Lajmet

5 gabime që i bëjnë njerëzit gjatë njohjeve

Një prej tyre është mosnjohja e vlerës suaj.

Published

5 years ago

on

Njerëzit mendojnë që sa më i zgjeruar është rrethi i njerëzve që njohin aq më mirë është. Ky mbase është gabimi i parë dhe më i madhi që e bëjnë njerëzit. Ata gabojnë kur përpiqen që ta ndërtojnë rrjetën e tyre të njohjeve duke u përqendruar në sasi dhe jo cilësi. Prandaj, kur merrni vendim që t’i rrisni njohjet është mirë të përgjigjeni në pyetje të tilla si

1. Pse dëshiroj që t’i rris njohjet?

2. A është sepse dua që të rritem në karrierën time?

3. A është sepse po përpiqem që ta bëj brendin më të madh?

Pasi ta keni kuptuar se cila është arsyeja e vërtetë e përpjekjeve tuaja, do të mund ta dini se nga cilët persona do të ndërtohet lista juaj e njohjeve. Sepse jo çdo person është i duhuri për të ndërtuar lidhje më të. Shpeshherë ne entuziazmohemi nga emri i dikujt, por shumëkush është vetëm emër dhe, pasi ta kemi njoftuar zhgënjehemi sa më s’ka.

Kjo është e theksuar sidomos në epokën e rrjeteve sociale, ku sa më shumë ndjekës aq “më të rëndësishëm” janë, por a e dini së shumica kanë “fake followers”? Andaj, është kaq e rëndësishme ta kuptoni cilët persona e përfaqësojnë më së miri atë që jeni të interesuar.

Akademi Pune më poshtë i ka renditur disa nga gabimet më të mëdha që i bëjnë njerëzit, kur përpiqen që të krijojnë njohje strategjike.

Filloni me pyetje

Në shumicën e kohës njerëzit përpiqen që ta fillojnë një njohje me pyetje. Kjo është diçka shumë nevrikuese për personin që dëshironi ta arrini në kontakt. Njohjet janë diçka më shumë sesa pyetje përgjigje, ato janë lidhje që ndërtohen për kohë të gjatë, janë lidhje dhëniesh dhe marrjesh.

Pra, të fillosh lidhjen duke kërkuar menjëherë diçka është një gabim i madh. Duhet ta njihni së pari dikë, për t’i kërkuar ndihmë ose për t’i bërë pyetje. Në këtë mënyrë do të ndërtoni besim. Dhe mos harroni që, çdo herë të thoni faleminderit, kjo tregon që po e vlerësoni ndihmën e tyre dhe nuk po i përdorni vetëm për interes.

Mosnjohja e vlerës tuaj

Nuk duhet kërkoni vetëm ato kontakte që jeni në gjendje të përfitoni nga to, në vend të kësaj kërkoni edhe ato kontakte që ju mund të tregoni vlera po aq shumë dhe mirë sa ata! Përpara se të filloni që ta krijoni rrjetën tuaj të njohjeve, kuptoni se çfarë jeni në gjendje edhe ju të sillni! Filloni duke e pyetur veten “Pse dikush do të donte të më njihte, Çfarë kam për të ofruar?”

E lini të bëhet i vështirë

Fjala “njohje” mund të ketë paksa kuptim të frikshëm dhe negativ. Mos i mendoni vetëm kontaktet e bizneseve si mundësi për njohje dhe lidhje të reja! Mund t’i përdorni gjithashtu edhe njerëzit që tashmë i njihni, për ta ndërtuar rrjetën tuaj të së ardhmes. Shokët, shokët e klasës, fqinjët, dikush që e frekuentonte rregullisht vendin ku keni punuar sa keni qenë në kolegj, të gjithë këta janë lidhje potenciale për biznes. Të pasurit dikë që tashmë e njeh mirë e bën edhe më të lehtë për ta arritur qëllimin.

Nuk keni drejtim të qartë

Shumë sipërmarrës të rinj, ngecin në disa zgjedhje që nuk e kanë as të qartë kush janë. A janë ata njerëzit që do t’ju ndihmojnë, t’ju mësojnë ose do ta shtyjnë karrierën tuaj? Bëhuni shumë të vetëdijshëm se me kë jeni duke shpenzuar kohë dhe në cilat lidhje jeni më shumë të përqendruar!

Gjeni ata të cilët kanë atribute profesionale dhe dikë që e admironi për etikën e tyre të punës, ose dikë që po shkon të njëjtin drejtim të karrierës si ju! Bëni kujdes t’i gjeni “mësuesit” që janë me këmbë në tokë, që nuk e marrin si diçka të madhe që po kërkoni ndonjëherë këshilla dhe që nuk ju bëjnë që të ndiheni sikur u keni borxh! Këta persona do t’ua hapin dyert nëse jeni të kujdesshëm në përzgjedhjen e tyre.

Mendoni që ju duhet të ndërtoni një rrjetë të madhe të njohjeve

Pra, nuk ka aspak rëndësi sasia por cilësia e atyre njohjeve. Nuk ju duhet një numër jashtëzakonisht i madh i atyre që i njeh, ashtu siç keni menduar deri më tani. Bëjani vetes disa pyetje: A do të përgjigjen kur u kërkoni mendime, a do t’ju njoftojnë ata me të tjerë? Kjo është ajo çfarë ka rëndësi: Njohje të forta, jo sa për të thënë. /Akademi Pune

Related Topics:
Continue Reading

Lajmet

Kroacia reagon ndaj Hagës: Aktgjykim jo përfundimtar, pavarësia e Kosovës nuk pyetet

Published

4 hours ago

on

September 16, 2026

By

Ministria e Punëve të Jashtme e Kroacisë ka reaguar zyrtarisht lidhur me aktgjykimin ndaj ish-krerëve të UÇK-së në Hagë, duke e cilësuar atë si një vendim jo përfundimtar të shkallës së parë dhe duke refuzuar të paragjykojë epilogun e mëtutjeshëm të procedurës.

Përmes këtij reagimi, MPJ-ja kroate nëvizoi se ky aktgjykim nuk e ndryshon kontekstin historik të ngjarjeve, ku Kosova dhe popullsia e saj ishin viktima të represionit dhe krimeve të rënda të regjimit të Sllobodan Millosheviqit.

Diplomacia kroate përfundoi se përgjegjësia individuale e personave të caktuar nuk mund të përdoret aspak si bazë për relativizimin e krimeve serbe, e as për vënien në pikëpyetje të lirisë dhe pavarësisë së Kosovës.

Continue Reading

Lajmet

Grenell: Kurti të veprojë shpejt për ta zhbërë Gjykatën Speciale, deputetët ta ndihmojnë

Published

4 hours ago

on

September 16, 2026

By

Emisari presidencial i Trumpit, Richard Grenell, ka reaguar pas vendimit të Gjykatës Speciale. Grenell ka thënë se kryeministri Albin Kurti duhet të veprojë shpejt për ta zhbërë Gjykatën Speciale dhe sipas tij, deputetët e Kuvendit të Kosovës duhet ta ndihmojnë në këtë.

“Dënimi i shpallur nga Gjykata e Hagës ndaj Hashim Thaçit, për një luftë të zhvilluar 25 vjet më parë, është i turpshëm.

Askush nuk është i sigurt nga këto gjykata ndërkombëtare, ku elitat akademike marrin vendime politike. Këta tre gjyqtarë dhe prokurori amerikan janë të gjithë të majtë ekstremë. Ata qartazi nuk i dëgjuan këshilltarët e Bill Clintonit, të cilët e bënë të qartë se Thaçi nuk e drejtonte luftën.

Gjyqtari zviceran Guénaël Mettraux ishte në të vërtetë udhëheqësi, duke injoruar çështjet ligjore dhe duke zgjedhur në vend të tyre politikën e Jack Smithit.

Të gjitha këto gjykata duhet të financohen më menjëherë. Departamenti i Drejtësisë i SHBA-së dhe Prokurori i Përgjithshëm Todd Blanche duhet të veprojnë shpejt. Amerikanët po paguajnë për këto ndjekje penale politike dhe kjo duhet të ndalet.

Edhe Albin Kurti duhet të veprojë shpejt për ta shpërbërë këtë Gjykatë të huaj. Anëtarët e Parlamentit duhet të punojnë me Kurtin për ta bërë këtë të mundur. Kosovës nuk i duhet një gjykatë në Holandë”, ka shkruar Grenell.

 

Continue Reading

Lajmet

SHBA-ja: Respektojmë aktgjykimin ndaj ish-krerëve të UÇK-së

Published

5 hours ago

on

September 16, 2026

By

Shtetet e Bashkuara thanë se e respektojnë aktgjykimin e Dhomave të Specializuara ndaj Hashim Thaçit, Kadri Veselit, Jakup Krasniqit dhe Rexhep Selimit dhe u bënë thirrje të gjitha palëve që ta pranojnë vendimin e gjykatës.

“Ne e respektojmë aktgjykimin e sotëm të Dhomave të Specializuara të Kosovës”, tha një zëdhënës i Departamentit amerikan të Shtetit për Radion Evropa e Lirë.

Departamenti i Shtetit tha se SHBA-ja mbështet drejtësinë për të gjitha viktimat dhe familjet e tyre dhe ritheksoi mbështetjen për llogaridhënien, procesin e rregullt ligjor dhe sundimin e ligjit.

Uashingtoni bëri thirrje, gjithashtu, për shmangien e retorikës nxitëse pas shpalljes së aktgjykimit.

“U bëjmë thirrje të gjitha palëve që ta respektojnë vendimin e gjykatës, të shmangin retorikën nxitëse dhe të vazhdojnë të punojnë drejt një të ardhmeje paqësore dhe demokratike”, tha zëdhënësi i Departamentit të Shtetit.

Gjykata Speciale në Hagë i shpalli katër ish-krerët e Ushtrisë Çlirimitare të Kosovës fajtorë për katër akuza për krime lufte, ndërsa i liroi nga akuzat për krime kundër njerëzimit.

Hashim Thaçi dhe Jakup Krasniqi u dënuan me nga 25 vjet burgim, ndërsa Kadri Veseli me 18 dhe Rexhep Selimi me 13.

Aktgjykimi është i shkallës së parë dhe avokatët mbrojtës kanë paralajmëruar se do ta apelojnë atë. /REL/

 

Continue Reading

Lajmet

Reagimi i Kurtit për dënimin e ish-krerëve të UÇK-së: Padrejtësi e papranueshme, do të vazhdojmë mbrojtjen në Apel

Published

5 hours ago

on

September 16, 2026

By

Kryeministri i Kosovës, Albin Kurti, e ka cilësuar si një “padrejtësi të papranueshme” dhe “ndëshkim të dëmshëm” vendimin e Dhomave të Specializuara për shpalljen fajtorë të katër ish-krerëve të Ushtrisë Çlirimtare të Kosovës: Hashim Thaçit, Kadri Veselit, Rexhep Selimit dhe Jakup Krasniqit.

Në një adresim për qytetarët, kreu i qeverisë theksoi se ky aktgjykimi nuk përfaqëson vullnetin e popullit dhe shprehu besimin se ai do të korrigjohet në shkallën e apelit.

“Aktgjykimi mund të jetë shqiptuar formalisht në emër të popullit të Kosovës, por kjo formulë e zbrazët nuk duhet ngatërruar me vullnetin e popullit. Ky aktgjykim patjetër duhet ndryshuar dhe korrigjuar në shkallën e apelit dhe atë sa më parë”, deklaroi Kurti.

Pavarësisht dënimit, Kurti vuri në dukje se procesi gjyqësor rrëzoi pretendimin më të rëndë që rëndonte mbi UÇK-në, duke vërtetuar se nuk ka pasur një sulm të gjerë apo sistematik ndaj popullsisë civile.

Ai po ashtu ngriti shqetësime për njëanshmëri etnike në procesin gjyqësor, duke kritiukuar faktin se aparati shtetëror serb që kreu krimet mbeti i pagjykuar:

“Kur në bankën e të akuzuarve gjenden vetëm pjesëtarët e një etnie, ndërsa aparati shtetëror që kreu masakra, dëbime dhe krime gjenocidale mbetet jashtë juridiksionit, krijohet në mënyrë të pashmangshme pamja e një drejtësie njëetnike”.

Kryeministri nënvizoi se pastërtia e luftës çlirimtare mbetet e paprekur dhe se gjykimi i veprimeve individuale nuk e zbeh kauzën historike të Kosovës.

“Sot u gjykuan akuza dhe veprime të caktuara; nuk u gjykua dhe nuk mund të dënohet arsyeja pse lindi UÇK-ja e as të njolloset ajo. Sepse kur atdheu nuk duroi më gjakatarë, ai thirri çlirimtarë”, u shpreh ai.

Kreu i ekzekutivit rikonfirmoi se shteti i Kosovës do të vazhdojë t’u ofrojë mbështetje të plotë e institucionale katër ish-drejtuesve gjatë procedurave vijuese ligjore në shkallën e apelit.

 

Continue Reading

Të kërkuara