Sport

​Këta janë 10 lojtarët që dështuan nën urdhrat e Pep Guardiolës

Një prej tyre është Zlatan Ibrahimovic.

Published

on

Pep Guardiola do të mbetet gjithmonë si një nga figurat më me ndikim në historinë e futbollit, dhe ndoshta trajneri më i madh i lojës ndonjëherë për disa.

Një trajner që ka revolucionarizuar skuadrat kudo që ka qenë dhe padyshim që shkëlqimi i Guardiolës nuk mund të nënvlerësohet.

Ai e kupton lojën si shumë pak të tjerë dhe është shumë i aftë ta përkthejë këtë mirëkuptim në rezultate në fushë.

Duke filluar karrierën e tij si trajner me Barcelonën B në vitin 2007, ai i çoi ata në titullin e Tercera Division në sezonin e tij të parë dhe të vetëm në krye, përpara se t’i jepej puna në ekipin e parë një vit më vonë.

Ajo që pasoi ishte katër vite futboll revolucionar, duke e vendosur Barcelonën si klubin më dominues në botë me një stil të lojës së pasimeve që ishte mjaft i mirë për të shkatërruar çdo kundërshtar, dhe duke zhvilluar disa nga lojtarët më të mëdhenj për të luajtur lojën.

Që atëherë, ai ka shtuar në koleksionin e tij të trofeve dhe ka vazhduar më tej trashëgiminë e tij me Bayern Munich dhe aktualisht Manchester Cityn, ky këtë të fundit e ka bërë pjesë në skuadrat më të mira momentalisht në Evropë.

Por, në karrierën e tij të suksesshme, Guardiola ka arritur të bëjë edhe lojtarë të fortë, ndërsa disa prej tyre nuk e kishin këtë mundësi.

Lojtarë të ndryshëm dhe emrat të njohur kanë arritur të dështojnë nën urdhrat e trajnerit spanjoll, dhe “GiveMeSport” ka listuar 10 prej tyre që nuk kanë arritur të bindin me paraqitjet e tyre.

1.Claudio Bravo (Manchester City)

2.Mario Gotze (Bayern Munich)

3. Alexander Hleb (Barcelona)

4. Yaya Toure (Barcelona)

5. Martin Caceres (Barcelona)

6. Ferran Torres (Manchester City)

7. Nolito (Manchester City)

8. Zlatan Ibrahimovic (Barcelona)

9. Danilo (Manchester City)

10. Douglas Costa (Bayern Munich)

Lajmet

​Mbappe i gatshëm të shkëlqejë edhe me Francën

Published

on

Kapiteni i Francës, Kylian Mbappe, ka deklaruar se ndihet më i relaksuar dhe plotësisht i përshtatur me jetën në Madrid, ndërsa është gati të ndihmojë përfaqësuesen franceze në ndeshjet kualifikuese për Kupën e Botës.

Në një konferencë për shtyp të mbajtur në “Parc des Princes”, ylli i Real Madridit tha se është në formë të mirë dhe se problemi i vogël në kyçin e këmbës së djathtë tashmë ka kaluar.

“Trajneri dëshiron që unë të luaj. Nuk mendoj se do të ketë ndonjë problem të madh,” tha Mbappe.

Sulmuesi francez shtoi se ambientimi në kryeqytetin spanjoll e ka ndihmuar të gjejë qetësinë dhe ekuilibrin që kërkonte.

“Kam pasur vite më të ndërlikuara, por në Madrid jam përshtatur mirë. Nuk është një kritikë ndaj Francës, por është e vërtetë që jam më i qetë atje. Stili i jetës është më pak kaotik se në Paris,” tha Mbappe.

Deschamps ndërkohë paralajmëroi skuadrën e tij të mos e nënvlerësojë Azerbajxhanin, kundërshtarin e radhës në “Parc des Princes”.

“Sigurisht që nuk janë ndër ekipet më të mira evropiane, por vijnë nga një barazim kundër Ukrainës. Shtatë nga lojtarët e tyre luajnë për Qarabag-un, që ka fituar dy ndeshjet e para në Ligën e Kampionëve,” theksoi ai.

Franca kryeson grupin e saj me dy fitore nga dy ndeshje dhe do të përballet me Azerbajxhanin në Paris, përpara se të udhëtojë drejt Islandës tri ditë më vonë./S.K/KP/

Continue Reading

Lajmet

Kosova sonte synon fitore ndaj Sllovenisë

Published

on

Kombëtarja e Kosovës sonte do të përballet me Slloveninë në kuadër të ndeshjeve kualifikuese për Kupën e Botës 2026.

“Dardanët” janë nikoqir të sllovenëve në ndeshjen e tretë të Grupit B. Ky ballafaqim do të zhvillohet në stadiumin “Fadil Vokrri” nga ora 20:45.

Kujtojmë se “Dardanët” vijnë nga një fitore e madhe ndaj Suedisë dhe sonte synon tri pikët e radhës./S.K/EO/

Continue Reading

Lajmet

Trajneri gjerman​: Anglia nuk mund të jetë favorite e Botërorit 2026

Published

on

Ekipi i Anglisë në futboll nuk ka luajtur në finale të Kupës së Botës për një kohë shumë të gjatë dhe për këtë arsye nuk mund të jetë favorit për Kupën e Botës 2026, tha trajneri i saj Thomas Tuchel.

Anglia ende nuk ka siguruar kualifikimin për kampionatin botërore që do të mbahet në Kanada, Meksikë dhe SHBA, por është shumë afër këtij qëllimi, pasi në grupin kualifikues K, ajo ka 15 pikë. Shqipëria renditet e dyta me tetë.

Herën e fundit që Anglia luajti në finale të Botërorit ishte në vitin 1966, kur fitoi titullin e saj të vetëm.

“Në Kupën e Botës, ku nuk kam asnjë dyshim se do të kualifikohemi, nuk mund të jemi midis favoritëve. Ka kaluar shumë kohë që kur Anglia fitoi garën ose luajti në finale, dhe shumë nga rivalët tanë e kanë bërë pikërisht këtë në dekadat e fundit. Ndoshta mund të presim shansin tonë nga hija, por nuk mund të jemi midis favoritëve”, tha eksperti 52-vjeçar gjerman.

“Është e qartë se Anglisë i mungon një mentalitet i vërtetë fitues. Kjo është ajo që kanë Argjentina, Brazili, Spanja apo Franca. Nuk jemi në të njëjtën situatë me ta për momentin, por mund të jemi nëse udhëtojmë në turne si një ekip homogjen dhe sillemi si një grup cilësor gjatë turneut”, shtoi ai./S.K/KP/

Continue Reading

Lajmet

​Foda: Edhe pse mungon Dellova, jemi në një grup shumë të fortë

Published

on

Përzgjedhësi i Kombëtares së Kosovës, Franco Foda, dhe portieri Aro Muric, kanë folur para mediave në prag të ndeshjes së rëndësishme kundër Sllovenisë, e cila do të zhvillohet sonte në stadiumin “Fadil Vokrri” në Prishtinë me fillim nga ora 20:45.

Trajneri Foda ka theksuar se atmosfera në kampin e Dardanëve është shumë e mirë dhe se të gjithë futbollistët, përveç mbrojtësit Lumbardh Dellova, janë gati për ndeshje.

“Atmosfera e përgjithshme është shumë e mirë, të gjithë lojtarët, përveç Lumbardh Dellovës, janë të përgatitur dhe janë në gjendje shumë të mirë për lojë si dhe janë të gatshëm dhe ne dispozicion për lojën kundër Sllovenisë. Tani e kemi edhe seancën e fundit stërvitore,, aty do të koncentrohemi më shumë në fushën taktike dhe po shpresoj shumë që nuk do të kemi më lëndime të tjera”, u shpreh Foda.

Duke folur për grupin në të cilin ndodhet Kosova, përzgjedhësi gjerman theksoi se bëhet fjalë për një grup shumë të fortë, por që skuadra ka fituar vetëbesim pas rezultateve të fundit.

“E kemi një grup mjaftë të balancuar dhe sipas mendimit tim është njëri ndër grupet më të forta. Ne po luajmë në shtëpi dhe skuadra tani ka një vetëbesim më të mirë të cilin e ka fituar pas ndeshjes me Suedinë dhe trajneri Kek shumë ka pasur të drejtë, bota rrotullohet, jeta vazhdon dhe ne do të vazhdojmë të punojmë”, ka thënë tutje Foda.

Nga ana tjetër, portieri Aro Muric është shprehur optimist për ndeshjen e nesërme, duke theksuar se ekipi është zhvilluar shumë gjatë viteve të fundit dhe synon vetëm fitoren ndaj Sllovenisë.

“Jam shumë i lumtur me formën time, nesër presim fitore, ne si ekip do të bëjmë gjithçka për të marrë fitore në këtë përballje dhe shpresojmë që do të marrim fitore…Nëse kthehemi në kohë dhe e shohim zhvillimin tonë, besoj që gjatë këtyre viteve jemi zhvilluar mjaftë shumë, mund ta keni parë edhe ju. Kemi futbollistë tashmë në liga më të mira, futbollistë që janë më të gatshëm, ndoshta edhe në formë më të mirë fizike prandaj besoj që përparimi i skuadrës gjatë kësaj periudhe për dallim nga atëherë është dukshëm më i madh dhe ne e kemi një rast për ta shfaqur këtë përparim në ndeshjen e nesërme dhe shpresoj që do të bëjmë diçka të tillë”, theksoi Muric.

Si trajneri Franco Foda ashtu edhe portieri Aro Muic kanë thënë se mbështetja e tifozëve në tribuna do të ketë një rol kyç për shtytjen e skuadrës./S.K/KP/

 

Continue Reading

Të kërkuara