Lajmet

​Vishaj jep detaje për të infektuarin me Omicron: Ishte i vaksinuar me dy dozat

Vishaj në një prononcim për media ka thënë se aktualisht nuk ka pacientë të shtruar me Omicron.

Published

on

Drejtori i Klinikës Infektive në Qendrën Klinike Universitare të Kosovës (QKUK), Arben Vishaj ka dhënë detaje për të infektuarin me variantin Omicron, për të cilin tha se ka rezultuar pozitiv tri ditë pas ardhjes nga Shtetet e Bashkuara të Amerikës (ShBA), derisa ka bërë të ditur se i njëjti ka qenë i vaksinuar me dy dozat anti-COVID. 

Vishaj në një prononcim për media ka thënë se aktualisht nuk ka pacientë të shtruar me Omicron, por që janë duke u trajtuar katër pacientë me COVID-19. Ndërkohë që ka apeluar të gjithë qytetarët që kanë simptoma të gripit të lajmërohen tek mjeku familjar.

“Më datën 20 të këtij muaji janë diagnostikuar nëntë pacientë me Omicron. Në Klinikën Infektive ka qenë një pacient, i cili ka kërkuar trajtim dhe kolegët nga ambulanca e pranimit e kanë marrë mostrën dhe gjendja e tij ka qenë stabile dhe për këtë arsye pacienti është lëshuar në shtëpi. Ne aktualisht nuk kemi pacientë të hospitalizuar me… variantin Omicron. Dhe, jemi duke i trajtuar katër pacientë, të cilët janë pozitiv me COVID-19”, tha ai derisa shtoi se gjendja e tyre është stabile.

Infektologu Arben Vishaj ka treguar se pacienti ka manifestuar një formë të lehtë të COVID-19, derisa ka shtuar se i njëjti ka marrë dy dozat e vaksinës anti-COVID.

“Aspektet klinike kanë qenë të një aspekti me një formë të lehtë të COVID-19. Ky pacient, tri ditë më përpara ka ardhur nga ShBA, ku edhe punon. Gjendja e tij e përgjithshme ka qenë një simptomatologji e rrugëve të prekjes të frymëmarrjes. Është marrë testi për COVID, të cilin e marrim në mënyrë rutinore, ka rezultuar pas testimit nga Instituti Kombëtar se është pozitiv me Omicron. Përndryshe, sot kemi komunikuar me të, gjendja e tij është stabile… Ka qenë i vaksinuar në ShBA, me dy doza Pfizer. Por, ka manifestuar një formë klinike të lehtë”, tha ai.

Ai ka treguar për simptomat që kanë pasur pacientët e infektuar me Omicron, për të cilat ka thënë se janë pothuajse të njëjta me ato të gripit sezonal.

“Simptomatologjia qoftë e Omicron-it, qoftë e varianteve të tjera është e zakonshme, që fillon me lodhje, me plogështi, me rrjedhje hundësh, me rraskapitje, me vështirësi në frymëmarrje. Pra, është e vështirë që të caktohet se cili tip është. Por, sido që të jetë, çdo qytetarë që ka simptomatologji gripi të lajmërohet te mjeku familjar fillimisht, dhe varësisht nga nevoja Klinika Infektive është e gatshme që të ofrojë shërbime cilësore me qëllim të trajtimit të këtyre pacientëve”, deklaroi ai.

Vishaj ka pohuar se në këtë fazë kanë pasur shumë qytetarë të infektuar nga gripi sezonal, porse ka shtuar se për fat të mirë pacientët nuk kanë pasur nevojë për hospitalizim.

Ndërkohë që ka thënë se si klinikë janë të gatshëm që të ofrojnë shërbime shëndetësore, pa marrë parasysh variantin që vjen. Ai ka thënë se në Klinikën Infektive punëtorët shëndetësorë i janë përgjigjur pozitivisht vaksinimit.

Lajmet

Basha mbyll seancën konstituive, asnjë deputetë serbë nuk merr votat për nënkryetar

Published

on

By

Kuvendi ka dështuar ta zgjedhë nënkryetarin nga komuniteti serb. Asnjëri prej deputetëve që u votua nuk ka marrë shumicën e mjaftueshme dhe rrjedhimisht Kuvendi nuk ka nënkryetarin nga ky komunitet.

Kryetari i Kuvendit të Kosovës, Dimal Basha, ka bërë të ditur se janë ezauruar të gjitha opsionet për zgjedhjen e nënkryetarit të pestë të Kuvendit nga komuniteti serb. Ai theksoi se seanca konstituive e Kuvendit konsiderohet e përmbyllur, ndërsa për hapat e mëtejmë do të vendoset në mbledhjen e ardhshme të Kryesisë së Kuvendit, që do të mbahet të hënën në orën 13:00.

“Janë ezauruar të gjitha opsionet për të zgjedhur nënkryetarin e pestë nga pakica serbe. Kjo seancë konsiderohet e përmbyllur. Se si të veprohet tutje si Kuvend do t’i konsultoj anëtarët e Kryesisë së Kuvendit, mbledhje kjo që do të mbahet të hënën në ora 13:00,” tha Basha.

Pavarësisht disa tentativave të përsëritura në seancat e kaluara, Kuvendi nuk ka arritur të zgjedhë nënkryetarin e mbetur, çka ka vonuar përmbylljen e procesit të konstituimit të plotë të tij. Vendimi për hapat e ardhshëm do të merret pas konsultimeve të brendshme institucionale që do të zhvillohen javën që vjen.

Continue Reading

Lajmet

Murati: Sot është dita vendimtare për konstituimin e Kuvendit të Kosovës

Published

on

By

Ministri në detyrë i Financave, Hekuran Murati, ka deklaruar se dita e sotme është vendimtare për përfundimin e procesit të konstituimit të Kuvendit të Kosovës. Ai ka theksuar se kanë mbetur edhe tre kandidatë të papërfunduar, me gjashtë tentativa të mundshme për zgjedhjen e nënkryetarit të pestë të Kuvendit, që duhet të vijë nga komuniteti jo-shumicë serb.

Në një deklaratë të drejtpërdrejtë, Murati ka qenë i prerë për sa i përket qëndrimit ndaj Listës Serbe, duke përjashtuar çdo mundësi për mbështetje ndaj saj.

“Po besoj që të gjithë e kemi kuptuar që sot është dita vendimtare sa i përket seancës konstituive, do të thotë kanë mbetur edhe tre kandidatë ende ta pa ezauruar me 6 tentativa të mundshme për t’u zgjedhur nënkryetari i 5 që duhet të vijë nga radhët e komunitet jo shumicë serb. Votë për Listën Serbe ne nuk kemi sepse marr parasysh edhe të kaluarën e tyre edhe faktin që ata nuk i njohin institucionet dhe Republikën e Kosovës si dhe përfshirjen e tyre në sulmin terrorist në Banjskë dhe që rrjedhimisht ata vazhdojnë që të jenë të dirigjuar nga kryeterroristi Milan Radoiçiq, Alternativa e vetme për me dalur nga ngërçi dhe për të konstituuar Kuvendin është deputeti Nenad Rashiq”, tha ai.

Continue Reading

Lajmet

Balje: Procesi për nënkryetarin e pestë kërkon vendim nga Gjykata Kushtetuese

Published

on

By

Deputetja e Kuvendit të Kosovës, Duda Balje, ka theksuar se procesi për zgjedhjen e nënkryetarit të pestë të Kuvendit, përfaqësues i komunitetit serb, nuk mund të vazhdojë pa një vendim të qartë nga Gjykata Kushtetuese. Ajo ka ngritur dyshime lidhur me ligjshmërinë e procedurës, duke e vënë në pikëpyetje nëse hedhja e shortit për këtë pozitë është në përputhje me Kushtetutën e Kosovës.

Në lidhje me qëndrimin e shefave të Misioneve të BE-së, të cilët refuzuan të zhvillojnë një takim me kryeministrin në detyrë, Albin Kurti, Balje u shpreh se ata kishin arsye të qarta për këtë veprim dhe se zhvillimet në këtë drejtim do të varen nga vlerësimet e misioneve ndërkombëtare.

Continue Reading

Lajmet

Krasniqi kritikon Kurtin për insistimin në Rashiqin si nënkryetar Kuvendi: Pse po kërkon krizë të re kushtetuese?

Published

on

By

Kryetari i PDK-së, Memli Krasniqi thotë se nuk e kupton insistimin e kryeministrit në detyrë, Albin Kurtit, për të zgjedhur Nenad Rashiqin nënkryetar të Kuvendit nga komuniteti serb.

Sipas Krasniqit, kjo përpjekje është në kundërshtim me Kushtetutën dhe përfaqëson një veprim të rrezikshëm politik që mund të çojë drejt një krize të re institucionale. Ai shtoi se, ndonëse Rashiqi është një figurë pozitive nga komuniteti serb, mënyra e zgjedhjes së tij është problematike.

“Prej ditës së parë kur ka filluar seanca konstituive më 15 prill, kërkesa jonë e vetme ka qenë që çdo veprim duhet me qenë në pajtim me Kushtetutën. Një votim i tillë, i ndarë, nuk është në pajtim me Kushtetutën. Ne nuk mundemi të bëhemi pjesë e lojërave politike, pavarësisht se Nenad Rashiq si person, si figurë politike, është jashtëzakonisht një figurë pozitive nga komuniteti serb, në rrethana të ndryshme do të ishte jashtëzakonisht i mirë. Albin Kurti një entuziazëm të tillë për me e zgjedh Rashiqin s’e ka pasur as për Albulena Haxhiun e as Dimal Bashën. Pse po insiston me e kriju edhe një lëndë në Gjykatën Kushtetuese, unë nuk po e kuptoj. A është qëllimi i tij me e vazhdu krizën, apo me e mbajt pozitën e kryeministrit në mënyrë uzurpatore”, tha tutje Krasniqi.

Krasniqi foli edhe rreth qortimit që Bashkimi Evropian ia ka bërë të enjten kryeministrit në detyrë, Albin Kurtit.

Krasniqi tha se është e dhimbshme se në çfarë niveli është sjellë Kosova.

“Është vazhdim i degradimit të raportove që dikur Kosova ka pasur me aletatët e saj”, tha Krasniqi.

Continue Reading

Të kërkuara