Lajmet

​Sa shpesh duhet të lani dhëmbët për të zvogëluar rrezikun e sëmundjeve të zemrës?

Çka thotë studimi i fundit?

Published

on

Sipas një studimi të fundit, larja e shpeshtë me furçë lidhet me një rrezik më të ulët të fibrilacionit atrial dhe dështimit të zemrës.

Larja e shpeshtë e furçës shoqërohet me një rrezik më të ulët të fibrilacionit atrial dhe dështimit të zemrës, sipas një studimi të botuar në Gazetën Evropiane të Kardiologjisë Parandaluese, revista e Shoqatës Evropiane të Kardiologjisë (ESC).

Hulumtimet e mëparshme sugjerojnë se higjiena e dobët orale shoqërohet me më shumë baktere në gjak, duke shkaktuar inflamacion në trup. Inflamacioni rrit rrezikun e fibrilacionit atrial (rrahjet e parregullta të zemrës) dhe dështimin e zemrës (aftësia e dëmtuar e zemrës për të pompuar gjakun ose për t’u çlodhur dhe për t’u mbushur me gjak). Ky studim shqyrtoi lidhjen midis higjienës orale dhe shfaqjes së këtyre dy gjendjeve.

Studimi u krye në 161.286 pjesëmarrës të Sistemit Kombëtar Korean të Sigurimeve Shëndetësore midis moshës 40 dhe 79-vjeç, pa histori të dështimit të zemrës. Pjesëmarrësit iu nënshtruan një ekzaminimi rutinë mjekësor midis 2003 dhe 2004. U mblodhën informacione për gjatësinë, peshën, testet laboratorike, sëmundjet, mënyrën e jetesës, shëndetin oral dhe higjienën orale. Gjatë një periudhe ndjekjeje prej 10.5 vjetësh, 4911 (3%) pjesëmarrës zhvilluan fibrilacion atrial dhe 7971 (4.9%) zhvilluan dështim të zemrës.

Larja e dhëmbëve tre ose më shumë herë në ditë shoqërohet me një rrezik 10% më të ulët të fibrilacionit atrial dhe një rrezik 12% më të ulët të dështimit të zemrës gjatë një ndjekjeje 10.5-vjeçare.

Gjetjet ishin të pavarura nga një sërë faktorësh duke përfshirë moshën, gjininë, statusin socio-ekonomik, stërvitjen e rregullt, konsumimin e alkoolit, indeksin e masës trupore dhe sëmundjet shoqëruese si hipertensioni.

Edhe pse studimi nuk ka hetuar mekanizmat, një mundësi është që larja e shpeshtë redukton bakteret që jetojnë në xhepin midis dhëmbëve dhe mishrave të dhëmbëve, duke parandaluar kështu zhvendosjen në qarkullimin e gjakut.

Autori kryesor i hulumtimit, Tae-Jin Song nga Universiteti Ewha Womans, Seul, Kore Jugore, vuri në dukje se analiza është e kufizuar në një vend dhe se si një studim vëzhgues nuk provon shkakësinë. Por ai shtoi: “Ne kemi studiuar një grup të madh për një periudhë të gjatë kohore, gjë që i jep forcë gjetjeve tona.”

Ai gjithashtu vuri në dukje se është sigurisht shumë herët për të rekomanduar larjen e dhëmbëve për të parandaluar fibrilacionin atrial dhe dështimin kongjestiv të zemrës. Megjithatë, roli i inflamacionit në zhvillimin e sëmundjeve kardiovaskulare po bëhet gjithnjë e më i dukshëm dhe nevojiten kërkime të mëtejshme për të përcaktuar strategjitë e rëndësishme për shëndetin e përgjithshëm publik.

Aktualitet

Figura e Dimal Bashës, kryetarit të ri të Kuvendit

Published

on

Deputeti i Lëvizjes Vetëvendosje, Dimal Basha me 73 vota për, 30 kundër dhe tri abstenim, është zgjedhur kryetari i Kuvendit të Kosovës. Zgjidhja e kryeparlamentarit Dimal Basha është bërë në përpjekjen e 58-të për konstituim të kuvendit.

Saj përket biografisë së tij, Dimal Basha ka lindur më 12 tetor 1979 në Prishtinë dhe jeton në qytetin e Ferizajt.

Studimet e larta i ka përfunduar në “John Jay College of Criminal Justice” në New York, duke diplomuar me vlerësimin më të lartë në drejtimin “E Drejta Penale Ndërkombëtare.”

Dimali gjithashtu ka përfunduar studimet Master në Marrëdhënie Ndërkombëtare, me fokus në “Konflikt dhe Siguri,” në Universitetin “The New School University,” po ashtu në New York.

Me një përvojë të pasur profesionale, Dimali ka punuar në zyrën e ish-Kongresmenit Eliot Engel, si dhe si Analist i të Dhënave Kualitative në Gjykatën Federale të ShBA-së. Përveç kësaj, ai ka ushtruar një karrierë të suksesshme menaxheriale në Angli dhe ShBA.

Në politikë, Dimal Basha ka shërbyer si deputet i Kuvendit të Republikës së Kosovës për dy mandate, duke përfaqësuar Lëvizjen Vetëvendosje! Ai ka qenë anëtar në Komisionin për Punë të Jashtme, Komisionin për Legjislacion, Komisionin për Mbikëqyrjen e AKI-së dhe Komisionin për Stabilizim-Asociim.

Continue Reading

Aktualitet

Haradinaj : Sfida e radhës, zgjedhja e nënkryetarëve

Published

on

Deputeti i AAK-së, Daut Haradinaj, ka thënë se e votoi Dimal Bashën për kryeparlamentar meqë vetë Vetëvendosje e konsideroi si emër serioz, por e sheh si sfidë zgjedhjen e nënkryetarëve në vijim.

Ai para gazetarëve tha se ky është realiteti i Kosovës dhe deri në pafundësi s’mund ta lënë kështu.

”I pyeta, a e keni seriozisht më thanë po, e votova dhe ju uroj suksese. Ky është realiteti i Kosovës dhe deri në pafundësi s’mund ta lëmë kështu. Ta shohim tash sfidën e radhës me nënkryetarë. Edhe aty e shoh një problem që s’do të kalojë lehtë”, tha Haradinaj.

“Njëherë do jenë nënkryetarët e partive shqiptare, pastaj nënkryetari i komunitetit serb, i cili nuk e di se si do të jetë situata e numrit të votave. Ne i kemi dhënë një shans, dhe duhet me i dhënë mundësi që ai me dëshmu seriozitetin e tij”, vazhdoi ai.

Continue Reading

Aktualitet

Krasniqi: Askush i kënaqur me zgjedhjen e Dimal Bashës por u desh të zhbllokohej situata

Published

on

Kryetari i PDK-së, Memli Krasniqi foli për media pas zgjedhjes së kryetarit të Kuvendit të Kosovës, Dimal Basha. Ai tha se me këtë zgjedhje nuk është e kënaqur as Vetëvendosje , as qytetarët, as PDK-ja.

Sipas tij, Partia Demokratike e Kosovës e ka mbajtur fjalën e dhënë për votimin e një kandidati që s’ka qenë pjesë e ekzekutivit. Gjithashtu ai ka deklaruar se në një situatë normale, kjo parti nuk do ta votonte dikë si Dimal Basha, por siç tha ai, u desh të zhbllokohej situata.

“As votuesit e VV-së e as qytetarët nuk janë të lumtur me përzgjedhjen për Kryetar të kuvendit. PDK ka kërkuar zhbllokadën e imponuar nga VV qysh nga dita e parë. Kemi ofruar gatishmërinë tonë për ta votuar një kandidat që s’ka qenë pjesë e ekzekutivit. Në një situatë normale, në një botë paralele asnjëherë nuk do ta votonim dikë si Dimali në krye të kuvendit, por sot kemi votuar siç kemi thënë për ta zhbllokuar situatën dhe për t’i qëndruar besnik fjalës së dhënë publike, sepse për PDK kjo është e rëndësishme”, tha Krasniqi për media.

Continue Reading

Bota

Trump: Televizoneve NBC dhe ABC duhet t’i hiqet licenca, janë të njëanshme

Published

on

Presidenti Trump ka sulmuar televizonet e njohura amerikane NBC dhe ABC News, duke thënë për ato se sipas tij ishte mbulim i njëanshëm dhe tha se do të ishte në favor të heqjes së licencave të tyre nga Komisioni Federal i Komunikimeve (FCC).

Trump është shprehur se mediat i kishin dhënë atij mbulim negativ në 97% të historive.

Një studim i publikuar më parë këtë vit nga grupi konservator mbikëqyrës i medias, Qendra e Kërkimeve të Medias (MRC), zbuloi se mbulimi i 100 ditëve të para të presidentit në detyrë ishte 92% negativ.

“NËSE KY ËSHTË RASTI, ATA JANË THJESHT NJË KRAH I PARTISË DEMOKRATIKE DHE SIPAS SHUMË MENDIMEVE, LICENCAT E TYRE DUHET T’U REVULOHET.”, shkroi Trump me përdorimin e tij karakteristik të shkronjave të mëdha.

Trump tha se do të ishte plotësisht në favor të këtij veprimi sepse sipas tij këto media janë kaq të anshme dhe të pavërteta, një kërcënim real për demokracinë.

Presidenti pasoi me një postim tjetër ku sulmoi të dy mediat si lajme të rreme dhe dy nga rrjetet absolutisht më të këqija dhe më të anshme kudo në botë.

Trump vuri në pikëpyetje pse të dy subjektet nuk po “paguajnë miliona dollarë në vit në tarifa licencë.

 

Continue Reading

Të kërkuara