Lajmet

​Mbështetja e BE-së forcon sistemin e regjistrimit të gjendjes civile të Kosovës

Kjo arritje u bë e mundur përmes financimit nga Bashkimi Evropian.

Published

on

Agjencia e Regjistrimit Civil të Kosovës ka shpallur integrimin e suksesshëm të mbi 3 milionë shënimeve të gjendjes civile të munguara në sistemin e saj të menaxhimit të identitetit.

Kjo arritje u bë e mundur përmes financimit nga Bashkimi Evropian (BE) dhe me mbështetjen e Këshillit Danez për Refugjatë, që nga viti 2012 e deri në vitin 2023.

Në komunikatë për media thuhet se projekti kishte për qëllim përmbushjen e mandatit të Agjencisë në kuadër të procesit të dialogut ndërmjet Kosovës dhe Serbisë.

“Më 1 qershor 2023, Agjencia e Regjistrimit Civil të Kosovës mund të shpallë zyrtarisht përfundimin e suksesshëm të integrimit të të dhënave nga mbi 12,000 regjistra të gjendjes civile në sistemin e tyre. Kjo arritje shënoi finalizimin e projektit “Digjitalizimi i kopjeve të certifikuara të librave të regjistrit civil – Faza III”, që ka pasur për qëllim të lidhë arkivin elektronikë të kopjeve të certifikuara me Regjistrin Qendror të Gjendjes Civile në Kosovë. Projekti, i financuar nga BE-ja, kishte buxhet prej 2 milionë eurosh, si dhe u zbatua nga Këshilli Danez për Refugjatë, për një periudhë 42 mujore, duke filluar nga 2 dhjetori 2019”, thuhet në njoftim.

Më tej thuhet se objektivi kryesor i projektit ishte të kontribuonte në krijimin e një sistemi unik, të avancuar e gjithëpërfshirës të të dhënave të gjendjes civile, drejt rritjes së besueshmërisë së sistemit të regjistrimit të Kosovës në kuadër të dialogut Beograd-Prishtinë.

Stafi esencial i Agjencisë së Regjistrimit Civil të Kosovës, Ministrisë së Brendshme si dhe Zyrave Komunale të Gjendjes Civile, (që ofrojnë shërbime në nivel lokal) mori pjesë në projekt.

Zbatimi i projektit çoi në disa rezultate të rëndësishme:Disponueshmëria e të dhënave historike: Gjithsej 3,100,783 shënime të lindjes, martesës dhe vdekjes, që mbulojnë periudhën ndërmjet krijimit të sistemit të gjendjes civile pas Luftës së Dytë Botërore dhe 1999, u bënë të disponueshme për autoritetet e Kosovës.

Po ashtu edhe në avancimin e infrastrukturës së TI-së: Agjencia e Regjistrimit Civil dhe Zyrat Komunale të Gjendjes Civile përfituan avancime në infrastrukturën e tyre të TI-së, gjë që ka rritur kapacitetin e tyre për të trajtuar e menaxhuar në mënyrë efikase të dhënat e gjendjes civile.

Zgjidhja me kërkim të Integruar: Projekti ka zhvilluar një zgjidhje të kërkimit të integruar, që mundëson qasje të lehtë në të dhënat e gjendjes civile, si në nivel qendror ashtu edhe në atë lokal. Ky format i përshtatshëm për përdoruesit mundëson nxjerrjen dhe përdorimin efikas të informacionit të gjendjes civile.

Përderisa është bërë progres i konsiderueshëm në këtë fushë me mbështetjen e BE-së, theksohet që ka nevojë për përpjekje të vazhdueshme për të siguruar qëndrueshmërinë e reformave për të mirën e qytetarëve të Kosovës. 

Bota

Zelensky: Po punojmë për një takim të ri me Rusinë në Stamboll

Published

on

Kievi po punon për një takim të ri negociues me palën ruse në Stamboll bëri të ditur presidenti ukrainas, Volodymyr Zelensky përmes një postimi në Telegram.

“Ne diskutuam procesin e negociatave me Sekretarin e Këshillit të Sigurisë dhe Mbrojtjes Kombëtare të Ukrainës, Rustem Umerov, dhe Shefin e Zyrës, Andriy Yermak, në veçanti zbatimin e marrëveshjeve të arritura në takimet me palën ruse në Stamboll dhe përgatitjen e një takimi të ri”, shkroi Zelensky.

Ai theksoi se ndër çështjet kryesore është vazhdimi i shkëmbimit të të burgosurve të luftës.

Continue Reading

Bota

​Balena mbytet pasi godet varkën në New Jersey

Published

on

Një grua u rrëzua nga varka e saj në New Jersey Shore kur një balenë e shqetësuar goditi anijen duke e bërë atë të fluturonte në valët e shkumëzuara. Incidenti ndodhi në Barnegat Bay kur varka e vogël me motor hasi në balenën e llojit Minke që u pa duke u përplasur në ujëra të cekëta.

Kur anija u afrua, balena u bë edhe më e tërbuar dhe përfundoi nën trupin e saj  duke e përmbysur përfundimisht anijen gjatë përplasjes dhe duke hedhur një grua në ujë.

Fatmirësisht ajo u tërhoq shpejt në siguri dhe nuk u lëndua, dhe incidenti u kap në kamera nga Kim Mancini, e cila tha se balena dukej se ishte në telashe para se të mbërrinin anijet.

Balena përfundimisht ngordhi. Ajo dukej se po luftonte për të arritur në ujëra më të cekëta, tha Mancini.

Continue Reading

Aktualitet

​Zjarr në një lokal në magjistralen Kaçanik – Ferizaj, shkaktohen mijëra euro dëme

Published

on

Mbrëmë rreth orës 18:53 ka shpërthyer një zjarr në një lokal, përgjatë magjistrales Kaçanik–Ferizaj, ku fatmirësisht nuk ka të lënduar, derisa dëmet materiale konsiderohen deri në njëzet mijë euro.

Kanun Veseli, zëdhënës i policisë rajonale për Ferizaj, ka konfirmuar, se njësia e zjarrfikësve, patrullat dhe njësia e hetimeve nga stacioni policor Kaçanik, kanë dalë menjëherë në vendin e ngjarjes për të ndërmarrë veprimet e nevojshme.

“Sipas të dhënave fillestare, dyshohet se zjarri ka filluar nga djegia e disa gomave të vendosura jashtë lokalit, e më pas zjarri është përhapur duke përfshirë një lokal të gomisterisë, një pjesë të një lokali tjetër, me dëme të vogla, si dhe një pjesë të një shtëpie përreth. Vlera e dëmit dyshohet të jetë rreth njëzet mijë euro”, ka thënë Veseli.

Po ashtu, është njoftuar edhe njësia e KEDS-it, për të ndërprerë furnizimin me energji elektrike, me qëllim të parandalimit të rrezikut të mëtejshëm.

Hetimet lidhur me rastin janë në proces, ka bërë të ditur zëdhënësi i policisë rajonale.

Continue Reading

Bota

​Shpërthim në kryeqytetin somalez, 1 i vdekur dhe 11 të plagosur

Published

on

Një person u vra dhe të paktën 11 të tjerë u plagosën në një shpërthim bombe në kryeqytetin somalez Mogadisho të dielën. Sulmi ndodhi në lagjen Dharkinley të Mogadisho menjëherë pas namazit të pasdites, duke synuar një çajtore të mbushur me njerëz, tha një oficer policie për Anadolu.

Ai tha se shpërthimi u shkaktua nga një pajisje shpërthyese e improvizuar (IED) “që synonte klientët civilë”, duke shtuar se të plagosurit u dërguan me urgjencë në spitale.

Mohamed Ahmed, një dyqanxhi aty pranë, tha për Anadolu se situata ishte kaotike dhe ai ka parë tetë persona të shtrirë në tokë të plagosur.

Asnjë grup nuk ka marrë përgjegjësinë për sulmin. Megjithatë, grupi terrorist i lidhur me Al-Kaidën, Al-Shabaab, mori përsipër sulmet e fundit me bomba në Mogadisho.

Al-Shabaab, i cili ka zhvilluar një kryengritje kundër qeverisë somaleze për më shumë se 16 vjet, shënjestron rregullisht forcat e sigurisë, zyrtarët qeveritarë dhe civilët,

Continue Reading

Të kërkuara