Lifestyle

​Shenjat e fshehura që tregojnë se jeni të ekspozuar ndaj mykut

Kolliteni, ndiheni të mërzitur dhe të lodhur?

Published

on

Nëse nuk i keni kushtuar vëmendje vendeve të fshehura ku myku po rritet, ekspozimi me kalimin e kohës mund të çojë në pasoja të rënda.

Kolliteni, ndiheni të mërzitur dhe të lodhur? Ndërsa kjo mund t’ju bëjë të mendoni se janë thjesht simptoma të alergjisë ndaj të ftohtit ose të vjeshtës, mund të jetë me vlerë të monitoroni se si ndiheni me kalimin e kohës.

Nëse simptomat vazhdojnë ose përkeqësohen sa herë që jeni në shtëpi, mund të jetë një shenjë se jeni të ekspozuar ndaj mykut.

Përveç problemeve të frymëmarrjes, ekspozimi i mykut në fakt është lidhur me fillimin e hershëm të demencës dhe Alzheimerit në hulumtimet e mëparshme, tha Michael Rubino, një ekspert për mykun dhe cilësinë e ajrit, raporton The Healthy.

“Ne kalojmë 90 për qind të kohës sonë brenda,” thotë Rubino, duke shtuar se “çdo ditë mësojmë gjëra të reja për të gjitha efektet që shtëpitë tona mund të kenë në shëndetin tonë”.

Ndërsa pastrimi rutinë është shumë i rëndësishëm për të kontrolluar mykun në shtëpinë tuaj, kini parasysh edhe shenjat e fshehura të ekspozimit të mykut përpara se ndonjë sëmundje të përkeqësohet.

Ju mund të përjetoni simptoma të ngjashme me alergjinë

Ndërsa alergjitë janë më të zakonshme, simptoma të ngjashme me alergjitë si teshtitja, kollitja, kruajtja e syve dhe fytit, hunda e mbytur, acarimi i lëkurës dhe skuqjet janë gjithashtu shenja të hershme të ekspozimit të mykut.

“Zakonisht fillon me alergji të pazakonta”, thotë Rubino dhe shton se “të sëmurët vërejnë se sëmuren më shpesh, ndoshta hundët e tyre janë të bllokuara ose kanë simptoma të llojit të alergjisë”.

Rubino thotë se këto simptoma të ekspozimit të mykut mund të shfaqen në periudha të ndryshme kohore – ndonjëherë menjëherë dhe ndonjëherë me reagime të vonuara. Nëse përjetoni simptoma kronike të ngjashme me alergjitë ndërsa jeni në shtëpi, bisedoni me mjekun tuaj.

Mund të keni probleme me frymëmarrjen

Sipas Qendrave për Kontrollin dhe Parandalimin e Sëmundjeve (CDC), ekspozimi i mykut mund të shkaktojë gjithashtu simptoma të astmës, si fishkëllimë dhe vështirësi në frymëmarrje. Kjo mund të jetë një simptomë e zakonshme e ekspozimit të mykut edhe për ata që nuk kanë alergji sezonale.

CDC gjithashtu thekson kërkimet e mëparshme që kanë zbuluar se ekspozimi ndaj mykut mund ta përkeqësojë astmën para-ekzistuese.

Mund të ndiheni të lodhur

Le ta pranojmë, lodhja është një simptomë e zakonshme për shumë prej nesh. Por Rubino thekson se ndjenja e lodhjes është gjithashtu një pasojë e zakonshme e ekspozimit të mykut në shtëpi.

Një studim i vitit 2013 i botuar në revistën Toxins zbuloi se ekspozimi ndaj llojeve të ndryshme të mykut – veçanërisht mykotoksinës, një lloj myku që mund të rritet në ushqim, si dhe në kushte të ngrohta dhe të lagështa në shtëpi – mund të shkaktojë ndjenja të lodhjes kronike.

Ju mund të harroni

Së bashku me lodhjen, ekspozimi ndaj mykut mund të shkaktojë edhe një ndjenjë “mjegullimi” në tru, duke rezultuar në ndjenja plogështie dhe madje edhe harrese.

Rubino thekson se kjo është zakonisht rezultat i inflamacionit që trupi përjeton kur ekspozohet ndaj mykut.

“Ju filloni të përjetoni probleme me zorrët për shkak të inflamacionit që mund të shkaktojnë myku dhe toksinat. Inflamacioni i zorrëve mund të çojë në inflamacion të trurit, i cili mund të shkaktojë një sërë simptomash neuropsikiatrike”.

Ekspertët theksojnë se myku është një iritues për trupin që mund të shkaktojë një reaksion inflamator. Një studim neuropsikologjik i vitit 2009 tregon se kur truri është i përflakur në mënyrë kronike nga ekspozimi i mykut, mund të çojë edhe në dëmtim afatgjatë të aftësive njohëse.

Lifestyle

Fundjava erdhi, ja si ta kaloni pa stres dhe në mënyrë fantastike

Published

on

Shumë njerëz jetojnë për fundjavën, se është koha kur mund të shijojnë ditën e pushimit. Edhe pse është e trishtë kur mendon se të gjithë janë të mbingarkuar me punë, nuk besoj se kjo gjë do të ndryshojë ndonjëherë.

Prandaj duhet të bëni maksimumin për të shijuar këto dy ditë pushim.

Sapo kalon e premtja, keni vetëm 48 orë deri sa mëngjesi i të hënës të vijë sërish. Ndoshta kjo është një mënyrë dramatike për ta parë situatën, por të gjithë e ndiejnë presionin e fundjavës. Është koha për të takuar miqtë, familjen, të dilni në takim, të gatuani e të kujdeseni për veten nëpërmjet disa ushtrimeve fizike. Ose dhe të rrini dhe të mos bëni asgjë, kjo është një mënyrë shumë e mirë për t’u relaksuar.

Këto janë disa këshilla se çfarë mund të bëni gjatë fundjavës:

Mos kontrolloni email-in tuaj, shmangiuni punës – Sapo keni një moment qetësie, merrni telefonin e filloni kontrolloni email-et tuaja. Është zakon i fiksuar gjatë javës, por në fundjavë duhet eliminuar. Lëreni mënjanë punën e fokusohuni në momentin e qetësisë.

Shmangiuni listës së gjërave që duhet të bëni – Një nga gjërat më të mërzitshme të të qenit i rritur është organizmi i ditës. Qoftë një ditë në shkollë apo në orar të plotë pune, e keni parasysh çfarë do ndodhë në çdo ditë të javës. Në fundjavë mund ta hidhni këtë listë. Nuk ka më punë, detyra për të bërë apo takime. Jini vetja juaj dhe rrini në pizhama për sa kohë doni.

Festoni të premten – Qëllimi kryesor i fundjavës është të bëni qejf, por edhe të shplodheni. Për t’i realizuar, dilni e festoni të premten në mbrëmje dhe gjatë fundjavës do të keni mundësi të merrni veten. Kështu, për të hënën do të jeni tërësisht të freskët.

Dilni nga shtëpia dhe shikoni çfarë ndodh – Nuk ka rëndësi nëse nuk keni asnjë plan apo takim të organizuar, mund të dilni të bëni diçka për të cilën nuk keni planifikuar asgjë. Kur jeni me pushime, cilat janë ditët më të mira? Janë ato që s’keni asnjë plan. Mjafton ta kaloni ditën duke lëvizur në qytet, duke parë se çfarë do t’ju ofrojë.

Kaloni një kohë të gjatë me miqtë tuaj – A ka ndonjë gjë më të adhurueshme se sa një grup shoqeror që ju ndihmon të relaksoheni por edhe të kaloni momente fantastike plot të qeshura dhe harmoni? Nuk ka, prandaj sapo të mbaroni ato që kishit për të bërë në shtëpi, dilni dhe takoni shoqet/shokët tuaj. Mjafton të dilni edhe për një kafe, pa pasur shumë harxhime. Do e shikoni që ja vlen.

Mos përhapni panik kur vjen mbrëmja e së dielës – Asnjë nuk e pëlqen të dielën sepse është e vështirë të mendosh se një javë tjetër e vështirë e me punë të pret. Por, pse ta harxhoni jetën duke menduar për të ardhmen? Mos e mendoni dhe shijoni kohën e lirë që keni. E shtuna dhe e diela janë ditët kur mund të jeni vetvetja, të pushoni dhe të bëni diçka të bukur. /UBT News/

Continue Reading

Lifestyle

Gjërat që duhet të bëni në mëngjes, për të qenë të lumtur

Published

on

Mëngjesi nuk është ajo periudha më e bukur e ditës për shumë njerëz. Të themi që mezi zgjoheni pasi alarmi ka rënë disa herë, duhet të bëni fëmijët gati për shkollë, të përgatisni mëngjesin, të bëheni vetë gati për në punë etj.

Çfarë të bëni për të shtuar dozat e lumturisë që herët në mëngjes, në mënyrë që e gjithë dita t’ju ecë mbarë?

Zgjidh një zakon që mund ta kthesh në ritual të përditshëm – Mund të duket si diçka e zakonshme kur e lexoni për herë të parë, por shpesh disa momente të vogla herët kthehen në çaste lumturie që zgjasin gjithë ditës. Disa minuta meditim, shijimi i kafesë teksa kaloni minuta duke u fokusuar te natyra jashtë dritares, zogjtë, bari që ka mbirë në oborr, lulet e freskëta etj.

Hiqni telefonin nga dhoma – Mos kapni telefon, kompjuter, iPad, mos ndizni televizorin në mëngjes, të gjitha pajisjet janë një shtysë më shumë që ndikon në humorin tuaj dhe ka studime që provojnë se ato vërtet pengojnë lumturinë e njerëzve.

Flisni me veten – Njerëzit priren të flasin me veten shumë, sidomos në mëngjes kur ndihen të përgjumur apo të stresuar për vazhdimin e ditës. Të bërit kritika vetes a biseda për një projekt, takim të rëndësishëm apo plane janë teknikë e thjeshtë që ndihmojnë në lumturinë tuaj.

Flisni me një person të afërt për ju – Një bisedë me dikë që është miku juaj, i afërm, koleg a një person për të cilin keni mendim pozitiv, mund të jetë “kontakti social” që ka ndikim në jetën tuaj, qoftë edhe për vazhdimin e ditës. Një telefonatë, një mesazh apo pirja e një kafeje në mëngjes me këta persona mund të jetë “vulë” sigurie për lumturinë dhe vazhdimin e ditës.

Jini mirënjohës/e – Një larmi zakonesh ndikojnë në lumturi, por mirënjohja është një nga themelet kryesore të kësaj gjendjeje. Shkruani në ditar për gjërat që keni qenë mirënjohës gjatë ditëve të fundit. Leximi i tyre në mëngjes ndikon në shtimin e ndjenjave të lumturisë.

Continue Reading

Lifestyle

Po bëni gabim, ja sa shpesh duhen pastruar furçat e grimit

Published

on

Kur ka qenë hera e fundit që keni pastruar furçat e grimit?

Sipas një sondazhi nga Cosmetify, 37% i pastrojnë furçat vetëm një herë në gjashtë muaj, ndërsa 26% pranuan se nuk i pastronin kurrë.

Pavarësisht se e dimë se furçat mund të shkaktojnë puçrra, pak mund të thonë se i pastrojmë aq shpesh sa duhet.

Është e kuptueshme, pasi është një proces i mërzitshëm që shpesh e neglizhojmë, duhen shumë orë që furçat të thahen dhe ndaj procesi merr shumë kohë dhe bëhet i mërzitshëm.

Megjithëse pastrimi nuk është procesi më emocionues, ai është absolutisht i nevojshëm. Sebumi i lëkurës, i kombinuar me grimin dhe qelizat e vdekura të lëkurës, krijon terren të shkëlqyer mbarështimi për bakteret e siç e imagjinoni, kjo nuk është e mirë për lëkurën.

Furçat e papastra shkaktojnë skuqje, pore të bllokuara dhe acarim të lëkurës.

E njëjta vlen edhe për sfungjerët, të cilët përmbajnë edhe më shumë mikrobe se furçat.

Sa shpesh duhet të pastrojmë furçat?

Në varësi të llojit që përdorni, frekuenca e pastrimit ndryshon. Furçat për teksturat e lëngëshme, si fondatina, duhet të pastrohen të paktën dy-tre herë në javë, furçat me pluhur pastrohen vetëm një herë në javë.

Është gjithashtu e rëndësishme t’i ruani ato në një vend të freskët dhe të thatë, larg zonave me lagështirë si tualeti.

Metoda më e mirë për pastrimin e furçave të grimit

Filloni me larjen e duarve, duke përdorur sapun antibakterial e ujë të vakët. Lagni qimet e furçës, zhytni në tas me sapun, fërkojeni mirë me gishta për të hequr sa më shumë produkt. Në treg ka edhe pajisje që përshpejtojnë larjen e furçave. Një sipërfaqe plastike me “dhëmbë të vegjël” mund të reduktojë ndjeshëm kohën e pastrimit dhe mund të jetë efektive.

Continue Reading

Lifestyle

Shampo pa sulfate: Pse dhe kur duhet t’i zgjidhni ato?

Published

on

Procesi i zgjedhjes së një balsami të ri është një blerje e lehtë që e bëjmë një herë në muaj. Kur flokët yndyrosen shpejt a janë më të thatë se zakonisht, fillojmë të mendojmë me kujdes për zgjedhjet e produkteve tona.

Me kaq shumë premtime për gjithçka, nga nxitja e rritjes së flokëve tek ruajtja e ngjyrës, gjetja e shampos së duhur duket sfidë më vete, pasi nuk është e lehtë të kuptosh cilët përbërës të duhen dhe cilët duhet t’i shmangësh.

Një përbërës që zakonisht duhet shmangur pavarësisht nga lloji i flokëve janë sulfatet.

Ato janë përbërës pastrues që gjenden në shampo dhe që jo domosdoshmërisht të këqija, shkaktojnë probleme. Sulfatet; si lauril, sulfati i natriumit, janë pastrues të fortë që heqin hidratimin nga flokët, duke i lënë të thatë dhe “pajetë”.

Edhe pse sulfatet ofrojnë pastrim të thellë, mund të bëjnë më shumë dëm sesa mirë. Përdorimi i tyre shkakton njollë në flokët e lyer dhe lë skalpin e kokës të dehidratuar. Sulfatet pengojnë rritjen e shëndetshme të flokëve, pasi thatësia e tepërt ndikon negativisht në lëkurën tonë.

Megjithëse gjetja e një shampoje që nuk do t’i zhvesh flokët nga vajrat natyralë është e rëndësishme, është po aq efektive që produkti të sigurojë pastrim adekuat e të eliminojë papastërtitë dhe djersën nga skalpi.

Gjetja e ekuilibrit të duhur për këtë çështje mund të jetë e vështirë për konsumatorin mesatar. Gjëja më e rëndësishme, është kujdesi për skalpin e kokës, i cili është baza për rritjen e shëndetshme. Është thelbësore që skalpi të mbahet i pastër dhe i hidratuar në mënyrë që flokët të mbeten të shëndetshëm. Kur skalpi ynë është në gjendje të mirë, ai gjithashtu ndihmon në parandalimin e rënies së flokëve.

Continue Reading

Të kërkuara