

Sport
Streetball Kosova zhvillohet të premten
Published
4 years agoon
By
Betim GashiMë datën 20 gusht në Prishtinë, përkatësisht në Sheshin Skënderbëu do të zhvillohet kampionati i Streetball Kosova i organizuar nga Shoqata e Stretballit të Kosovës.
Në këtë ngjarje do të marrin pjesë 12 ekipe që do të ndahen në katër grupe sipas sistemit të FIBA-së.
Agon Femiu nga Streetball Kosova tha para mediave se ky është edicioni i nëntë i këtij kampionati që është i licencuar nga FIBA 3×3 dhe se për organizimin e tij kanë marrë mbështetje edhe nga Komuna e Prishtinës.
“Është edicioni i 22-të i Kampionatit të Kosovës në Basketboll 3×3. Tani e 22 vite i organizuar nga Shoqata e Streetballit të Kosovës, anëtare e Federatës së Basketbollit të Kosovës dhe FIBA 3X3. Kampionati i Kosovës është i nënti radhazi, i licencuar nga FIBA 3×3… Këtë vit, sipas traditës, tashmë 21 vjeçare përkrahje kemi edhe nga Komuna e Prishtinës e cila i mbetet besnik i Streetball Kosovës”, tha Femiu.
Më tutje, Femiu duke shpalosur detaje rreth zhvillimit të kësaj gare, bëri të ditur se do të marrin pjesë 12 skuadra që do të ndahen në katër grupe ku vetëm fituesit e të katër grupeve do të kualifikohen në gjysmëfinale të kësaj gare.
“Ngjarja do të zhvillohet të premten para Teatrit Kombëtar, në Sheshin Skënderbeu dhe garat do të fillojnë nga ora 16:00. Pjesëmarrëse do të jenë 12 skuadra të ndara në katër grupe nga tri ekipe sipas sistemit të FIBA-së dhe tashmë numri i skuadrave është plotësuar pra ato janë regjistruar në webfaqen zyrtare të FIBA 3×3…Ndarja e grupeve bëhet në mënyrë automatike, do të thotë sipas rangimit të lojtarëve por edhe koeficionetit të skuadrave në listën e FIBA 3×3. Pasi të jenë zhvilluar ndeshjet në secilin grup, pra secila skuadër luan me secilin, vetëm fituesit e grupeve do të kualifikohen në gjysmëfinale. Pritet që të zhvillohen rreth orës 20:00”, theksoi Femiu.
Në fund Femiu shtoi se pas të përfundojnë ndeshjet e Streetballit, do të zhvillohen edhe disa sfida revyale nga adhurues te basketbollit duke përfshirë edhe ekipe nga streetballi i femrave si dhe një ndeshje speciale do të zhvillohet në nderim të basketbollistit të Prishtinës dhe Kosovës Edmond Azemi ku do të luajnë shumë ish-basketbollit të njohur të Kosovës.
Sport
Besnik Krasniqi pas kualifikimit historik: “Suksesi më i madh në karrierën time”
Published
6 hours agoon
August 29, 2025By
UBTNews
Besnik Krasniqi, autori i golit vendimtar në fitoren e Dritës kundër Differdanget, ka shprehur entuziazëm të madh pas kualifikimit historik të skuadrës nga Gjilani në fazën e grupeve të Ligës së Konferencës së UEFA-s.
Drita fitoi të dyja ndeshjet e fazës play-off – 2-1 në Prishtinë dhe 1-0 në Luksemburg – me Krasniqin që shënoi nga pika e bardhë në sfidën e kthimit, duke vulosur rezultatin e përgjithshëm 3-1.
“Jam shumë i lumtur për fitoren dhe që goli im ishte vendimtar. Ishim pak në presion, pasi e kemi ditur se është natë historike. Dhe ia arritëm. Jam shumë i lumtur për tifozët e Dritës, po ashtu për presidentët që kanë bërë punë të jashtëzakonshme dhe e kanë merituar këtë,” tha Krasniqi pas ndeshjes.
Mesfushori e cilësoi këtë si suksesin më të madh në karrierën e tij deri më tani, por theksoi se skuadra nuk do të ndalet këtu: “Ky nuk është fundi. Kemi ende punë. Në grupe do të jemi më të qetë dhe do të bëjmë lojëra shumë më të mira.”
Ai gjithashtu u ndal te presioni që kishte ndjerë skuadra si favorite, por theksoi se menaxhimi i situatës ishte çelësi i suksesit: “Si favoritë kishim një lloj presioni, por e menaxhuam mirë dhe në fund u shpërblyem. Falënderoj tifozët dhe familjen time për mbështetjen.”
Sport
Kualifikim historik dhe përfitime rekord për Shkëndijën
Published
6 hours agoon
August 29, 2025By
UBTNews
Shkëndija e Tetovës është kualifikuar për herë të parë në fazën e grupeve të Ligës së Konferencës së UEFA-s, duke shënuar arritjen më të madhe në historinë e klubit, si në aspektin sportiv ashtu edhe atë financiar.
Skuadra e drejtuar nga Jeton Beqiri tashmë ka garantuar mbi 3 milionë euro përmes kësaj pjesëmarrjeje — një shumë rekord për futbollin në Maqedoninë e Veriut.
Sipas strukturës së shpërblimeve të UEFA-s, çdo ekip që arrin në fazën e grupeve përfiton 3.2 milionë euro si shpërblim bazë. Kjo shumë mund të rritet më tej, pasi çdo fitore në grup sjell 400 mijë euro shtesë, ndërsa një barazim vlerësohet me 133 mijë euro.
Kualifikimi për në grupe përfaqëson një hap të madh për Shkëndijën, duke i siguruar klubit stabilitet të rëndësishëm financiar dhe një bazë për zhvillim të mëtejshëm afatgjatë. Për më tepër, kjo pjesëmarrje e vendos klubin tetovar në një pozicion të ri në skenën evropiane, si përfaqësues i denjë i futbollit nga Maqedonia e Veriut.
Sport
Drita shkruan histori: Në grupet e Ligës së Konferencës
Published
6 hours agoon
August 29, 2025By
UBTNews
Kampioni i Kosovës, Drita, ka siguruar një arritje historike duke u kualifikuar për herë të parë në fazën e grupeve të Ligës së Konferencës së UEFA-s. Klubi nga Gjilani mposhti Differdange edhe në ndeshjen e kthimit të fazës play-off, me rezultat 1-0 në Luksemburg, pas fitores 2-1 në sfidën e parë në Prishtinë.
Goli i vetëm i takimit u realizua nga Besnik Krasniqi nga pika e bardhë, duke vulosur kualifikimin me rezultat të përgjithshëm 3-1.
Kjo është një nga arritjet më të mëdha të një klubi kosovar në arenën ndërkombëtare dhe sjell përfitime të mëdha jo vetëm në aspektin sportiv, por edhe financiar.
Vetëm pjesëmarrja në fazën e grupeve garanton për Dritën një shpërblim prej 3.170.000 eurosh nga UEFA. Për më tepër, çdo fitore në grup sjell 400.000 euro shtesë, ndërsa çdo barazim 133.000 euro.
Me këtë sukses, skuadra e drejtuar nga trajneri Zekirija Ramadani jo vetëm që përfaqëson denjësisht Gjilanin dhe Kosovën, por bëhet edhe një ambasadore e rëndësishme e futbollit kosovar në garat evropiane.
Sport
Manchester City planifikon ofertë prej 150 milionë eurosh për Vinicius Junior
Published
6 hours agoon
August 29, 2025By
UBTNews
Manchester City po përgatit një ofertë të rëndësishme për të siguruar shërbimet e sulmuesit brazilian Vinicius Junior në afatin kalimtar të verës 2026, raportojnë burime pranë klubit për Fichajes.
Sipas raportimeve, klubi nga Etihad Stadium është i gatshëm të ofrojë 150 milionë euro për kartonin e lojtarit të Real Madridit, duke synuar të përfitojë nga pasiguria që ka lindur rreth rinovimit të kontratës së tij, e cila skadon në vitin 2027.
Trajneri Pep Guardiola e sheh Vinicius Jr si një element ideal për sistemin e tij, për shkak të shpejtësisë, driblimit dhe aftësisë për të krijuar situata një-me-një. Nëse transferimi realizohet, ai do të formonte një dyshe sulmuese me Erling Haaland – një kombinim që City e konsideron si bazë për të dominuar futbollin evropian në vitet e ardhshme.
Në Madrid, ndërkohë, bisedimet për rinovimin e kontratës së Vinicius Jr nuk kanë përparuar me ritmin e pritur. Ndonëse lojtari mbetet një figurë kyçe në sukseset e fundit të klubit, kërkesat për përmirësim të kushteve financiare kanë krijuar një ngërç në negociata.
Presidenti i Real Madridit, Florentino Perez, mban një qëndrim të qëndrueshëm: rinovimi është i mundur, por vetëm brenda kornizës financiare të klubit. Përvoja me largimet e mëparshme të emrave si Sergio Ramos dhe Cristiano Ronaldo ka forcuar politikën e klubit për të mos vepruar nën presion.
Nga ana tjetër, Manchester City thuhet se ka ndërtuar një strategji specifike financiare, duke shmangur investimet e mëdha në sulm deri në verën e 2026-ës, pikërisht për të pasur hapësirë buxhetore për një lëvizje të madhe në drejtim të Viniciusit.

Në zyrën e Ivica Daçiqit mbërrin një zarf me tre plumba

U përurua çerdhja e re për 60 fëmijë në Fushë Kosovë

Kurti për akuzat ndaj UÇK-së: Manipulohet një kapitull për të cilin Basha s’ka faj

Supremja hodhi poshtë ankesën e VV-së kundër vendimit të PZAP-së për Listën Serbe

Presidentja Osmani kërkon zgjidhje urgjente për konstituimin e Kuvendit

FSK-ja realizon ushtrimin fushor “Ujku shigjetë” pesë ditë

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Një vdekje e dyshimtë në Skenderaj

Gucati: Së shpejti do të dalim me emrat e eksponentëve të VV-së që çuan dokumentacione në Hagë
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA