Lajmet

​Endrina Elezaj shpallet sportiste e vitit 2020 në Mitrovicë

Published

on

Kryetari i komunës, Agim Bahtiri, i shoqëruar nga drejtori për Kulturë, Rini dhe Sport, Tafil Peci, gjatë ditës kanë ndarë dy çmimet kryesore të sportistit të vitit 2020.

Juria profesionale, sportiste të vitit 2020 ka shpallur futbollisten Endrina Elezaj, futbolliste e Klubit të futbollit të femrave “Mitrovica”, ndërsa çmimi “Lah Nimani”, iu nda ish futbollistit të mirënjohur, Xhavit Ala, i cili ka qenë edhe donator i klubit të futbollit “Trepça”, përgjatë viteve 1989-1998.

Më këtë rast, kryetari Bahtiri, ka theksuar se viti 2020 në përgjithësi ishte një vit i vështirë, jo vetëm për sportin por edhe për shumë sektorë të tjerë për shkak të situatës pandemike që shkaktoj virusi Covid-19, por megjithatë sportistët mitrovicas me përkushtim dhe vullnet të jashtëzakonshëm arritën rezultate të shkëlqyeshme, me të cilat jo vetëm ata si institucione komunale, por edhe të gjithë qytetarët e Mitrovicës krenohen dhe u janë mirënjohës.

Kryetari Bahtiri iu premtoi sportistëve se komuna do të bëjë gjithçka që është e mundur që në vitin 2021, të sigurojë kushte akoma më të mira për punë, në mënyrë që sportistët të vazhdojnë rrugën e tyre të sukseseve.

Sipas komunikatës së komunës, Tafil Peci, drejtor për Kulturë, Rini dhe Sport, u shpreh të jetë mirënjohjes për komunitetin sportiv të cilët respektuan masat anti Covid duke e ruajtur shëndetin publik.

Ai më tutje ka shtuar se DKRS do të vazhdoj të mbështes klubet sportive me subvencione, duke investuar vazhdimisht në infrastrukturën sportive në komunën e Mitrovicës. 

Bota

Shirat e rrëmbyeshëm përfshijnë Tajlandën, një i vdekur dhe një i zhdukur

Published

on

Një person ka humbur jetën si dhe një tjetër rezulton i zhdukur pas rrëshqitjes së dheut si pasojë e shirave të rrëmbyeshëm, në qytetin Chiang Mai, të Tajlandës.

Pamjet e transmetuara nga transmetuesi tajlandez TPBS tregonin rrugë të përmbytura në pjesë të provincave Nan dhe Lampang, në lindje të Chiang Mai, raporton AP.

Departamenti për Parandalimin dhe Zbutjes së Fatkeqësive në Tajlandës, njoftoi për shumë shtëpi të prekura dhe disa persona të lënduar nga përmbytjet e menjëhershme dhe rrëshqitjet e dheut në provincat veriore.

Departamenti Meteorologjik i Tajlandës paralajmëroi për shira të rrëmbyeshëm në rajonet veriore dhe verilindore të mërkurën.

Banorët në zonat kodrinore dhe zonat e ulëta pranë rrugëve ujore u paralajmëruan për përmbytje të mundshme dhe rrëshqitje dheu.

Shiu ishte pasojë e Stuhisë Tropikale Kajiki, e cila zbarkoi të hënën pasdite në Vietnamin qendror, ku mijëra njerëz u evakuuan nga zonat me rrezik të lartë.

Continue Reading

Aktualitet

KQZ miraton vendime për decertifikim dhe certifikim të kandidatëve për zgjedhjet lokale 2025

Published

on

Komisioni Qendror i Zgjedhjeve (KQZ), në mbledhjen e mbajtur ka miratuar një seri vendimesh për decertifikimin e disa kandidatëve që më herët ishin certifikuar dhe zëvendësimin e tyre me kandidatë të tjerë për zgjedhjet lokale të vitit 2025.

Sipas vendimeve të KQZ-së:
• Lëvizja VETËVENDOSJE!: Decertifikim i 2 kandidatëve dhe certifikim i 3 kandidatëve të rinj
• Lidhja Demokratike e Kosovës (LDK): Decertifikim i 2 kandidatëve dhe certifikim i 2 kandidatëve të rinj
• GUXO: Decertifikim i 3 kandidatëve
• Alternativa: Decertifikim i 2 kandidatëve
• Bashkimi Demokratik: Decertifikim i 1 kandidati
• Kosovski Savez: Decertifikim i 1 kandidati
• Koalicija VAKAT: Decertifikim i 1 kandidati

Këto vendime vijnë në kuadër të përgatitjeve për procesin zgjedhor lokal dhe kanë për qëllim të saktësojnë listat e kandidatëve që do të garojnë në zgjedhjet e vitit 2025, duke siguruar që ato të jenë të përditësuara dhe në përputhje me rregullat e KQZ-së.

Continue Reading

Aktualitet

OEK shpreh shqetësim të thellë lidhur me faturat e energjisë elektrike

Published

on

Oda Ekonomike e Kosovës së bashku me Shoqatën e Prodhuesve të Kosovës në kuadër të saj, kanë shprehur shqetësimin e thellë lidhur me faturat e energjisë elektrike të muajve të fundit, të cilat sipas tyre po shndërrohen në një barrë të papërballueshme për sektorin prodhues.

Në komunikatën e lëshuar për media thuhet se që nga dita e parë, Oda Ekonomike e Kosovës së bashku me Shoqatën e saj Prodhuese, ka ngritur zërin publikisht dhe institucionalisht se dalja e detyrueshme e prodhuesve në tregun e lirë do të rezultojë me çmime të papërballueshme për bizneset. Sot, fatkeqësisht, po vërtetohet pikërisht ajo për të cilën kemi paralajmëruar.

OEK ka paraqitur edhe disa të dhëna zyrtare, që sipas tyre, bizneset prodhuese të obliguara të furnizohen në tregun e lirë kanë paguar 162 €/MWh në qershor 2025 dhe 203 €/MWh në korrik 2025.

Në të njëjtën periudhë, konsumatorët në furnizim të rregulluar kanë paguar vetëm 65–75 €/MWh.

Ky dallim i pajustifikuar, mbi 3 herë më i lartë për prodhuesit, ka sjellë pasoja të rënda për konkurrueshmërinë e fabrikave tona dhe i ka vendosur prodhuesit kosovarë në pozitë të pabarabartë në raport me sektorët e tjerë të brendshëm dhe konkurrentët rajonalë.

Në kulmin e verës, kur normalisht pritet ulje e çmimeve, faturat e prodhuesve janë rritur në nivele rekord. Kjo ngre alarmin se në periudhën e dimrit, kur konsumi dyfishohet, çmimet mund të kalojnë edhe 300 €/MWh, duke shkaktuar pasoja të pariparueshme si:

mbyllje të fabrikave,

humbje të mijëra vendeve të punës,

rrëzim të prodhimit vendor dhe rritje të varësisë nga importet.

 

 

Continue Reading

Aktualitet

Abdixhiku takohet më diplomatë të Francës, diskutohet edhe bllokada institucionale

Published

on

Kryetari i LDK-së, Lumir Abdixhiku, priti në takim të dërguarin e posaçëm të Francës për Ballkanin Perëndimor, René Troccaz dhe ambasadorin e Francës në Kosovë, Olivier Guérot.

Abdixhiku njoftoi se u diskutua edhe bllokada institucionale.

“Gjatë bisedës sonë diskutuam mbi zhvillimet e fundit politike në vend dhe situatën aktuale, veçanërisht sfidat me të cilat po përballet Kosova nga bllokada institucionale deri te pasojat e qeverisjes populiste si dhe qëndrimet e LDK-së karshi kësaj gjendjeje. Theksova qartë se Lidhja Demokratike e Kosovës nuk mbështet praktika që dëmtojnë funksionimin kushtetues dhe normalitetin institucional të vendit. Ata që e kanë nisur këtë rrugëtim, duhet të marrin përgjegjësinë për krizat që i shkaktojnë me vetëdije”, tha ai.

Në fund, shpreha mirënjohjen time për mbështetjen e vazhdueshme që Franca i ka dhënë Kosovës në të gjitha proceset e saj shtetformuese dhe për rolin e rëndësishëm të saj në mbështetjen e integrimit evropian të vendit tonë”, shkroi në Facebook Abdixhiku.

Continue Reading

Të kërkuara