Lajmet

Mjekiqi: Anëtarësimi i Kosovës në NATO sjell stabilitet rajonal

Mjekiqi u shpreh se si LDK do të angazhohen në plotësimin e kërkesave për proceset integruese.

Published

3 years ago

April 29, 2022

Betim Gashi

Nënkryetarja e Lidhjes Demokratike të Kosovës, Shqipe Mjekiqi u shpreh se si parti do të punojnë në përafrimin e Kosovës në proceset integruese drejt BE-së dhe NATO-s. Sipas saj, anëtarësimi në NATO sjell stabilitet jo vetëm në vend, por edhe në rajon.

Mjekiqi u shpreh se si LDK do të angazhohen në plotësimin e kërkesave për proceset integruese.

“LDK do të punojë në përafrimin e Kosovës në proceset integruese pra në BE dhe NATO dhe do të punojë që ky proces i cili ka nisur tash një kohë të gjatë të avancojë duke avancuar dhe reformat tona në kërkesat për anëtarësim të cilat i ka parashtruar BE përfshirë avancimin në sundimin e ligjit, reformë në administratë publike, stabilitetin politik, zhvillimin ekonomik si dhe do të punojmë që të ngrisim kapacitetet e institucioneve të Kosovës për të absorbuar dhe për të zbatuar në mënyrë të efektshme obligimet që dalin nga procesi i integrimit në BE”, u shpreh Mjekiqi.

Mjekiqi u shpreh se anëtarësimi i Kosovës në NATO sjell stabilitet jo vetëm në vend, por edhe në rajon.

“Sa i përket anëtarësimit të Kosovës në NATO unë theksova sot që anëtarësimi i Kosovës në NATO është aspiratë e LDK-së kjo të jetësohet është më se e rëndësishme sepse do të sjell stabilitet jo vetëm në vend por në gjithë rajonin. Si hap i parë drejt anëtarësimit në NATO do të jetë plotësimi i kritereve dhe kushteve për anëtarësim që do të çojnë në përfshirjen e Kosovës në planin për partneritet brenda NATO-së kësisoj të jemi më të fortë si Kosovë dhe tu bëjmë ballë kërcënimeve të ndryshme, sidomos atyre të sigurisë të cilat janë paraqitur të nevojshme me krizën e fundit të agresionit të Rusisë ndaj Ukrainës”, u shpreh ajo.

Up Next

Të hënën dita e parë e Fitër Bajramit

Don't Miss

KFOR-i sqarohet lidhur me hapjen e rrugëve në veri

Lajmet

Barduani takon Sorensen, Orav e Barbano në selinë e KFOR-it

Published

1 hour ago

August 7, 2025

UBTnews

Kreu i KFOR-it gjeneral major Enrico Barduani, priti sot në takim emisarin special të BE-së për dialogun Peter Sorensen, përfaqësuesin special të BE-së për Kosovën, Aivo Orav dhe shefin e EULEX-it Giovanni Pietro Barbano.

Në takim u diskutua mbi zhvillimet më të fundit mbi situatën e sigurisë në Kosovë dhe mbështetjen e vazhdueshme të KFOR-it për dialogun e lehtësuar nga BE-ja midis Kosovë dhe Serbisë, raporton KosovaPress.

Gjenerali Barduani nënvizoi rëndësinë e bashkëpunimit të qëndrueshëm me institucionet evropiane në Kosovë dhe midis partnerëve ndërkombëtarë të angazhuar në stabilitetin rajonal, thuhet në njoftimin e KFOR-it.

Vizita dëshmon angazhimin e përbashkët të NATO-s dhe BE-së për paqe të qëndrueshme, dialog rajonal dhe një mjedis të sigurt për të gjitha komunitetet në Kosovë.

Lajmet

Lëngu i panxharit ul tensionin e gjakut tek të moshuarit, ja çfarë thotë studimi i ri

Published

2 hours ago

August 7, 2025

UBT News

Lëngu i panxharit njihet për aftësinë e tij për të ulur në mënyrë natyrale tensionin e gjakut, falë përmbajtjes së lartë të nitrateve.

Një studim nga Universiteti i Exeter përforcon përfitimet për të moshuarit. Sipas gjetjeve, efekti pozitiv i këtij lëngu lidhet me ndryshime specifike në mikrobiomën orale të të moshuarve. Studimi, i botuar në Free Radical Biology and Medicine, krahasoi dy grupmosha: 39 të rritur nën moshën 30 vjeç dhe 36 të rritur të moshës 60–70 vjeç.

Pjesëmarrësit konsumuan dy herë në ditë për dy javë një koncentrat lëngu panxhari të pasur me nitrate. Për dy javë të tjera morën suplement placebo pa nitrate, me një periudhë “pastrimi” prej dy javësh ndërmjet tyre.

Rezultatet treguan se konsumi i lëngut të panxharit solli një ulje të ndjeshme të presionit të gjakut vetëm tek grupi i të moshuarve.

Në të dy grupmoshat u vunë re ndryshime në mikrobiomën orale, por modelet ishin të ndryshme. Tek të moshuarit u vu re rënie e baktereve të gjinisë Prevotella dhe një rritje e baktereve të dobishme si Neisseria, të cilat lidhen me shëndet më të mirë oral dhe kardiovaskular.

Profesoresha Dr. Anni Vanhatalo, e cila udhëhoqi studimin, shpjegon: “E dimë që njerëzit e moshuar prodhojnë më pak oksid nitrik me kalimin e moshës dhe kanë tendencë të kenë presion më të lartë të gjakut, faktorë të lidhur me ndërlikime kardiovaskulare si goditja në tru dhe infarkti. Përmirësimi i dietës së tyre me perime të pasura me nitrate mund të jetë shumë i dobishëm në planin afatgjatë.”

Ajo shton, “nëse dikush nuk është i dhënë pas panxharit, mund të zgjedhë burime tjera të pasura me nitrate, si spinaqi, rukola, kopra, selinoja dhe lakra.”

Bashkautori i studimit, Profesor Dr. Andy Jones, thekson: “Hulumtimi tregon se nitratet dietike ndikojnë në mikrobiomën orale në mënyrë që mund të ndihmojë në uljen e inflamacionit dhe tensionit të gjakut tek të moshuarit. Këto gjetje hapin rrugën për studime të ardhshme më të mëdha që do të shqyrtojnë ndikimin e stilit të jetesës dhe gjinisë në reagimin ndaj suplementeve me nitrate.”

Studimi thekson edhe një herë rëndësinë e ushqyerjes si mjet parandalues, sidomos në moshat e vjetra, duke treguar se edhe ndërhyrjet e vogla ditore mund të sjellin përfitime të mëdha për shëndetin.

Aktualitet

Bullgaria dërgon një kontingjent ushtarak në KFOR

Published

2 hours ago

August 7, 2025

UBT News

Një kontingjent prej 97 ushtarakësh u dërgua përmes një ceremoni zyrtare para Bashkisë së Shumenit për të marrë pjesë në misionin KFOR në Kosovë.

Në ceremoni morën pjesë zëvendësshefi i Mbrojtjes gjenerallejtënant Mikhail Popov, admirali i Flotës Galin Manev, zëvendëskomandanti i Komandës së Forcave të Përbashkëta, gjeneral brigade Plamen Yordanov, zëvendëskomandanti i Forcave Tokësore, guvernatorja e rajonit Shumen Katya Ivanova, kryetarja e Këshillit Bashkiak Shumen Asya Asparuhova dhe zëvendëskryetari i Bashkisë Shumen, Nikolay Kolev.

“E di që shumica prej jush keni marrë pjesë në misione. Misionet nuk janë të njëjta. Çdo javë dhe çdo ditë është e ndryshme. Situata në Kosovë është aktualisht e qëndrueshme, por mund të ndryshojë ndjeshëm brenda disa orësh. Prandaj, jini të përgatitur të reagoni në mënyrë adekuate. Ndiqni procedurat standarde të operimit dhe urdhrat e komandantëve tuaj”, theksoi Popov.

“Jam i sigurt se përvoja dhe përgatitja juaj do t’ju lejojnë të performoni në një nivel të lartë. Gjithmonë mbani një mendim në kokën tuaj në Kosovë ju nuk përfaqësoni Batalionin e 29-të të Mekanizuar, ju nuk përfaqësoni Forcat Tokësore. Para aleatëve tanë ju përfaqësoni Ushtrinë Bullgare, dhe para popullsisë lokale dhe autoriteteve lokale, ju jeni përfaqësues të NATO-s”, theksoi Popov.

Kolev i dhuroi kontingjentit një ikonë të Shën Gjergjit Fitimtar dhe iu drejtua ushtarakëve me fjalët: “Kur një ushtar bullgar del përtej kufijve të Bullgarisë, kjo gjithmonë shoqërohet me një mision dhe detyrë të përgjegjshme ndaj atdheut.

“Sot po ju dërgojmë ju, ushtarakët e kompanisë së manovrimit të batalionit të 29-të të mekanizuar, dhe të gjithë besojmë në përgatitjen, profesionalizmin dhe disiplinën tuaj të mirë”, tha ai.

Lajmet

Arrestohet një shtetas në Gjirokastër për kultivim të bimëve narkotike

Published

2 hours ago

August 7, 2025

UBTnews

Si rezultat i kontrolleve në të gjithë territorin e qarkut, shërbimet e Komisariatit të Policisë Gjirokastër goditën një tjetër rast të kultivimit/prodhimit të narkotikëve.

Policia e Shtetit ka arrestuar sot shtetasin e inicialet M.M. në Lazarat të Gjirokastër dhe ka sekuestruar në banesën e tij një sasi narkotikësh, raporton KosovaPress.

Gjatë kontrolleve, në oborrin e banesës së këtij shtetasi, u gjetën të kultivuara, disa bimë të dyshuara narkotike kanabis sativa, ndërsa në banesë iu gjetën rreth 1.4 kilogramë lëndë narkotike kanabis sativa, gati për shitje.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.