

Lajmet
Kurti: Tani po e vërejmë se sa kemi vuajtur për një qeverisje që nuk keqpërdor
Kreu i ekzekutivit konsideron se ekonomia e vendit asnjëherë nuk ka parë rritje me të lartë se në vitin 2021.
Published
3 years agoon
By
Betim GashiKryeministri i Kosovës, Albin Kurti derisa po shqyrtohet projektbuxheti për vitin 2022, tha se tani po e vërejnë se sa ka vuajtur shteti i Kosovës për një qeveri që nuk keqpërdor dhe nuk abuzon me paranë publike.
Kreu i ekzekutivit konsideron se ekonomia e vendit asnjëherë nuk ka parë rritje me të lartë se në vitin 2021 të cilën deri në fund beson se do ta mbyllin me 10 për qind.
”Ekonomia e vendit asnjëherë nuk ka parë rritje ekonomike më të lartë sesa në vitin 2021. Do ta mbyllim këtë vit me një rritje ekonomike rreth 10% dhe rritje të të hyrave prej 33%, të dyja këto si rezultat i një qeverisjes të mirë dhe i besimit të qytetarëve në institucionet e vendit e veçanërisht për qeverinë. Vitin që po e lëmë pas e gjetëm me borxhe dhe projekte të dëmshme për vendin kemi anuluar vendimin për shpronësimet në autostradën e Dukagjinit, segmenti Kievë-Zahaq, e cila sipas raportit të Auditorit doli se kishte fryrje të çmimeve. Kemi gjetur ndarje buxhetore për projekte kapitale të pamaturuara në një kohë pandemie e në anën tjetër shkurtime buxhetore pikërisht për institucionet shëndetësore si SHSKUK e Ministria e Shëndetësisë“, tha Kurti.
Para deputetëve të Kuvendit të Kosovës, Kurti u shpreh se buxheti i vitit 2022 prej më shumë se 2.7 miliardë, parasheh projekte që ndikojnë në ringjallje ekonomike, fuqizojnë gratë dhe prodhimin vendor.
“Për herë të parë po e votojmë një buxhet i cili është tërësi i yni, një buxhet i cili ka ndarje buxhetore për projekte të maturuara e me qëllime zhvillimore që ngërthen në vete një plan të ringjalljes ekonomike që ndihmon ata që janë prekur më së shumti nga pandemia dhe fuqizon gratë dhe prodhime vendor një buxhet, i cili sigurinë shëndetësinë e arsimin i ka prioritete. Në mënyrë specifike buxheti për vitin 2022 do të jetë 2 miliardë e 748 milionë euro, kurse të hyrat buxhetore do ta arrijnë vlerën buxhetore 2 miliardë e 364 milionë euro. Kemi ndarë 388 milionë euro në kategorinë paga dhe mëditje, 285 milionë euro për mallra dhe shërbime 873 milionë euro në subvencione dhe transfere 556 milionë euro në shpenzime kapitale dhe në shpenzimet komunale kemi ndarë 19 milionë euro”, tha Kurti.
Shefi i Qeverisë tutje tha se tani po e vërejnë se sa ka vuajtur shteti i Kosovës për një qeveri që nuk keqpërdor dhe nuk abuzon me paranë publike.
“Ushtrinë e kemi projektin tonë madhor andaj për herë të parë kemi buxhet prej mbi 100 milionë eurosh apo 1.3 % të bruto produktit vendor dhe synimi ynë është që brenda mandatit ta sjellim në 2% të bruto produktit vendor aq sa e kërkon standardi i NATO-s. Përveç ndarjeve buxhetore që kanë për fokus forcimin e sigurisë së vendit, avancimin e arsimit dhe përmirësimin e sistemit të shëndetësisë projektligji për vitin 2022 ka edhe disa risi sa i përket menaxhimit të mirë të financave publike dhe ruajtjes së stabilitet makro-fiskal…Tani po e vërejmë se sa ka vuajtur shteti ynë për një qeverisje e cila nuk keqpërdor dhe nuk abuzon me paranë publike për një qeverisjes që synim parësor ka zhvillimin e qëndrueshëm ekonomik të vendit si rezultat ngritjen e mirëqenies qytetare”, tha Kurti.
Ai derisa ka treguar për ndarjet buxhetore për arsim e shëndetësi theksoi se për herë të parë nga buxheti i Kosovës janë ndarë mjete për Luginën e Preshevës prej 2 milionë eurosh.
Bota
Ministri i Jashtëm turk Hakan Fidan viziton Parisin për bisedime me homologun francez
Published
1 hour agoon
April 1, 2025By
UBT NEWS
Ministri i Jashtëm i Turqisë, Hakan Fidan, do të vizitojë Parisin më 2 prill 2025, ku do të zhvillojë një takim me homologun e tij francez, Joan-Noel Barrot. Bisedimet e dy diplomatëve pritet të fokusohen në marrëdhëniet dypalëshe mes Turqisë dhe Francës, si dhe në disa çështje të rëndësishme globale dhe rajonale.
Temat që do të diskutohen përfshijnë sigurinë e Evropës, zhvillimet në Ukrainë, situatën në Gaza dhe Siri, si dhe rolin e Turqisë në forcimin e sigurisë evropiane. Sidoqoftë, një çështje kyçe do të jetë gjithashtu integrimi i Turqisë në Bashkimin Evropian, dhe diskutimet mbi heqjen e barrierave që pengojnë Ankaranë në procesin e anëtarësimit në BE.
Ky takim është i rëndësishëm për forcimin e lidhjeve mes dy shteteve dhe për adresimin e çështjeve të sigurisë dhe diplomacisë në një periudhë të tensionuar ndërkombëtarisht./UBTNews/
Bota
Netanyahu tërheq emërimin e Sharvit si shef i ri i Shin Bet për shkak të artikullit anti-Trump
Published
1 hour agoon
April 1, 2025By
UBT NEWS
Kryeministri izraelit Benjamin Netanyahu ka tërhequr emërimin e Eli Sharvit si shefi i ri i Shërbimit të Sigurisë së Përgjithshme (Shin Bet), pas një kontroverse që shpërtheu lidhur me disa deklarata të Sharvit.
Emërimi i Sharvit u bë objekt i debatit pasi ai kishte shkruar një artikull kritikuese ndaj politikave të ish-presidentit amerikan Donald Trump. Artikulli dhe kritikat e tij ndaj Trump shkaktuan reagime nga figura politike të SHBA-së, përfshirë senatori republikan Lindsey Graham, i cili theksoi se emërimi i Sharvit mund të krijonte tensione të padobishme mes Izraelit dhe aleatëve të tij, veçanërisht në një kohë delikate.
Për më tepër, raporte të tjera sugjeruan se Sharvit kishte marrë pjesë në demonstratat në Izrael në vitin 2023 kundër reformës së drejtsisë, një tjetër çështje e ndjeshme për qeverinë e Netanyahut. Ai gjithashtu mbështeti marrëveshjen për demarkacionin e kufirit detar me Libanin, një marrëveshje që Netanyahu e kishte kundërshtuar në atë kohë.
Ky zhvillim ndodhi pas një vendimi të Gjykatës së Lartë që pezullonte shkarkimin e kreut aktual të Shin Bet, Ronen Bar, i cili është një kundërshtar i njohur i qeverisë së Netanyahut. Netanyahu kishte justifikuar shkarkimin e Barit për shkak të një “mungese besimi personal dhe profesional” mes tyre, duke shkaktuar protesta të shumta në Izrael për atë që disa e konsideruan si një tentativë për të forcuar pushtetin e tij.
Në përfundim, Netanyahu e informoi Sharvit për rishikimin e emërimit të tij dhe tha se do të konsideronte kandidatët e tjerë për këtë pozicion. Ky ndryshim ka sjellë shqetësime dhe pasiguri lidhur me udhëheqjen e Shërbimit të Sigurisë të Izraelit, ndërsa tensionet brenda qeverisë vazhdojnë të rriten./UBTNews/
Bota
“Tubimi Kombëtar” thërret francezët të protestojnë për Le Penin
Published
1 hour agoon
April 1, 2025By
UBT NEWS
Partia e ekstremit të djathtë “Tubimi Kombëtar” ka bërë thirrje për një protestë të gjerë në Francë, pas një vendimi të gjykatës që shpalli Marine Le Penin të fajshme për përvetësim fondesh nga Bashkimi Evropian për financimin e partisë së saj. Dënimi i Le Penit përfshin një ndalim prej pesë vjetësh për të kandiduar për poste publike, katër vjet burg dhe një gjobë prej 100,000 eurosh, megjithatë kjo masë nuk do të aplikohet deri sa të përfundojnë apelimet e mundshme.
Jordan Bardella, president i partisë, ka thënë se ky vendim është një akt i padrejtë dhe një goditje për Le Penin, e cila ka qenë një figurë kyçe në politikën franceze dhe ka udhëhequr “Tubimin Kombëtar” për shumë vite. Ai u bëri thirrje francezëve të protestojnë paqësisht këtë fundjavë për të shprehur pakënaqësinë e tyre ndaj këtij vendimi të gjykatës.
Le Pen, që ka qenë një kandidat i fortë në zgjedhjet presidenciale të kaluarave, ka shprehur qëndrimin e saj se nuk do të pranojë të eliminohet nga garat për të ardhmen dhe ka paralajmëruar se do ta apelojë këtë vendim sa më shpejt. Ajo gjithashtu ka shprehur se zgjedhjet presidenciale të vitit 2027 do të jenë të fundit për të, por që do të vazhdojë të luajë një rol aktiv në politikën franceze.
Kjo situatë ka krijuar tensione politike dhe do të ketë një ndikim të rëndësishëm në zgjedhjet e ardhshme, ku Bardella është përmendur si një mundësie i mundshëm për të kandiduar për president nga “Tubimi Kombëtar”./UBTNews/
Bota
Situatë e rëndë në Greqi, mbyllen shkollat, banorëve iu kufizohet lëvizja…
Published
2 hours agoon
April 1, 2025By
UBT NEWS
Greqia po kalon një situatë të rëndë për shkak të kushteve të këqija të motit që kanë shkaktuar përmbytje masive dhe dëme të mëdha infrastrukturë, kryesisht në ishujt më të njohur turistike. Në Naoussa, rrugët janë kthyer në lumenj të rrëmbyeshëm, duke marrë me vete dhjetëra makina të parkuara dhe gjithçka që ka qenë në rrugë.
Shkollat janë mbyllur në disa prej ishujve më të prekur, përfshirë Paros, Mykonos, Symi, Kos dhe Rodos, ndërsa banorëve të ishujve të tjerë, si Hios, Samos dhe Ikaria, u është kërkuar të kufizojnë lëvizjet e tyre për siguri.
Përmbytjet janë shkaktuar nga reshje të mëdha shiu, ku vetëm brenda disa orësh, Mykonos ka marrë deri në 100 milimetra shi për metër katror, ndërsa Paros ka regjistruar 70 milimetra. Megjithatë, autoritetet lokale kanë njoftuar se nuk ka raporte për të lënduar deri tani, pavarësisht situatës kaotike. Kjo ka shkaktuar shqetësim për sigurinë e banorëve dhe turistëve në këto destinacione, duke ndërprerë gjithashtu lëvizjen e përditshme dhe aktivitete të tjera.

Historia e suksesit të studentes Vesa Shatri dhe angazhimi i saj në Ministrinë e Punëve të Jashtme dhe Diasporës

U hap festivali i filmit dokumentar “ZagrebDox”

Ministri i Jashtëm turk Hakan Fidan viziton Parisin për bisedime me homologun francez

Netanyahu tërheq emërimin e Sharvit si shef i ri i Shin Bet për shkak të artikullit anti-Trump

Simeone ka gati ndryshimin e madh për sfidën e kthimit me Barcelonën

“Tubimi Kombëtar” thërret francezët të protestojnë për Le Penin

Vdes Betty Webb, një nga deshifrueset e fundit të ”Enigma”-s

Situatë e rëndë në Greqi, mbyllen shkollat, banorëve iu kufizohet lëvizja…

APK: Afati për deklarimin e pasurisë vazhdon vetëm edhe sot
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë