Sport

​Pesë përmbysjet më të mahnitshme në histori të Ligës së Kampionëve

Më poshtë veçojmë pesë ndeshjet me përmbysje të mahnitshme të rezultateve.

Published

on

Përgjatë viteve, Liga e Kampionëve ofruar ndeshje spektakolare dhe përmbysje të paimagjinueshme të rezultateve.

Gara më e preferuar e Evropës ka qenë prej kohësh një turne ku fati i skuadrave ka ndryshuar brenda pak minutash dhe historia ka shënuar një numër mjaftë të madh të ndeshjeve me rikthime të jashtëzakonshme në rezultat.

Më poshtë veçojmë pesë ndeshjet me përmbysje të mahnitshme të rezultateve:

5. Ajax 5-3 Real Madrid – 2019

Ajaxi tashmë kishte befasuar shumë në fazën e grupeve të sezonit 2018-19 duke barazuar në shtëpi dhe në udhëtim kundër Bayern Munich.

Sidoqoftë, skuadra holandeze dukej se nuk kishte gjasa të rikthehej nga një humbje 2-1 në shtëpi ndaj gjigantëve spanjollë të Real Madridit në ndeshjen e parë të fazës 1/16 të Ligës së Kampionëve.

Por ata bënë një nga rikthimet më të mëdha në historinë e fundit kundër skuadrës më të suksesshme të Evropës, pasi Hakim Ziyech shënoi në fillim të ndeshjes përpara se David Neres të realizonte golin tjetër dhe konkretizimin e rikthimit të madh.

Më pas erdhi goli i Dusan Tadic përpara se Lasse Schone të përfundonte natën me një gol nga goditja e dënimit në këndin e sipërm dhe duke e vendosur rezultatin 4-1 pasi paraprakisht pë Real Madridin kishte shënuar Marco Asensio.

4. Tottenham 3-3 Ajax – 2019

Disa javë pas triumfit të tyre kundër “Los Blancos”, skuadra e Erik ten Hag u gjend vetëm 90 minuta larg finales.

Klubi nga Amsterdami krijoi një epërsi prej 1-0 në Holandë pas një paraqitje mbresëlënëse kundër Tottenhamit në Londër,

Dhe nikoqirët shpejt krijuan një avantazh prej 3-0 kur Matthijs de Ligt dhe Ziyech gjetën rrjetën para pjesës së parë në ndeshjen kthyese.

Por në atë që ishte me të vërtetë një nga pjesët e dyta më të forta në historinë e Ligës së Kampionëve, sulmuesi i “Spurs”, Lucas Moura shënoi në minutat 55 dhe 59 për të rikthyer ekuilibrin në fushë.

Djemtë e Mauricio Pochettinos u përballën me rezistencë të ashpër nga portieri i Ajax-it, Andre Onana, derisa Moura shënoi sërish në minutën e gjashtë shtesë për të vulosur hat-trikun e tij, siguruar fitoren dhe një vend në finalen e madhe.

3. Barcelona 4-4 Roma — 2018

Goli i Kostas Manolas shkaktoi skena euforie në fitoren e Romës në çerekfinale kundër Barcelonës në vitin 2018.

Pak njerëz i dhanë Romës shpresën për të mposhtur Barcelonën në çerekfinalen e tyre në sezonin 2017-18 – dhe ky numër do të ishte zvogëluar edhe më tej pas humbjes së tyre 4-1 në “Camp Nou”.

Por përsëri në stadiumin “Olimpico” për ndeshjen e dytë, goli i hershëm i Edin Dzekos u dha nikoqirëve një shpresë të madhe.

Kur Daniele De Rossi shënoi nga pika e bardhë pas pushimit, turma e egër vendase në kryeqytetin italian mori jetë.

Nivelet e adrenalinës arritën në kulm në minutën e 82-të, kur mbrojtësi grek Kostas Manolas shënoi golin e tretë të Romës, duke i dhënë skuadrës së Serie A një triumf ikonik pas golave si mysafirë.

2. Barcelona 3-4 Liverpool – 2019

Fitoret mbresëlënëse kundër Bayern Munich dhe Portos i kishin dhënë Liverpool-it një përballje gjysmëfinale me Barcelonën në maj të vitit 2019.

Por “Merseysiders” ishin jashtë ritmit në ndeshjen e parë në “Camp Nou”, me një dygolësh të Lionel Messit që orkestroi një fitore 3-0 për mikpritësit katalanas.

Por “Anfield” e ka zakon të organizojë rikthime të jashtëzakonshme evropiane dhe ndeshja e dytë ishte një nga më të mirat.

Divock Origi dhe Georginio Ëijnaldum siguruan një fitore 4-0 për djemtë e Jurgen Klopp, duke ia shkaktuar gjigantit katalanas një dëshpërim të madh.

1. Paris-Saint Germain 5-6 Barcelona — 2017

Sergi Roberto kompletoi fitoren e jashtëzakonshme të Barcelonës 6-1 kundër Paris Saint-Germain nëvitin 2017.

Skuadra e La Ligës humbi 4-0 pas ndeshjes së parë të 1/16-tës me Paris Saint-Germain-in, pasi u mposht në kryeqytetin francez.

Një epërsi 2-0 në pjesën e parë u kishte dhënë katalanasve në “Camp Nou” shpresa të vogla për një kthesë të madhe, por ndërsa ndeshja po shkonte drejt fundit, duheshin edhe dy gola të tjerë.

Neymar më pas shënoi nga një goditje dënimi përpara se Sergi Roberto të dilte përpara si heroi i madh për të përfunduar një nga ndeshjet më mahnitëse në historinë e Ligës së Kampionëve.

Sport

Dubois vs Usyk më 19 korrik për unifikimin e katër titujve në peshën e rëndë

Published

on

Anglezi Daniel Dubois dhe ukrainasi Oleksandr Usyk do të përballen më 19 korrik në stadiumin Wembley të Londrës për titullin kampion absolut të botës në peshën e rëndë, njoftoi BBC.  

Kjo do jetë përballja e dytë, ku 27-vjeçari britanik kërkon hakmarrje pas humbjes ndaj 38-vjeçarit ukrainas në gusht të vitit 2023 në Wroclaw, Poloni.  Lufta e parë përfundoi me ndërprerje në raundin e nëntë.

Dubois mban titullin kampion të botës në peshën e rëndë për versionin IBF, ndërsa Usyk zotëron tre tituj tjerë (WBA, WBO dhe WBC). Ukrainasi shkroi histori në maj të vitit 2024, kur mposhti Tyson Fury për t’u bërë kampioni i parë absolut i botës në peshat e rënda në “epokën me katër rripa”.

Ai e mundi Fury edhe në dhjetor të vitit të kaluar, por duhej të heqë dorë nga titulli IBF para kësaj ndeshjeje, pas kësaj, Daniel Dubois mori titullin IBF dhe e mbrojti atë kundër bashkatdhetarit të tij, Anthony Joshua, në shtator të vitit 2024.

Dubois duhej ta mbronte titullin kundër Joseph Parker, por një sëmundje e detyroi të tërhiqej nga përballja disa ditë para ndeshjes.

“Kjo është ndeshja që kam kërkuar, dhe tani kam mundësinë për hakmarrje. Duhej ta kisha fituar luftën e parë, por vlerësimi i gjyqtarit më pengoi. Tani nuk do të përsëris gabimin para tifozëve të mi në Wembley”, deklaroi Dubois.

Ai shtoi se tani është një luftëtar më i mirë e më i rrezikshëm dhe se Usyk do ta kuptojë këtë në ring. Nëse Dubois fiton, do të bëhet boksieri i parë britanik që do të bashkojë të gjithë titujt botërorë në peshën e rëndë në “epokën me katër rripa”.

Britaniku i fundit që mbajti të tre titujt ishte Lennox Lewis, që fitoi më 1999 duke mundur Evander Holyfield në ndeshjen e dytë pas një barazimi në të parën.

Continue Reading

Sport

Ndalet rryma në Spanjë, pezullohet turneu i tenisit “Madrid Open”

Published

on

Sporti i tenisit është përballur me një fenomen të pazakontë. Në fakt, turneu i tenisit “Madrid Open” është pezulluar përkohësisht.

Dhe, arsyeja është vërtet e pabesueshme. Më saktësisht, për shkak se kryeqyteti spanjoll – Madrid dhe rajoni përreth tij po përballen me ndërprerje të energjisë elektrike, kjo ka bërë që të shtyhet në një afat të pacaktuar ky turne vjetor i sportit të bardhë.

Tenisti britanik Jacop Fearnley u detyrua ta linte fushën shkaku i mungesës së rrymës, pasi ajo i preku tabelat e rezultateve dhe një kamerë mbi fushë, gjë që ishte e pamundur që të zhvillohej meçi i tenisit.

Continue Reading

Sport

Usyk dhe Dubois rikthehen në ring më 19 korrik

Published

on

By

Më 19 korrik, në stadiumin “Wembley” të Londrës, do të zhvillohet një nga përballjet më të mëdha në historinë e boksit, ku britaniku Daniel Dubois dhe ukrainasi Oleksandr Usyk do të luftojnë për t’u shpallur kampion i padiskutueshëm i botës në peshën e rëndë.

Dubois, kampioni aktual i IBF-së, do të përballet me Usyk, i cili mban titujt WBA (Super), WBC dhe ËBO. Usyk është i pamposhtur deri tani në 23 lufta dhe ka mundur Dubois në gusht të vitit 2023 përmes një ndalimi në raundin e nëntë.

Në maj të vitit 2024, Usyk bëri histori duke u bërë kampioni i parë i padiskutueshëm i peshave të rënda të epokës së katër rripave, pas fitores ndaj Tyson Fury. Pas kësaj, Usyk vendosi të lirojë rripin IBF para ndeshjes së tij të kthimit me Fury në dhjetor, duke i dhënë mundësinë Dubois të ngritet kampion i IBF-së.

Dubois, i cili është vetëm 27 vjeç, mbrojti me sukses titullin e tij të IBF-së në shtator të kaluar kundër Anthony Joshua dhe tani është gati për një tjetër përballje me Usyk. Ai ka deklaruar se është “një luftëtar superior” dhe i bindur se do ta fitojë këtë duel: “Kjo është lufta që doja dhe kërkova, tani kam mundësinë për hakmarrje,” tha Dubois. “Usyk do të zbulojë se jam më i rrezikshëm tani.”

Një fitore për Dubois mund ta bëjë atë boksierin e parë britanik që mban titullin e padiskutueshëm të peshave të rënda që nga koha e Lennox Lewis, i fundit që ka mbajtur këtë titull në vitin 1999.

Në këtë ndeshje do të vendoset gjithashtu kush do të mbajë dominimin në kategorinë e peshave të rënda, dhe të dy boksierët premtojnë një përballje të jashtëzakonshme në një ngjarje që do të ndjekin milionë shikues anembanë botës.

Të dy boksierët janë gati të japin gjithçka në këtë përballje të mëdha, që pritet të jetë një ngjarje e paharrueshme për botën e boksit.

Continue Reading

Sport

Donjeta Sadiku fiton medaljen e artë në “Brussels Capital”

Published

on

By

Boksierja kosovare Donjeta Sadiku ka fituar medaljen e artë në turneun ndërkombëtar “Brussels Capital”, të mbajtur në Belgjikë, duke vazhduar paraqitjet e saj të suksesshme në skenën ndërkombëtare.

Sadiku shënoi tri fitore gjatë turneut, ndërsa në finalen e kategorisë -60 kilogramë triumfoi ndaj boksieres italiane, Nicole Rebecca.

Ky ishte turneu i parë i organizuar nën ombrellën e “World Boxing”, në të cilin u përfaqësua edhe Federata e Boksit e Kosovës. Paraqitje të mira patën edhe boksierët e tjerë nga Kosova, ndërsa drejtësinë në këtë turne e ndau gjyqtari ndërkombëtar nga Kosova, Latif Demolli.

Continue Reading

Të kërkuara