Kulturë

​Ansambli kombëtar i këngëve dhe valleve nis turne historik në Kosovë e Maqedoni

Vlerat e Ansamblit kombëtar të këngëve dhe valleve tashmë 65 vite janë vlera kombëtare.

Published

3 years ago

on

Ansambli kombëtar i këngëve dhe valle i Shqipërisë do të nisë një turne historik me katër koncerte të pasura artistike, në disa qytete të Kosovës dhe në Maqedoni të Veriut.

Drejtues të ansamblit dhe përfaqësues të Ministrisë së Kulturës, sot ishin në një vizitë në Komunën e Gjakovës, ku edhe u priten nga kryetari i kësaj komune, Ardian Gjini. Ata së bashku dolën në një konferencë për media, ku thanë se ky bashkëpunim me Shqipërinë është në kuadër të kalendarit të përbashkët kulturorë.

Kryetari i komunës së Gjakovës, Ardian Gjini njoftoi se Ansambli kombëtar i këngëve dhe valle do të jetë në Gjakovë më 26 prill, në ora 20.30 në mbrëmje do ta kenë koncertin në Gjakovë

“Unë e di që publiku i Gjakovës, por edhe i gjithë Kosovës mezi e pret një turne të tillë, pasi me vite e dekada ne jemi frymëzuar prej prodhimtarisë së jashtëzakonshme artistike të Ansamblit të këngëve dhe valleve. Edhe një herë është ndjenjë e mirë për t’i pas në Kosovë e në këtë rast në Gjakovë”, tha ai.

Drejtori i Artistik i ansamblit këngëve dhe valleve i Shqipërisë, Sokol Marsi njoftoi se turneu do të zhvillohet në disa prej qyteteve të Kosovës. Sipas tij, më 25 prill do të jenë në Prizren, më 26 prill në Gjakovë, më 27 prill në Gjilan dhe më vonë në Shkup.

“Turneu është historik sepse zhvillohet pas shumë vitesh një turne në këtë lloj organizimi, pra në disa qytete të njëpasnjëshme dhe jehona që do të lënë koncertet e ansamblit nga qyteti në qytet, mendoj se do të jetë e jashtëzakonshme….përsa i përket pjesës artistike iu garantoj se do të jetë një koncert shumë i bukur si rrallëherë për arsye se përveç repertorit tonë të përbashkët, në këtë rast jemi kujdesur specifikisht që këngët, vallet siç mund të jenë disa këngë që janë kënduar nga artisë tradicional të qytetit të Gjakovës, Prizrenit, Prishtinës, Gjilanit e të tjera, do të jenë pjesë përformuese të koncertit tonë. Dua të veçoj një prej ikonave të muzikës kosovare siç është e nderuara Nexhmie Pagarusha, ku ne do të kemi disa këngë të zonjës, po kështu do të kemi edhe disa valle kryesisht me tematikë të Kosovës”, tha ai.

Liburn Jupolli, këshilltar në Ministrinë e Kulturës, Rinisë dhe Sportit, tha se ky turne historik është hap më tutje drejt bashkëpunimit ndërshtetëror.

“Qeveria e Kosovës, Ministria e Kulturës e kanë prioritet të veçantë ngritjen e vlerave tona që padyshim i lartëson bashkëpunimi i vazhdueshëm dhe i intensifikuar i dy shteteve tona, Kosovës dhe Shqipërisë, e gjithë kjo e shprehur kjo në kuadër të kalendarit të përbashkët kulturor… këto katër koncerte në seri të cilat përbëjnë me mjeshtri program të përzgjedhur me kujdes do të ofrojnë për publikun kosovarë dhe maqedonas netë të pasura dhe që solidikikojnë më tutje lidhjen tonë përmes valles, këngës dhe fjalës”, tha ai.

Vlerat e Ansamblit kombëtar të këngëve dhe valleve tashmë 65 vite janë vlera kombëtare.

Related Topics:
Continue Reading

Kulturë

Armend Rexhepagiqi nderohet me “Hyjneshën në Fron” dhe mirënjohje të veçantë

Published

1 day ago

on

July 18, 2025

By

Artistit të njohur, Armend Rexhepagiqi, i është dorëzuar sot çmimi “Hyjnesha në Fron” nga Komuna e Prishtinës, si shenjë vlerësimi për kontributin e tij të çmuar në kulturën muzikore dhe artistike të vendit.

Ceremonia është mbajtur në kryeqytet, ku kryetari Përparim Rama ia ka ndarë gjithashtu një mirënjohje të veçantë.

Në mirënjohje thuhet: “I pakompromis që nga tingulli i parë – një zë që i flet kohës. Me stilin dhe shpirtin tënd, frymëzove breza. Fjalët e tua s’ishin thjesht – ishin zemër. Kultura shqiptare mban gjurmën tënde të pashlyeshme. Prishtina të njeh, Kosova të këndon”.

Koncerti zhvillohet në Pallatin e Rinisë më 19 korrik dhe përveç krijimtarisë tashmë të njohur, Rexhepagiqi do të interpretojë këngët e reja si: “Kutia e zezë”, “Boll m’ke dalë”, “Dyfish ma pak”, “S’o dashni”, “Ma ke n’alë” dhe “Krejt Prishtinën për ditëlindje”.

Armend Rexhepagiqi është autor i shumë hiteve të pavdekshme të muzikës shqipe dhe një nga emrat që ka lënë gjurmë të pashlyeshme në tekstet dhe këngët e qindra artistëve ndër vite. /Telegrafi

Continue Reading

Kulturë

Jessie J drejt rikthimit televiziv pas mastektomisë së suksesshme

Published

1 day ago

on

July 18, 2025

By

Jessie J po përgatitet për një rikthim emocional në televizion, vetëm pak javë pas një mastektomie të suksesshme pas diagnostikimit me kancer të gjirit.

Këngëtarja britanike 37-vjeçare pritet të shfaqet në një episod të veçantë të “Strictly Come Dancing” në muajin shtator, duke shënuar daljen e saj të parë publike pas ndërhyrjes kirurgjikale.

Burime pranë produksionit të BBC-së kanë bërë të ditur se drejtuesit janë të entuziazmuar për pjesëmarrjen e saj, ndërsa Jessie është e përqendruar te shëndeti dhe rikuperimi i saj, por ndihet e emocionuar për t’u rikthyer në skenë, shkruan DailyMail.

Paralelisht, ajo është konfirmuar edhe për një performancë në festivalin “Radio 2 In The Park” në Chelmsford po në shtator.

Rikthimi i Jessie J pritet të jetë një moment i fuqishëm dhe frymëzues për publikun, pasi ajo jo vetëm që po sfidon kancerin me guxim, por edhe po kthehet në skenë me një mesazh të fortë për shpresën, forcën dhe qëndrueshmërinë

Continue Reading

Kulturë

Dita Ndërkombëtare e Nelson Mandelas

Published

1 day ago

on

July 18, 2025

By

Nelson Mandela ishte president i Afrikës Jugore dhe luftëtar i lirisë, i cili luftonte kundër shtypjes racore që u bëhej të zinjve në Afrikë, posaçërisht në Afrikën Jugore dhe shumë vite të jetës së tij ai i kaloi nëpër burgje.

Mandela u lind më 18 korrik 1918 i cili gjatë jetës studioi juridikun dhe pikërisht për nder të datës së lindjes së tij Asambleja e Përgjithshme e OKB-së në vitin 2009 ka vendosur që 18 korriku të jetë Dita Ndërkombëtare e Nelson Mandelës.

Datëlindja e Mandelës është edhe Ditë Ndërkombëtare e Nelson Mandelës, e shpallur nga OKB-ja si shenjë mirënjohjeje për kontributin e fituesit të çmimit Nobel për Paqe e pajtimin e arritur në këtë vend. Në këtë ditë jug-afrikanët zakonisht shënojnë ditëlindjen e liderit të tyre kundër aparteidit, i cili ishte 67 vjet në shërbim publik, kurse qytetarët bëjnë 67 minuta punë për komunitet,

Fillimisht Mandela zgjodhi rrugën paqësore për qëllimet e tij dhe të shokëve të tij.

Në vitin 1956 ai u akuzua për “tradhti të lartë” nga regjimi i atëhershëm, bashkë me 155 shokë të tjerë. Procesi zgjati deri me 1961 dhe të gjithë u liruan. Mbas lirimit ai u bë lideri i grupit të armatosur së ANC-së, Umkohnto We Sizwe.

Në vitin 1962 u burgos dhe u dënua me pesë vjet burg. Në vitin 1964 u dënua me burg të përjetshëm, sepse kishte planifikuar luftë të armatosur. Në vitin 1985 atij iu afrua mundësia e lirimit, në qoftë se do të pranonte ndalimin e aktivitetit të armatosur, por ai refuzoi. Në vitin 1990 mbas një kampanje të ANC dhe presionit ndërkombëtar ai u lirua pa kushte.

Në vitin 1993 fitoi çmimin Nobel, ndërsa në vitin 1994 u zgjodh në zgjedhje demokratike president i Afrikës Jugore dhe më 9 maj u zgjodh si presidenti i parë i zi në këtë vend.

Në vitin 1999 ai dha dorëheqje dhe ishte aktiv për organizata të ndryshme për të drejtat e njeriut. Në vitin 2003 kritikoi shumë Tony Blair dhe George W. Bush për intervenimin në Irak.

Mandela vdiq pas një sëmundjeje të gjatë më 5 dhjetor 2013, në shtëpinë e tij në Johanesburg.

Continue Reading

Lifestyle

Pesë ushqime të shëndetshme që duhet t’i shtoni në dietën tuaj

Published

2 days ago

on

July 17, 2025

By

Ushqimi është burimi ynë kryesor i energjisë dhe vitalitetit dhe duke ke shtuar këto 5 ushqime super të shëndetshme në dietën tuaj, do të ndiheni më energjikë dhe më të freskët gjatë gjithë ditës:

Avokado: Të pasura me acide yndyrore të shëndetshme dhe fibra, avokado është një ushqim i shkëlqyeshëm për të mbajtur nivelet e energjisë stabile gjatë gjithë ditës.

Perimet e gjelbra të freskëta: Perimet e gjelbra të freskëta janë të pasura me vitamina, minerale dhe antioksidantë që ndihmojnë në rritjen e energjisë dhe mbajtjen e trupit të shëndetshëm.

Arrat: Me përmbajtje të lartë të proteinave dhe yndyrës së shëndetshme, arrat janë një ushqim ideal për të rritur nivelin e energjisë dhe për të mbajtur stomakun e ngopur për një kohë më të gjatë.

Mjalti: Mjalti është një burim i shkëlqyeshëm i energjisë së shpejtë dhe të qëndrueshme, i cili gjithashtu ofron përfitime të mëdha për shëndetin e zemrës dhe sistemin imunitar.

Ushqimet e pasura me Omega-3: Siç janë salmoni dhe farat e linit, këto ushqime të pasura me acide yndyrore ndihmojnë në mbrojtjen e shëndetit të zemrës dhe në përmirësimin e funksionimit të trurit, duke ndihmuar në ruajtjen e energjisë dhe vitalitetit të trupit.

Nëse integroni këto ushqime të shëndetshme në dietën tuaj të përditshme, do të ndjeni një ndryshim pozitiv të niveleve të energjisë dhe shëndetit tuaj./Ekonomia Online

Continue Reading

Të kërkuara