Lajmet

OPEC mund të kompensojë reduktimin e prodhimit të naftës nga Rusia

Moska mund të pajtohet për kompensim, por vendimi mund të mos miratohet në takimin e së enjtes.

Published

3 years ago

June 2, 2022

Betim Gashi

Arabia Saudite dhe anëtarët e tjerë të Organizatës së Vendeve Eksportuese të Naftës (OPEC) mund të kompensojnë prodhimin e reduktuar rus nën ndikimin e sanksioneve të vendosura nga Perëndimi ndaj Rusisë për shkak të pushtimit të saj në Ukrainë, thanë dy burime të enjten.

Moska mund të pajtohet për kompensim, por vendimi mund të mos miratohet në takimin e së enjtes dhe prodhimi i humbur rus mund të mos kompensohet plotësisht, tha një burim në OPEC +, i njohur me pozicionin e Rusisë.

“Në fund, një marrëveshje kompensimi mund të arrihet”, por ndoshta jo në takimin e së enjtes, tha ai.

Një burim nga vendi në Gjirin Persik, anëtar i OPEC +, tha se ishte “shumë e mundur” që ai të miratohej në një takim që fillon pasdite.

Rusia nuk e përmbushi kuotën e saj në prill, duke prodhuar rreth 9.3 milionë fuçi në ditë, rreth një milion fuçi në ditë më pak se sa ishte planifikuar.

Disa vlerësime sugjerojnë se prodhimi dhe eksportet ruse mund të reduktohen me dy deri në tre milionë fuçi në ditë për shkak të sanksioneve.

Financial Times raportoi të mërkurën, duke cituar burime, se Arabia Saudite është e gatshme të rrisë prodhimin e naftës nëse mbërrijnë dukshëm më pak fuçi nga Rusia.

Kapaciteti i papërdorur i OPEC-ut nuk është shumë i madh dhe sipas disa vlerësimeve nuk arrin në dy milionë fuçi në ditë.

“Në të vërtetë nuk ka asnjë tepricë të naftës në treg që mund të zëvendësojë humbjen e mundshme të fuçive ruse”, tha analisti i SEB, Bjarne Schieldrop.

Lajmet

Osmani krah Zelenskyt në Kopenhagë: Siguria e Evropës është e ndërlidhur ngushtë me sigurinë e Ballkanit Perëndimor

Published

56 minutes ago

October 3, 2025

UBTnews

Presidentja e Kosovës, Vjosa Osmani po merr pjesë në Samitin e Liderëve të EPC-së në Kopenhagë.

Përmes një postimi në Facebook, Osmani ulur afër presidentit ukrainas, Zelensky thotë se ka theksuar rëndësinë e sigurisë së Ballkanit Perëndimor për Evropën.

Osmani tha se Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë.

“Në Samitin e Liderëve të EPC-së në Kopenhagë, në tryezën me liderë evropianë të fokusuar në temën e sigurisë, theksova se siguria e Evropës është e ndërlidhur ngushtë me sigurinë e Ballkanit Perëndimor.Prandaj, Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë“, ka shkruar Osmani./D.B/KP

Lajmet

Shpaloset lista e Shqipërisë për ballafaqim me Serbinë

Published

1 hour ago

October 3, 2025

UBT News

Kombëtarja shqiptare do të rikthehet në aksion për ndeshjen e radhës kualifikuese të Kupës së Botës 2026 ndaj Serbisë dhe për sfidën miqësore ndaj Jordanisë.

Grumbullimi zyrtar do të nisë më 6 tetor, ndërsa shpallja e listës së lojtarëve të grumbulluar nga trajneri Sylvinho është programuar për ditën e sotme.

Gjithashtu sot në orën 11:00, do të mbahet edhe konferenca për shtyp e trajnerit në ambientet e “Shtëpisë së Futbollit”.

Seanca e parë stërvitore e Kombëtares do të zhvillohet më 6 tetor.

Ndeshja Serbi-Shqipëri do të luhet më 11 tetor, në stadiumin “Gradski stadion Dubočica” në Leskovac, në orën 20:45.

Ndërsa, miqësorja Shqipëri-Jordani do të zhvillohet më 14 tetor, në stadiumin “Air Albania”, në orën 19:00./S.K/KP/

Lajmet

Shaqiri shkëlqen në fitoren e Baselit ndaj Stuttgartit

Published

1 hour ago

October 3, 2025

UBT News

FC Basel ka marrë fitoren e parë këtë sezon në fazën e grupeve të Europa League, duke mposhtur Stuttgartin me rezultat 2-0.

Albian Ajeti zhbllokoi ndeshjen që në minutën e tretë pas një gabimi në mbrojtjen gjermane. Stuttgart pati mundësinë të barazonte me penallti në minutën e 35-të, por Marwin Hitz priti goditjen e Ermedin Demirović.

Në pjesën e dytë, Xherdan Shaqiri vulosi fitoren e zviceranëve me një gol nga afërsia, duke i dhënë fund serisë prej tre ndeshjesh pa fitore të Baselit në Evropë.

Stuttgart humbi pas tri fitoreve radhazi dhe në ndeshjen e ardhshme do të udhëtojë në Stamboll për t’u përballur me Fenerbahçen./S.K/KP/

Lajmet

Zhduket një person në Suharekë, Policia: Doli nga shtëpia me 1 tetor 25

Published

2 hours ago

October 3, 2025

UBTnews

Zhduket një person në Suharekë. Sipas raportit të policisë, viktima mashkull ka dalë nga shtëpia dhe nuk dihet për vendndodhjen.

“Është raportuar se viktima mashkull kosovar ka dalë nga shtëpia dhe nuk dihet për vendndodhjen e saj. Rasti nën hetime”, thuhet në raportin 24 orësh të Policisë së Kosovës./D.B/KP