Lajmet

​Tahiri: Shtrenjtimi i rrymës do ta rrisë interesimin e qytetarëve për ta lëshuar Kosovën

Ai ka paralajmëruar edhe ndjekjen e rrugëve ligjore për të kundërshtuar një vendim të tillë.

Published

on

Shefi i Grupit Parlamentar të PDK-së, Abelard Tahiri tha se vendimi i sotëm i Zyrës së Rregullatorit (ZRrE) për shtrenjtimin e energjisë elektrike do ta rrisë kërkesat për të lëshuar Kosovën.

Sipas tij, ka sinkronizim mes qeverisë, LVV-së dhe ZRrE-së për shtrenjtim të energjisë elektrike. Ai ka paralajmëruar edhe ndjekjen e rrugëve ligjore për të kundërshtuar një vendim të tillë.

“Një vendim i cili rëndon jetën e çdo qytetari, kostoja e jetesës po bëhet e papërballueshme për qytetarët. Mos-angazhimi i qeverisë e ka sjell çdo ditë e më shumë dhe po rëndon gjendjen e qytetarëve në Kosovë. Kemi kërkuar në vazhdimësi që të merren masa dhe të shpallet gjendje e jashtëzakonshme dhe këta janë qëndruar të heshtur para kësaj krize. I kemi paralajmëruar dështimin e tyre, por në vazhdimësi kemi parë një mos-përfillje”, tha ai.

Tahiri në konferencën e sotme tha se “Po e shihni që në vendin tonë tashmë kemi një fluks masiv të largimit të njerëzve nga Kosova. Vendimi i sotëm i ZrRE-së për shtrenjtimin e energjisë elektrike veçse do të rrisë kërkesat dhe ambiciet e qytetarëve për ta lëshuar Kosovën”.

Në konferencë për media, ai tha se do të ftojnë një seancë për të votuar një rezolutë për mos-shtrenjtim të energjisë elektrike dhe po ashtu se do të ndjekin edhe rrugët ligjore.

“Duke filluar nga departamenti administrativ i Gjykatës Themelore por edhe Gjykatës Kushtetuese, nëse ka nevojë”, ka shtuar ai.

Lajmet

Lirohet në procedurë të rregullt i dyshuari për shitje të paautorizuar të armëve

Published

on

Policia e Kosovës ka njoftuar se në Skenderaj është arrestuar dhe më pas është liruar në procedurë të rregullt një i dyshuar për import, eksport, furnizim, transportim dhe shitje të paautorizuar të armëve dhe materieve plasëse.

I dyshuari, një mashkull kosovar, është arrestuar të enjten dhe është intervistuar nga autoritetet. Pas intervistimit, dhe në përputhje me vendimin e prokurorit, ai është liruar.

“Është arrestuar i dyshuari mashkull kosovar nën dyshimin se ka kryer veprën penale të lartpërmendur. Lidhur me rastin është njoftuar prokurori dhe, pas intervistimit, me vendim të tij i dyshuari është liruar në procedurë të rregullt”, thuhet në raportin 24-orësh të Policisë së Kosovës.

Continue Reading

Bota

Scholz: Nuk mund ta imagjinojë Netanyahun të arrestohet në Gjermani

Published

on

Kancelari gjerman, Olaf Scholz, ka shprehur se nuk mund ta imagjinonte ekzekutimin e një urdhërarresti kundër kryeministrit izraelit, Benjamin Netanyahu, gjatë një vizite të tij në Gjermani. Kjo deklaratë erdhi pas lëshimit të një urdhërarresti nga Gjykata Ndërkombëtare Penale (ICC) në nëntor, lidhur me veprimet e qeverisë izraelite në Gazë, dhe pas mbërritjes së Netanyahut në Budapest, udhëtimi i tij i parë në Evropë që nga lëshimi i këtij urdhri.

Scholz, gjatë një konference për shtyp në Berlin së bashku me mbretin e Jordanisë, Abdullah II, tha se qeveria gjermane kishte bërë të qartë qëndrimin e saj lidhur me arrestimin e Netanyahut, duke deklaruar: “Nuk mund ta imagjinoj se do të ketë një arrestim në Gjermani.”

Në një ditë kur Hungaria njoftoi planet për t’u tërhequr nga vendimi i ICC-së, ministrja e Jashtme gjermane, Annalena Baerbock, e kritikoi ashpër këtë vendim, duke theksuar se ishte një ditë e keqe për të drejtën penale ndërkombëtare dhe duke kujtuar se në Evropë, askush nuk është mbi ligjin.

Traktati i Romës, që është dokumenti themelues i ICC-së, kërkon që shtetet anëtare të zbatojnë urdhrat e gjykatës. Si anëtare të ICC-së, edhe Hungaria dhe Gjermania janë të detyruara ligjërisht të arrestojnë Netanyahu nëse ai hyn në territorin e tyre. Megjithatë, vendimi i Hungarisë ka ngritur shqetësime dhe diskutime për zbatimin e ligjit ndërkombëtar dhe përgjegjësitë e shteteve anëtare të ICC-së.

Continue Reading

Bota

Çmimi i naftës bie pas tarifave të Trump

Published

on

Çmimet e naftës regjistruan një rënie të ndjeshme më 3 prill 2025, pas masave të reja tregtare të presidentit amerikan, Donald Trump. Rënia e çmimeve është lidhur me shqetësimet e tregjeve financiare për ndikimin që mund të ketë këto tarifa mbi rritjen ekonomike globale dhe kërkesën për naftë.

Çmimi i një fuçie nafte “West Texas Intermediate” (WTI), standardi amerikan, për dërgesë në maj, ra me 5,15%, duke arritur në 68,02 dollarë. Ndërkaq, çmimi i një fuçie nafte “Brent” të Detit të Veriut për dorëzimin e qershorit ra me 4,78%, duke u ulur në 71,37 dollarë.

Përveç pasigurisë nga tarifat e reja të Trump, OPEC-u njoftoi një rritje më të mprehtë të prodhimit të naftës se sa ishte pritur, që gjithashtu ka kontribuar në uljen e çmimeve të naftës.

Continue Reading

Lajmet

Policia gjobit shoferin që drejtoi veturën në anën e kundërt në autostradë

Published

on

Policia e Kosovës ka gjobitur një shofer me 500 euro pasi ai drejtoi veturën e tij në anën e kundërt të autostradës. Incidenti ka ndodhur në Autostradën “Dr. Ibrahim Rugova” dhe është bërë publik më 3 prill 2025 përmes një video-incizimi që u shpërnda në rrjetet sociale.

Shoferi ka marrë gjithashtu pesë pikë negative dhe i është ndaluar drejtimi i automjetit për një periudhë prej dymbëdhjetë muajsh. Mjeti është larguar nga trafiku përmes një kompanie të autorizuar për tërheqje. Policia, përmes një njoftimi, ka bërë të ditur se njësia për Kontroll të Autostradave në bashkëpunim me njësinë kufitare ka identifikuar dhe ndaluar shoferin që kryente shkeljen e rrezikshme në autostradë.

Continue Reading

Të kërkuara