Sport

Para ndeshjeve në Ligën e Kombeve “Dardanët” kanë mesazh të qartë për Përfaqësuesen e Kosovës

Kosova do ta fillojë aventurën drejt kualifikimit në Evropianin Euro 2024 më 2 qershor

Published

3 years ago

on

Muaji qershor është duke u afruar, kur edhe Përfaqësuesja e Kosovës do të fillojë rrugëtimin për të siguruar kualifikimin në Kampionatin Evropian Euro 2024.

Kosova do të zhvillojë katër ndeshje që nga data 2 qershor deri më 12 qershor, ku dy prej tyre i luan si vendas kundër Greqisë dhe Irlandës Veriore, kurse dy sosh si mysafirë kundër Qipros dhe Greqisë.

Me këtë rast, tifo-grupi “Dardanët” kanë një mesazh për Kombëtaren tonë, ku kanë kërkuar vetëm kualifikim tutje nga ky edicion i Ligës së Kombeve.

Po ashtu, ata treguan se një pjesë të biletave do të shiten përmes tyre, e cila do të shpërndahet përmes koordinatorëve të tyre nëpër qytete të ndryshme të vendit ku janë të pozicionuar ata.

Postimin e “Dardanëve” në “Facebook” e gjeni më poshtë.

“Me afrimin e ndeshjeve të kombëtares, fillon të ndjehet atmosfera dardane kudo. Tashmë i vetmi cak që duam nga kombëtarja jonë është sigurimi i kualifikimit në Euro 2024 përmes edicionit të sivjem të Ligës së Kombëve. Çdo cak tjetër është i pamjaftueshëm.

Dardanët do të jenë në përkrahje të plotë të ekipit tonë kombëtar në ndeshjet që do të luhen në qershor. Po ashtu ju njoftojmë se shumë shpejt do të dalin në shitje biletat, kurse ne si tifogrup posedojmë një sasi të tyre, e cila do të shpërndahet përmes koordinatorëve tanë nëpër qytete të ndryshme të vendit ku janë të pozicionuar ata.

Dhe, si përfundim, ju njoftojmë se në dy ndeshjet që do të luhen në stadiumin ”Fadil Vokrri”, ato përballë Greqisë më 5 qershor dhe Irlandës së Veriut më 9 qershor, ne do të rikthehemi te tribunën që na takon, në veri të stadiumit, ku nuk do të mungojnë edhe koreografitë, si dhe atmosfera e ngrohtë si zakonisht.

Të gjithë shkojnë e vijnë, Dardanët do të mbesin përherë lojtari i 12-të, ai besnik i Kosovës.

Përpara bijtë e Dardanisë!”, shkruante në postimin e “Dardanëve”.

Kosova do ta fillojë aventurën drejt kualifikimit në Evropianin Euro 2024 më 2 qershor, ku zhvillon ndeshje si mysafire kundër Qipros, kurse tre ditë më vonë e pret në shtëpi, në stadiumin “Fadil Vokrri” Kombëtaren e Greqisë.

Related Topics:
Continue Reading

Sport

Yamal: Fillimi i një udhëtimi që shpresoj të jetë i gjatë dhe plot fitore

Published

1 hour ago

on

July 17, 2025

By

Barcelona ka zyrtarizuar rinovimin e kontratës së Lamine Yamal deri në vitin 2031, ndërsa talenti 18-vjeçar do të mbajë tashmë fanellën me numrin 10.

“Ky është fillimi i një udhëtimi që shpresoj të jetë i gjatë dhe plot fitore”, tha Yamal, duke shprehur vendosmërinë për të dhënë gjithçka për klubin që e konsideron si “më të mirin në botë”.

Mesfushori ofensiv u shpreh i motivuar për sezonin e ri, duke thënë se synon të vazhdojë rritjen dhe të ketë një sezon edhe më të mirë se i kaluari. Aktualisht, fokusi i tij është te stërvitjet e dyfishta të planifikuara nga trajneri Hansi Flick në Ciutat Esportiva Joan Gamper./Kosovapress

Continue Reading

Sport

Seria e golave të Messit merr fund, FC Cincinnati mposhtë Inter Miamin

Published

3 hours ago

on

July 17, 2025

By

Seria rekord e Lionel Messit në Major League Soccer me ndeshje me shumë gola përfundoi në orën pesë të mërkurën, pasi skuadra e tij e Inter Miami u mposht 3-0 nga FC Cincinnati.

Ylli argjentinas, 38-vjeçar, kishte shënuar nga dy gola në pesë ndeshje radhazi për Miamin, duke i dhënë atij 16 gola këtë sezon, ndërsa Interi arriti katër fitore dhe një barazim në këtë seri.

Që nga viti 2012, kur luante për Barcelonën, Messi nuk kishte shënuar dy ose më shumë gola në pesë ndeshje radhazi.

Por Cincinnati e mbajti Miamin vetëm në dy gjuajtje në portë në këtë ndeshje.

“Është e qartë se sot u mposhtëm që nga fillimi i ndeshjes. Leo pësoi një goditje në fund, por përfundoi mirë”, tha trajneri i Inter Miamit, Javier Mascherano.

Miami mbeti me pesë barazime për 38 pikë, i pesti në Konferencën Lindore dhe tetë pikë larg Filadelfias së vendit të parë , lideres së përgjithshme të MLS, e cila mundi Montrealin për të qëndruar një pikë përpara Cincinnatit në renditjen e përgjithshme të MLS.

Inter Miami ka tre ndeshje më pak të zhvilluara kundër të dy klubeve, por do të duhet t’i fitojë të gjitha për të kaluar rivalët e tyre për kryesimin e përgjithshëm të ligës./Kosovapress

 

Continue Reading

Aktualitet

Real Madridi ka njoftuar largimin e veteranit të klubit, Lucas Vazquez.

Published

24 hours ago

on

July 16, 2025

By

Real Madridi zyrtarisht ka njoftuar për largimin e veteranit të klubit, Lucas Vazquez.

Në një ceremoni lamtumire, që do të mbahet të enjten më 17 korrik në Ciudad Real Madrid, do të jetë i pranishëm edhe presidenti Florentino Perez, dhe klubi ka shprehur mirënjohjen dhe dashurinë e tij për Lucas Vazquez, duke e cilësuar si një nga legjendat e mëdha të historisë së tyre.

Lojtari Vazquez iu bashkua Real Madridit në vitin 2007, kur ishte vetëm 16 vjeç, dhe kaloi në të gjitha kategoritë e akademisë, nga Juvenil C te Castilla.

Pas një sezoni huazim te Espanyol, ai debutoi me ekipin e parë në shtator 2015.

Gjatë 10 viteve me Real Madridin, ai ka luajtur në 402 ndeshje në një nga periudhat më të suksesshme të klubit.

Në këtë kohë, Vazquez ka fituar 23 trofe, duke përfshirë 5 Liga të Kampionëve, 5 Kupa Bote për Klube, 4 Superkupa Evropiane, 4 La Liga, 1 Kupë të Mbretit dhe 4 Superkupa Spanjolle./Telegrafi

Continue Reading

Aktualitet

Dardanët U20 kualifikohen në çerekfinale të Evropianit në basketboll

Published

1 day ago

on

July 16, 2025

By

Një kapitull të artë historik në skenën e basketbollit evropian, e kanë shënuar Dardanët U20 duke u kualifikuar për herë të parë në çerekfinale të FIBA EuroBasket Divizioni B.

Me një fitore dramatike dhe të merituar 78:73 ndaj Hungarisë, kjo gjeneratë premtuese tregoi karakter, talent dhe vendosmëri, duke sjellë krenari të jashtëzakonshme për vendin.

Me 21 pikë dhe 11 kërcime të Erolt Rrahmanit dhe mbështetjen e jashtëzakonshme të Ismajlit, Durgutit dhe Dahsylës, Kosova U20 vazhdon ëndrrën drejt elitës evropiane.

Federata e Basketbollit të Kosovës thotë se ky njëkohësisht është suksesi më i madh te gjeneratat e reja më tani./Kosovapress

Continue Reading

Të kërkuara