

Aktualitet
Kuvendi i Maqedonisë në seancë për ndryshime kushtetuese
Për miratimin e nevojës për ndryshimet kushtetuese nevojiten 80 deputetë.
Published
2 years agoon
By
Betim GashiKuvendi i Maqedonisë së Veriut me 70 vota “për” dhe 47 “kundër” dhe pa asnjë të përmbajtur, votoi rendin e ditës për seancën e sotme, në të cilën ka vetëm një pikë në rendin e ditës, respektivisht Propozimi për qasje deri te ndryshimet kushtetuese, me të cilën parashihet futja e bullgarëve, malazezëve, kroatëve dhe hebrenjve në Preambulën e Kushtetutës.
Për miratimin e nevojës për ndryshimet kushtetuese nevojiten 80 deputetë.
Kreu i Kuvendit, Talat Xhaferi në nisje sqaroi procedurat e debatit dhe nxori menjëherë në votim rendin e ditës.
“Rendin e propozuar të ditës e vë në votim. Ju bëj thirrje të votojmë……….Gjithsej votuan 117 deputetë, për votuan 70 deputetë, kundër 47 deputetë. Nuk ka të përmbajtur. Konstatoj se u miratua rendi i propozuar i ditës”.
Votimi i vetëm 70 e jo 80 deputetëve për rendin e ditës entuziazmoi opozitën maqedonase.
Ndërkohë në një fjalim para deputetëve kryeministri Dimitar Kovaçevski tha se që nga pavarësia e shtetit fokusi i Maqedonisë së Veriut ka qenë gjithmonë eurointegrimi.
“Propozimi për plotësimin e Kushtetutës ka një relacion dhe motiv të vetëm, që është anëtarësimi në BE. Kjo kërkohet dhe pritet nga shumica e qytetarëve në vend. As më shumë e as më pak. Propozimi është i joni, maqedonas. Propozimi është i bazuar në propozimin e BE-së dhe marrëveshjen e vitit 2022, me të cilin shteti pas pritjes shumëvjeçare përfundimisht hapi negociatat për anëtarësim. Propozimi është shkruar këtu në Shkup. Propozimi debatohet në Kuvendin tonë dhe për këtë arsye me përgjegjësi të plotë i hedh poshtë tezat e rreme dhe të pavërteta se ekziston diktat nga dikush për çfarëdo qoftë. Ekziston vetëm mundësia e tanishme, e jona dhe historike”.
Kryeministri Kovaçevski tha se kjo është dita kur duket qartë kush ia do të mirën e vendit e kush jo.
Eurodeputeti Ilhan Qyçyk, i cili është edhe raportues për Maqedoninë në Parlamentin Evropian, para fillimit të seancës plenare kushtuar nevojës për hapjen e Kushtetutës, tha se bashkimi në vend është i domosdoshëm për procesin e ndryshimeve kushtetuese. Sipas tij, ndryshimet nuk janë nën diktat bullgar, por tashmë janë detyrime evropiane.
“Së pari, nuk do të ketë asnjë ndryshim në qëndrimin e BE-së – nuk ka dëshirë as Komisioni Evropian dhe as Këshilli të angazhohen për ndryshimin e rregullave disa muaj para zgjedhjeve evropiane. Rregullat janë të tilla, janë të dakorduara dhe të gjithë duhet t’i respektojnë. Së dyti – nuk do të ketë ofertë më të mirë, sepse kjo është më e mira”, deklaroi ai.
Në një intervistë për radion bullgare, Qyçyk shtoi se zgjedhja është unike për politikanët maqedonas.
“Nëse VMRO-DPMNE nuk dëshiron të jetë në anën e evropianizimit të Republikës së Maqedonisë së Veriut, përgjegjësia do të jetë e partisë, por fatkeqësisht kjo do ta ndalë rrugën e Maqedonisë së Veriut drejt BE-së në një kohë jo shumë të shkurtër”, deklaroi ai.
Kyçyk shtoi gjithashtu se ka shumë gjasa që Maqedonia të shkëputet nga pakoja me Shqipërinë në rrugën drejt BE-së. Që kjo të mos ndodhë, Shkupi duhet të përfundojë procesin e ndryshimeve kushtetuese brenda afateve të shprehura.
Ndryshe, sipas procedurave, kjo e sotmja është vetëm faza e parë nga tre të parapara për ndryshimin e Kushtetutës. Seanca për nevojën e hapjes së Kushtetutës mund të zgjasë maksimumi dhjetë ditë pune. Nëse arrihet shumicë prej dy të tretash, atëherë kalon në fazën e dytë. Pastaj Qeveria duhet të përgatisë tekstin e draft-amendamenteve dhe të dorëzojë arsyetim. Pas kësaj, është planifikuar që teksti të prezantohet në seancë publike, e cila nuk duhet të jetë më e gjatë se 30 ditë. Pasi të përcaktohet draft teksti përfundimtar i amendamenteve, ai do të votohet sërish në seancë plenare, por për këtë do të nevojiten 61 vota. Më pas do të pasonte faza e fundit, e tretë e procesit të ndryshimeve kushtetuese dhe vendimi përfundimtar për ndryshimin e aktit më të lartë juridik – Kushtetuta, sërish sillet me shumicë prej dy të tretave të numrit të përgjithshëm të deputetëve, pra me të paktën 80 vota. I gjithë procesi mund të përfundojë në tre muaj e gjysmë dhe të përkojë me përfundimin e fazës së shqyrtimit në fillim të dhjetorit, gjë që shpreson qeveria. Por, autoritetet njoftuan se në rast se nuk do të kenë shumicë prej dy të tretash, do të bindin deputetët e opozitës deri në përfundim të mandatit të përbërjes aktuale parlamentare, pra deri në qershor të vitit të ardhshëm./RTV 21-Alsat.mk/
Aktualitet
Sot mot i vranët dhe me reshje shiu në gjithë vendin
Published
2 hours agoon
October 8, 2025By
UBT News
Instituti Hidrometeorologjik i Kosovës ka njoftuar se gjatë ditës së sotme do të mbajë mot kryesisht i vranët, i shoqëruar me reshje shiu në shumicën e rajoneve të vendit.
Sipas parashikimit, temperaturat minimale do të luhaten ndërmjet 4 dhe 8 gradë Celsius, ndërsa maksimalet pritet të arrijnë deri në 10 gradë Celsius.
Kushtet e lagështa pritet të mbeten të pranishme edhe gjatë pjesës së dytë të ditës, ndërsa era e lehtë nga veriperëndimi do të ndikojë në ndjesinë e freskët të motit. /A.Z/UBT News/
Lajmet nga UBT
UBT ofron 20 për qind bursë për programin Master në E Drejta Komerciale për punonjësit e institucioneve të drejtësisë
Published
23 hours agoon
October 7, 2025By
Driton Iseni
UBT po ofron një mundësi të veçantë për profesionistët dhe punonjësit e institucioneve të drejtësisë në Kosovë. Me bursën prej 20 për qind në programin Master (LLM) në E Drejta Komerciale -Tregtare, të gjithë zyrtarët dhe profesionistët e fushës së drejtësisë kanë mundësinë të thellojnë njohuritë e tyre akademike, të zhvillojnë aftësi praktike dhe të përfitojnë nga një program modern dhe multidisiplinar që adreson sfidat komplekse të së drejtës tregtare dhe menaxhimit ligjor.
Ky program synon të zhvillojë ekspertizën e studentëve në aspekte të avancuara të së drejtës tregtare, duke u fokusuar në interpretimin kritik të strukturave dhe parimeve të shoqërive tregtare, kuadrit ligjor kombëtar dhe ndërkombëtar, si dhe menaxhimin e proceseve gjyqësore dhe kontraktuale në një mjedis biznesi gjithnjë më kompleks dhe global.
Objektivat kryesore të programit LLM në E Drejta Komerciale:
- Zhvillimi i njohurive të thelluara në të drejtën tregtare: Studentët do të mësojnë interpretimin kritik të shoqërive tregtare, qeverisjen dhe shpërbërjen e tyre.
- Përvetësimi i metodologjive kërkimore të avancuara: Programi ofron aftësi për të kryer kërkime shkencore dhe analizuar të dhëna ligjore në mënyrë kritike.
- Kuptimi i thelluar i së drejtës së kontratave afariste: Analizimi i krijimit, ekzekutimit dhe shkeljes së kontratave tregtare.
- Krahasimi i kuadrove ligjore kombëtare dhe ndërkombëtare: Njohuri mbi pronësinë intelektuale, financat dhe bankat, konkurencën, falimentimin dhe arbitrazhin tregtar në kontekstin evropian dhe global.
- Menaxhimi kreativ i të drejtave të pronësisë intelektuale: Zhvillimi i zgjidhjeve për patentat, markat, të drejtat e autorit dhe sekretet tregtare.
- Analiza e të drejtave të shoqërive tregtare dhe të ligjeve afariste: Kuptim i avancuar mbi etikën e biznesit, kontratat tregtare dhe tregun e brendshëm të BE-së.
- Zgjidhja e problemeve në qeverisjen korporative dhe përgjegjësinë sociale: Trajtim i çështjeve komplekse të qeverisjes dhe ndikimi i tyre në performancën e biznesit.
Përfitimet për studentët:
- Njohuri të avancuara në struktura ligjore dhe procedura gjyqësore.
- Aftësi për të menaxhuar ekipe në simulime të proceseve gjyqësore tregtare.
- Ekspertizë në hartimin e kontratave tregtare dhe analizimin kritik të fenomeneve dhe tendencave ligjore.
- Gatishmëri për të zhvilluar projekte kërkimore dhe analiza në fushën e së drejtës tregtare.
Programi LLM në E Drejta Komerciale i UBT-së është ndërtuar sipas standardeve ndërkombëtare dhe ofron mundësi specializimi në fusha të tilla si:
- E-drejtësia dhe transaksionet E-Commerce
- Qeverisja e korporatave dhe përgjegjësia sociale
- Të drejtat digjitale dhe privatësia
- Etika në biznes
- Tregu i brendshëm i BE-së dhe konkurrenca
Me laboratorë modernë, staf akademik me përvojë ndërkombëtare dhe mundësi mobiliteti në universitete partnere, UBT siguron një eksperiencë akademike dhe profesionale të plotë.
Ligjëratat do të zhvillohen me orar fleksibël, duke u përshtatur me nevojat e profesionistëve që tashmë janë aktivë në tregun e punës.
Misioni i programit: Të edukojë profesionistë të kualifikuar dhe etikë, të pajisur me njohuri të avancuara në drejtësinë komerciale, duke kontribuar në forcimin e sundimit të ligjit dhe zhvillimin e qëndrueshëm në Kosovë dhe rajon.
APLIKO TANI ONLINE dhe përfito nga bursa 20 për qind për punonjësit e institucioneve të drejtësisë për të qenë pjesë e këtij programi inovativ dhe avancuar në E Drejta Komerciale.
Rajoni
Profesoresha e UBT-së, Dr. Blertë Zylfiu – Latifi publikon punim shkencor në revistën ndërkombëtare Journal of Stomatology
Published
24 hours agoon
October 7, 2025By
Driton Iseni
Profesoresha e Fakultetit të Stomatologjisë në UBT, Dr. Blertë Zylfiu – Latifi, ka publikuar punimin shkencor me titull “Kosovar Dentists’ Knowledge on Oral Cancer” në revistën ndërkombëtare Journal of Stomatology (Poloni). Artikulli është botuar në vëllimin 78, numrin 3 të vitit 2025 dhe është i qasshëm në format Open Access përmes DOI.
Ky studim ka për qëllim të vlerësojë nivelin e njohurive të dentistëve kosovarë për kancerin oral, duke u fokusuar në njohuritë diagnostike, faktorët e rrezikut dhe aftësitë për identifikimin e lezioneve të hershme. Hulumtimi është zhvilluar me 147 dentistë të përfshirë në programet e specializimit në Qendrën Klinike Stomatologjike Universitare të Kosovës (QKSUK), dhe ka arritur një përgjigje prej 93.19% nga pjesëmarrësit.
Rezultatet tregojnë se dentistët specializantë në Kosovë kanë një nivel mesatarisht të kënaqshëm të njohurive mbi diagnostikimin e kancerit oral, ndërsa vërehet nevoja për arsimim të vazhdueshëm dhe trajnime profesionale në këtë fushë. Studimi thekson rëndësinë e edukimit të dentistëve në parandalimin dhe zbulimin e hershëm të kancerit oral, si pjesë e përpjekjeve për të përmirësuar kujdesin shëndetësor oral në vend.
Punimi është realizuar në bashkëpunim me Dr. Olsa Alku – Latifi, ndërsa është miratuar nga Oda e Stomatologëve të Kosovës (Ref. Nr. 12, 25.05.2021) në përputhje me Deklaratën e Helsinkit.
Ky publikim përbën një tjetër arritje të rëndësishme për UBT-në, duke dëshmuar angazhimin e stafit akademik në kërkimet shkencore me ndikim ndërkombëtar dhe në përmirësimin e praktikave klinike në stomatologji.
Lajmet
UBT përfaqësohet me sukses në Konferencën Ndërkombëtare të Pedodontisë në Turqi
Published
2 days agoon
October 6, 2025By
Driton Iseni
Prof. Dr. Aida Rexhepi dhe Ligj. Aferdita Gashi nga Katedra e Pedodoncisë dhe Stomatologjisë Preventive të Fakultetit të Stomatologjisë përfaqësuan UBT-në në Konferencën Ndërkombëtare të Pedodontisë në Antalia të Turqisë.
Me një prezantim të studimit të tyre shkencor mbi prevalencën e hipomineralizimit të molarit dhe incizivit te fëmijët e moshës 8-11 vjeç, përfaqësueset e UBT-së treguan ekspertizën e institucionit në hulumtime të avancuara në shëndetin oral dhe stomatologjinë pediatrike.
Konferenca u zhvillua në Antalia të Turqisë, më 4-7 tetor 2025, nën ombrellën e Shoqatës së Pedodonteve të Turqisë. Ky aktivitet ofroi një platformë ndërkombëtare për shkëmbimin e njohurive, diskutimin e metodave më të fundit në stomatologji pediatrike dhe prezantimin e rezultateve të studimeve shkencore nga specialistë të fushës.

Më 11 tetor përfundon afati i votimit me postë nga jashtë Kosovës

Dështon të mbahet seanca ndaj Faruk Mujkës dhe Hysen Muzliukajt

Policia shqipton mbi 2 mijë e 500 gjoba trafiku brenda 24 orëve të fundit

Taylor Swift befason fansat, refuzon ftesën për Super Bowl

A ndihmon sauna në lënien e duhanit? Ja çfarë tregojnë studimet

Tirana vallëzon në sheshin ‘Skënderbej’, performancë nga International Dance Festival

FFK: Sot është ditë e veçantë për Kosovën
Përleshen tetë të mitur në Prizren, tre në spital, dy në mbajtje

Nën ndikim të alkoolit një person sulmon zyrtarët policorë në Prishtinë
Të kërkuara
-
Lajmet nga UBT1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni3 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi1 month ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën