Lajmet

​Osmani kërkon garanci për sigurinë e Kosovës: Të mbrohet kufiri me Serbinë

Osmani nënvizoi nevojën për të rritur garancitë e sigurisë për Kosovën, sidomos për mbrojtjen e kufirit me Serbinë.

Published

on

Presidentja e Kosovës, Vjosa Osmani, ka kërkuar nga ShBA-ja të mbajë përgjegjëse Serbinë për aktin e agresionit ndaj Kosovës.

Pas takimit me senatorët amerikanë të premten, Osmani nënvizoi nevojën për të rritur garancitë e sigurisë për Kosovën, sidomos për mbrojtjen e kufirit me Serbinë.

Osmani po ashtu kërkoi nga Serbia që t’i dorëzojë institucioneve kosovare të gjithë terroristët që morën pjesë në sulmin e 24 shtatorit në Banjskë të Zveçanit, ku mbeti i vrarë rreshteri policor, Afrim Bunjaku.

Ndërkaq potencoi se Kosova do të vazhdojë të jetë e përkushtuar për të punuar ngushtë me aleatët ndërkombëtar, veçmas ShBA-në.

“Gjëja më e rëndësishme në këtë moment në mënyrë që të parandalohen akte të tilla agresioni në të ardhmen, që do të destabilizonin tërë rajonin tonë, është që Serbia të mbahet përgjegjëse për aktin e agresionit. Po ashtu, t’i dorëzojë terroristët në Republikën e Kosovës që të përballen me sistemin tonë të drejtësisë, si dhe të rriten garancitë e sigurisë në raport me Kosovën, që të mbrohen kufiri Kosovë-Serbi nga sulmet e tilla në të ardhmen”, tha ajo.

Në anën tjetër, senatorja amerikane, Jeanne Shaheen, shprehu mbështetjen ndaj Kosovës për sulmin terrorist të 24 shtatorit. Ajo theksoi se të gjithë përgjegjësit duhet të japin llogari para sistemit të drejtësisë, derisa shtoi se Serbia duhet të bashkëpunojë në këtë drejtim.

“Është shumë e rëndësishme, siç e përmendi presidentja Osmani që përgjegjësit për ngjarjen e 24 shtatorit të japin llogari. Shpresoj që Serbia do të bashkëpunojë për këtë çështje dhe të gjithë përgjegjësit të dalin para drejtësisë dhe sundimit të ligjit. Kjo na tregon se për një stabilitet dhe paqe afatgjate në Kosovë, ka mundësi për të vazhduar me mbështetjen e BE-së dhe ShBA-së, që të gjendet një bashkëjetesë afatgjate dhe paqësore me Serbinë. Kjo është shumë e rëndësishme për qytetarët e Kosovës”, tha ajo.

Pas takimit me Osmanin, senatorja Jeanne Shaheen bashkë me senatorin Peter Welch, u takuan me kryeministrin Albin Kurti.

Kjo është vizita e parë e përfaqësuesve të lartë të ShBA-së në Kosovë, pas aktit të agresionit të Serbisë në Kosovë më 24 shtator.

Lajmet

Murati thotë se opozita duhet të përmbushë detyrimin kushtetues për votim në parlament

Published

on

By

Ministri në detyrë i Financave, Hekuran Murati, ka kërkuar nga opozita që të reflektojë dhe të përmbushë detyrimin kushtetues për të votuar në seancat parlamentare.

Ai tha se gjatë më shumë se 20 seancave të fundit, opozita nuk ka ushtruar të drejtën e votës, duke mos shprehur vullnetin e lirë as për apo kundër çështjeve që diskutohen.

“Janë mbi 20 seanca që opozita nuk voton, duke mos ushtruar vullnetin e tyre të lirë as për apo kundër. Presim që opozita të reflektojë dhe të përmbushë obligimin kushtetues që është votimi. Siç e dini, Gjykata Kushtetuese ka vendosur që deputetët janë të detyruar të votojnë në seancën konstituive. Vullneti i tyre i lirë mund të jetë që të votojnë kundër apo të abstenojnë, por vota duhet të jepet. Megjithatë, kemi tashmë mbi 20 seanca që deputetët e opozitës nuk votojnë dhe nuk ushtrojnë këtë detyrim kushtetues”, tha Murati.

Continue Reading

Lajmet

Arrestohet shtetas i huaj për posedim të narkotikëve në Fushë Kosovë

Published

on

By

Policia e Kosovës ka arrestuar një shtetas të huaj në Fushë Kosovë nën dyshimin për posedim të narkotikëve.

Gjatë bastisjes janë gjetur dhe sekuestruar 26.5 gramë substancë e dyshuar marihuanë, katër bimë të mbjellura në vazo, të dyshuara si kanabis sativa, një peshore digjitale për matjen e substancave narkotike, si dhe tre fishekë.

I dyshuari, pas iniciimit të rastit dhe konsultimit me prokurorin kompetent, është dërguar në mbajtje për procedura të mëtejshme hetimore.

Continue Reading

Lajmet

Tentim vrasje në Prishtinë, viktima dërgohet për trajtim mjekësor

Published

on

By

Një tentim vrasje ka ndodhur mbrëmë në Prishtinë, ku një person mashkull ka qenë viktimë e një sulmi me veturë. Sipas raportimeve nga Policia e Kosovës, viktima ishte duke lëvizur në këmbë kur është goditur nga një automjet.

Për shkak të lëndimeve të marra, ai është dërguar në spital për trajtim mjekësor.

Në konsultim me prokurorin kompetent, është hapur një rast hetimor dhe njësitet përkatëse policore po punojnë intensivisht për zbardhjen e plotë të ngjarjes. Policia ka konfirmuar se hetimet janë në fazë të vazhdueshme dhe nuk përjashtohet asnjë pistë deri në identifikimin e autorit dhe motivit të sulmit.

Continue Reading

Lajmet

Obiliq: I dyshuari për dhunë në familje dërgohet në mbajtje

Published

on

By

Një rast dhune në familje është raportuar në Obiliq, ku një burrë kosovar dyshohet se ka sulmuar bashkëshorten e tij. Viktima, grua kosovare, mori trajtim mjekësor në spital dhe gjendja e saj shëndetësore aktualisht është stabile.

Sipas raportit të Policisë së Kosovës, i dyshuari është intervistuar me vendim të prokurorit dhe më pas është dërguar në mbajtje, ndërkohë që ndaj tij do të ndiqen procedurat ligjore përkatëse.

Policia bën apel për ndërgjegjësim dhe denoncim të rasteve të dhunës në familje, duke u bërë thirrje qytetarëve që të mos heshtin dhe të kërkojnë ndihmë në raste të ngjashme.

Continue Reading

Të kërkuara