

Published
3 years agoon
By
Betim GashiVitamina C, e njohur si acidi askorbik, është një lëndë ushqyese mjaft e rëndësishme për shëndetin. Mjekët rekomandojnë shpesh që të marrim sasi të konsiderueshme të kësaj vitamine.
Vitamina C është një lëndë ushqyese thelbësore
Lëndë ushqyese thelbësore janë ato që trupi ynë nuk mund t’i prodhojë apo t’i sintetizojë, kështu që marrja e tyre është e vetmja mënyrë. Përveç parandalimit të ekzemave, okulisti Harold Peltan vëren se vitamina C të ndihmon në funksionimin e sistemit imunitar në rritjen dhe riparimin e indeve. Në fakt, vitamina C është po aq e rëndësishme se vitamina A kundër plakjes dhe parandalimit të sëmundjeve të lëkurës. Përveç të tjerash, trupi ka nevojë për vitaminë C për të prodhuar kolagjenin në kocka, muskuj dhe enët e gjakut.
Ndihmon trupin të përthithë hekurin
Ekspertët thonë se vitamina C ndihmon trupin, veçanërisht zorrët për të përthithur sa më shumë hekur. Një studim i National Institutes of Health tregon se vitamina C rrit përthithjen e hekurit non-heme. Non-heme është lloji i hekurit që është më i vështirë për t’u përthithur nga organizmi. Ai gjendet tek indet e kafshët dhe tek bimët). Hekuri heme ndodhet kryesisht tek mishi i kafshëve dhe përmban hemoglobinë, si mishi i peshkut, i pulës, dhe përthithet më lehtë nga organizmi.
Përdoreni për të përmirësuar shëndetin e lëkurës
E mira kryesore e vitaminëc C për lëkurën është roli i saj në sintetizimin e kolagjenit. Ajo ndihmon gjithashtu në mbrojtjen nga rrezet e diellit, dhe redukton infektimin e puçravë. Ndërsa ekspertët vërejnë se suplementet e vitaminës C nuk ndikojnë në ndryshimin e ngjyrës së lëkurës. Por megjithatë ata paralajmërojnë se përdorimi i vitaminës C ruan lëkurën, nëse përdoret për aq kohë sa rekomandohet nga doktori, pasi në fund të fundit është një acid. Kur blini produkte me vitaminë C për mbrojtjen e lëkurës, ekspertët rekomandojnë ato duhet të kenë përqëndrim të lartë të acidit asorbik L, mes 10-20% dhe një pehash të ulët, më pak se 3.5.
Po, mund të merrni sa më shumë vitaminë C
Mjeku Rashed Hasan, specialist i kujdesit kritik pediatrik, thotë për HealthTap se doza ditore e vitaminës C duhet të jetë 65-90 mg/ditë, dhe kufiri maksimal është 2g në ditë. Është më i mirë nëse tretet në ujë, pasi sasia e tepërt e saj del jashtë me urinën. Megjithatë, çdo gjë e ka një kufi dhe dr. Hasan thotë se nuk duhet abuzuar, dhe përdorimi i dozave të mëdha duhet shmangur. Nëse e teproni me vitaminën C mund t’ju shkaktojë të vjella, diare, urth, lëvizje zorrësh, pagjumësi dhe gurë në veshka.
Vitamina C është më mirë të merret nga ushqimet se sa si suplement
Dozën ditore të Vitaminës C është më mirë ta merrni nga ushqimet natyrale se sa si suplement. Frutat janë një burim i mirë i saj, si limoni, qitro, papaja, kivi, luleshtrydhet, portokallet, apo perimet, sidomos specat, brokoli dhe lakra.
Lajmet
KQZ dhe Komisioni i Venecias mbajnë punëtori për zgjedhjet parlamentare të 9 shkurtit
Published
15 hours agoon
June 26, 2025By
UBTnews
Komisioni Qendror i Zgjedhjeve në bashkëpunim me Komisionin e Venecias të Këshillit të Evropës organizoi punëtorinë për mësimet nga zgjedhjet e fundit për Kuvendin e Kosovës, të cilat u mbajtën më 9 shkurt 2025.
Gjatë kësaj punëtorie, ku morën pjesë anëtarë dhe zyrtarë të KQZ-së, përfaqësues të institucioneve të ndryshme (Avokati i Popullit, Paneli Zgjedhor për Ankesa dhe Parashtresa dhe Agjencioni për Parandalimin e Korrupsionit) u trajtuan çështje të ndryshme nga zgjedhjet e 9 shkurtit, me theks të veçantë zgjidhjen e kontesteve zgjedhore dhe monitorimin, dokumentimin dhe sanksionimin e keqpërdorimit të burimeve shtetërore.
Në hapje të punëtorisë, kryesuesi i KQZ-së, Kreshnik Radoniqi shprehu mirënjohje për Komisionin e Venecias për prezencën e tyre në vendin tonë, si një dëshmi e qartë e përkushtimit të përbashkët për të mbështetur standardet demokratike, transparencën dhe sundimin e ligjit në proceset zgjedhore në Kosovë dhe më gjerë.
Po ashtu, kryesuesi Radoniqi shpalosi ecurinë e procesit të fundit zgjedhor dhe sfidat me të cilat është përballur KQZ dhe për mësimet që të bëhen përmirësimet e nevojshme për proceset e ardhshme zgjedhore.
Ndërkaq, nga Sekretariati i Komisionit të Venecias, Michael Janssen falënderoi KQZ-në për këtë organizim të përbashkët dhe shprehu rëndësinë e trajtimit të rekomandimeve.
Punëtoria e organizuar është në përputhje me praktikën standarde të Komisionit të Venecias, i cili zakonisht ofron asistencë para ose pas zgjedhjeve gjatë të cilave merr pjesë në misione vëzhgimi të Asamblesë Parlamentare të Këshillit të Evropës (PACE). Qëllimi i takimit është të ndihmojë në analizën paszgjedhore dhe të kontribuojë në forcimin e integritetit dhe funksionalitetit të proceseve zgjedhore në Kosovë.
Në zgjedhjet e fundit për Kuvendin e Kosovës, një delegacion i Asamblesë Parlamentare të Këshillit të Europës (PACE) ka qëndruar në Kosovë me qëllim që të vlerësojë fushatën zgjedhore dhe klimën politike para zgjedhjeve parlamentare të cilat u mbajtën më 9 shkurt 2025.
Lajmet
KQZ: Fillon periudha për aplikim të partive për zgjedhjet lokale
Published
21 hours agoon
June 26, 2025By
UBTNews
Komisioni Qendror i Zgjedhjeve (KQZ) ka hapur zyrtarisht periudhën për aplikim të subjekteve politike që synojnë të marrin pjesë në zgjedhjet lokale të 12 tetorit 2025. Afati për aplikim do të zgjasë 49 ditë, deri më 13 gusht.
Zëdhënësi i KQZ-së, Valmir Elezi, ka bërë të ditur se për të lehtësuar këtë proces, aplikimi do të mund të bëhet online përmes platformës elektronike të KQZ-së.
“Duke filluar nga sot, subjektet politike mund të aplikojnë për certifikim për pjesëmarrje në zgjedhje. Gjatë kësaj periudhe, ato duhet të dorëzojnë edhe listën me emrat e kandidatëve për kryetarë të komunave dhe për kuvendet komunale”, tha Elezi.
Ai shtoi se vendimi për llojin e pjesëmarrjes dhe për komunat ku do të garojnë i mbetet në dorë secilit subjekt politik. “Subjektet politike mund të vendosin nëse duan të garojnë vetëm për kryetar komune, për kuvend komunal ose për të dyja”, deklaroi Elezi.
Lajmet
Falsifikim parash në Prishtinë, arrestohet një person
Published
21 hours agoon
June 26, 2025By
UBTNews
Njësia për Hetimin e Krimeve Ekonomike në Prishtinë ka ndaluar një person nën dyshimin për prodhim të parasë së falsifikuar. Sipas raportit 24-orësh të Policisë së Kosovës, i dyshuari është arrestuar pas një pune operative hetimore.
Me urdhër të prokurorit, është kryer bastisje në banesën e të dyshuarit, ku janë sekuestruar materiale të ndryshme që shërbenin për prodhimin e kartëmonedhave false. Në mesin e provave të konfiskuara janë: 135 fletë formati A4 me fotokopje të kartëmonedhave të ndryshme, një xham me holograme të prera, një skalper dhe vizore, katër ngjitës, shirit izolues, një printer, një telefon dhe një shumë parash në vlerë prej rreth 4,796 euro.
Pas intervistimit, me vendim të prokurorit, i dyshuari është dërguar në mbajtje.
Lajmet
Gjashtë raste dhune në familje brenda një dite, tre të dyshuar në mbajtje
Published
21 hours agoon
June 26, 2025By
UBTNews
Në raportin 24-orësh të Policisë së Kosovës janë evidentuar gjithsej gjashtë raste të dhunës në familje në qytete të ndryshme të vendit. Rastet përfshijnë dhunë fizike dhe psikike, ndërsa në disa prej tyre janë ndërmarrë masa ligjore ndaj të dyshuarve.
Në Prishtinë janë regjistruar dy raste. Në një rast, një grua ka raportuar se bashkëshorti i saj ka ushtruar dhunë psikike ndaj saj pas një mosmarrëveshjeje. Palët janë shoqëruar në stacionin policor dhe rasti është proceduar në procedurë të rregullt. Në një rast tjetër, një burrë është arrestuar pasi dyshohet se ka sulmuar fizikisht partneren me të cilën bashkëjeton. I njëjti është dërguar në mbajtje me vendim të prokurorit.
Në Ferizaj, është arrestuar një person pasi nëna e tij ka raportuar se i dyshuari, nën ndikim të alkoolit, kishte fyer dhe shtyrë atë. Pas intervistimit, i dyshuari është dërguar në mbajtje.
Në Pejë, është raportuar se një grua ka qenë viktimë e keqtrajtimit fizik nga i dashuri i saj. I dyshuari nuk është gjetur në vendbanimin e tij dhe rasti është duke u hetuar.
Në Vitomiricë, është arrestuar një person nën dyshimin se kishte ushtruar dhunë psikike ndaj babait të tij. I njëjti është dërguar në trajtim psikiatrik dhe më pas i është caktuar masa e ndalimit për 48 orë me vendim të prokurorit.
Në Mitrovicën e Jugut, është raportuar se një grua ka qenë viktimë e dhunës nga bashkëshorti i saj. Është bërë bastisje në shtëpinë e të dyshuarit, por nuk është gjetur ndonjë provë dhe nuk është raportuar për ndonjë arrestim.

Si ndikon ambienti ynë në qetësinë e mendjes dhe fuqinë e shpirtit?

“Smoke”, serial i bazuar në ngjarje të vërteta

Si ndikon qumështi i gjirit në kohët e nxehta?

KQZ dhe Komisioni i Venecias mbajnë punëtori për zgjedhjet parlamentare të 9 shkurtit

Hegseth mbron sulmet amerikane ndaj Iranit, paraqet 2 objektiva të qarta

Keni shumë mesazhe të palexuara? WhatsApp tani ka një zgjidhje

Influencuesja e famshme vdes pas një operacioni plastik në Turqi

UBT International Smart Schools tani edhe në Gjilan me dy programe në mjekësi

Tani edhe në Prizren: UBT International Smart Schools me dy drejtime të mjekësisë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore