Lajmet

​Vitia e Zemaj përplasen për menaxhimin e pandemisë

Published

4 years ago

on

Për më shumë se tri orë, ministri i Shëndetësisë, Arben Vitia ka raportuar sot para Komisionit për Shëndetësi dhe Mirëqenie Sociale në lidhje me menaxhimin e pandemisë.

Ai gjatë këtij raportimi njoftoi se nga 27 shtatori certifikata e vaksinës ose testi negativ për COVID-19 do të jetë kusht edhe për hyrje në gastronomi. Ndërsa, lidhur me hapjen e shkollave u shpreh se kanë marrë rekomandim nga Instituti Kombëtar i Shëndetit Publik që të vazhdojnë të jenë të mbyllura.

Edhe kjo mbledhje e Komisionit për Shëndetësi u shoqërua me akuza e debat të ashpër në mes të ish-ministrit të Shëndetësisë, Armend Zemaj i cili është anëtar i Komisionit dhe ministrit aktual, Arben Vitia.

Lëvdata të shumta për menaxhim të pandemisë ka adresuar anëtari i Komisionit nga Lista Guxo, Haxhi Avdyli. Ai e pyeti për mundësinë e lehtësimit të masave antiCOVID.

Ministri Vitia tha se për hapjen e shkollave IKSHP ka rekomanduar që të vazhdojnë të jenë të mbyllura, por janë në bisedime me MASHT-in dhe po bëjnë përgatitjen e duhura. Ndërsa, sa i përket gastronomisë, ai tha se nga 27 shtatori në lokale mund të hyhet vetëm me certifikatë të vaksinimit ose teste PCR dhe serologjik.

“Ne kemi filluar qysh nga e premtja e kaluar diskutimet me ministritë e linjës sidomos me atë të Arsimit zonjën Nagavci për hapat që do t’i ndërmarrim. Rekomandimet nga IKSHP-ja kanë qenë që shkollat duhet të ndërpriten dhe kjo të vazhdohet, mirëpo jemi duke diskutuar që në çdo mënyrë të bëjmë maksimumin që kjo të respektohen këto rekomandime, por edhe të merren edhe masa të tjera që nuk do ta dëmtonin procesin arsimor. Sa i përket gastronomisë, një nga sektorët më të goditur në ekonomi për shkak të kësaj situate, është evidente që operimet dhe humbjet e tyre janë më të mëdha. Kemi qenë në kontakt të vazhdueshëm dhe jemi duke punuar tani që edhe në gastronomi të aplikohet nga 27 shtatori masa kufizuese e personave që hyjnë brenda këtyre lokaleve vetëm me certifikatë të vaksinimit, me test PCR ose test serologjik”, tha ai.

Në anën tjetër anëtari i Komisionit për Shëndetësi nga LDK, Armend Zemaj ka akuzuar ministrin Vitia se më shumë është marrë me punë periferike sesa me menaxhimin e pandemisë. Madje ai adresoi kritika edhe mos ardhjen e udhëheqësve të IKSHP-së dhe SHSKUK-së për të raportuar para këtij Komisioni.

“Në situata normale dhe me një qeveri të përgjegjshme, ju sot nuk do të ishit këtu duke raportuar. Ju më shumë jeni marrë me punë periferike sesa me menaxhim të pandemisë, andaj nuk kemi çka të shtojmë më shumë kur për një muaj kemi humbur më shumë se 700 qytetarë dhe shkaktari kryesor është keqmenaxhimi apo më mirë mos menaxhimi i kësaj situate”, tha ai.

Ministri Vitia ka garantuar Zemaj se angazhimi kryesor i tij ka qenë dhe është menaxhimi i pandemisë COVID-19, por e pranoi se është marrë edhe çështje të tjera të rëndësishme.

Vitia tutje iu është kundërpërgjigjur Zemajt duke ia kujtuar një rekomandim të IKShP-së më 3 nëntor të vitit të kaluar kur Zemaj ishte ministër i Shëndetësisë, ku IKShP kishte kërkuar mbyllje totale për shkak të situatës së krijuar. Kjo nxiti debat edhe nga ish-ministri Zemaj duke thënë se thjesht ka qenë një rekomandim.

“Ne duhet të veprojmë menjëherë duke vepruar në shtëpi ky është rekomandimi nga IKShP-së që të shpëtojmë nga kolapsi dhe të shpëtojmë jetë dhe rekomandojmë të zbatohet mbyllja konform situatës së krijuar… Zemaj: Çka të zbatojmë…Vitia: Është rekomanduar nga IKShP-së për lockdown konform situatës të krijuar, e cila ka qenë në terren… Zemaj: Nuk është rekomanduar mbyllje një apo dy javore, lexojeni deri në fund… Ministër, prapë nuk e ke një kërkim falje për 700 njerëz që e kanë humbur jetën për 45 ditë… Vitia: Kjo është një keqpërdorim i statutit të ka deputetit është një shfrytëzim i petkut të deputetit që një nga disa këtu e kam pritur, por jo edhe nga ministri Zemaj. Zotëri Zemaj edhe tha edhe më herë një gjë që ishte jashtëzakonisht shqetësuese dhe duhet ta përmendi megjithëse thash ta kaloj. Zotëri Zemaj është duke aluduar në njërën nga fjalët paraprake se ka keq raportim në numrin e rasteve të vdekjeve por edhe rastet e paraqitura nga infeksionet”, theksoi ai.

Ndërsa, anëtari i Komisionit për Shëndetësi nga AAK, Shemsedin Dreshaj tha se tashmë kur jemi në fushatë zgjedhore, por në anën tjetër edhe pritet hapja e shkollave, rrezikojmë një valë tjetër të infektimeve për çka kërkoi që të institucionet shëndetësore të jenë të përgatitura.

“Ju mund të prisni shpërthim për këtë shpërthim duhet të jemi të përgatitur tash e jo të reagojmë pasi të paraqiten. Prandaj uroj që këto rekomandime t’iu hyjnë në shërbim”, u shpreh ai.

Ministri Vitia gjatë raportimit të tij tha se aktualisht në dispozicion janë edhe 400 mijë të vaksinës Pfizer, ndërsa deri në fund të vitit do të arrijnë edhe 500 mijë të tjera. Ai u shpreh se me këtë trend të vaksinimit deri në fund të vitit Kosova mund të arrij deri në 70 % të imunizimit të popullatës nga mosha 16-vjeç.

“Aktualisht në stok janë mbi 400 mijë doza dhe për tre muaj janë administruar mbi 1.1 milion doza, afër 750 mijë qytetarë janë vaksinuar së paku me një dozë ndërsa me dy doza 450 mijë. Deri në fund të vitit do të arrijnë edhe mbi 500 mijë doza nga kompania Pfizer si pjesë e kontratës që kemi dhe me këtë sasi me trendin aktual pritet të vaksinohen mbi 70% e popullatës, respektivisht mbi 16-vjeç”, tha ai.

Krahas kritikave të pozitës, ministri i Shëndetësisë, Arben Vitia u ballafaqua edhe kritika nga deputetët e pozitës. Deputeti Burim Karameta nga Lista Guxo, parti pjesë e ekzekutivit tha se me shtesat prej 60 eurosh për profesionistët shëndetësorë, ata janë të indinjuar prandaj ai thotë se Vitia është dashur të jetë më këmbëngulës më shumë në këtë drejtim.

“Të sanohej indinjata e thellë të cilin e keni krijuar te mantel-bardhët me mbështetjen prej 60 eurosh. Mendoj që ministër është dashur që të jeni më këmbëngulës se kjo mbështetje jo vetëm për mantel-bardhët, por edhe institucioneve tjera, të cilët janë drejtpërdrejt të kyçur në kontributin për menaxhim të pandemisë, mendoj se do kishte me qenë më e lartë… Ne kemi bërë thirrje të gjithë në profilet tona për një vaksinim sa më të madh të qytetarëve, por nuk kemi ditur se si të kthejmë përgjigje deri tani deri në një paraqitjen tuaj mediatike se si t’u kthejmë përgjigje atyre që duan të vaksinohen, por nuk mund të bëjnë termin”, u shpreh ai.

Ministri Vitia ndërkaq tha se deputeti Karameta po paragjykon në insistimet e tij për shtesat, ndërsa shtoi se kot kërkojmë shtesa kur nuk ka “lekë”.

“Zotëri Karameta, ju nuk keni qenë në takime me ministren e Financave dhe nuk e keni pasqyrimin se sa kam kërkuar unë nga Ministria e Financave për shtesat për mjek. Zotëri Karameta, duke qenë se edhe ju keni një përvojë institucionale dhe keni qenë njëri nga drejtorët, ju e keni pasur një problem, qesen nuk keni pasur ju besoj, por Drejtoria e Financave njësoj edhe në qeveri qesen e ka Ministria e Financave. Zotëri Karameta, insistimet e mia është keq të paragjykohen. Insistimet kanë qenë me kërkesat për shtesat për profesionistët shëndetësorë dhe kot kërkojmë shtesa kur nuk ka lekë, nuk ka mjete”, tha Vitia.

Mbledhja e Komisionit për Shëndetësi u përmbyll me debat në mes kryetares Fatmire Kollçakut dhe anëtarit të këtij komisioni, Armend Zemaj i cili më pas edhe e lëshoi mbledhjen.

Related Topics:
Continue Reading

Aktualitet

Në United Hospital realizohen me sukses intervenimet e rekanalizimit të arteries karotide

Published

8 hours ago

on

August 17, 2025

By

United Hospital, spitali i përgjithshëm privat në Kosovë, realizon në vazhdimësi me sukses rekanalizimin e arteries karotide në raste tepër të komplikuara.

Kësaj here, profesori 85-vjeçar, iu nënshtrua operacionit në arterien karotide, i cili u krye me sukses dhe u përjetua prej tij si një ëndërr e shkurtër. Pas zgjimit nga narkoza, ai ishte më i lumtur se kurrë më parë.

Një hap i madh për pacientët me rrezik të lartë nga sulmi në tru.

Shkaku dhe rëndësia e stenozës së arteries karotide

Arteria karotide është një nga enët kryesore të gjakut që furnizon trurin me oksigjen dhe lëndëushqyese.  Stenoza e arteries karotide, ndodh kur kjo enë ngushtohet për shkak të grumbullimit të

pllakave aterosklerotike, të cilat përbëhen nga yndyra, kolesteroli dhe substanca të tjera.

Faktorët kryesorë të rrezikut përfshijnë hipertensionin, diabetin, nivele të larta të kolesterolit, pirjen e duhanit dhe predispozitën gjenetike.

Rreziqet që i kanosen pacientit

Ngushtimi i arteries karotide rrit ndjeshëm rrezikun e një insulti cerebral (apopleksi), pasi pllakëzat ose mpiksjet e gjakut mund të bllokojnë furnizimin me gjak të trurit. Një bllokim i menjëhershëm mund të shkaktojë dëmtime të rënda neurologjike ose edhe vdekje.

Shifrat e apopleksisë në Evropë, Gjermani dhe Kosovë

Në Evropë, çdo vit raportohen mbi 1 milion raste të reja të insultit. Në Gjermani, çdo vit rreth 270,000 njerëz pësojnë një insult cerebral, ndërsa në Kosovë vlerësohet se ndodhin mbi 3,000 raste në vit. Këto shifra e bëjnë apopleksinë një nga shkaktarët kryesorë të vdekshmërisë dhe paaftësisë afatgjatë.

Çdo minutë vonesë në trajtim mund të nënkuptojë dëme të përhershme për trurin, thekson Prof. Dr.Krasniqi.

Simptomat paralajmëruese të sulmit në tru

Simptomat që duhet të nxisin reagim urgjent përfshijnë:

– Dobësi ose paralizë e papritur në njërën anë të trupit,

– Vështirësi në të folur ose kuptuar fjalët,

– Humbje e papritur e shikimit në njërin sy,

– Marramendje, humbje ekuilibri ose koordinimi,

Në këto raste, çdo minutë është vendimtare dhe kërkohet ndihmë mjekësore emergjente.

Metodat e trajtimit

Trajtimi i stenozës së arteries karotide varet nga shkalla e ngushtimit dhe simptomat e pacientit.

Opsionet përfshijnë:

-Trajtim medikamentoz (antiplakë, antikoagulantë, statina)

-Angioplastikë dhe stentim (hapja e arteries me balonë dhe vendosja e stentit)

-Endarterektomi karotide – metodë kirurgjikale për heqjen e pllakës nga ena e gjakut.

Metoda e Eversions Endarterektomisë

Një teknikë moderne kirurgjikale është eversion endarterektomia, ku arteria pritet, kthehet si “çorape” për të hequr pllakat dhe më pas vendoset përsëri në vend. Kjo metodë ka rezultate shumë të mira, rrezik të ulët komplikacionesh dhe rikthim të shpejtë të qarkullimit normal të gjakut në tru.

Prof. Dr Krasniqi shpjegon: “Kjo metodë kirurgjikale na lejon të heqim pllakat nga ena e gjakut me precizion të lartë, duke rikthyer menjëherë qarkullimin normal dhe duke minimizuar rrezikun e komplikacioneve”.

Pasojat e vonesës në trajtim:  Shtyrja e trajtimit të stenozës së arteries karotide rrit rrezikun e apopleksisë, e cila mund të shkaktojë humbje të përhershme të aftësive motorike, të folurit, kujtesës dhe cilësisë së jetës.

Suksesi në United Hospital

Në United Hospital, nën drejtimin e Prof. Dr. Dr. Halil Krasniqi, kirurg vaskular me renome botërore, u realizua me sukses rekanalizimi i arteries karotide nga një stenoza e komplikuar, duke përdorur metodat më moderne kirurgjikale dhe endovaskulare, pa asnjë komplikacion. Ky sukses është dëshmi e nivelit të lartë profesional dhe teknologjisë së avancuar që ofron spitali për pacientët me sëmundje të rënda vaskulare.

Pse është e rrezikshme stenoza e arteries karotide?

Kjo gjendje është shkaktari kryesor i sulmit në tru (apopleksi), një sëmundje që prek mbi 1 milion njerëz çdo vit në Evropë, rreth 270,000 në Gjermani dhe mbi 3,000 në Kosovë. Rreziku qëndron të mpiksjet ose pllakat aterosklerotike, të cilat mund të bllokojnë papritur furnizimin me gjak të trurit.

Shenjat paralajmëruese

Dobësi ose paralizë e papritur në njërën anë të trupit, vështirësi në të folur, humbje e papritur e shikimit në një sy, marramendje dhe humbje e ekuilibrit. Në këto raste, kërkohet reagim i menjëhershëm mjekësor.

Trajtimi modern

Metoda e eversion endarterektomisë është ndër më efektivet, duke pastruar enën e gjakut nga pllakat dhe rikthyer menjëherë qarkullimin normal.

Mesazhi për pacientët

Stenoza e arteries karotide është e rrezikshme, por e trajtueshme.

Mos prisni derisa të ndodhë sulmi në tru – diagnostikimi dhe trajtimi në kohë shpëton jetë, thotë Prof. Dr. Krasniqi.

Për më shumë kontaktoni përmes:

Nr i telefonit:  038 607 070

Facebook: United Hospital Prishtinë

Continue Reading

Aktualitet

Pse gjithnjë e më shumë studentë zgjedhin UBT-në? Cilësia dhe inovacioni bëjnë diferencën

Published

11 hours ago

on

August 17, 2025

By

UBT, institucion lider i arsimit të lartë dhe më i ranguari në rajon sipas organizatave ndërkombëtare, vazhdon të tërheqë të rinjtë e Kosovës dhe rajonit për t’u regjistruar. Ky interesim i madh vjen si rezultat i cilësisë së lartë të ofruar nga UBT në të gjitha aspektet e veprimtarisë akademike dhe infrastrukturore.

UBT shquhet për programe inovative që i përgatisin studentët për tregun e punës.

UBT ka një staf akademik profesional dhe të përkushtuar, të cilët sjellin përvojë dhe njohuri të gjera nga fusha të ndryshme studimore. Për më tepër, infrastruktura moderne dhe pajisjet teknologjike të sofistikuara krijojnë një ambient të përshtatshëm dhe frymëzues për studim dhe hulumtim.

Përveç cilësisë së lartë të ofruar në aspektin akademik, UBT njihet edhe për mbështetjen e vazhdueshme që i ofron studentëve të tij, duke përfshirë këshillimin akademik dhe profesional, si dhe mundësitë e shumta për angazhim në aktivitete ekstrakurrikulare dhe projekte hulumtuese. Ky përkushtim ndaj zhvillimit gjithëpërfshirës të studentëve e bën UBT-në një destinacion tërheqës për të rinjtë që kërkojnë më të mirën për arsimin e tyre të lartë.

UBT ofron një gamë të gjerë programesh studimi, të cilat përputhen me kërkesat e tregut dhe zhvillimet më të fundit shkencore dhe teknologjike. Kjo përfshirje e gjerë e fushave të ndryshme të studimit siguron që çdo student të gjejë programin që i përshtatet më së miri interesave dhe ambicieve të tij.

Regjistrimet janë ende të hapura dhe bëjmë thirrje të gjithë të rinjtë që të mos humbasin kohë dhe të vijnë të regjistrohen në UBT. Institucioni ynë është i përkushtuar për të siguruar një përvojë të pasur dhe të plotë akademike, e cila do t’i përgatisë studentët për një karrierë të suksesshme dhe për një kontribut pozitiv në shoqëri.

APLIKO TANI ONLINE!

Continue Reading

Aktualitet

ShBA-ja i dhuron Kosovës 50 automjete të blinduara për forcimin e kapaciteteve mbrojtëse

Published

1 day ago

on

August 16, 2025

By

Ambasada e Shteteve të Bashkuara të Amerikës në Kosovë ka njoftuar se ShBA-ja ka transferuar 50 Automjete të Blinduar të Sigurisë (ASV) për Qeverinë e Kosovës, në kuadër të Programit të Artikujve të Tepërt të Mbrojtjes (Excess Defense Articles Program).

Këto automjete moderne do të përdoren nga Forca e Sigurisë së Kosovës (FSK), ndërsa, sipas njoftimit zyrtar, Kosova do të shfrytëzojë burimet e saj mbrojtëse për t’i sjellë ato në kapacitet të plotë operacional. Ky hap përbën një zhvillim të rëndësishëm në forcimin e aftësive mbrojtëse të FSK-së dhe në rritjen e gatishmërisë për përballjen me sfida të sigurisë.

Ky donacion i ShBA-së shihet si një tjetër dëshmi e partneritetit të ngushtë mes dy vendeve dhe e përkushtimit të përbashkët për të garantuar sigurinë kombëtare të Kosovës dhe forcimin e stabilitetit rajonal.

“Ky është një hap tjetër në përkushtimin tonë të përbashkët për forcimin e kapaciteteve mbrojtëse të FSK-së dhe për forcimin e sigurisë së të dy vendeve tona”, thuhet në njoftimin e Ambasadës Amerikane.

Continue Reading

Aktualitet

UBT përgatit liderët e ardhshëm të fushës paramjekësore

Published

1 day ago

on

August 16, 2025

By

UBT ka hapur regjistrimet për programin Master në Shkenca Paramjekësore, i cili synon të përgatisë profesionistë të domosdoshëm për sektorin shëndetësor, të aftë për të kontribuar në diagnostikim, trajtim dhe parandalim të sëmundjeve, duke vepruar në vijën e parë të kujdesit për jetën.

Ky program është ndërtuar mbi një kurrikulë multidisiplinare, të harmonizuar me modelet më të mira evropiane dhe amerikane, që ndërthur mësimin teorik me përgatitjen praktike. Studentët përfitojnë trajnim të avancuar në fushat e kujdesit emergjent, laboratorëve mjekësorë dhe diagnostikës klinike, duke përdorur pajisje bashkëkohore mjekësore dhe laboratorike.

Përgatitje gjithëpërfshirëse dhe praktike

Gjatë studimeve, studentët do të aftësohen në pesë kategori kyçe të fushës së paramedikëve:

  • Parandalimi i vdekjes së njerëzve
  • Rritja e cilësisë së jetës
  • Ndihma në rikuperimin nga sëmundjet apo dëmtimet
  • Menaxhimi i pranimeve dhe ri-pranimeve urgjente
  • Kujdesi për rastet kronike të ndjeshme (astma, diabeti, epilepsia etj.)

Programi përfshin gjithashtu përdorimin e tele-shëndetit dhe kujdesit tele-komunikues, duke u mundësuar studentëve të ofrojnë kujdes efikas dhe inovativ, sidomos për zonat e largëta apo për pacientët me nevoja të veçanta.

Misioni dhe vizioni

Misioni i Masterit në Shkenca Paramjekësore është të kontribuojë në arsimin e lartë përmes:

  • Kurrikulave bashkëkohore, të bazuara në praktikat më të mira ndërkombëtare
  • Hulumtimit shkencor në bashkëpunim me partnerë vendas e ndërkombëtarë

Programi synon të ofrojë një mjedis mësimor mbështetës, ku studentët zhvillojnë aftësitë klinike, kërkimore dhe menaxheriale që kërkohen në tregun e punës.

Përfshirje aktive në kërkim dhe shërbim

Studentët dhe stafi i programit marrin pjesë në:

  • Projekte kërkimore kombëtare dhe ndërkombëtare
  • Simpoziume dhe forume shkencore
  • Konsulencë dhe asistencë teknike për institucione shëndetësore publike e private
  • Hartimin e politikave shëndetësore në bashkëpunim me Ministrinë e Shëndetësisë

Aftësitë e të diplomuarve

Pas përfundimit të programit, të diplomuarit do të jenë të aftë:

  • Të ofrojnë kujdes shëndetësor holistik në komunitetet urbane, rurale dhe industriale
  • Të marrin vendime komplekse në situata emergjente dhe të udhëheqin ekipe paramjekësore
  • Të zbatojnë standarde të larta ligjore, etike dhe profesionale në praktikë
  • Të përdorin metoda kërkimore për të përmirësuar rezultatet shëndetësore
  • Të integrojnë njohuritë ndërdisiplinore në menaxhimin e shërbimeve shëndetësore

Masteri në Shkenca Paramjekësore në UBT është më shumë sesa një diplomë – është një përgatitje për jetë, duke formuar profesionistë që jo vetëm reagojnë ndaj emergjencave, por punojnë për t’i parandaluar ato, duke i dhënë shoqërisë ekspertë të gatshëm për të mbrojtur dhe përmirësuar jetën.

APLIKO TANI ONLINE!

Continue Reading

Të kërkuara