Lajmet

​Varhelyi kërkon zbatimin e marrëveshjes Kosovë-Serbi

Ai gjithashtu tha se reformat për sundim të ligjit në Kosovë duhet të përshpejtohen.

Publikuar

12 muaj më parë

më

Komisioneri i Bashkimit Evropian për Zgjerim dhe Fqinjësi, Oliver Varhelyi ka deklaruar se nga Kosova vjen porosia e qartë për përafrim me BE-në. Gjatë vizitës së tij në Prishtinë ai është pritur në takim nga presidentja e vendit, Vjosa Osmani, pas së cilit ka folur edhe për dialogun me Serbinë duke theksuar kërkesën për zbatim të marrëveshjes bazë, përfshirë Asociacionin.

Ai gjithashtu tha se reformat për sundim të ligjit në Kosovë duhet të përshpejtohen, derisa përmendi ngecjet në sistemin e drejtësisë.

“Një porosi e qartë që gjithmonë vjen nga Prishtina është se Kosova është shumë e përkushtuar sa i përket përafrimit në Bashkimin Evropian. Ju keni treguar zotimin e juaj, jo vetëm me fjalë, por keni treguar angazhim dhe mbështetje në vendosjen e sanksioneve ndaj Rusisë…Reformat jo vetëm që duhet të vazhdohen, por duhet edhe të përshpejtohen dhe të përmirësojmë edhe zbatimin e kornizës ligjore dhe t’i shohim shënimet për gjitha gjërat e së kaluarës se si janë bërë reformat. Po ashtu e kemi prekur edhe temën e sistemit gjyqësor, pasi administrata e gjyqësorit duket të jetë e ngadaltë, joefikase dhe cenueshme. Pasi kemi raste të disa ndikimeve që bëhen atje dhe kjo përbënë një sfidë të madhe. Kërkojmë zotimin e Qeverisë që gjitha praktikat gjyqësore të jenë në pajtim me Gjykatën e Venecias. Natyrisht Kosova ka luftuar edhe në aspektin e luftimit të korrupsionit, por nevojitet edhe një vullnet i fortë për t’i adresuar rastet e nivelit të lartë të korrupsionit. Të merren vendimet e duhura nga gjykatat, të bëhen edhe konfiskimet që të kemi angazhimin e sundimit të ligjit. Jemi këtu, kemi zotimin e qeverisë dhe gjitha politikat e dizajnuara të vihen në zbatim”, tha Varhelyi.

Ai foli edhe për dialogun Kosovë-Serbi, për çka kërkoi zbatimin e marrëveshjes bazë, përfshirë edhe Asociacionin.

“Tani është esenciale që të dyja palët të ofrojnë dhe zbatojnë gjitha obligimet pa vonesa, pasi duhet të shfrytëzohet momentumi dhe të ecet përpara me zbatimin e marrëveshjes. Natyrisht mjafton të përmendet e konkluzion e Këshillit të Evropës ku i nxit dy palët që të zbatojnë plotësisht dhe pa kushte të gjitha obligimet që janë zotuar, përfshirë edhe marrëveshjen e vitit 2013-2015 për (Asociacionin)”, theksoi ai.

Ndërsa Osmani ka deklaruar se vendi është i përkushtuar për të ecur drejt integrimit. Ajo ka shtuar se Kosova po e dëshmon me rezultate konkrete arritjen e këtij qëllimi.

Para gazetarëve, Osmani tha se edhe Bashkimi Evropian duhet të jetë më proaktiv në politikat e zgjerimit.

“Për popullin e Kosovës, Bashkimi Evropian nuk është thjeshtë një aspiratë afatgjate, por një vendosmëri shumë dekadëshe e udhëhequr nga vlerat demokratike dhe liridashëse. Ndonëse ka ende shumë punë për të bërë, përkushtimi jonë për të ndërmarrë të gjithë hapat e nevojshëm për të ofruar vendin tonë në raport me BE-në mbetet i palëkundur. Në këtë frymë edhe aplikimi i Republikës së Kosovës për anëtarësim në Bashkimin Evropian është një ri konfirmim i këtij angazhimi dhe punës sonë të përditshme. Mbi të gjitha është ri konfirmim edhe orientimit tonë euro-atlantik. Këtë angazhim Kosova po e vërteton vazhdimisht jo vetëm me fjalë, por rezultate konkrete të cilat tani janë njohur ndërkombëtarisht, duke forcuar demokracinë dhe sundimin e ligjit, si dhe duke bashkërenduar në tërësi politikën e saj të jashtme dhe sigurisë me atë të Bashkimit Evropian”, tha ajo.

Pas takimit me Osmanin, Varhelyi ështëp ritur edhen ga kryeministri i Kosovës, Albin Kurti. Ai po qëndron në Kosovë për lanësimin e programit BE-Kosovë për sundimin e ligjit, i cili ka koston 6.5 milionë euro.

Etiketa
Vazhdo të lexosh

Lajmet

UNRWA: Situata në Rafah është thellësisht shqetësuese

Publikuar

7 minuta më parë

më

7 Maj, 2024

nga

Derisa Izraeli po pretendon kontrollin e kufirit Rafah në Gaza, agjencia e OKB-së për refugjatët palestinezë, UNRWA, ka paralajmëruar për ndikimin që do të kenë te civilët furnizimet e pakta me ndihma.

“Problemi më i madh që kemi në 24 deri në 48 orët e fundit është kalimi i kufirit dhe mungesa e furnizimeve të mjaftueshme të ndihmës”, tha Louise Waterridge, një zëdhënëse e agjencisë, për programin Today të BBC Radio 4.

Situata është “jashtëzakonisht shqetësuese”, vlerëson UNRWA.

UNRWA paralajmëron për rrezikun për shëndetin e banorëve të Gazës, duke thënë se situata sanitare po përkeqësohet dhe temperatura shumë të larta priten gjatë verës dhe shumë njerëz aktualisht po strehohen në tenda plastike.

Waterridge, i cili ndodhet në Rafah, thotë se atmosfera është e qetë. Shumë presin të shohin se çfarë do të ndodhë më pas, ndërsa disa po largohen nga qyteti, thotë ajo./UBTNews/

Vazhdo të lexosh

Lajmet

​Kurti takon ambasadorët e Holandës, Suedisë, Belgjikës dhe Finlandës

Publikuar

14 minuta më parë

më

7 Maj, 2024

nga

Pas takimit që zhvilloi në mëngjes me ambasadorët e vendeve të QUINT-it dhe shefin e BE-së në Kosovë, kryeministri i Republikës së Kosovës, Albin Kurti, dje pasdite priti në takim ambasadorët e Holandës, Suedisë, Belgjikës dhe Finlandës.

Sipas Qeverisë, temë qendrore e takimit ishte anëtarësimi i Kosovës në Këshillin e Evropës, roli dhe përkrahja e çmuar e këtyre vendeve ndaj Kosovës përgjatë gjithë procesit, si dhe mbështetja e tyre në takimin e komitetit të ministrave, në vijë me votimin e Asamblesë Parlamentare muajin e kaluar.

Kryeministri u shprehi mirënjohjen dhe falënderimin ambasadorëve për përkrahjen e pakushtëzuar të shteteve të tyre përgjatë gjithë procesit.

“Kosova është demokracia e vetme evropiane që është jashtë Këshillit të Evropës. Anëtarësimi i bazuar në merita dhe vlera të përbashkëta sjellë përfitime për të gjithë qytetarët e Kosovës, sidomos komunitetet joshumicë, si dhe i kontribuon demokracisë, paqes dhe stabilitetit në rajon”, thuhet në njoftim.

Vazhdo të lexosh

Lajmet

Deri më tani janë regjistruar mbi 1 milion e 200 mijë qytetarë në Kosovë

Publikuar

19 minuta më parë

më

7 Maj, 2024

nga

Agjencia e Statistikave të Kosovës (ASK) organizoi konferencë për media lidhur me ecurinë e Javës së pestë të Regjistrimit të Popullsisë, Ekonomive Familjare dhe Banesave në Kosovë (ReKos 2024).

Avni Kastrati (U.D kryeshef Ekzekutiv), Bekim Canoll i (u.d drejtor i DMTI-së), Idris Shala (udhëheqës i GIS) në Agjencinë e Statistikave të Kosovës (ASK) në konferencë për media, kanë dhënë informacione rreth ecurisë së Javës së pestë në terren për Regjistrimin e Popullsisë, Ekonomive Familjare dhe Banesave në Kosovë me të dhëna deri këtë të martë, ora 9-të e mëngjesit.

Kastrati ka thënë se deri më tani pjesëmarrja e popullsisë në regjistrim sipas komunave është 1 milion e 204 mijë e 560. Ai ka theksuar se kanë mbetur edhe pak takime deri tek të dhënat preliminare.

“Në përgjithësi projekti për regjistrimin e popullsisë është duke iu ofruar fundit dhe nuk kemi probleme të aspektit në terrenit. Njëkohësisht nuk kemi refuzime të mëdha të qytetarëve edhe ato pak, pas diskutimeve po i pranojnë si një e mirë publike. Edhe pajisjet janë duke funksionuar dhe nuk kemi telashe në terren”, ka thënë Kastrati.

Ai tha se disa komuna kanë qenë shumë aktive dhe disa nuk janë angazhuar aq. Jemi duke shpresuar për angazhim më të madh ka thënë ai.

“Deri më tani po i shihni të dhënat ku janë regjistruar mbi 1 milion e 204 mijë e 560 dhe regjistrimi është duke shkruar sipas planit. Edhe komunitetet, të gjitha janë duke marrë pjesë, disa komuna në veri nga serbët ka ende hezitim, një pjesë e tyre po regjistrohet, ka një hezitim por një pjesë po regjistrohet”, ka thënë Shala.

Sa i përket kualitetit të të dhënave, Kastrati ka thënë se janë duke u shfrytëzuar burime, si ato të kaluarat.

“Për to janë duke u shfrytëzuar burime, si ato të kaluarat. Krahasuar me burime tjera vet sistemi e gjeneron që duhet të rishikohet, është për tu përgëzuar pasi kjo bëhet për herë të parë pasi vitet tjera ishte metodologji tjetër”, ka thënë Kastrati.

Kastrati tha se nëse vazhdon kështu, procesi do të përfundoj i suksesshëm. I pyetur rreth ngacmimeve që mund tu bëhen grave dhe vajzave gjatë intervistimit në terren, Kastrati tha se ato kanë pasur trajnime të cilat mund ti shfrytëzojnë në raste.

Sipas tij, deri më tani nuk ka pasur ndonjë ankesë të tillë deri sa përmendi një rast të viteve të kaluara ku ishte dorëzuar një ankesë me shkrim për ngacmim e që sipas tij kishte rezultuar se ajo kishte faj.

Vazhdo të lexosh

Kronika e zezë

Arrestohet një i mitur në Obiliq, kanosi dhe pengoi policët

Publikuar

1 orë më parë

më

7 Maj, 2024

nga

Është arrestuar një i mitur në Obiliq pasi i njëjti kishte kanosur dhe penguar zyrtarët policorë. I dyshuari me vendim të prokurorit është dërguar në mbajtje.

“Obiliq 06.05.2024, 16:00. Është arrestuar i dyshuari mashkull kosovar- i mitur, pasi që i njëjti kishte kanosur dhe penguar zyrtarët policorë. Pas intervistimit me vendim të prokurorit i dyshuari është dërguar në mbajtje”, thuhet në njoftim.

Vazhdo të lexosh

Të kërkuara