Lajmet

​ShBA, fatura më të larta për energjinë në mes të krizës globale

Pjesa qendrore e ShBA pritet të goditet më rëndë.

Published

4 years ago

on

Banorët e Wisconsinit mund të paguajnë qindra dollarë më shumë për të ngrohur shtëpitë e tyre këtë dimër për shkak të një krize globale të energjisë që ka rritur çmimet e gazit natyror në nivelin më të lartë të një dekade, sipas Chris Hubbuch për madison.com.

Administrata Federale e Informacionit të Energjisë parashikoi dje fatura shumë më të larta të ngrohjes për të gjitha familjet amerikane, pavarësisht nga moti.

Pjesa qendrore e ShBA pritet të goditet më rëndë, me familje që mund të shpenzojnë deri në 69% më shumë.

”We Energies”, kompania më e madhe shtetërore, thotë se familjet me të ardhura mesatare mund të paguajë 25 dollarë shtesë në muaj për gazin këtë dimër.

Kompania tjetër ”Wisconsin Public Service Corporation”, e cila shërbehet nga një gazsjellës tjetër, paralajmëroi një rritje mujore prej 40 dollarësh për klientët në rajonin më të ftohtë verilindor.

”Xcel Energy” thotë se klientët e saj në Uiskonsinin Veriperëndimor mund të paguajnë 45 deri në 65 dollarë më shumë në muaj midis nëntorit dhe marsit, që përfshin kostot shtesë që rezultojnë nga stuhia dimërore ”Uri”.

”Madison Gas and Electric” thotë se klientët e saj ka të ngjarë të kenë kosto shtesë prej 25 deri në 30 dollarë në muaj.

”Alliant Energy” nuk i ka llogaritur ndikimet e faturës, megjithëse të dy kompanitë rekomandojnë masa për të kursyer kosto të tilla si ulja e termostatit, ndryshimi i filtrave të furrës dhe mbyllja e hapjeve të dritareve dhe dyerve.

Tom Content, drejtor ekzekutiv i Bordit të Ndihmave të Qytetarëve, thotë se rritja e çmimeve vjen mbi rritjen e faturave të lidhura me stuhinë dimërore ”Uri”, që ngriu puset dhe tubacionet përgjatë Teksasit dhe Oklahomës shkurtin e kaluar dhe bëri që çmimet të rriteshin gati 10 000%.

Tani për tani, kostot e shtuara do të ndikojnë në faturat e gazit, por konsumatorët gjithashtu mund të kenë një ndikim në faturat e tyre të energjisë elektrike duke filluar nga fillimi i vitit të ardhshëm pasi rregullatorët rregullojnë normat për të llogaritur kostot më të larta të karburantit.

Për më tepër, Administrata Kombëtare Oqeanike dhe Atmosferike parashikon që ky dimër do të jetë më i ftohtë se mesatarja, gjë që mund të rrisë kostot edhe më shumë.

Arsyeja e rritjes së çmimeve është një rritje e kërkesës në mbarë botën. Çmimet janë dyfishuar që nga fillimi i vitit./Atsh

Related Topics:
Continue Reading

Lajmet

Zhegrova ftohet për ndeshjen ndaj Dortmundit

Published

21 minutes ago

on

September 16, 2025

By

Edon Zhegrova është ftuar nga trajneri i Juventusit, Igor Tudor, për ndeshjen ndaj Borussia Dortmundit.

Juve sonte nga ora 21:00 e pret Dortmundin në kuadër të xhiros së parë të fazës së ligës së Ligës së Kampionëve.

Edhe pse trajneri Tudor ditë më parë deklaroi se Zhegrova nuk do të luaj ndaj Dortmundit ai ka vendosur që ta ftojë reprezentuesin e Kosovës. Zhegrova mund të debutoj për “Zonjën e Vjetër”.

26-vjeçari nuk luajti xhiron e kaluar në Serie A në derbin që e fitoi Juventusi 4:3 ndaj Interit.

Zhegrova u transferua te Juve nga Lille për afro 16 milionë euro në ditën e fundit të afatit kalimtar veror, por nuk ka luajtur prej 14 dhjetorit të vitit të kaluar./S.K/EO/

Continue Reading

Aktualitet

UBT hap thirrjen për dorëzimin e abstrakteve për Konferencën Ndërkombëtare për Modë dhe për Dizajn të Integruar

Published

41 minutes ago

on

September 16, 2025

By

UBT ka nisur pranimin e abstrakteve për dy prej konferencave më atraktive dhe bashkëkohore që zhvillohen në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion:

Të dyja konferencat janë peer-reviewed dhe ofrojnë një platformë shkencore e profesionale ku akademikë, studiues, studentë të programeve master e doktorale, si dhe ekspertë të industrisë, ndajnë njohuri dhe ide mbi zhvillimet më të fundit.

Datat kryesore:

Dorëzimi i abstrakteve: deri më 10 tetor 2025

Njoftimi për pranim: më 17 tetor 2025

Rishikimi shkencor (peer-reviewed): më 17 tetor 2025

Afati i hershëm i regjistrimit: deri më 17 tetor 2025

Afati i vonuar i regjistrimit: deri më 20 tetor 2025

Dorëzimi i punimit të plotë: deri më 14 nëntor 2025

Tema qendrore e këtij viti është “Resilience and Sustainability”, duke trajtuar mënyrat se si moda dhe dizajni ndërveprojnë me teknologjinë, kulturën, politikën dhe sfidat globale.

Fushat kryesore të IC-FAS (Fashion):

  • Fashion Activism dhe ndikimi i tij në politikë
  • Moda dhe Teknologjia
  • Dizajni i Modës dhe Edukimi
  • Vetëdija sociale në industrinë e modës
  • Nga ambicia në veprim (Ambition to Action)

Fushat kryesore të IC-ID (Integrated Design):

  • Ndërthurja e dizajnit grafik, teknologjisë dhe kulturës
  • Roli i teknologjisë në dizajn
  • AI, AR/VR dhe ndikimi i tyre në praktikat e dizajnit
  • Të ardhmen e branding dhe identitetit vizual
  • Moda në epokën e AI, identitetet virtuale dhe kriza klimatike
  • Dizajn i interierit të integruar me AI
  • Metaverse dhe hapësira virtuale
  • Materiale të zgjuara dhe hapësira reaguese
  • Dizajn qarkullues dhe i qëndrueshëm

Dorëzimi i punimeve: Punimet duhet të jenë origjinale, të papublikuara dhe jo në shqyrtim diku tjetër. Gjatësia maksimale është 6 faqe dhe punimet që nuk i përmbushin kriteret e formatimit nuk do të merren në konsideratë.

Continue Reading

Lajmet

Zyrtare: Loja Shqipëri-Serbi luhet në Leskovc

Published

1 hour ago

on

September 16, 2025

By

Zyrtarisht, më datë 11 tetor, ndeshja Serbia-Shqipëria, nuk do të luhet në Beograd në stadiumin “Rajko Mitiq”, sepse shtëpia e futbollit evropian UEFA, ka vendosur që kjo lojë të luhet në Leskovc në stadiumin “Duboçica”.

Fillimisht, kjo sfidë ishte planifikuar të zhvillohej në “Rajko Mitiq” në kryeqytetin serb, por për arsye organizative dhe të sigurisë, autoritetet kanë vendosur ndryshimin e stadiumit.

Kjo konsiderohet një nga ndeshjet më të rëndësishme jo vetëm për kualifikueset e Botërorit, por gjithashtu edhe për historinë.

Në vitin 2014, Shqipëria luante një ndeshje të madhe në Serbi, teksa ëndrra për një vend në Europianin e Francës sapo kishte nisur.

Kuqezinjtë përballeshin jo vetëm me skuadrën serbe, por me terrorin serb, me tifozerinë e cila në çdo moment bënte thirrje për vdekjen e shqiptarëve, apo edhe me vendimet për të mos lejuar jo vetëm tifozët shqiptarë, por as flamurin kuqezi në stadium. /S.K/EO/

Continue Reading

Aktualitet

UBT në hap me zhvillimin e qëndrueshëm në sektorin e ushqimit dhe agrikulturës

Published

2 hours ago

on

September 16, 2025

By

Prof. Dr. Emine Daci Zejnullahi, profesoreshë në Fakultetin e Shkencave të Ushqimit me Bioteknologji dhe në Fakultetin e Inxhinierisë së Agrikulturës dhe Mjedisit, në UBT, ka nënshkruar kontratën për zbatimin e projektit shkencor: “Përdorimi i mbetjeve agro-industriale të patates për zhvillimin e produkteve bioteknologjike të qëndrueshme në VIPA CHIPS – Zgjidhje për ekonomi qarkore dhe qëndrueshmëri industriale”, i financuar nga MAShTI në kuadër të projekteve shkencore 2025.

Ky projekt synon të mbështesë sektorin privat në menaxhimin e mbetjeve të industrisë ushqimore, duke i kthyer ato në produkte finale me vlerë, si dhe duke reduktuar ndikimin negativ në mjedis dhe duke sjellë përfitime ekonomike e sociale.

Zbatimi i projektit do të bëhet me përfshirjen e profesorëve të tjerë të departamentit dhe studentëve të nivelit Master, duke kontribuar në ngritjen e kapaciteteve kërkimore dhe në zhvillimin e qëndrueshëm të sektorit.

Continue Reading

Të kërkuara