Kulturë

MKRS mban tryezë për Nënën Terezë

Aty u vlerësua lartë kontributi dhe humanizmi i Nënë Terezës për njerëzimin.

Published

on

Në 25-vjetorin e kalimit në amshim të Shën Nënë Terezës, Qeveria e Republikës së Kosovës ka organizuar “Ditët e Nënë Terezës” me aktivitete të shumta kulturore dhe përkujtimore.

Me këtë rast, të premten Ministria e Kulturës ka mbajtur tryezë për figurën e Shën Nënë Terezës, e cila u vlerësua lartë nga të pranishmit.

Aty u vlerësua lartë kontributi dhe humanizmi i Nënë Terezës për njerëzimin.

Në fjalën e tij para të pranishmëve, profesori Jahja Drançolli, tha se koha kur Nënë Tereza u përcaktua të shkojë për murgeshë, ishte viti 1942.

Ai tha se veprat për Nënë Terezën është vështirë të gjenden, pasi sipas tij ajo nuk ka dashur të jetë e popullarizuar.

“Unë kam kontaktuar me disa studiues në Beograd që merren me etnologji, dhe atje Gonxhe Bojaxhiu flitet se në vitin 1942, përcaktohet të shkojë si murgeshë. Me kolegë edhe nga Kroacia kam biseduar për këtë çështje dhe vështirë kemi gjet dosje që flasin për jetën e Nënë Terezës”, tha ai.

Ipeshkvi i Kosovës, Dom Lush Gjergji, foli për jetën dhe veprën e Nënë Terezës. Ai tha se vuajtjet e banorëve të një fshati në Maqedoninë e Veriut, ishte shtysë që ajo të shugurohet si murgeshë.

“Unë i kam hyrë kësaj pune si 20 vjeçar dhe fizikisht në Romë e kam takuar për herë të parë. Fatbardhësisht më nuk i jam ndarë kësaj rruge. Gonxha e jonë është lindur me një ambient të njëjtë në Indi. Është interesante thirrja e saj, ishte në një familje të pastër. Babai saj ishte atdhetar dhe në këtë frymë i rriti fëmijët e saj dhe nëna e Gonxhës ishte bamirëse, e cila për ata që kishin nevojë iu dilte në ndihmë. Është interesant babai saj se kur e kishte par vuajtjet e fshatit Letnicë, kishte ndërtuar një strehimore dhe kjo i lidhte më shumë shpirtërisht. Nga aty, 1928 Gonxhja jonë u vendos si murgeshë dhe vizionin e kishte të qartë dhe hyjnor dhe donte të bëhej motër që do t’iu ndihmonte të varfërve”, tha ai.

Continue Reading

Lajmet

Reka dhe Çitaku diskutojnë promovimin e filmave kosovarë në garën për Oscar

Published

on

Ambasadori i Kosovës në Shtetet e Bashkuara të Amerikës, Blerim Reka, ka pritur në Konsullatën e Përgjithshme të Kosovës në Nju-Jork, Lum Çitakun, drejtor i Programeve në Qendrën Kinematografike të Kosovës. Në takim është diskutuar promovimi ndërkombëtar i kinematografisë kosovare.

Në fokus të takimit ishte filmi “DUA”, me regji të Blerta Bashollit, i cili po shfaqet këto ditë në Nju-Jork dhe është propozimi zyrtar i Kosovës për edicionin e 99-të të çmimeve Oscar, në kategorinë “Filmi më i mirë ndërkombëtar”.

Në të njëjtën kategori garon edhe filmi “Shame and Money”, me regji të Visar Morinës, i cili, sipas raportimit të Telegrafit, është kualifikuar drejtpërdrejt pas fitimit të çmimit kryesor të jurisë, World Cinema Grand Jury Prize, në Festivalin e Filmit Sundance në janar të këtij viti.

Gjatë takimit, Reka theksoi rëndësinë e mbështetjes institucionale për krijimtarinë filmike dhe promovimin e kulturës së Kosovës në arenën ndërkombëtare. Ai vlerësoi kinematografinë si një nga mënyrat e rëndësishme për përfaqësimin dhe afirmimin e vendit në botë./A.K/

Continue Reading

Lajmet

Vazhdojnë punimet për rinovimin e teatrit ODA në Prishtinë

Published

on

Ministrja e Kulturës, Saranda Bogujevci, ka njoftuar se po vazhdojnë punimet për rinovimin e teatrit ODA në Prishtinë, duke bërë të ditur se kjo hapësirë së shpejti do të jetë e gatshme për artistët dhe publikun.

Përmes një njoftimi, Bogujevci ka theksuar se rinovimi i teatrit ODA është pjesë e investimeve në infrastrukturën teatrore në vend.

Ajo ka përmendur edhe projektet e përfunduara, përfshirë rinovimin e teatrit të qytetit “Muharrem Qena” në Mitrovicë dhe të hapësirave teatrore në Pallatin e Rinisë në Prishtinë, si dhe ndërtimin e Shtëpisë së Kulturës në Suharekë.

Sipas ministres, punimet po vazhdojnë edhe në Teatrin Kombëtar të Kosovës dhe në teatrin “Adriana” në Ferizaj, ndërsa Qendra për Arte në Rahovec ndodhet në fazën përfundimtare të ndërtimit.

Ndërkaq, Teatri i Operës dhe Baletit në Prishtinë është në fazën e fundit të projektimit./A.K/

Continue Reading

Lajmet

“Palimpsest”, projekt artistik që rikthen në vëmendje trashëgiminë muzikore shqiptare

Published

on

Teatri Kombëtar i Operës, Baletit dhe Ansamblit Popullor ka prezantuar projektin artistik “Palimpsest”, i cili synon të rikthejë në vëmendje trashëgiminë muzikore shqiptare të viteve ’30, ’40 dhe ’50.

Përmes krijimeve origjinale dhe përpunimeve të këngëve popullore, projekti sjell vepra të kompozitorëve Antonio Muçi, Karlo Pali, Muharrem Xhediku, Koço Uçi, Ramadan Sokoli dhe Çesk Zadeja.

Në këtë mbrëmje artistike do të interpretojnë Ardita Bufaj në piano, Armando Likaj në bariton dhe Maida Resulbegoviç në soprano, ndërsa e ftuar speciale do të jetë pianistja Norena Gaxha.

Koncepti artistik, hulumtimi arkivor dhe mbledhja e partiturave janë realizuar nga pedagogia Ardita Bufaj.

Projekti organizohet në bashkëpunim me Teatrin Kombëtar të Operës, Baletit dhe Ansamblit Popullor, në kuadër të Festivalit “Netët e Muzikës Shqiptare”, me synimin për të promovuar vlerat e trashëgimisë muzikore dhe për t’i përcjellë ato te brezat e rinj./A.K/

Continue Reading

Lajmet

Kosova dhe Çekia diskutojnë bashkëpunimin në fushën e trashëgimisë kulturore

Published

on

By

Ambasadorja e Kosovës në Çeki, Albesjana Iberhysaj-Kapitaj, ka zhvilluar një takim me drejtoreshën e përgjithshme të Institutit Kombëtar për Mbrojtjen e Monumenteve të Republikës Çeke, Naděžda Goryczková, për të shqyrtuar mundësitë e bashkëpunimit dypalësh në fushën e trashëgimisë kulturore.

Gjatë takimit u diskutua për shkëmbimin e ekspertizës dhe praktikave profesionale ndërmjet institucioneve të të dyja vendeve, me fokus të veçantë në konservimin, restaurimin dhe mbrojtjen e monumenteve.

Përvoja e gjatë e Republikës Çeke në ruajtjen e trashëgimisë kulturore u vlerësua si mundësi e rëndësishme për forcimin e kapaciteteve dhe avancimin e standardeve të institucioneve të Kosovës në këtë sektor. /E.A/

 

Continue Reading

Të kërkuara