Lajmet

​Kurti e Haradinaj debatojnë për krizën energjetike

Kurti ka thënë se Ministria e Ekonomisë ka ndërmarrë të gjithë hapat për planifikim dhe ndërhyrje në rastet emergjente.

Published

3 years ago

on

Kryeministri i Kosovës, Albin Kruti dhe kryetari i Aleancës për Ardhmërinë e Kosovës, Ramush Haradinaj kanë debatuar rreth situatës me energjinë elektrike në vend.

Haradinaj ka kërkuar përgjigje nga Kurti nëse Qeveria ka një strategji për t’u përballur me një krizë të mundshme energjetike. Kryeministri Kurti ka thënë se Kosova nuk është e varur në prodhimin e energjisë elektrike dhe se do të vazhdojë të implementojë strategjinë kombëtare që siç ka thënë ai është në përfundim e sipër.

Kurti i ka thënë Haradinajt që para se të arrijë në përfundim për gjendjen energjetike në Evropë, të mos bazohet në titujt e lajmeve pro t’i lexojë ato në tërësi.

“Kosova nuk është e varur e nuk do të jetë e varur në prodhimin e energjisë elektrike, Kosova do të vazhdojë të implementojë strategjinë kombëtare që është në përfundim e sipër e që parasheh stabilitet përmes diversifikimit. Pos kësaj, Gjermania e ka edhe një arsye shtesë për rihapjen e termocentraleve me thëngjill ngase në fund të vitit të vitit 2021 me 9.5 gigavat kapacitete gjeneruese të energjisë bërthamore i ka mbyllur tre reaktorë që gjeneronin 4.5 gigavat energji elektrike”, ka thënë Kurti.

Kurti ka thënë se Ministria e Ekonomisë ka ndërmarrë të gjithë hapat për planifikim dhe ndërhyrje në rastet emergjente.

“Ministria e Ekonomisë ka ndërmarrë të gjithë hapat për planifikim dhe ndërhyrje në rastet emergjente. Gjatë këtyre muajve, ministria është duke përgatitur edhe një masë për efiçiencë të energjisë për konsumatorët shtëpiakë. Përmes subvencioneve do të ndihmohen konsumatorët që të ulin shpenzimet e energjisë elektrike. Ndihma më e madhe do të koncentrohet të rastet e skemës sociale, dhe te rastet të cilat janë në nevojë mirëpo nuk janë të përfshira në skemë sociale. Me këtë ndërhyrje në eficiencë synojmë që konsumatorët të ulin shpenzimet e gjithashtu ta kursejnë xhepin e tyre. Në këtë kohë janë duke u bërë përgatitjet që të zgjerohet rrjeti i konsumatorëve vet gjenerues përmes paneleve solare që do të ndikojë direkt në uljen e shfrytëzimit të energjisë nga rrjeti”, ka thënë Kurti.

Ndërsa deputeti Haradinaj ka kërkuar përgjigje konkrete nëse Kosova ka marrëveshje me Shqipërinë në rast të një krizë me energjinë elektrike.

“A ta bëjë një pyetje të sinqertë, a i ke rënë pishman që e ke penguar investimin në Kosovën e Re 500mgv, a e kishe pranuar sot atë investim, ti e Haki Abazi yt e krejt ju që jeni këtu dhe çka kishit thënë sot për atë investim, po shihet që e keni mizën ndër kapuç dhe po shihet që po i bini rrotull kësaj pune. Ju po thoni keni investime në gjenerim me Shqipërinë, unë e kam një problem më afatshkurtër, a keni marrëveshje dhe sa na siguron ajo marrëveshje në këtë dimër që nëse kanë tepricë ata mos me lëshu në treg ndërkombëtar por me marrë ne të parët”, ka thënë Haradinaj.

Sipas Kurtit, me Shqipërinë ekziston dakordim edhe për këmbim.

“Ne kemi dakordim midis Qeverisë së Republikës së Kosovës dhe Qeverisë së Republikës së Shqipërisë edhe për këmbim, dhe tashmë jemi duke e funksionalizuar këtë dhe drejtori i KEK-ut dhe KESh-it janë në kontakt të përditshëm. Pra, jemi duke punuar për ta shfrytëzuar maksimalisht interkoneksionin ekzistues. Sa i përket gazsjellësit, ai nuk do të kishte fare të bëhet me këtë dimër. Shumë e shumë vjet do të kalonin për atë gazsjellës, mirëpo ne i kemi në remond njësitë e caktuara dhe po e bëjmë maksimumin me gjendjen dhe mekanizmat që i kemi trashëguar. Sa i përket Countur Global, unë edhe më tej mbaj të njëjtin qëndrim se ka qenë një kontratë e pafavorshme me Kosovën”, ka thënë Kurti.

Related Topics:
Continue Reading

Lajmet

​“Bllokadat janë inekzistente”, Kurti thotë se shumë shpejt do ta takojë presidenten Osmani

Published

1 hour ago

on

December 31, 2025

By

Kryeministri në detyrë, Albin Kurti ka deklaruar se shumë shpejt do ta takojë presidenten e Kosovës, Vjosa Osmani.

Osmani ka deklaruar se do të kandidojë edhe për një mandat si presidente e vendit, e për këtë Kurti tha se së pari do të presin konstituimin e Kuvendit dhe më pas do të ecin tutje.

“Ne së pari do të presim që të certifikohen rezultatet duhet te konstituohet Kuvendi të shohim përbërjen e legjislaturës së re dhe me pastaj të ecim tutje. Por, ashtu siç kam thënë sot është dita e fundit e vitit 2025, shpejt do ta takoj presidenten Osmani dhe duhet të bisedojmë bashkë për rrugën përpara. Keni parasysh njëherë është konstituimi i Kuvendit, formimi i qeverisë dhe vetëm më pas është zgjedhja e presidentes”, tha ai me rastin e vizitës në Telekomin e Kosovës.

I pyetur për mundësi bashkëpunimi me ndonjë parti politike, kreu i Lëvizjes Vetëvendosje tha se rezultati i zgjedhjeve të parakohshme të 28 dhjetorit është i qartë, dhe se tashmë pengesat për formimin e Kuvendit të Kosovës dhe qeverisë janë inekzistente.

“Nuk kam ndonjë gjë të re për të thënë rezultati është më i qartë se asnjëherë më parë. Ne kemi pritur se do ta tejkalojmë rezultatin e 9 shkurtit por duket se po e tejkalojmë edhe rezultatin e 14 shkurtit 2021. Bllokimi në formimin e Kuvendit dhe pengesat për formim të qeverisë së re tashmë janë inekzistente”, deklaroi Kurti.

Më 28 dhjetor në Kosovë u mbajtën zgjedhjet e parakohshme parlamentare ku e para u rendit Lëvizja Vetëvendosje me 48.41%.

Continue Reading

Lajmet

Afër 70% të votave të numëruara, pesë kandidatët më të votuar te partitë më të mëdha

Published

1 hour ago

on

December 31, 2025

By

Afër 70% e votave për kandidatët e partive për deputetë janë numëruar, sipas përditësimit të fundit të Komisionit Qendror të Zgjedhjeve.

Lëvizja Vetëvendosje doli e para në këto zgjedhje të parakohshme, e cila u pasua nga PDK-ja, LDK-ja dhe AAK-ja.

Në zgjedhje morën pjesë rreth 45 për qind të gati 2 milionë qytetarëve me të drejtë vote.

Më poshtë pesë kandidatët më të votuar të partive më të mëdha shqiptare:

Lëvizja Vetëvendosje

Albin Kurti – 241,920 Vota

Glauk Konjufca – 188,513 Vota

Albulena Haxhiu – 98,786 Vota

Hekuran Murati – 97,790 Vota

Donika Gërvalla – 87,956 Vota

Partia Demokratike e Kosovës

Bedri Hamza – 110,875 Vota

Arian Tahiri – 51,283 Vota

Përparim Gruda – 47,739 Vota

Uran Ismaili – 37,640 Vota

Sala Jashari – 34,838 Vota

Lidhja Demokratike e Kosovës

Lumir Abdixhiku – 53,682 Vota

Hykmete Bajrami – 33,730 Vota

Ukë Rugova – 29,649 Vota

Avdullah Hoti – 26,409 Vota

Doarca Kica-Xhelili – 26,119 Vota

Continue Reading

Lajmet

Viti 2025: Mbi 26 mijë raste penale, 18 vrasje dhe konfiskime mbi 112 milionë euro në Kosovë

Published

2 hours ago

on

December 31, 2025

By

Policia e Kosovës ka bërë të ditur se gjatë periudhës janar–20 dhjetor janë iniciuar mbi 26 mijë raste për vepra penale, që përbën një rënie prej 3.54 për qind krahasuar me periudhën e njëjtë të vitit 2024.

Sipas të dhënave zyrtare të policisë, gjatë këtij viti janë regjistruar gjithsej 18 raste të vrasjeve, një më shumë se vitin e kaluar.

Policia ka publikuar gjithashtu informacione lidhur me luftën kundër narkotikëve, duke dhënë detaje për llojet e substancave narkotike që janë konfiskuar gjatë vitit.

Po ashtu, sipas statistikave policore, në periudhën janar–nëntor të këtij viti janë ngrirë dhe sekuestruar asete në vlerë mbi 112 milionë euro, në kuadër të hetimeve për vepra të ndryshme penale.

Policia e Kosovës ka vlerësuar se këto të dhëna dëshmojnë për angazhimin e vazhdueshëm në parandalimin dhe luftimin e kriminalitetit në vend.

Continue Reading

Lajmet

Kush janë më të votuarit për deputetë në zgjedhjet e 28 dhjetorit?

Published

3 hours ago

on

December 31, 2025

By

Tri ditë pas zgjedhjeve të parakohshme parlamentare të së dielës në Kosovë, po bëhet gjithnjë e më e qartë se kush do të jenë 120 anëtarët e rinj të Kuvendit të Kosovës.

Komisioni Qendror i Zgjedhjeve (KQZ) është duke i numëruar votat për kandidatët për deputetë qysh nga e hëna dhe deri më tani janë numëruar mbi 68 për qind të tyre.

Në zgjedhje morën pjesë rreth 45 për qind të gati 2 milionë qytetarëve me të drejtë vote.

Zgjedhjet i fitoi bindshëm Lëvizja Vetëvendosje e kryeministrit në detyrë, Albin Kurti.

Më mposhtë mund të shihni se kush janë pesë kandidatët më të votuar në secilën parti kur janë numëruar më shumë se dy e treta e votave.

Lëvizja Vetëvendosje:

  • Albin Kurti 240.263 vota
  • Glauk Konjufca 187.285 vota
  • Albulena Haxhiu 98.092 vota
  • Hekuran Murati 97.208 vota
  • Donika Gërvalla 87.303 vota

Partia Demokratike e Kosovës

  • Bedri Hamza 109.795 vota
  • Arian Tahiri 50.873 vota
  • Përparim Gruda 47.331 vota
  • Uran Ismaili 37.295 vota
  • Sala Jashari 34.428 vota

Lidhja Demokratike e Kosovës

  • Lumir Abdixhiku 53.314 vota
  • Hykmete Bajrami 33.484 vota
  • Ukë Rugova 29.489 vota
  • Avdullah Hoti 26.200 vota
  • Doarsa Kica Xhelili 25.958 vota

Lista Serbe

  • Sllavko Simiq 20.392 vota
  • Igor Simiq 119.623 vota
  • Liljana Stefanoviq 19.042 vota
  • Millan Kostiq 16.170 vota
  • Nemanja Bishevac 15.805 vota

Aleanca për Ardhmërinë e Kosovës

  • Ramush Haradinaj 27.779 vota
  • Daut Haradinaj 17.151 vota
  • Besnik Tahiri 16.465 vota
  • Bekë Berisha 12.110 vota
  • Agim Çeku 11.242 vota

Sipas të dhënave paraprake, LVV-ja do t’i ketë 56 ulëse në Kuvend, pasuar nga PDK-ja me 23, LDK-ja me 15, Lista Serbe 9 dhe AAK-ja 6.

Personi më i votuar në Kosovë është Albin Kurti, i cili në zgjedhjet e rregullta të 9 shkurtit i fitoi 337.791 vota, duke thyer rekordin e deriatëhershëm të presidentes Vjosa Osmani (300.756 vota).

Mbetet të shihet nëse Kurti do ta forcojë këtë rekord apo jo.

Continue Reading

Të kërkuara