

Lajmet
OPEC rishikon rritjen e kërkesës botërore për naftë më 2022 e 2023
Kërkesa për naftë në OECD do të rritet me rreth 1.3 milionë fuçi në ditë këtë vit
Published
3 years agoon
By
Betim GashiOrganizata e Vendeve Eksportuese të Naftës (OPEC) rishikoi të hënën rritjen e kërkesës globale për naftë me 0.1 milionë fuçi në ditë (bpd) për 2022 dhe 2023, respektivisht, dhe vlerësoi se kërkesa do të rritet me 2.5 milionë dhe 2.2 milionë bpd, respektivisht, në 2022 dhe 2023.
Sipas raportit më të fundit mujor të OPEC-ut për tregun e naftës, kërkesa për naftë në OECD do të rritet me rreth 1.3 milionë fuçi në ditë këtë vit, ashtu si kërkesa në vendet jo anëtare të OECD-së me 1.3 milionë fuçi në ditë.
Kërkesa në OECD pritet të rritet me 0.3 milionë fuçi në ditë vitin e ardhshëm, ndërsa kërkesa në vendet jo-OECD pritet të rritet me 1.9 milionë fuçi në ditë.
Tremujori i dytë i këtij viti u rishikua për shkak të kërkesës më të lartë se sa pritej për naftë në vendet kryesore konsumuese të OECD. Megjithatë, për shkak të politikës “zero COVID-19” të Kinës, pasigurive të vazhdueshme gjeopolitike dhe aktivitetit më të dobët ekonomik, kërkesa për naftë në tremujorin e tretë dhe të katërt është rishikuar në rënie.
Raporti tha se rritja e kërkesës për naftë vitin e ardhshëm parashikohet të sfidohet nga pasiguritë e aktivitetit ekonomik, masat e kontrollit të COVID-19 dhe zhvillimet gjeopolitike.
Kërkesa totale për naftë tani parashikohet të jetë mesatarisht 99.6 milion bpd në 2022 dhe 101.8 milion bpd në 2023.
Oferta globale e naftës në tetor u rrit me rreth 0.7 milionë fuçi në ditë krahasuar me muajin e kaluar, mesatarisht 101.5 milionë fuçi në ditë.
Prodhimi i naftës së papërpunuar të OPEC-ut ishte mesatarisht 29.49 milionë fuçi në ditë në tetor, një rënie nga muaji në muaj prej rreth 210.000 fuçi në ditë. Gjatë kësaj periudhe, prodhimi i naftës bruto në OPEC u rrit më së shumti në Nigeri dhe Irak, ndërsa prodhimi në Arabinë Saudite dhe Angola ra.
Pesha e naftës së papërpunuar të OPEC-ut në totalin e prodhimit global u ul me 0.4 pikë përqindjeje në 29.1% në tetor krahasuar me muajin e kaluar./AA
Aktualitet
Në Podujevë për herë të parë Shërbimi i Hemodializës
Published
30 seconds agoon
August 8, 2025By
UBT News
Podujeva për herë të parë bëhet me Shërbim të Hemodializës, ku në solemnitetin e organizuar me këtë rast, u vlerësua se ky shërbim zgjidh problemin e pacientëve të kësaj ane, të cilët deri më tani për shërbim të hemodializës udhëtonin kryesisht në Prishtinë.
Në këtë ngjarje morën pjesë edhe kryeministri në detyrë Albin Kurti dhe ministri në detyrë i Shëndetësisë Arben Vitia.
Shërbimi i Hemodializës është një procedurë mjekësore që përdoret për të trajtuar pacientët me dështim të veshkave (insuficiencë renale), veçanërisht kur veshkat nuk janë më në gjendje të kryejnë funksionin e tyre normal të pastrimit të gjakut.
Hemodializa është një trajtim që përdor një makinë speciale (dializator) për të pastruar gjakun nga toksinat dhe mbetjet që grumbullohen në trup; larguar lëngjet e tepërta; rregulluar nivelet e elektroliteve si natriumi, kaliumi, kalciumi, etj.
Gjatë seancës, gjaku i pacientit nxirret nga trupi, kalon përmes dializatorit ku pastrohet dhe kthehet sërish në trup.
Absolventiada
Prokuroria propozon dëbimin e Popoviqit për dy vjet nga Kosova
Published
5 minutes agoon
August 8, 2025By
UBT News
Prokuroria Speciale e Republikës së Kosovës ka propozuar që i akuzuari Igor Popoviq të dënohet me gjobë prej 3 mijë eurosh dhe dëbim prej 2 vitesh nga Kosova, pas arritjes së marrëveshjes për pranimin e fajësisë mes të dy palëve.
Sipas aktakuzës, Popoviq ka mbajtur një fjalim publik në Rahovec me përmbajtje që, sipas Prokurorisë, nxitte urrejtje dhe përçarje ndëretnike më 18 korrik 2025 rreth mesditës. Gjatë fjalës së tij, ai ka bërë deklarata që cilësohen si nxitëse ndaj grupeve etnike.
Për këtë masë u pajtua edhe vetë i akuzuari Popoviq dhe mbrojtja e tij.
Prokurorja e rastit, Fikrie Zejnullahu tha se nga marrëveshja, rezulton që gjykatës t’i propozohet shqiptimi i njëjtit dënim, sipas marrëveshjes, për veprën penale për të cilën akuzohet, gjashtë muaj burgim, i cili të zëvendësohet me gjobë në shumën prej 3 mijë eurosh.
Ajo i propozoi gjykatës që në të njëjtën kohë, të shqiptohet edhe dënimi plotësues – dëbimi nga territori i Kosovës për një afat prej dy vitesh, për çka palët janë pajtuar.
“Aktakuzës i është bashkangjit marrëveshja për pranimin e fajësisë. Kjo marrëveshje është e lidhur në përputhje të plotë me dispozitat penale për këto arsye qenësore. Në radhë të parë i akuzuari Igor Popoviq mjaftueshëm është konsultuar me mbrojtësit e tij që nga fillimi i procedurës penale dhe se ky pranim është në përputhje të plotë me të gjitha provat me të cilat është arsyetuar aktakuza. Kjo marrëveshje i përmbushë të gjitha kriteret qe të pranohet nga gjykata. Nga marrëveshja rezulton që Gjykatës i propozojmë që t’i shqiptojë po të njëjtit dënim sipas marrëveshjes që për veprën penale që akuzohet të gjykohet me gjashtë muaj burgim i cili dënim t’i zëvendësohet me dënim me gjobe në lartësi prej 3 mijë euro. Në të njëjtën kohe t’i shqiptohet dënimi i plotësuar dëbimi nga shteti i Kosovës në afat prej dy vitesh, për cka edhe jemi pajtuar”, tha Zejnullahu.
Gjyqtari Kujtim Krasniqi bëri të ditur se sot të bëhet shpallja e aktgjykimit në orën 14:00.
Prokuroria Speciale e Republikës së Kosovës ka ngritur aktakuzë ndaj Igor Popoviq, ndihmësdrejtor në të ashtuquajturën Zyrë për Kosovën në Qeverinë e Serbisë, i cili u arrestua muajin e kaluar nga Policia e Kosovës.
I akuzuari ka pranuar fajësinë për veprën penale për të cilën akuzohet.
Bota
Qeveria izraelite miraton planin për marrjen nën kontroll të gjithë qytetit të Gazës
Published
21 minutes agoon
August 8, 2025By
UBT News
Situata e luftës në Gazë pritet të mbetet e përkeqësuar, pasi qeveria izraelite miratoi të premten një plan për ta marrë tërësisht nën kontroll zonën palestineze.
“Ushtria izraelite do të përgatitet të marrë nën kontroll Qytetin e Gazës, duke i ofruar ndihmë humanitare popullatës civile jashtë zonave të luftës,” njoftoi zyra e kryeministrit izraelit Benjamin Netanyahu.
Vendimi erdhi pavarësisht thirrjeve ndërkombëtare se luftës midis Izraelit dhe Hamasit duhet t’i vijë fundi, ndërkohë që shumë qytetarë në Izrael janë ngritur në protesta, pasi kanë frikë se çfarë do të ndodhë me pengjet që Hamasi mban prej 22 muajsh, që kur nisi konflikti më 7 tetor 2023.
Qeveria izraelite ka miratuar këto kushte për t’i dhënë fund luftës:
Hamasi të çarmatoset;Të gjitha pengjet duhet të kthehen, qofshin gjallë apo të vdekur;Rripi i Gazës duhet të çmilitarizohet;Siguria në Rripin e Gazës duhet të kontrollohet nga pala izraelite;Duhet formuar një qeveri civile alternative, e cila nuk është nën drejtimin e Hamasit apo Autoritetit Palestinez.
Francesca Albanese, raportuesja speciale e OKB-së për Territoret e Pushtuara Palestineze, deklaroi më parë se njoftimi i kryeministrit Netanjahu për Gazën “është po aq shokues sa lufta që i paraprin atij.”
“Kjo tregon dëshpërimin e kryeministrit izraelit,” tha ajo në një intervistë për kanalin televiziv BBC News, duke shtuar se kryeministri Netanjahu vazhdon të shkelë ligjet ndërkombëtare, siç ka gjykuar edhe Gjykata Ndërkombëtare e Drejtësisë për sa i përket futjes së ushtrisë izraelite në territoret palestineze.
Ofensiva ushtarake izraelite raportohet se ka lënë të vrarë mbi 61 mijë palestinezë në gati dy vite luftë. 42 qytetarë të Gazës u vranë të enjten, një pjesë e tyre duke pritur ndihmat për t’u lehtësuar nga kriza e urisë që ka pllakosur vendin.
Aktualitet
Arrestohen dy shtetas të Shqipërisë për falsifikim parash
Published
23 minutes agoon
August 8, 2025By
UBT News
Dy shtetas të Shqipërisë janë arrestuar nën dyshimin e falsifikimit të parave.
Ankuesi mashkull kosovar raportoi se dy persona të dyshuar me targa të Shqipërisë u furnizuan me derivate duke paguar me kartëmonedhë 10 euro që dyshohet se ishte falsifikuar.
Policia e Kosovës gjatë kontrollit të veturës ka gjetur 820 euro në kartëmonedha 10 euro që dyshohet të jenë falsifikuar.
Një nga të dyshuarit është liruar pas intervistimit, teksa tjetri është dërguar në mbajtje me vendim të prokurorit.

Në Podujevë për herë të parë Shërbimi i Hemodializës

Prokuroria propozon dëbimin e Popoviqit për dy vjet nga Kosova

Qeveria izraelite miraton planin për marrjen nën kontroll të gjithë qytetit të Gazës

Arrestohen dy shtetas të Shqipërisë për falsifikim parash

Ronaldo mohon ndikimin në transferimin e Joao Felix te Al-Nassr

Ish-bashkëshorti i Kelly Clarkson ndërroi jetë në moshën 48-vjeçe

Bëni kujdes nga patatet e skuqura, rrezikojnë kaq shumë shëndetin tuaj

Matthew McConaughey humbi rolin e Jack në ‘Titanic’, refuzoi kërkesën e thjeshtë të regjisorit

Arsenali i futet garës për objektivin e madh të Interit
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit