Lajmet

70 vjet më vonë, Kina dhe Koreja e Jugut shkëmbejnë eshtrat e të vdekurve gjatë luftës

Zv.ministri i Jashtëm i Koresë së Jugut tha se riatdhesimi është një “simbol i bashkëpunimit miqësor”.

Published

on

Ushtarët kinezë dhe koreano-jugorë qëndruan ballë për ballë, teksa një avion transporti ushtarak kinez aty pranë në pistën e Aeroportit Ndërkombëtar Incheon hapi derën e pasme për të marrë disa ngarkesa të çmuara.

Nëntë ushtarë të Koresë së Jugut lëvizën më pas drejt homologëve të tyre kinezë me hapa të saktë përpara se të dorëzonin me kujdes nëntë kuti prej druri, të cilat më pas u vendosën në një tavolinë dhe u mbuluan me nëntë flamuj të kuq kinezë nga ambasadori i Pekinit në Seul Xing Haiming.

Brenda çdo kutie ishin eshtrat e një ushtari kinez, të cilët vdiqën rreth 70 vjet më parë, gjatë Luftës së Koresë, kur ushtritë e këtyre dy vendeve luftuan për tokën ku këta ushtarë ishin tani.

“Riatdhesimi i eshtrave të dëshmorëve patriotë vullnetarë nga të dyja palët (është) një simbol i rëndësishëm i zhvillimit të ri të marrëdhënieve Kinë-Kore, dhe për më tepër, është i rëndësishëm në zhvillimin e marrëdhënieve të pjekura dhe të shëndetshme dypalëshe”, tha zëvendësministri kinez i Çështjeve të Veteranëve, Chang Zhengguo..

Ndërsa zëvendësministri i Jashtëm i Koresë së Jugut, Lee Do-hoon tha se riatdhesimi është një “simbol i bashkëpunimit miqësor”.

Në vjeshtën e vitit 1950, Pekini dërgoi një çerek milion trupa në Gadishullin Korean, duke mbështetur aleatin e tij të Koresë së Veriut. Ato forca pothuajse kishin arritur në lumin Yalu, i cili ndan Kinën nga Koreja e Veriut, kur udhëheqësi i atëhershëm Mao Ce Dung dërgoi vullnetarët e popullit kinez për të ndërhyrë.

Më shumë se 180,000 nga ato trupa kineze vdiqën në Luftën Koreane, ose atë që Pekini e quan Lufta për t’i rezistuar agresionit të SHBA-së dhe për të ndihmuar Korenë. Trupat e tetëdhjetë e tetë prej tyre nisën udhëtimin e tyre të kthimit në vendlindje të premten.

Që nga viti 2014, Koreja e Jugut ka riatdhesuar eshtrat e ushtarëve kinezë të gjetur në Korenë e Jugut, sipas “ligjit ndërkombëtar dhe frymës së njerëzimit”, tha Ministria e Mbrojtjes e Koresë së Jugut.

Para të premtes, gjithsej 825 mbetje të ushtarëve kinezë ishin riatdhesuar midis 2014 dhe 2021./UBTNews/

Lajmet

Dështimi i 53-të, deputetët mblidhen sonte prapë në orën 22:00

Published

on

By

As në përpjekjen e 53-të, deputetët nuk e konstituan Kuvendin e Kosovës, të dalë nga zgjedhjet e 9 shkurtit.

Kryesuesi Avni Dehari ua ndërpreu fjalën deputeit të PDK-së Abelard Tahirit, deputetes së LDK-së Jehona Lushaku Sadriu dhe deputetes së AAK-së Time Kadrijaj.

Kryesuesi i seancës konstituive, Avni Dehari, tha se seanca do të mbahet sonte në orën 22:00.

Gjykata Kushtetuese e Kosovës ka vendosur masë të përkohshme, që do të jetë në fuqi nga 27 korriku deri më 8 gusht, periudhë në të cilën deputetëve u ndalohet të ndërmarrin çdo vendim apo veprim për konstituimin e Kuvendit, të dalë nga zgjedhjet e shkurtit.Palët vazhdojnë të mos gjejnë një kompromis.

Continue Reading

Lajmet

​Zemaj: Nuk pres të ketë diçka as pas dy javësh

Published

on

By

Deputeti i Lidhjes Demokratike të Kosovës (LDK), Armend Zemaj tha se nuk pret dalje nga bllokada institucionale as pas dy javësh.

Para fillimit të përpjekjes së 53-të për konstituim të kuvendit, Zemaj tha para mediave se “kryeneçësia e Vetëvendosjes po i kushton Kosovës”.

Kryeneçësia e Vetëvendosjes, ose më mirë të them kryeneçësia e tyre për të qenë në një pushtet absolut është ka i kushton Kosovës dhe sot jemi në muajin e pestë të mos konstituimit të kuvendit dhe të krijimit të qeverisë së re të Kosovës. tash kemi hyrë edhe në atë që quhet përgjigje legale nga Gjykata Kushtetuese, sot është dita e fundit deri në atë që do ta marrim si masë të përkohshme dhe të presim datën 8”, u shpreh ai.

Gjykata Kushtetuese ka vendosur masa të përkohshme nga data 27 korrik deri më 8 gusht, ku deputetëve u ndalohet të ndërmarrin çdo veprim e vendim që lidhet me konstituim të kuvendit.

Zemaj tha se nuk pret ndryshim as pas dy javëve.

Duhet shfrytëzuar çdo moment, çdo minutë që të kemi institucione të reja. Por me këtë logjikë dhe me këtë bllokadë që është evidente nga VV-ja, nuk pres që mund të ketë diçka edhe pas dy jave,” ka thënë Zemaj.

Continue Reading

Lajmet

Limaj: S’po shoh ndonjë mundësi për ndryshim sot

Published

on

By

Kryetari i Nismës Socialdemokrate, Fatmir Limaj, është pyetur sot nëse pret të kandidohet për kryetar të Kuvendit të Kosovës, në kuadër të zhvillimeve rreth seancës konstituive.

Në një deklaratë të shkurtër dhënë para fillimit të seancës, Limaj u përgjigj shkurtimisht: “S’po shoh ndonjë mundësi për ndonjë ndryshim sot.

Kjo deklaratë vjen në një moment të tensionuar, kur partitë opozitare dhe Lëvizja Vetëvendosje ende nuk kanë arritur një konsensus për konstituimin e Kuvendit. Mospajtimet e vazhdueshme kanë penguar zgjedhjen e kryetarit të Kuvendit, ndërsa afati kushtetues për këtë proces përfundon sonte në mesnatë.

Continue Reading

Lajmet

Murati: Nuk është problem që të sigurohen votat për të tejkaluar këtë ngërç

Published

on

By

Deputeti i Lëvizjes Vetëvendosje (LVV), Hekuran Murati tha se nuk është problem që të sigurohen votat për tejkalim të ngërçit politik.

Ai para fillimit të seancës konstituive, e cila është përpjekja e fundit para vendosjes së masës së Gjykatës Kushtetuese, tha se pret që të ketë vullnet nga partitë opozitare për konstituim të kuvendit.

Po shpresoj që meqë është seanca e fundit apo vazhdimi i fundit që do të mbahet para pezullimit nga Gjykata Kushtetuese, shpresoj dhe uroj që të gjendet vullneti nga partitë opozitare, por edhe tek deputetët individualisht që më në fund të kemi konstituimin e kuvendit. Na duhet që patjetër që të formohen institucionet. Ne tashmë siç e keni parë jemi te numri 57 në vazhdimësi, me votat e NISMA-s bëhemi 60, jemi shumë afër 61. Me votat e Veton Berishës dhe Duda Baljes bëhemi 62, me votën e Lutfi Hazirit që ka thënë do të bëhesha vota 61 bëhemi 63, e madje edhe me votën e Bekë Berishës bëhen 64. Nuk është problem që të jenë dhe të sigurohen votat për të tejkaluar këtë ngërç, vetëm duhet vullnet politik qoftë i subjekteve opozitare, qoftë edhe i deputetëve individualisht”, deklaroi Murati.

Continue Reading

Të kërkuara