Lajmet

​OAK: Gjykata Komerciale të përfshijë edhe kontestet në fushën e ITC-së

Published

5 years ago

on

Oda e Afarizmit të Kosovës (OAK) në kuadër të takimeve me përfaqësues nga organizatat ndërkombëtare priti në takim Atdhe Lila, i angazhuar nga USAID & Akademia e Drejtësisë në Kosovë si trajner në fushën e ICT Law.

Sipas një komunikate të OAK, qëllimi i këtij takimi ishte marrja e inputeve direkt nga bizneset dhe përfaqësues të bizneseve për vështirësitë të cilat po i hasin gjatë realizimit të të drejtave të tyre pranë organeve gjyqësore e fushën e drejtësisë së ICT-së.

“Në kuadër të këtij takimi po ashtu u diskutua lidhur me përpilimin e një Moduli të Trajnimeve për Gjyqtar, Prokuror, staf mbështetës dhe zyrtar shtetëror, me qëllim të ngritjes profesionale në fushën e ICT-së. Përfaqësues nga OAK theksuan se ky sektor i ekonomisë është shumë potencial për zhvillimin ekonomik të vendit, ashtu që eksporti i shërbimeve të ICT kalon vlerën prej miliona eurove, duke qenë një prej sektorëve më me potencial për zhvillim dhe rritje në të ardhmen. Andaj, rritja dhe fuqizimi i vazhdueshëm i këtij sektori, do të bëjë që të paraqiten edhe konteste gjyqësore në fushën e ITC, mirëpo fatkeqësisht gjyqësori nuk është i gatshëm për të trajtuar dhe shqyrtuar lëndë të kësaj fushe, duke pasur parasysh faktin se në Kosovë është shumë i vogël numri i juristëve të profilizuar në fushën e ICT-së, e kjo ka bërë që shumë lëndë gjyqësore të kësaj natyre të mos marrin trajtimin e duhur gjyqësor”, thuhet në komunikatë.

Përfaqësuesi i këtij projekti, Lila theksoi se programi i USAID për Drejtësi Komerciale në bashkëpunim me Akademinë e Drejtësisë në Kosovë janë duke organizuar një modul të trajnimeve në fushën e ICT për gjyqtar, prokuror, stafin tjetër mbështetës dhe zyrtar shtetëror.

Përfaqësues nga biznesi Evrotarget theksuan se këto trajnime duhet të organizohet edhe për zyrtar të cilët ushtrojnë funksione publike, me qëllim që të njëjtit të njoftohen për së afërmi me rëndësinë e dixhitalizimit të punëve administrative, pasi që edhe sot e kësaj dite të njëjtit çdo dokumentacion kërkojnë të ju prezantohet vetëm në kopje fizike, duke e mohuar prezentimin e të njëjtave në mënyrë elektorike.

Në fund të takimit, OAK ka paraqitur rekomandimet konkrete, ashtu që ka propozuar që në kuadër të Ligjit për Gjykatën Komerciale, te fushëveprimtaria e kësaj gjykate të përfshihen edhe kontestet në fushën e ITC-së; lëndët gjyqësore të kësaj natyre të ndahen te gjyqtarë të trajnuar dhe profilizuar në fushën e ICT-së; si dhe target grupi i këtij projekti të zgjerohet, ashtu që të përfshihen edhe trajnime për ndërmjetësuesit, me qëllim që kontestet e kësaj natyre të zgjidhen në procedurat e ndërmjetësimit, si mënyrë alternative e zgjidhjes së kontesteve.

Këto rekomandime u mirëpriten nga Lila, duke theksuar rëndësinë e bashkëpunimit në fushën e drejtësisë komerciale, mes OAK-së dhe USAID-it.

Related Topics:
Continue Reading

Lajmet

Kuriozitetet e ditës

Published

8 minutes ago

on

September 14, 2026

By

Lexoni pesë kuriozitete. Mund të mos i keni ditur:

 

  1. Në vitin 1962, një burrë bleu një pikturë për 4 dollarë në treg dhe më vonë u zbulua se ishte një kopje origjinale e Deklaratës së Pavarësisë së SHBA-së me vlerë miliona.
  2. Ka një hotel në Suedi që ndërtohet çdo vit krejtësisht nga akulli dhe shkrihet përsëri në pranverë.
  3. Shkencëtarët kanë zbuluar se lopët kanë “shoqe të ngushta” dhe stresohen kur ndahen prej tyre.
  4. Në Korenë e Jugut ekziston një ditë e quajtur “Black Day”, ku beqarët mblidhen dhe hanë petë me salcë të zezë.
  5. Një burrë në Japoni u bë i famshëm duke mos bërë asgjë — njerëzit e paguajnë vetëm që t’i shoqërojë në heshtje.

Continue Reading

Lajmet

“Die Fledermaus” rikthehet në skenën e TKOBAP-së më 25, 26 dhe 27 shtator

Published

33 minutes ago

on

September 14, 2026

By

Teatri Kombëtar i Operas, Baletit dhe Ansamblit Popullor do të sjellë në skenë operetën e njohur “Die Fledermaus” të kompozitorit Johann Strauss II, më 25, 26 dhe 27 shtator.

E cilësuar si një nga veprat më të dashura të repertorit të operetës, “Die Fledermaus” sjell një histori plot keqkuptime, identitete të rreme, flirt, sekrete dhe situata komike.

Ngjarjet zhvillohen rreth një feste me maska, ku një hakmarrje shndërrohet në një seri episodesh të papritura, të shoqëruara nga ritmet karakteristike të valsit vjenez.

Me humor, elegancë dhe atmosferë festive, shfaqja premton muzikë dhe argëtim, ndërsa maskat bien njëra pas tjetrës dhe sekretet dalin në dritë.

Biletat mund të blihen pranë biletarisë së TKOBAP-së, nga e hëna deri të dielën, në oraret 10:00–14:00 dhe 16:00–20:00. Në ditët e shfaqjeve, biletaria do të jetë e hapur nga ora 10:00 deri në 14:00 dhe nga 16:00 deri në 19:30.

“Die Fledermaus” fton publikun të përjetojë një festë ku asgjë nuk është ashtu siç duket dhe ku, deri në fund, askujt nuk mund t’i besohet plotësisht./A.K/

Continue Reading

Lajmet

Justin Bieber feston tetëvjetorin e martesës me Hailey-n: “Tetë vjet deri në pafundësi”

Published

35 minutes ago

on

September 14, 2026

By

Justin Bieber ka shënuar tetëvjetorin e martesës me bashkëshorten e tij, Hailey Bieber, duke ndarë një seri fotografish romantike në Instagram.

Këngëtari 32-vjeçar publikoi momente të ndryshme me Hailey-n, duke përfshirë pamje teksa luajnë bilardo, përqafohen dhe puthen.

“Tetë vjet deri në pafundësi. Fillime të reja. Të dua, zemër. Gëzuar përvjetorin”, shkroi Bieber në përshkrimin e postimit, të cilin e ndau me ndjekësit e tij në Instagram.

Edhe Hailey reagoi me humor ndaj postimit të bashkëshortit. “Tetë vjet që luajta në bilardo, për fat të keq”, shkroi ajo në koment, duke shoqëruar fjalët me emoji puthjesh. Më pas, ajo e shpërndau postimin e Justin-it edhe në story.

Çifti u martua në shtator të vitit 2018, vetëm disa muaj pasi u fejuan. Justin i kishte propozuar Hailey-t gjatë një udhëtimi në Bahamas.

Dyshja njiheshin prej vitesh përpara se lidhja e tyre të bëhej romantike. Mediat nisën t’i lidhin për herë të parë në vitin 2014, ndërsa marrëdhënia e tyre kaloi në disa faza para se të riktheheshin bashkë në vitin 2018.

Në maj të vitit 2024, Justin dhe Hailey njoftuan se ishin në pritje të fëmijës së tyre të parë. Lajmin e bënë publik përmes fotografive dhe një videoje nga rinovimi i premtimeve të tyre në Hawaii, ku Hailey shfaqej shtatzënë./A.K/

Continue Reading

Lajmet

Pesë raste të armëmbajtjes pa leje në Kosovë, konfiskohen pistoleta dhe municion

Published

37 minutes ago

on

September 14, 2026

By

Pesë raste të armëmbajtjes pa leje janë raportuar gjatë 13 shtatorit në Obiliq, Prishtinë, Prizren dhe Suharekë, ndërsa Policia ka konfiskuar armë, municion dhe mjete të tjera.

Në rrugën “Hasan Prishtina” në Obiliq, një person është arrestuar pasi gjatë kontrollit iu gjetën një pistoletë dhe 10 fishekë. Me vendim të prokurorit, i dyshuari është dërguar në mbajtje.

Në Rrethin e Fontanës në Prishtinë, një person tjetër është arrestuar pasi gjatë kontrollit iu gjetën një pistoletë dhe 14 fishekë. Pas intervistimit, ai është liruar me vendim të prokurorit dhe rasti është proceduar në procedurë të rregullt.

Në fshatin Lubizhdë të Prizrenit, gjatë bastisjes së shtëpisë së një të dyshuari janë gjetur dhe konfiskuar tre fishekë, dy shufra metali të dëmtuara, tri thika dhe tre mulli për bluarjen e narkotikëve. I dyshuari është liruar në procedurë të rregullt.

Po në Lubizhdë, në një rast tjetër, gjatë bastisjes së një shtëpie policia ka gjetur një pistoletë dhe 24 fishekë. I dyshuari është dërguar në mbajtje me vendim të prokurorit.

Ndërkaq, në fshatin Shirokë të Suharekës, dy persona janë përleshur fizikisht dhe kanë pësuar lëndime. Njërit prej tyre i është konfiskuar një thikë, ndërsa të dy janë liruar pas intervistimit.

Në fshatin Rracaj të Gjakovës, një person është arrestuar pasi dyshohet se, pas një mosmarrëveshjeje, ka përdorur sprej ndaj një personi tjetër. Spreji është konfiskuar, ndërsa i dyshuari është liruar në procedurë të rregullt./A.K/

Continue Reading

Të kërkuara