Lajmet

​Haxhiu bën thirrje që të ndërpritet greva e punëtorëve të administratës në institucionet e drejtësisë

Sipas saj, si ministri po punojnë në adresimin e kërkesave të tyre.

Published

4 years ago

on

Ministrja e Drejtësisë, Albulena Haxhiu, iu bëri thirrje punëtorëve të administratës së institucioneve të drejtësisë që të ndërpresin grevën. Sipas saj, si ministri po punojnë në adresimin e kërkesave të tyre, ndërsa shtoi se me këto greva po vuajnë qytetarët.

Këto komente, ministrja Haxhiu i bëri në tryezën e organizuar nga Demokraci Plus me temë “Përmirësimi i zbatimit të drejtësisë procedural në gjykatat themelore të Kosovës: sfidat dhe mundësitë”.

“Si ministre e Drejtësisë i bëj thirrje stafit të institucioneve të drejtësisë që të ndërpresë grevën për faktin se ne jemi duke punuar që t’i realizojmë kërkesat që kanë, ne jemi duke punuar edhe në Projektligjin për paga edhe në Projektligjin për administratën e sistemit të drejtësisë. Dhe nuk ka arsye për momentin që të hyhet në grevë sepse kështu po e vuajnë qytetarët të cilët kanë shumë nevoja dhe ato nevoja nuk po mund t’i realizojnë për shkak të grevës. Asnjëherë nuk them që greva nuk është e drejtë, janë në të drejtën e tyre demokratike por për sa kohë institucionet e Kosovës po adresojnë kërkesat që ata i kanë konsideroj që greva duhet të ndërpritet”, tha ajo.

Tutje ministrja e Drejtësisë, Albulena Haxhiu u shpreh se sistemi gjyqësor në Kosovë po vazhdon të ballafaqohet me lëndët e grumbulluara. Ajo deklaroi se mbesin të përkushtuar në reformat në drejtësi dhe zgjidhjen e këtyre problemeve në sistem.

“Një nga çështjet më kritike me të cilat përballet gjyqësori i Kosovës aktualisht janë lëndët e vjetra, pra ato të grumbulluara dhe jam e njoftuar se KGJK e ka trajtuar me prioritet këtë dhe ka bërë një plan konkret se si kjo të adresohet… Raportet e Komisionit Evropian për Kosovën por edhe raportet e organizatave të shoqërisë civile por edhe ato tjera ndërkombëtare në mënyrë të vazhdueshme theksojnë si problem çështjen e grumbullimit të lëndëve sidomos të lëndëve civile dhe me këtë problem mendoj se në baza ditore jemi duke u përballur si Ministri e Drejtësisë… 06\11 Si ministri, në kuadër të reformave të sistemit të drejtësisë i kemi dhënë edhe fokus të veçantë mbrojtjes themelore procedurale të njeriut për faktin se ne kemi themeluar si MD grupin punues që ka për mandat që ta hartojë koncept-dokumentin që ka për qëllim realizimin e të drejtave civile të qytetarëve të Kosovës. Pra, grupi punues është duke adresuar këtë problem dhe në këtë drejtim me koordinim me institucionet relevante, me partnerët ndërkombëtarë si dhe përfaqësuesit nga shoqëria civile përveç që jemi duke adresuar që lëndët të adresohen në afat kohor, po ashtu është duke u diskutuar edhe çështja e kompensimit të palëve në rast kur iu shkelen e drejtat e tyre, kur ka vonesa në gjykata”, tha ajo.

Kryesuesi i Këshillit Gjyqësor të Kosovës, Albert Zogaj u shpreh i bindur që procesi i rekrutimit të gjyqtarëve dhe bashkëpunëtorëve profesionalë që po ndodh aktualisht në KGJK është transparente. Ai njoftoi se tashmë KGJK ka miratuar strukturën e re të gjykatave sa i takon zyrave për informim dhe kjo beson se do të ndikojë në rritjen e transparencë së sistemit gjyqësor.

“Falë këtij angazhimi dhe kësaj qasje sistematike të sistemit gjyqësor ne kemi arritur për një periudhë të shkurt me dhënë shembuj të ndryshimeve substanciale në sistemin gjyqësor dhe për këtë rast po e shfrytëzoj duke qenë koincidencë që po zhvillohet tani rekrutimi i gjyqtarëve dhe jam shumë i bindur që në 20 vite kemi arritur të zhvillojmë sistemin më transparent të rekrutimit të gjyqtarëve dhe bashkëpunëtorëve profesionalë dhe në kuptimin profesional jam shumë i gëzuar sepse me këtë javë dhe javën e kaluar po dëshmohet gjatë intervistimit se kemi kandidatë me integritet të lartë profesionalë dhe moralë gjë që neve na bënë të besojmë që në të ardhmen do të kemi një sistem i cili përveç të tjera do jetë një indikator i fuqishëm i kthimit të besimit të publikuar në sistemin gjyqësor”, tha Zogaj.

Drejtoresha e Misionit të USAID-it në Kosovë, Zeinah Salahi, tha se me progresin që ka realizuar Kosova ka treguar gatishmërinë për të forcuar sundimin e ligjit, dhe në këtë drejtim u shpreh se ndihmë po ofron edhe USIAD. Por ajo kërkoi tutje që gjykatat në Kosovë të vazhdojnë të përmirësojnë procedurat, pasi vetëm përmes një sistemi të fortë të drejtësisë tregon se shoqëria po i përgjigjet nevojave të qytetarëve.

“86% të përdoruesve kanë raportuar se janë të kënaqur me shërbimet që kanë marrë, ndërsa kjo statistikë mjaftë inkurajuese është në kontrast të ashpër me hulumtimin sa i përket drejtësisë procedurale në Kosovë që UNDP, e cila u publikua këtë muaj, e cila gjeti që vetëm 39.3% është kënaqshmëria me performancën e gjykatave dhe ky dallim dramatik në mes të perceptimit publik dhe realitetit nga përvojat e përdoruesve dhe kënaqshmërisë së qytetarëve është dallim i vrazhdë dhe në bazë të kësaj mund të përfundojnë se qytetarët dhe publiku nuk janë të vetëdijshëm për përmirësimet që janë bërë në sistem dhe efikastitet… 02.41 Gjykatat duhet të vazhdojnë me përmirësimin e procedurave si ajo ndaj qasjeve siç është ajo për përmirësimin e drejtësisë procedurale dhe përmirësimit të qasjes dhe përmirësimit të metodave të informacionit. Një sistem i fortë i drejtësisë është një mjet i cili shoqëria i përgjigjet nevojave të qytetarëve dhe ne jemi duke punuar në USAID”, tha ajo.

Related Topics:
Continue Reading

Lajmet

Albin Kurti pritet nga Edi Rama në Samitin për Planin e Rritjes

Published

5 minutes ago

on

November 21, 2025

By

Kryeministri në detyrë i Kosovës, Albin Kurti, tashmë ka arritur në Tiranë për të marrë pjesë në Samitin për Planin e Rritjes “Rruga jonë drejt BE-së”, i cili do mbahet në Shqipëri.

Kurti u prit zyrtarisht nga kryeministri i Shqipërisë, Edi Rama, në një ceremoni të organizuar në Pallatin e Brigadave, ku po mirëpriten liderët dhe përfaqësuesit e vendeve pjesëmarrëese.

Samiti, i fokusuar në procesin e integrimit evropian dhe nxitjen e zhvillimit ekonomik në rajon, mbledh në Tiranë figura kryesore politike të Ballkanit Perëndimor.

Samiti ka nisur në orën 09:30, ku pritet që kryeministri i Shqipërisë, Edi Rama, të mbajë fjalën hapëse përpara se punimet të vijojnë me sesionet e planifikuara.

Continue Reading

Lajmet

​Terry: Ëndrra ime është të drejtoj Chelsean

Published

16 minutes ago

on

November 21, 2025

By

John Terry, një nga figurat më të mëdha në historinë e Chelseat, e i cili ka folur hapur për të ardhmen e tij në futboll dhe ëndrrën që të bëhet trajner i klubit londinez.

Në një intervistë ekskluzive për “Livesport Daily”, Terry tha se pas katër vitesh larg stolit të trajnerit, ndoshta koha e tij për t’u rikthyer në menaxhim ka kaluar.

Terry kujtoi periudhën e tij trevjeçare si trajner ndihmës tek Aston Villa, ku ndihmoi klubin të rikthehej në Premier League. Më pas, ai kërkoi vazhdimisht një post drejtues, por asnjë mundësi nuk u konkretizua.

“Kam kërkuar për dy-tre vjet një rol si trajner apo menaxher, por nuk munda ta gjej. Tani ndjehem sikur ndoshta jam larguar shumë gjatë,” tha ai.

I rikthyer së fundmi në Chelsea vetëm në një rol të analizës së videove, Terry pranoi se ambicia e tij e madhe, drejtimi i Chelseat, sot duket shumë pak e realizueshme.

“Ëndrra ime është të menaxhoj Chelsean. Por pa gjithë pjesën tjetër të punës, kjo ndoshta nuk bëhet realitet.”

Terry foli edhe për momentin e veçantë të triumfit në Champions League më 2012, ku ai ishte i pezulluar për finalen, por u kujtua botërisht për “full kit”-in e tij gjatë festimeve.

“Për mua, momenti më i mirë te Chelsea është një ndeshje ku nuk kam luajtur, finalja e 2012-s. E dinim sa shumë e donte klubi atë trofe.”/S.K/KP/Livesport/

Continue Reading

Lajmet

​Dy shtetas të Turqisë arrestohen në Prishtinë për falsifikim parash dhe armëmbajtje pa leje

Published

39 minutes ago

on

November 21, 2025

By

Policia ka arrestuar dy shtetas të Turqisë në Prishtinë, të dyshuar se kanë kryer disa vepra penale në bashkëveprim, përfshirë falsifikim dokumentesh, falsifikim parash dhe mbajtje të paautorizuar të armës. Arrestimet janë kryer më 20 nëntor 2025, rreth orës 09:45.

Gjatë kontrollit të kryer në dy lokacione të ndryshme, policia ka sekuestruar një sasi të konsiderueshme provash. Në listën e materialeve të konfiskuara përfshihen gjashtë vula me përmbajtje të ndryshme, një armë zjarri, dokumente të dyshuara si falsifikime, katër telefona, një USB, dy llaptopë, si dhe kartëmonedha e monedha të ndryshme.

Në lidhje me rastin janë intervistuar gjashtë dëshmitar, po ashtu shtetas të Turqisë. Me urdhër të prokurorit, dy të dyshuarit janë ndaluar dhe dërguar në mbajtje.

“Janë arrestuar dy të dyshuar meshkuj shtetas të Turqisë, nën dyshimin se të njëjtit në bashkëveprim i kanë kryer veprat penale të lartcekura. Gjatë kontrollit në dy lokacione, si prova materiale janë gjetur dhe konfiskuar : gjashtë vula me përmbajtje të ndryshme, një armë zjarri, dokumente të ndryshme falsifikuese, katër telefona, një USB, dy llap-top, si dhe kartëmonedha dhe monedha të ndryshme. Lidhur me rastin janë intervistuar gjashtë dëshmitar meshkuj shtetas të Turqisë . Me vendim të prokurorit dy të dyshuarit janë dërguar në mbajtje“, thuhet në raportin e Policisë së Kosovës.

Continue Reading

Lajmet

“BE të jetë e barabartë”, eurodeputeti: Të shqyrtohet aplikimi i Kosovës në BE

Published

40 minutes ago

on

November 21, 2025

By

Eurodeputeti holandez Thijs Reuten rikonfirmoi mbështetjen e tij për rrugën e anëtarësimit të Kosovës në Bashkimin Europian.

Në dhjetor të vitit 2022 Kosova aplikoi zyrtarisht për pranim në Bashkimin Europian gjatë Presidencës Çeke, por asnjë hap nuk është ndërmarr për shqyrtimin e saj.

Eurodeputeti Reuten deklaroi për A2 CNN tha se nuk ka asnjë justifikim që aplikimi i Kosovës të mbetet kaq gjatë në sirtar.

“Një nga hapat e rëndësishëm është që aplikimi i Kosovës për anëtarësim më në fund të vihet në proces. Nuk e përballoj dot faktin që ka mbetur në sirtar kaq gjatë. Nuk ka absolutisht asnjë arsye për këtë. Ne mund ta vazhdojmë procesin, pavarësisht se disa shtete anëtare të BE-së ende nuk e njohin Kosovën. Kjo është e vërtetë, por megjithatë mund të ecim përpara me shqyrtimin e aplikimit për anëtarësim”, shprehet Thijs Reuten.

Reuten u shpreh optimist edhe për heqjen e masave ndëshkuese të Bashkimit Europian ndaj Kosovës tashmë që në komunat veriore pritet të kthehen kryetarët serbë.

“Tani që zgjedhjet lokale kanë përfunduar, së pari duhet të hiqen masat ndaj Kosovës. Sipas meje, ato s’duhej të ishin vendosur fare dhe duhej të ishin hequr prej kohësh. Por tani që shumë shpejt do të kemi kryetarë të rinj komunash që marrin detyrën në komunat përkatëse, mendoj se ky është momenti që Komisioni dhe vendet anëtare t’i heqin sanksionet”, deklaron eurodeputeti.

Në lidhje me dialogun mes Kosovës dhe Serbisë, eurodeputeti holandez, pjesë e Grupit të Aleancës Progresive të Socialistëve dhe Demokratëve në Parlamentin Evropian, shpreson që procesi të marr një drejtim të ri.

“Për dialogun, është e qartë se nevojitet një momentum i ri. Nuk mund të vazhdojmë me rutinën e viteve të fundit. Shpresoj që Komisionerja Kos, edhe në këtë drejtim, të ndërmarrë hapa përpara dhe që me ndërmjetësin e ri të dialogut [Peter Sorensen] të ndryshojë procesi dhe të zgjidhet lidhja e tepruar që i është bërë progresit drejt anëtarësimit, sepse kjo jep shumë hapësirë për bllokime si për Serbinë, por sidomos për Kosovën që të ecë përpara drejt statusit të vendit kandidat dhe anëtarësimit”, tha ai.

Reuten mendon se dialogu nuk duhet të kthehet në pengesë për avancimin e aplikimit të Kosovës në Bashkimin Europian, duke i kërkuar ndërmjetësuesit të këtij procesi të jetë i barabartë.

“Bashkimi Evropian duhet të jetë strikt dhe i barabartë në qasjen ndaj të dy vendeve, gjë që s’ka ndodhur. Ka pasur një qasje të pabalancuar. Megjithatë, ajo që na duhet nga të gjithë, edhe nga pala e Kosovës, është ta mbyllim këtë kapitull dhe të angazhohemi realisht për të bërë hapa përpara. Por që kjo të ndodhë, BE-ja duhet të jetë e qartë për atë që kërkon nga ky proces dhe të mos e lidhë kaq ngushtë me progresin në rrugën e anëtarësimit”, shprehet Thijs Reuten.

Kosova prej kohësh kërkon që aplikimi i saj të shqyrtohet, t’i jepet pyetësori dhe statusi i vendit kandidat për anëtarësim në Bashkimin Europian, por këto kërkesa nuk janë marr parasysh./KP

Continue Reading

Të kërkuara