Faza e play-off të eliminimit është e re në këtë konkurrencë për sezonin 2024/25. 

Ndërsa tetë ekipet më të mira nga faza e ligës kualifikohen automatikisht për 1/8 e finales, ekipet që përfundojnë nga vendi i nëntë deri në të 24-in, nisin fazën e eliminimit.

Ato garojnë në një play-off me dy ndeshje për të siguruar vendin në raundin e 16-të.

Kundërshtarët e mundshëm janë gjithashtu të paracaktuar nga çiftet e pozicioneve të fundit të ligës.

Për shembull, ekipet që përfundojnë në vendin e nëntë dhe të dhjetë do të përballen me ekipet që përfunduan në vendet 23 dhe 24; ekipet që përfundojnë të 11-ta dhe të 12-ta do të ndeshen me ekipet që përfunduan në vendet 21 dhe 22, dhe kështu me radhë.

Tetë klubet që fitojnë në play-off-et e fazës së eliminimit kalojnë në raundin e 16-të.

Nga play-off-et e fazës së eliminimit e tutje, turneu zhvillohet në formatin e një tabeli me eliminim.

Një super ndeshje është zhvilluar në Prizren në një atmosferë, ku Bashkimi fitoi ndaj Vëllaznimit me rezultat 90:73 (20:20, 15:21, 25:16, 30:16), për tu kualifikuar në finalen e Kupës së Kosovës.

Vendasit të përkrahur nga tifozët e filluan për mrekulli ndeshjen, me një seri prej 9:0, por mysafirët u rikthyen shpejt, ku çereku i parë përfundon 20:20. Periudha e dytë ishte shumë e luftuar, megjithatë, kuqezinjtë e përfunduan në të mirë të tyre, 15:21, për të shkuar në pushim me rezultat 35:41.

Dallimi u bë në pjesën e dytë, ku prizrenasit në një atmosferë, arritën të shkëputeshin dhe të bëjnë përmbysjen nga sfida e parë, për të triumfuar me rezultat 90:73.

Më i miri te prizrenasit ishte Lejson Zeqiri me 22 pikë e pesë kërcime, ndërsa te mysafirët më i dalluari ishte Jericole Hellems me 22 pikë e pesë kërcime.

Ndeshja e parë në Gjakovë kishte përfunduar 80:71 për kuqezinjtë.

Bashkimi në finale do të përballet me Trepçën, që në gjysmëfinale eliminoi Sigal Prishtinën.

Finalja zhvillohet më 12 shkurt në Prishtinë.

Edin Kolgeci është kryetar i ri i Federatës së Hendbollit të Kosovës. Kolgeci e mori përkrahjen e plotë të delegatëve në Kuvendin Zgjedhor të FHK-së të mbajtur të enjten në Prishtinë. Ai ishte kandidati i vetëm për postin e kryetarit.

Mandati i Kolgecit është katërvjeçar. Kolgeci ka falënderuar delegatët për besimin, ndërsa ka premtuar punë maksimale dhe bashkëpunim me të gjitha palët për rritjen e mëtejmë të hendbollit kosovar.

Nënkryetar u zgjodh Xhavit Morina, ndërsa anëtare të Bordit me votat e delegatëve u zgjodhën Fatmire Ferati e Vlora Jashari.

Në Kuvendin Zgjedhor ishin 36 prej 37 delegatëve.

Sot, në mesditë (12:00), do të hidhet shorti i play-offeve të Ligës së Kampioneve në Nion, Zvicër. Skuadrat do të përballen në fazën eliminatore bazuar në pozitat e tyre përfundimtare në grupet e kampionatit. Skuadrat që përfunduan nga vendi i nëntë deri në vendin e 16-të do të jenë “koka serie” dhe do të ndeshen me ekipet që përfunduan nga vendi i 17-të deri në të 24-tin. Skuadrat më të favorizuara, si koka e serisë, mund të luajnë ndeshjet e kthimit në shtëpi.

Për skuadrat që kalojnë në 1/8-at, do të zhvillohet një raund tjetër i fortë. Interi është skuadra e vetme italiane që ka kaluar direkt në këtë fazë, ndërsa Milan, Juventus dhe Atalanta do të luftojnë për një vend në këtë fazë, duke pasur mundësi përballje me skuadra si Atletico Madrid, Bayern Munich, Real Madrid dhe Manchester City.

Ndërsa Juventus mund të përballet me Milanin ose PSV-në në play-off, Milan ka mundësinë të ndeshet me Arsenalin ose një tjetër derbi italian me Interin. Nëse Atalanta kalon në 1/8-at, mund të përballet me ekipe si PSG, Liverpool apo Barcelona.

Ndërkohë, Paris SG mund të përballet me një tjetër skuadër franceze, Monaco ose Brest, dhe ka shanse të kalojë më tej, me mundësi përballjeje me Liverpoolin ose Barcelonën.

Ndeshjet e para të play-offeve do të zhvillohen më 11 ose 12 shkurt, ndërsa ndeshjet e kthimit do të luhen më 18 dhe 19 shkurt. Formati i ri i Champions League premton shumë duele të forta në këtë fazë./UBTNews/