Vendi

​Komandanti i FSK-së zhvillon vizitën e parë zyrtare në Gardën Kombëtare të Ajovas

Jashari në vizitë zyrtare në Ajova të ShBA-së.

Published

3 years ago

on

Komandanti i FSK-së, Gjenerallejtënant Bashkim Jashari së bashku me ekipin e tij, me ftesë të Komandantit të Gardës Kombëtare të Ajova (GKA), Gjeneralmajor Benjamin Corell, po qëndron në vizitë zyrtare në Ajova të ShBA-së.

Gjatë kësaj vizite Gjeneral Jashari fillimisht u prit nga Gjenerali Corell dhe stafi i tij ku u diskutua lidhur me bashkëpunimin e deritanishëm dhe fushat e mundshme të bashkëpunimit për të ardhmen. Gjeneral Jashari më pas vizitoi ushtrimet dhe trajnimet që po realizohen në Kampin Dodge, ku po marrin pjesë edhe ekipe të FSK-së. Gjatë vizitës në Institutin Regjional të Trajnimit në Ajova dhe në Kompaninë e 209-të të Mjekësisë, Gjeneral Jashari vëzhgoi pjesëtarët e FSK-së që po trajnohen për aftësitë e medikut në fushëbeteje dhe drillet e fushëbetejës. Po ashtu gjatë ditës, Gjeneral Jashari vizitoi kapacitet trajnuese të qëndrueshmërisë dhe mirëmbajtjes në Gardën Kombëtare të Ajovas.

Gjeneral Jashari do të vazhdojë vizitën nëpër njësi tjera të GKA ku do të prezantohen kapacitetet tjera ushtarake e gjithashtu do të vëzhgojë nga afër ushtrimin e sigurisë kibernetike që është duke u realizuar në Universitetin Shtetëror të Ajovas. Ky aktivitet zhvillohet njëkohësisht në mes FSK-së, Gardës Kombëtare të Ajovas, Universitetit të Prishtinës, dhe institucioneve tjera të arsimit të lartë në Kosovë.

Gjeneral Jashari do të vazhdojë vizitën në SHBA duke parë nga afër edhe ushtrime e stërvitje tjera ku janë duke marrë pjesë edhe pjesëtarë të FSK-së. Ndër to do të përcillen edhe stërvitjet për zhvillimin e aftësive në fusha të ndryshme të manovrës luftarake që janë duke u realizuar në Kampin Atterbury në shtetin Indiana.

Related Topics:
Continue Reading

Aktualitet

Deputetët shpenzojnë 40 mijë euro mbushje telefonike nga buxheti i shtetit – kush prin në listë?

Published

5 days ago

on

June 19, 2025

By

Deputetët e Kuvendit të Kosovës kanë shpenzuar afro 40 mijë euro gjatë vitit 2024 për mbushje telefonike nga kompania publike “Vala”, një shifër që mbulohet nga buxheti i shtetit, pra nga taksat e qytetarëve.

Sipas të dhënave zyrtare të siguruara nga “Interaktiv Talks”, shuma e përgjithshme e këtyre shpenzimeve ka arritur në 38,190 euro, vetëm gjatë këtij viti.

Në krye të listës së shpenzuesve është nënkryetari i Kuvendit nga radhët e PDK-së, Enver Hoxhaj, i cili ka shpenzuar mbi 1,000 euro për mbushje, duke e tejkaluar edhe kufirin mujor prej 100 euro që u takon deputetëve.

Në mesin e atyre që kanë shpenzuar më së shumti janë edhe Mimoza Kusari-Lila nga Lëvizja Vetëvendosje, Besnik Tahiri nga AAK dhe Arben Gashi nga LDK, me nga 720 euro secili.

Edhe Valon Ramadani, deputeti i VV-së që njihet për pasurinë e tij milionëshe, ka përfituar 480 euro mbushje telefonike nga Kuvendi.

Ndërkohë, mbetet për t’u parë kush ka qenë deputeti më kursimtar dhe cilët liderë politikë kanë pranuar ose kanë refuzuar përfitimin e kësaj mbështetjeje telefonike nga Vala.

 

Continue Reading

Aktualitet

Jakup Krasniqit i refuzohet kërkesa për lirim të përkohshëm

Published

2 weeks ago

on

June 12, 2025

By

Gjykata Speciale ka refuzuar kërkesën e Jakup Krasniqit për lirim të përkohshëm, të cilën e kishte parashtruar pas përfundimit të dëgjimit të dëshmitarëve të Prokurorisë.

Kështu ka njoftuar Specialja përmes një njoftimi publik, transmeton Telegrafi.

Në vendimin i cili u bë publik më 11 qershor, nuk ka ende informacione që tregojnë se Krasniqi mund t’i ikë drejtësisë, por ekziston rreziku që ai të pengojë procedurat ose të kryejë krime të tjera ndaj atyre që cilësohen si kundërshtarë të Ushtrisë Çlirimtare të Kosovës (UÇK) duke përfshirë edhe vetë dëshmitarët në këtë çështje.

Ndryshe, Jakup Krasniqi po gjykohet për krime të pretenduara të luftës, bashkë me ish-krerët e tjerë të UÇK-së, Hashim Thaçi Kadri Veseli, Jakup Krasniqi e Rexhep Selimi.

Hashim Thaçi, Kadri Veseli, Jakup Krasniqi e Rexhep Selimi po mbahen në qendrën e paraburgimit në Hagë prej 2020.

Continue Reading

Aktualitet

Kuvendi mblidhet sot për të 29-ën herë

Published

2 weeks ago

on

June 9, 2025

By

Deputetët e zgjedhur të Kuvendit të Kosovës do të mblidhen sërish sot, në përpjekjen e 29-të për të arritur konstituimin e këtij institucioni.

Megjithëse, si 28 herët paraprake, sipas deklaratave dhe qëndrimeve të ish-opozitës si dhe partisë fituese të zgjedhjeve, as sot nuk do të ketë ndonjë ndryshim në ngërçin e krijuar politik.

Seanca e sotme nis nga ora 11:00.

Sakaq më 15 qershor bëhen dy muaj që nga nisja e bllokadës së Kuvendit të Republikës së Kosovës.

Continue Reading

Aktualitet

Sot mblidhen sërish deputetët, në tentativën e 26-të për konstituimin e Kuvendit

Published

3 weeks ago

on

June 4, 2025

By

Sot do të mblidhen sërish deputetët, në tentativën e 26-të për konstituim të Kuvendit të Kosovës.

Tash e katër muaj në vend janë mbajtur zgjedhjet parlamentare, ndërsa vendi vazhdon të jetë në ngërç politik.

Lëvizja Vetëvendosje nuk heq dorë nga kandidatja për kryetare të Kuvendit, Albulena Haxhiu, e cila nuk ka përkrahjen e Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës.

Kryesuesi i Kuvendit, që është njëherësh edhe deputeti më i vjetër, Avni Dehari ka vënë në procedurë votimin për Komision zgjedhor që do të mundësonte votim të fshehtë në Kuvend për kryetarin, por edhe ky proces është bllokuar në mungesë të kuorumit.

Çështjen e votimit të fshehtë, AAK e ka dërguar në Kushtetuese.

 

Continue Reading

Të kërkuara