksportit të Presidentit të SHBA-së në 1991.

FBI mblodhi dosjet për disa të famshëm jo për shkak të aktiviteteve të tyre, por për shkak të veprimeve të të tjerëve.

Dosja për këngëtaren e ndjerë, Whitney Houston, përfshin informacione mbi një tentativë të supozuar për zhvatje kundër saj dhe një vëmendje të madhe nga fansat, e cila përfshinte letra të shumta dhe kaseta të dërguara asaj.

Princesha Diana e ndjerë kishte dy dosje të shkurtra, njëra në lidhje me kërcënimet ndaj saj dhe Princit Charles kur ata ishin të martuar dhe tjetra në lidhje me çështjet e sigurisë që lidhen me udhëtimin e saj në 1989 në SHBA.

Ekziston një “deklaratë mohimi” në Bibliotekën e Aktit të Lirisë së Informacionit të FBI-së, e cila përmban disa nga dosjet që lidhen me figurat e kulturës pop. Sipas saj, “informacioni i gjetur në këto dosje mund të mos pasqyrojë më besimet, qëndrimet, opinionet ose politikat aktuale të mbajtura nga FBI”./UBTNews/

Related Topics:
Continue Reading

Kulturë

Armend Rexhepagiqi nderohet me “Hyjneshën në Fron” dhe mirënjohje të veçantë

Published

1 day ago

on

July 18, 2025

By

Artistit të njohur, Armend Rexhepagiqi, i është dorëzuar sot çmimi “Hyjnesha në Fron” nga Komuna e Prishtinës, si shenjë vlerësimi për kontributin e tij të çmuar në kulturën muzikore dhe artistike të vendit.

Ceremonia është mbajtur në kryeqytet, ku kryetari Përparim Rama ia ka ndarë gjithashtu një mirënjohje të veçantë.

Në mirënjohje thuhet: “I pakompromis që nga tingulli i parë – një zë që i flet kohës. Me stilin dhe shpirtin tënd, frymëzove breza. Fjalët e tua s’ishin thjesht – ishin zemër. Kultura shqiptare mban gjurmën tënde të pashlyeshme. Prishtina të njeh, Kosova të këndon”.

Koncerti zhvillohet në Pallatin e Rinisë më 19 korrik dhe përveç krijimtarisë tashmë të njohur, Rexhepagiqi do të interpretojë këngët e reja si: “Kutia e zezë”, “Boll m’ke dalë”, “Dyfish ma pak”, “S’o dashni”, “Ma ke n’alë” dhe “Krejt Prishtinën për ditëlindje”.

Armend Rexhepagiqi është autor i shumë hiteve të pavdekshme të muzikës shqipe dhe një nga emrat që ka lënë gjurmë të pashlyeshme në tekstet dhe këngët e qindra artistëve ndër vite. /Telegrafi

Continue Reading

Kulturë

Jessie J drejt rikthimit televiziv pas mastektomisë së suksesshme

Published

2 days ago

on

July 18, 2025

By

Jessie J po përgatitet për një rikthim emocional në televizion, vetëm pak javë pas një mastektomie të suksesshme pas diagnostikimit me kancer të gjirit.

Këngëtarja britanike 37-vjeçare pritet të shfaqet në një episod të veçantë të “Strictly Come Dancing” në muajin shtator, duke shënuar daljen e saj të parë publike pas ndërhyrjes kirurgjikale.

Burime pranë produksionit të BBC-së kanë bërë të ditur se drejtuesit janë të entuziazmuar për pjesëmarrjen e saj, ndërsa Jessie është e përqendruar te shëndeti dhe rikuperimi i saj, por ndihet e emocionuar për t’u rikthyer në skenë, shkruan DailyMail.

Paralelisht, ajo është konfirmuar edhe për një performancë në festivalin “Radio 2 In The Park” në Chelmsford po në shtator.

Rikthimi i Jessie J pritet të jetë një moment i fuqishëm dhe frymëzues për publikun, pasi ajo jo vetëm që po sfidon kancerin me guxim, por edhe po kthehet në skenë me një mesazh të fortë për shpresën, forcën dhe qëndrueshmërinë

Continue Reading

Kulturë

Dita Ndërkombëtare e Nelson Mandelas

Published

2 days ago

on

July 18, 2025

By

Nelson Mandela ishte president i Afrikës Jugore dhe luftëtar i lirisë, i cili luftonte kundër shtypjes racore që u bëhej të zinjve në Afrikë, posaçërisht në Afrikën Jugore dhe shumë vite të jetës së tij ai i kaloi nëpër burgje.

Mandela u lind më 18 korrik 1918 i cili gjatë jetës studioi juridikun dhe pikërisht për nder të datës së lindjes së tij Asambleja e Përgjithshme e OKB-së në vitin 2009 ka vendosur që 18 korriku të jetë Dita Ndërkombëtare e Nelson Mandelës.

Datëlindja e Mandelës është edhe Ditë Ndërkombëtare e Nelson Mandelës, e shpallur nga OKB-ja si shenjë mirënjohjeje për kontributin e fituesit të çmimit Nobel për Paqe e pajtimin e arritur në këtë vend. Në këtë ditë jug-afrikanët zakonisht shënojnë ditëlindjen e liderit të tyre kundër aparteidit, i cili ishte 67 vjet në shërbim publik, kurse qytetarët bëjnë 67 minuta punë për komunitet,

Fillimisht Mandela zgjodhi rrugën paqësore për qëllimet e tij dhe të shokëve të tij.

Në vitin 1956 ai u akuzua për “tradhti të lartë” nga regjimi i atëhershëm, bashkë me 155 shokë të tjerë. Procesi zgjati deri me 1961 dhe të gjithë u liruan. Mbas lirimit ai u bë lideri i grupit të armatosur së ANC-së, Umkohnto We Sizwe.

Në vitin 1962 u burgos dhe u dënua me pesë vjet burg. Në vitin 1964 u dënua me burg të përjetshëm, sepse kishte planifikuar luftë të armatosur. Në vitin 1985 atij iu afrua mundësia e lirimit, në qoftë se do të pranonte ndalimin e aktivitetit të armatosur, por ai refuzoi. Në vitin 1990 mbas një kampanje të ANC dhe presionit ndërkombëtar ai u lirua pa kushte.

Në vitin 1993 fitoi çmimin Nobel, ndërsa në vitin 1994 u zgjodh në zgjedhje demokratike president i Afrikës Jugore dhe më 9 maj u zgjodh si presidenti i parë i zi në këtë vend.

Në vitin 1999 ai dha dorëheqje dhe ishte aktiv për organizata të ndryshme për të drejtat e njeriut. Në vitin 2003 kritikoi shumë Tony Blair dhe George W. Bush për intervenimin në Irak.

Mandela vdiq pas një sëmundjeje të gjatë më 5 dhjetor 2013, në shtëpinë e tij në Johanesburg.

Continue Reading

Lifestyle

Pesë ushqime të shëndetshme që duhet t’i shtoni në dietën tuaj

Published

3 days ago

on

July 17, 2025

By

Ushqimi është burimi ynë kryesor i energjisë dhe vitalitetit dhe duke ke shtuar këto 5 ushqime super të shëndetshme në dietën tuaj, do të ndiheni më energjikë dhe më të freskët gjatë gjithë ditës:

Avokado: Të pasura me acide yndyrore të shëndetshme dhe fibra, avokado është një ushqim i shkëlqyeshëm për të mbajtur nivelet e energjisë stabile gjatë gjithë ditës.

Perimet e gjelbra të freskëta: Perimet e gjelbra të freskëta janë të pasura me vitamina, minerale dhe antioksidantë që ndihmojnë në rritjen e energjisë dhe mbajtjen e trupit të shëndetshëm.

Arrat: Me përmbajtje të lartë të proteinave dhe yndyrës së shëndetshme, arrat janë një ushqim ideal për të rritur nivelin e energjisë dhe për të mbajtur stomakun e ngopur për një kohë më të gjatë.

Mjalti: Mjalti është një burim i shkëlqyeshëm i energjisë së shpejtë dhe të qëndrueshme, i cili gjithashtu ofron përfitime të mëdha për shëndetin e zemrës dhe sistemin imunitar.

Ushqimet e pasura me Omega-3: Siç janë salmoni dhe farat e linit, këto ushqime të pasura me acide yndyrore ndihmojnë në mbrojtjen e shëndetit të zemrës dhe në përmirësimin e funksionimit të trurit, duke ndihmuar në ruajtjen e energjisë dhe vitalitetit të trupit.

Nëse integroni këto ushqime të shëndetshme në dietën tuaj të përditshme, do të ndjeni një ndryshim pozitiv të niveleve të energjisë dhe shëndetit tuaj./Ekonomia Online

Continue Reading

Të kërkuara